ناجى القدسي ... محمد أحمد سوركتى ... أيوب فارس (بحث عن فترة فنية غائبة)
الأعزاء
أبحث عن الأشخاص موضوع البوست بعد جلسة فى النت مع العزيز بندر شاه . إجتررنا الزكريات من ال GB فى الخرطوم مرورآ بأمدرمان الى حدائق أركويت فى بحرى . توقفنا كثيرآ مع ناجى القدسى وصديقه الشاعر سوركتى . وجودنا فى بحرى أهاج علىّ ذكرى أيوب فارس . للحديث شجون ولكى لا أتشعب فى تداخل الزكريات إنتقيت ثلاثتهم للبحث فى سيرتهم والتقصى فى أخبارهم . ما وصلنى حتى ليس بالكثير ناجى القدسى ناجى القدسى موجود فى صنعاء بلاد أجداده . هائم على وجهه بغربة صوفية بلحية كثة وسبحة على عنقه وعمامة سودانية . تلقطآ لسيرته لم نجد ما (يبل الريق) كان من سكان حلة حمد ببحري من أشهر ألحانه " الساقية" لحمد الريح [rams]http://www.sudaneseonline.com/video/sagya3.mp3[/rams] وغنى له أبو عركى عن حبيبتي انا بحكي ليكم [rams]http://www.sudaneseonline.com/video/3anHabibty.wma[/rams] و جسمي أنتحل [rams]http://www.sudaneseonline.com/video/JismyAnt7l.mp3[/rams] تغنى له مصطفى سيد أحمد (مهما هم تأخروا فأنهم يأتون) [media]http://www.sudaneseonline.com/video/ajrass.avi[/media] المعلومة وجدتها فى كتابات سوركتى الحديثة: اقتباس:
اقتباس:
محمد أحمد سوركتى ماعرفته بأنه كان غائبآ طويلآ أيضآ باليمن السعيد . أصدر ديوان "مسموع" 1983 كعصارة تجربته الشعرية بإسم (هدد سبأ) تم طباعته بواسطة فعاليات "الخرطوم عاصمة للثقافة 2006" . أعتقد كان من سكان حلة حمد أيضآ تغنى بأشعاره كما ذكر هو بدون تحديد لأسماء الأغانى اقتباس:
http://sudaniyat.net/upload/uploading/surkaty.jpg أيوب فارس صاحب السيرة التى تزال ضعيفة جدآ صاحب الحنجرة الذهبية الذى مات فى قمة عطائه من سكان الدناقلة شمال في المنطقة الواقعة بين مدرسة الأميرية 2 وخور نصرالدين السيد ( الخور الكبير) وهو مرتبط بذهنى بالصبابى وكنت أظنه من أهلها . وهو بالطبع شقيق اللاعب الفنان المرحوم سليمان فارس (السد العالى) ما وردنى حتى الآن اقتباس:
اقتباس:
اقتباس:
ومن مقال لجمال فرفور اقتباس:
هذا ما عندى وأنتظر منكم الكثير ودى رأفت ميلاد |
[size=5][align=center]الجميل الجميل
رافت انشاء الله البوست دا (( يجم )) هنا[/align][/size[align=center]]:D[/align] |
حبيبنا طارق
رفيق الليل وكاشف المستور اقتباس:
|
ايها الرائع
ايها المبدع ايها الجميل ايها الاخ العزيز ايها الرفيق حقيقه لا ادري بماذا اسميك لانني لا استطيع ان اوصفك في هذه اللحظه 0 شكرا علي هذه السعاده التي ادخلتها فينا 0 واصل 00 ولا شك انك تحمل الكثير عنهم مودتي000 |
اقتباس:
والله أفرحتنى مداخلتك وأنت تتدفق بهذا الجمال إحساسك بهؤلاء هو إحساس فنان بحثت عنهم فى النت بلا أثر . أجده ظلم شديد لمن وضعوا لبنة الإبداع وكسروا الرتابة فى زمن كان يرفض التغيير ويحاربه . تحدوه بأقل الإمكانيات وفتحوا الأبواب على مصراعيها التى دخل منها كل المبدعين حولنا وتربعوا على قمة المجد . ليس من العدل القبول بإنزوائهم ويجب أن يحتلوا مكانهم الطبيعى . النت أصبح المرجعية الحقيقية الآن إذا لم نسجل وجودهم فيه ضاع لهم كل أثر بعد عقد أو عقدين من الزمان بعد إندثار جيلهم كل من له معلومة لا يبخل بها للتاريخ مودتى وحبى |
الأخ العزيز رأفت
تحياتي جميل أن نسمع ممن لم أسمع عنهم من قبل ناجي القدسي..سمعت عنه و عن ألحانه لكن أول مرة أسمع بأيوب فارس و سوركتي قمت ببحثي القوقلي في النت لم أعثر إلا على على معلومتين في النت في شكل بوستين في سودانيز أونلاين أحدهما بإسمك يا رأفت!! كيف بالله إنسان فنان كمثله لا يوجد عنه أي شئ عن تاريخه الفني أو حتى الشخصي؟ هل يمكن أن تبدأوا التوثيق بنفسكم؟ تحياتي |
العزيزة حنينة
بركة الطلة المتعة ناجى القدسى موسيقار سودانى والده يمنى . يعتبر من مواطنين بحرى الحقيقين . كثيرآ منهم عادوا لليمن بحث عن الجزور والدافع المتخفى هو أن السودان منذ بدايات نميرى مارس عقوقآ على أبنائه . ولم يغادره فقط الأخوة اليمنين بل كثير من الأرمن والشوام والهنود والإغريق . قابلناهم فى المنافى يبكون من على ترك الديار والغربة فى بلاد أجدادهم . ناجى القدسى عاش سودانيآ وتعلم وتلقى وأعطى بقدر ما أخذ بل أكثر وفاءآ وإنتماء . كان طفرة فى الموسيقى السودانية وكسرآ للمعتاد . ويمكنك تزوق ألحانه المقدمة للحكم عليه . كتب عنه الموصلى الجميل : اقتباس:
أما سوركتى كان معلمآ مرموق ومن أسرة سوركتى المعروفة . توجد معلومات أخرى عن هذه الأسرة وأنا فى إنتظار "بندر شاه" لديه الكثير . كثير من الشعراء يسقط حقهم الشعرى ويطغى التوثيق فقط للفنان . أسعى لمعرفة وتوثيق كل ما تغنى له بالكلمات والألحان . من مقالاته النقدية الحديثة بعنوان "قصاقيص" كان يختمها بقصقوصة شعرية سأدرجها هنا ليتثنى للقراء تزوق حسه ويشهدون أنى على حق وهو يستحق من الزمن اثمنه [frame="7 80"] 2006-12-22 قصقوصة أخيرة: صابرين على الوجد الأليم.. بنصحي في ريداً قديم... عايش همومنا وعارفا كان نبقى في آخر المدى.. روعة ونداوة مهودة... وكايسة الفرح متلهفة ويا ريتنا لو نقدر في يوم.. نعرف نعدي على الهموم... يمكن حظوظنا نصادفا!! محمد أحمد سوركتي 2007-02-23 قصقوصة اخيرة: يظهر عليك.. لا عشقت لا جرّبت حب ولا يوم وقفت على الرصيف… مشدودة عينيك للطريق… لا ضُق غُلُب ولا حتى ليلك.. فيه شمعة بتبرى شمعة.. والف دمعة بتنسكب.. ويظهر كمان.. لا انت عانيت من نغم لا شلت هم ولامرة بيك.. طالت مشاعر حلوة هامات السحب وصبحت قناديل في طريقك.. وجوة ايدك.. تلقى ريدك.. وفجر عيدك يوم تحب.. يظهر عليك.. لا عشقت لا جربت حب!! 2007-05-25 قصقوصة أخيرة: وزي ما انت غيرت.. مشاعر ما بتتغير منو الصحى الشجن جواك.. وخلاك تاني تتذكر في جوف الضلمة تضرب لي.. وانت وحيد بتتحسر وأعرف منك الحاصل.. واحزن ليك كمان اكتر دا لا ينفع نعود تاني.. ولا بشفع ولا بنقدر صحي الجوال صبح مرسال!! 2007-03-25 قصقوصة أخيرة: يا دنيا مالك فينا سايقة.. لا عايزة تقسي ولا كي رايقة.. ما تقولي إيه خلاك كده لمتين أشيل جرحك أنا.. وأفضل مع الخوف والغنا.. وكيفن ظنوني أبددا بالغرفة دائماً انت بادية.. لا راضية تجفي ولا كي هادية.. وآلامي فيك متجددة!! محمد أحمد سوركتي[/frame] محبتى |
شكرا لك ايها الرائع
اما عن الشاعر محمد احمد سوركتي نجد انه قد بدات علاقته بالوسط الفني في عام 1965 عندما كان يكتب انزاك في جريدة السودان الجديد . وكانت بداياته عندما كان يدرس بمعهد التربيه للمعلمين بشندي 0 حيث بدا كذلك في مجال العزف علي العود وقام بتلحين بعض من كلماته 0 وكذلك كان ممثل في مجال المسرح 0 ومن زملائه بالمعهد الفنان محمد ميرغني الذي تربطه به علاقة صداقه 0 والفنان الطيب عبد الله وغيرهم 0 وله اعمال لم تظهر بعد مع الاستاز/ محمد الامين 0 والموسيقار/ محمد وردي وله عمل قادم مع الفنان محمود عبد العزيز وهي التجربه الثانيه التي تجمع بينهم 0 كتير المحبه 000 |
اقتباس:
فى إتظار معلومات من (الجلاكين) كمان ما زال الغائب كثيرآ سأضيف هنا كل ما أجده وأرجو منك المثل بدون تردد محبتى |
أشكر الأخ جمال سعيد
لهذه الإضافة التى كنت لا أحلم بها [frame="2 80"]بحراوى بريدك يا بحرى بحراوى بريدك يا بحرى وفى عيونى خيالك لو تدرى ما إنت وليدت النيل بجرى وجمعتنى معاك أحلام صغرى بحراوى بريدك يا بحرى يا راقية وحلوة ووناسا ياعظمة تفاخر بى ناسا الحلوة زمان إنت أساسا والنغمة الرائع إحساسا سكنت أعماقك من بدرى بحراوى بريدك يا بحرى يا بحرى يا فن يا مزيقا أولادك أعلام وحقيقة أحضانك أوعت وما بخلت على كل شبابك يا أنيقة بحراوى بريدك يا بحرى محروسة وصادق إيمانك بشيوخك وقببك وإنسانك فيك خوجلى حافظ لكيانك وفيك حمد الرافع من شانك وأبو هاشم تاجك وبيانك بركاتم هى الحارساك ودعواتم تمسح أحزانك يا طايعة ودايمآ تنسترى بحراوى بريدك يا بحرى محمد أحمد سوركتى[/frame] [rams]http://www.sudaneseonline.com/video/sorkaty.WMA [/rams] |
رأفت ميلاد .. أنت موسم ميلاد الحكايات والأزمنة الجميلة .. هذا البوست رائع .. وما كنت أبحث عنه طيلة الزمن الماضي هو عنوان أو رقم هاتف لناجي القدسي - يحفظه الله - وبرأيي أن أجهزة الإعلام عندنا تعبانة في ناحية وصل أمثال ناجي ، مثلا عمر الجزلي كان يمكن أن يسافر الى صنعاء لتسجيل حلقات معه فللرجل حضور في الساحة الفنية وفي تاريخ الأغنية الحديثة، وما يحدث من تجاهل للرائع ناجي القدسي يذكرني بما حدث من تجاهل للراحل الفنان أحمد ربشه .. تسرب من بين أيادينا كما يتسرب الماء حتى أن أجهزة الإذاعة والتلفزيون لا تحتفظ له بتسجيل سوى أغنية أو أغنيتين .. يا ليتك تجتهد يا رأفت في إمكانية الحصول على عنوان ناجي القدسي أو رقم هاتفه.
|
اقتباس:
تحياتى ما بلغنى عن حال المبدع ناجى القدسى فعلآ لا يسر كتب الأخ عادل أمين بسودانيز أون لاين : اقتباس:
لدى تسجيل صوتى له يحكى عن مسيرته الفنية هدية مقدمة من الأخ جمال سعيد بمزيكا سودانية . وهو نفس مصدر قصيدة سوركتى الرائعة . أدام الله فضل أبناء السودان البررة مثل جمال سعيد ويحيى قبانى وغيرهم الذين يلهثون فى تجميع التراث والمحافظة لإبداع أمة . وأنا ليس إلا عابر سبيل مندهش بهذا الجمال . تابع معى وأنا بصدد فصل الشريط وتفنيده توثيقيآ هنا محبتى |
تسجيل لناجى القدسى يحكى عن مسيرته الفنية فى فترة ما
التسجيل هدية من الأخ جمال سعيد بموقع مزيكا سودانية التحية له وللأخ يحيى قبانى ولكل الحادبين على جمع التراث والفنون لحفظ إبداع هذه الأمة من الضياع حبآ ووفاء [rams]http://www.sudaneseonline.com/video/nnnnnnnnnn.wma[/rams] سأعود لتفنيد الأعمال وأنزالها لنكات للحفظ حتى يصبح ناجى القدسى فى الوجدان لمن عاصره ولمن لا يعرفه مودتى |
اخوانا رافت وبندرشاه وزوارهما......
البوست ده حالف يشارك العيال فى العيشه.... لكنه مغرى.... وخاصه بعد نزول خيطين غاليات على شديد.... (جسمى انتحل /// وعن حبيبتى ... ) بس الحقنا بى لنك الحفظ قلت يارافت عن الاستاذ / محمد أحمد سوركتى والاستاذ دى بالنسبه لى استاذ عديل لانه درسنى قلت عن الاستاذ محمد أحمد سوركتى أعتقد كان من سكان حلة حمد أيضآ واقول كان سوركتى ناظر لمدرسة العزبه الابتدائيه ببحرى جوار سينماء حلفايا وجوار نادى الاملاك...... كان يسكن حى الختميه..... على بعد مربوعين من حديقة عبود ناحية الشمال ومربوع واحد من الشرق يفصله عن شارع الانقاذ.... جارهم الحيطه بالحيطه خطاط بحرى المعروف عمر عبدالله عمر.... شقيق اشهر قابله صحيه فى بحرى الحاجه/ بهجه....والتى كانت تقطن فى الدار نفسها. رحمهما الله رحمه واسعه.... لكم تمنيت ان اكتب عن الحاجه بهجه التى شيعتها بحرى فى يوم مشهود. هذا هو منزل صديق الطفوله عبودى (عبدالله عمر عبدالله عمر) الذى امتهن حرفة المرحوم والده. كنا نتزامل فى لعب البلى ... عبودى كان نياش يصيب البليه حتى لو كانت جوه الكوشه ( بلى عديل ياجماعه هوى بلى... وجلل ...وعلب لبن معباه بالبلى.... وراس البيت عدل..... ) خوفا من منو من اسرتينا وناظر المدرسه ... جارهم الحيطه بالحيط .... الاستاذ سوركتى. كان سوركتى صديق شخصى للفنان محمد ميرغنى الذى مازال يسكن نفس الحى. كانت تجمعهما مهنة التعليم وعشق فريق الهلال التعبان (العجب كيف يارشاشات) وبالطبع الغناء والشعر. كنا نفضل لعب البلى (ساعود للبلى كان ربنا سهل الخطوه) امام منزلهم (الدلجه سمحه ومافى تكس ياخد حريته). يسمح لنا بذلك فى عطلات المدارس. تجدهما امام المنزل قاعدين فى البنابر (مفردها بنبر)...يتفرجوا من حين الى آخر ويفضو النزاع ان دعى الامر انتقل الاستاذ سوركتى بعدها الى شمال بحرى (الدروشاب) .....له بنت درست فيزياء -علوم جامعة الخرطوم تزوجت من ابن الحى عبد الهادى (سكسك) ويعيشواالان فى امريكا. وله اخرى تخرجت فى طب جامعة جوبا....وابنه الاوحد محمد اعتقد طبيب ايضا |
حبيبنا الرائع أسعد البرير
لما تظهر تكون هناك روعة إضافة جميلة بدون أدنى شك سأضمنها التوثيق النهائى اقتباس:
اقتباس:
اقتباس:
اقتباس:
بس سوركتى حبيبنا طلع هلالابى :( رجعتنا للبلى والقرقور وبلاوى متلتلة ما فضل إلا النبلة وحرينا :D شكرآ ياخى على التواصل وواصل معانا . وشكرآ لحفظ الوفاء للفقيدة المرحومة بهجة التى سمعت عنها كل خير من خالتى المرحومة (ست رفقة) التى تقلدت عميدة مدرسة الزائرات الصحيات (الدايات) فى أمدرمان بعد وفاة السيدة الفضلى مندامت . المعلومة الجديدة إنها شقيقة عمر عبدالله عمر خطاط بحرى المعروف أيضآ لدى الجميع . أرفق لنكات الحفظ لكل الأغنيات التى وردت من تلحين الشاعر ناجى القدسى الساقية حبيبتي انا بحكي ليكم (شكوى) جسمى إنتحل مهما هم تأخروا فأنهم يأتون قصيدة الفنان سوركتى بحراوى بريدك يا بحرى الموسيقار ناجى القدسى مقتطفات من مسيرته الفنية سأضيف لنكات للحفظ لكل الألحان التى ذكرها فى التسجيل عظيم محبتى |
طبعا يا عمو
لقيت لى معلومتين صغار لكن الاولى غير متوقعة والتانية مفاجاة طبعا فيما يخص ايوب فارس لكن يسمك بيهن الا نشوف اخرك شنو :D :D مودتى |
اقتباس:
إنت المكرفون باظ تانى ولا شنو ؟ :o مستنيك والله |
اقتباس:
انعل ابو خوة الجريوت بتاعتكم دى :D :D :D لكن ما مشكلة بجيك بيهم بمهلة بالنسبة للمكرفون لعنته تركتنى ولكن للاسف الشديد نقلت من السكن لسكن اخر وما عندى dsl فى السكن الجديد وما زلت انتظر مودتى يا جميل |
مرحب بعد غيبة
وكل عام وأنتم طيبين و تامين التحية للأخ طارق الحسن محمد الذى لم يوف بوعده كل سنه وأنت طيب والله يعرس ليك التحايا من البعد للأخ الذى أفتقده من زمن "بندر شاه" ملهم البوست وتحيات وشوق للأخوات .. حنينة .. وسارة وتحية صادقة للحبيب أسعد البرير وهذا ما أهاجه فى قلبى هذا البوست ------- سأواصل وأنا أرمى " بياضى" فى هذا اليم العميق "الإنترنت" لتوثيق ذكريات مرت بنا خاطرة توسعت بالمعرفة وجهد الأصدقاء .. وصلتنى أخيرآ مجموعة من أغنيات الراحل أيوب فارس .. وخاطرة من أخى اللندى بما يخص أخبار الموسيقار ناجى القدسى الحزينة .. سأواصل .. |
بوستك جميل زي بسمتك يا رأفت ي جميل0
دي غشوة ساكت والدخول الرسمي بعد العودة باذن الله لان الموضوع عايز تفرغ0فالمرحوم أيوب فارس صديق شخصي وياما كانت لينا سهرات في رملة بحري المقابلة جزيرة توتي0 وسوركتي درسني في العزبة الاولية0أـما ناجي القدسي فود حلتي وشبه كان ساكن في بيتنا لصداقته الحميمة مع خالي محمود الهندي0 ايوب كانت له اغنية واحدة وهي يادرتي الغالية البيكي طال سهري وزي سواد حظي انا جار علي دهري0 أرجاني لما أرجع وحأحاول أجيب تسجيلات لأيوب |
أخونا فتحى
بصراحة منذ حضورك هنا وأنا أفكر فى رفع البوست .. بإعتقاد واثق بأنه "يجب" أن يكون لديك الكثير .. أبشرّك .. وصلتنى أكثر من خمسة عشرة أغنية بصوت الراحل أيوب فارس .. وسأنزل هنا بعضها إثراء للبوست وتجميله .. وباقى الأغنيات سأنزلها لنكات للحفظ لك وللجميع ليعود أيوب فارس لوضعه الطبيعى فى القلوب .. وحب الناس والغناء الذى لم يبخل بهما فى حياته الزاهدة القصيرة مودتى |
اقتباس:
من الحاجات الما عارفنها ناس كتار انو أيوب كان بيلعب في فريق الاتحاد سلاطين سابقا وكان صاحب لمسات سحرية ولكن بنيانه الجسماني لم يكن يساعده كثيرا زد علي ذلك السهر المتواصل ولكنه كان بالتاكيد انسان مميز في كل شئ وموته كان خسارة كبيرة رحمه الله وهو بالمناسبة ابن عمة سلامون سليمان بخيت وأنيس وفريد وألولا والعجيب انه رغم صداقتي اللصيقة به لم أعرف أو أسأل ان كان مسلما أو مسيحيا فكل عائلته كانت مسيحية ولكنه كان سودانيا بحراويا لا يعطيك الفرصة كي تتسائل عن مثل هذه الأسئلة التي يعتبرها البعض مهمة حتي ولو علي سبيل المعرفة بالشئ0 في انتظار الدررالموعودة |
العزيز فتحى
بصراحة مداخلتك بها مفاجاءات لن نمر بها هكذا .. ولكن .. قبل الإسترسال أضيف خاطرة أخونا الليندي عن ناجى القدسى ونعود اقتباس:
|
مرة أخرى فبل ما أرجع ليك يا فتحى ... برواااااقة ..
أرجع لأيوب فارس .. فاتحة شهية ------ وصلتنى رسالة داخلية من الأخ هيثم لبيب اقتباس:
إخترت أولآ هذه الأغنية لسببين : أولآ التعرف على صوته بهدوء .. فى الجلسات الخاصة ثانيآ التعرف على إيقاع "الكبريتة" كثيرآ سمعنا عن الغناء "بالكبريتة" الإيقاع الوحيد المصاحب للأغنية .. وهذا يتطلب أن يكون صوت الفنان مسيقى جدآ وكما ورد من قبل .. كان أيوب فارس عاشقآ للغناء لا يمتهنه ولا يضن به .. بي الشوق تضيع عمري [media]http://aafat.org/upload/uploading/faris.mp3[/media] |
يا فتحى مسعد حنفى
صباح الخير جاييك بعد ليلة ليلاء .. فيها إسعاف .. وبوليس .. ونوم قليل "تعرف الخواجات ديل زينا ..الكرسماس عندهم سكر وما بقدروا عليه .. زى الضحية شربوت ودكاى .. ورمضان .. خم رماد .. :D:D" نبدا واحده .. واحده .. وما زال الليل طفلآ .. إذا أمهلتنا الدنيا .. قلت: اقتباس:
اقتباس:
أولآ : اقتباس:
المعلومة الثانية: اقتباس:
وبعدين ما تنسانا من الضمن بقليل من الإسهاب عن فريق الإتحاد .. وأنا من الذين لا يمتلكون المعلومة اقتباس:
اقتباس:
ولكن كما قلت أنت اقتباس:
قبل يومين كنت أتسامر مع صديقى عمر سعد فى "دولة قطر" وإندهشت وهو يحكى لى بأريحية بأنه عندما لعب فريق المودة فى مكة .. زملاء عبد النور تداركوه أن يملأ إستمار الوصول "مسلم" وإلا يُثتثنى من الفريق ويُمنع الذهاب الى مكة !!! ما أدهشنى إنها كانت أول مرة أعرف عبد النور "مسيحى" .. :eek: بوظوها لينا الجماعة المهاجرين من الأقاليم .. والجبهجية المعفنيين .. ما طلعنا من موضوعنا .. ومستنيك برواقة " بس ما زى رواقة مراد فى بوست صادق بدرى " :D:D:D محبتى آخد لى نومة وأرجع ليك |
ايوة يا رأفت أغنية أيوب درتي الغالية هي الأغنية الوحيدة الخاصة بيهو وفيها يقول:
يا درتي الغالية البيكي طال سهري زي سواد حظي أنا جار علي دهري أصلو ديل أهلك الخالفوا السنة وبدلوا الريدة بالدرهم اب رنة يادرة لو تدري أنا قلبي كلو حنين وبحمل الريدة من سنين وسنين يادرة لو تدري أنا قلبي بين نارين الأولي نار حبك والتانية نار البين أما حكاية الكورة فدي حقيقة مؤكدة وكان بيلعب في الاتحاد هو وصديق عمرو الأوحد هادي ميرغني أخو ظريف بحري عكاشة ميرغني الكان في شهرة ود نفاش0وأيوب زامل حارس المرمي عبد الحميد محمد صالح شقيق ابو زيد محمد صالح وحربي مصطفي ومحجوب الفيل وفتحي مصطفي وكمان لعب في فريق الكفاح وكنا بنمشي دار الرياضة بحري عشان نتفرج عليهو ونشوف لمساتو الساحرة لأنو كان بيلعب بي (مزاج عالي) أما حكاية المسيحية فانت عارف انو سليمان بخيت راجل مسيحي من أصل حبشي وابنو سلامون وكنا بنسميهو سمير في كمبوني وناس الأحفاد فيما بعد سموهو قسيس وبالمناسبة شوقي بدري بيعرفو كويس0 سمير أو قسيس دا ود عمة أيوب وسليمان رحمهما الله0 آخر مرة شفت فيها سليمان كانت قبل وفاته بأيام قليلة عندما زرته أنا والمرحوم حسن عطية لاعب الهلال وكان قد جاء الي القاهرة للعلاج وأذكر انه قد كان متخوفا من اجراء عملية في القلب أولا لتكاليفها العالية ثانيا لاحساسه بأنه لن يخرج منها حيا وقد قمنا باقناعه بالاتصال بصالح سليم صديقه وزميله في الأهلي لأن سليمان كان صرحا عاليا في نادي الأهلي عندما كان يلعب له ويعيش في السعودية وكان الملك فيصل الذي كان وقتها الأمير فيصل يرسله للعب المباريات في القاهرة بطائرة خاصة تعود به بعد المباراة الي السعودية0 بالفعل اتصل بالمرحوم صالح سليم الذي قال له انت يا سليمان ليك حقوق علي النادي الأهلي ووافق علي تحمل تكاليف العملية علي نفقته الخاصة0فدخل سليمان العملية وخرج منها جثة هامدة فكان احساسه حقيقي بانه لن يخرج حيا من العملية رحمه الله0 نعود الي أيوب الذي كان بالفعل لا يغني الا بالكبريتة وفي الحفلات بالرق واتنين شيالين من اصدقاءه وقد كان متأثرا بخضر بشير مثله مثل معظم شباب بحري في ذاك الوقت وحتي أغنيات الحقيبة التي كان يغنيها كان يرددها باسلوب خضر بشير ومن لم يسمع أيوب يغني دمعة الشوق وما هو عارف قدمو المفارق كمن لم يسمع تلك الأغاني مطلقا ولو امتد به العمر لكان مثل ظاهرة كابلي وزيدان اللذان اشتهرا قبل ان يغنيا بالاذاعة فنحن مثلا كنا نسمع كابلي وهو يغني أمير قبل أن يسمع باقي السودان بعبد الكريم الكابلي لأن كابلي برضو من أبناء بحري وحلة الضناقلة شمال هو وعبد العزيز محمد داود وكان كابلي أيضا يلعب معنا كورة وعبد العزيز يكتفي بالفرجة واطلاق التعليقات التي كانت عبارة عن نكت وليدة اللحظة0 يا رأفت دا شنو العملتو دا خليت الواحد رجع لي حاجات اندثرت في الذاكرة لدرجة انها رجعت زي المسجون الاتفتح ليهو باب السجن وقام يكابس عشان يطلع قبل ما يغيروا رأيهم وحتي الزكريات متداخلة مع بعضها لدرجة انو من الصعب تركز علي شخصية معينة والا تنط ليك شخصية تانية تفرض نفسها عليك عشان تاخد حقها00الله يسامحك ويسامح مجدي اخوي الليهو سنين بيترجاني أطلع الجواي وأنا رافض أسمع الكلام وأبتدي أحكي لدرجة انو مجدي قال لي في يوم انا بيتخيل لي انت بتعرف السودان كلو شخصيا0 |
لا حولاااا
الليلة باقى لى ما راح أنوم فى يومى "المهبب" وراجيانى وردية ليل تبدأ الساعة خمسة .. ياخوى واصل .. ما تقيف .. ولسة راجيك .. ناجى القدسى .. وسوركتى .. ياخوى الحق بقى ما حقك .. كلامك ده ماشى "أسوط" بيه النت كله .. وفى بوست توثيقى عند يحيى قبانى يفضل وثيقة للأجيال .. لما تقلب الصفحة أخت ليك "خدعوك" لخدر بشير يصوت أيوب فارس واصل .. |
يا رأفت شكيتك علي الله خدعوك أنا أبيت أجيب سيرتها عشان بتضرب جواي جرح اندمل من زمان لكن انت أكيد في زول محرشك علي0
مادام البوست دا للأجيال يبقي أحسن بي رواقة خليني أسافر وأرجع وكلها عشرة أيام الحأغيبها في السودان وبالمرة أقدر أرجع الذكريات لأن الزهايمر شغال تش معاي0أيوب بيتهم في حلة الضناقلة فاتح علي بيت خالي وشمالنا بيت الزين قديم حارس مرمي التحرير السابق وفي صف بيت فارس بيجي بيت دولي وبدوي وعثمان الحاج0 لكن تعال انت بحري دي ما منها شنو سر الاهتمام دا:confused:اغشي ليك عكاشة ميرغني ومن نوادرو انو كان عندو صاحب اسمو عمر الحلبي ودا كان في بداية الستينات عندو حكاية مشهورة وهي انو ختف واحدة حبشية معنكشة دهب وطلع ليها مسدس لعب وشال دهبها ولما المرا وصفتو للبوليس عرفوه طوالي وقبضوا عليهو ويوم المحكمة جابو عكاشة شاهد لانو صاحبو وما بتفارقو فالقاضي بيسألو اسمك شنو؟رد عليهو:عكاشة ميرغني المأمون وأحمد حسن جمعة0 طبعا القاضي اتنرفز وقال ليهو انت يازول جايي تهزر في المحكمة قام عكاشة قال ليهو لا ما بهزر سعادتك دا اسمي ولو ما مصدقني أثبت انو ما اسمي فالقاضي فوتها ليهو وقال ليهو طيب ياعكاشة احنا عارفين انك صاحب عمر المشهور بكاوبوي بحري (لان الجرايد كانت سمتو كاوبوي بحري بعد الحادثة )طيب يوم الحادثة انت ليه ما كنت معاهو.عكاشة رد عليهو وقال لاني سعادتك يوم الحادثة حصاني كان في البيطري ومسدساتي في التصليح. القاضي اداهو شهر سجن. |
اقتباس:
اقتباس:
رغم إرتباطى ببحرى كتير .. أصدقاء فى الشعبية والمزاد وغيرا .. وسليمان أخوى رحمه الله سكن الدناقلة ردح من الزمان قريب من بيت أبو داؤود رحمه الله .. وأختى فى عدة أماكن آخرها الصافية .. والعمل كان فى المنطقة الصناعية "شركات الخليج" وعمارة إبرهيم طلب والمؤسسة زمن ناس سلوى بوتيك "ده زمن شغل المراجعة" .. دا غير سعد قشرة وزنك الخضار والفسيخ من أقباط بحرى .. وكنيسة بحرى .. غير جنينة البلدية وسلاح النقل .. بنمشى أدرمان بى بحرى .. رغم ده كله بدخل غريب و أطلع غريب .. ولا أعرف شيئ عن بحرى .. يمكن دا الشادينى ليها كتر لينا من قصص الأفراد .. طبعآ عكاشة سمعنا بيه زى ود نفاش كدة لكن ما شفناه . تمشى وتجى بالسلامة والبيت بقى بيتك .. ونحن ضيوفك تحياتى للعائلة |
تمشى وتجى بالسلامة
والبيت بقى بيتك .. ونحن ضيوفك تحياتى للعائلة دايما تكتل قلبي بي أدب الأقباط المافي ليهو مثيل ودي حقيقة ما كشكرة. ======الليلة باقى لى ما راح أنوم فى يومى "المهبب" وراجيانى وردية ليل تبدأ الساعة خمسة .. ياخوى واصل .. ما تقيف ========== هنا لينا وقفة0 تعرف يا رأفت زي ما في عربي جوبا برضو في عربي أقباط زي( ما راح أنوم )دي لو تتكلم سوداني سنة متواصلة برضو بتقع0 الله يرفعك من الوقعة يا أمير وأوعي مخك يروح لي بعيد:D:D:Dدي سنون فيصل سعد. أما أنا فساكن بين اليافطتين بين كنيسة ماري جرجس والجنينة البلدية .شفت الهنا دا:) |
يا فتحى
حاجة شوفا لينا فى السودان .. صور .. قدر ماتقدر للناس ديل .. أو غيرهم من عمالقة بحرى دى صورة لسوركتى .. ضاعت فى صدر البوست http://img165.imageshack.us/img165/8526/surkatywb9.jpg ودى ياسيدى أغنية "خدعوك" وأوعك من الفاضى .. ناس السودان بقوا زى أهلك المصريين [media]http://aafat.org/upload/uploading/khada3k.mp3[/media] |
الأخ رأفت ميلاد
سلام ومعايدة ناجي القدسي يقرب لي (نسابة) لينا ;) (آل الجدري)...وهم من يمانية كسلا... أعتاد الرجل أن يرسل برسائل في بدايات الثمانينات لقريبته في كسلا...الخطابات بحق لوحات بديعة من النثر الفنّي تدل على رقة الرجل ولغته الرصينة والبديعة...وقد فاجأتني بتلحينه لساقية حمدالريح :) ...هي بحق من أحلى أغانيه ...سأستصحب منذ اليوم هالة (صاحبك) ناجي وأنا أعيد الأستماع اليها... لك المودة فقد أعجبني أسلوبك وأيعازات الكلمات |
اقتباس:
للأسف التسجيلات ما مظبوتة يمكن عشان تمركز الشيالين بالنسبة للمايكروفون والتطبيل بيطغي في بعض الأحيان علي صوت الفنان.برضو حأحاول أشوف من عشاق أيوب تسجيلات نضيفة. |
اقتباس:
معانا هنا .. وعلى البورد وكل سنة وأنت طيب وتعود الأيام بالصحة والسلامة شكرآ لإضافتك فى حق الموسيقار ناجى القدسى .. وهذا يفسر مدى شاعريته وتدفق أحاسيسه التى أوصلته لهذا الحال .. حال الفنانين وصفائهم وهم يصدمون بجدار الواقع الجاف المليئ بالخداع والزيف .. فتكون الصوفية ملجأهم .. منهم إدريس جماع .. وما أكثرهم .. مرحب بيك تانى هنا مودتى |
تعرف يارأفت أمبارح كنت بتكلم مع مجدي أخوي وجبنا سيرة البوست دا فاكتشفت انو مجدي عندو معلومات كتيرة أنا ذاتي ما بعرفها لان معلوماتو جات في الفترة الأنا غبت فيها عن السودان فمثلا بيحكي لي انو كان في الكورة في دار الرياضة بحري وكان الكفاح لاعب وبعد الكورة حصلت شكلة برة دار الرياضة كان أيوب فارس بيحجز فيها وفي الوقت داك كان أيوب المدير الفني للكفاح ودي معلومةأنا ما كنت عارفها لأني طلعت من السودان وايوب كان بيلعب في الكفاح المهم بعد ما الشكلة انتهت مجدي سلم علي ايوب هو وواحد صاحبو فأيوب طوالي قال ليهو انت أخو فتحي نسبة للشبه ومن الزمن داك مجدي بقي صاحب أيوب وعندنهم قعدات سجلوها ومجدي ذاتو كان بيغني ودا سبب علاقتو بيوسف الموصلي0
الشاهد اكتشفت انو عندو معلومات كتيرة مهمة من بيت الكلاوي0 نرجع تاني لي ناس بحري وظرفائها ومنهم أخونا نمير ثيرد باك الكفاح.الراجل دا كان جنو فقرا ما مخلي فلاتي شيخ ما بيعرفو وفي مرة كان عندهم مباراة سنتر ليق كانت ممكن تطلع الكفاح للدرجة التانية فنمير مشي لي شيخ فلاتي عشان يكرب الماتش الفلاتي قال ليهو انتو حيجي فيكم قون وبعد داك حتغلبو.نمير اتكيف ورجع ضامن النتيجة وقال لي جماعة النادي ما تخافو النتيجة مضمونة في جيبي0 ابتدت المباراة والونج بتاع الفريق التاني انطلق علي الخط بالكورة في اتجاه القون والباك زميل نمير مشي يقابلو قبل ما يوصل قام نمير يكورك فيهو :سيبو خلليهو بيضر نفسو. الونج مشي وجاب الكورة قون والكورة انتهت واحد صفر والكفاح طار ومن يومها نمير تاب وحرم يمشي للفقرا تاني0 حاول تضغط علي مجدي يطلع العندو لانها معلومات خاصة ما بكونوا الناس سمعوها قبل كدا. |
ناجى القدسي ... محمد أحمد سوركتى ... أيوب فارس (بحث عن فترة فنية غائبة)
الله يسامحك يافتحي يعني لازم تزنقني الزنقه دي ماانت عارف مخّي الفيهو مكفيهو وعشان يسترجع الذكريات ديك داير ليهو دفره عشان يشتغل غايتو ربنا يسهل ومايخذلني .
ياجماعه انا مااعتقد ان في زول عاش في بحري وماسمع بي ايوب فارس لان الراجل دا بغض النظر عن انه كان فنان من الصعب انو يتكرر تاني لكن كان انسان بمعنى الكلمه ومجامل لابعد الحدود وفوق مايتصور الانسان لدرجة اني بيتخيل لي انو بيعرف ناس بحري كلهم . بالنسبه لي انا قبل مااعرفو شخصياً سمعتا ليهو عدّة شرايط وحضرتا ليهو عدّة حفلات ومعرفتي بيهو بدت زي ماقال فتحي بعد مباراه بين الكفاح وفريق من امدرمان . بعد المباراه الجماعه وكالعاده دوروا الشكله بره الاستاد والوقت داك ايوب كان المدير الفني لفريق الكفاح وشفته بيحجز في الجماعه لغاية ماانتهت الشكله وكان معاي وقتها اعز اصدقائي واسمو صديق الشيخ ( اب تكّه) بكسر التاء فمشينا عليهو وعرفنا على بعض وطوالي سألني انت اخو فتحي مسعد وبالمناسبه الحكايه دي بتحصل معاي كتير بسبب الشبه الشديد بيناتنا لدرجة انو لما كان معانا هنا في الامارات كان بيسوق بي رخصة سواقتي قبل مايطلع رخصه من غير مازول يشك انها مارخصته المهم بعد التعارف اتفقنا نتقابل بالليل في حديقة عبود ودي كانت اول مرّه اسمع ايوب فارس في قعده وطبعاً الغنا كان بالكبريته ومااروع سماع ايوب بيغنّي بالكبريته . طبعاً واحنا قاعدين الجماعه حولينا كل شويه يجوا يبشروا في ايوب لانو زي ماقلت ليكم بحري كلها بتعرفو بالمناسبه من اكتر الفنانين الغناهم قريب من اسلوب ايوب فارس الفنان الجميل محمد احمد عوض وايوب ليهو طريقه واسلوب متفرد في الآداء يعني لو سمعتو بيغني ياجميل يااسمر او ليالي الخير جادن او اذكري ايام صفانا او البتوحي للناس العيون او ذبت وجدا في هواك او من يوم حبّي فارقني والكثير لو سمعهم من ايوب ما حيقدر يسمعهم من اي زول تاني ودا دليل على عبقرية الراجل دا الله يرحمو لانو ماكان بيغني الاغنيه زي مابيسمعها ولكن بيغنيها باسلوبه المتفرد والممتع وانا كنت بحفظ الغنا وبغنيهو بنفس طريقته ايام ماكنت فنان قعداتنا ايام الشباب واي واحد حيسمع شريط لايوب فارس طوالي حينتبه ويتذكر كلامي دا عن اسلوب ايوب وطريقته في الغنا وبمناسبة الكلام دا بتذكر في السبعينات من القرن الماضي استاذنا الكبير اسماعيل عبدالمعين رحمه الله استضاف ايوب فارس في لقاء في التلفزيون واتكلم وركز في كلامو على نقطة اسلوب ايوب المتفرد في الاداء واتذكر انو غنا فيهو عدّة اغنيات اذكر منها قسيم الريد كلمات الوالد والاغنيه الشعبيه المنتشره جداً وقتها لبن ابو لي بيه . ايوب كان من احسن المطربين البيغنوا اغاني خضر بشير لدرجة ان المرحوم الاستاذ خضر بشير ماكان بيسمح لاي فنان يغني غناهو غير ايوب فارس وبينطرب جداً لما يسمعو بيغني اغانيهو والكلام دا انا سمعتو من ايوب شخصياً . من ذكرياتي ايضا اني طلبت منو انا وشلتي اننا نزورو في البيت ويسجل لينا شريط على مزاجنا نختار اغانيهو وطبعاً وافق بدون تردد وفعلاً مشينا واستقبلنا احسن استقبال واحنا قاعدين وايوب بيدندن لسه دخل المرحوم سليمان فارس ووقف يسمع وقال ليهو تعرف انك بتغني احسن لما تكون سكران ودي حقيقه لانه بيكون في قمة السلطنه والانسجام والتركيز وهو سكران ( حاجه غريبه مش كدا ) المهم لما جينا نشغّل التسجيل رفض وقال انو مامتعود يشرب ويغني في البيت قلنا ليهو والحل شنو رد واحد من الشيالين كان قاعد معانا وقال نمشي عندو البيت البيت قريب وفعلا مشينا وبعد ما ظبط الطاسه واتوزن تمام مسك الكبريته وبدا الغنا والنتيجه كانت شريط قمه في الروعه لدرجة صاحب الشريط الخام لما سمع التسجيل طمع وشال الشريط ورفض يرجعو لينا بقت زعله بينا استمرت لفتره طويله وبعد زمن واحد من اصحابنا قدر يقنعو يسلفو الشريط يسمعو وجابو لينا سجلنا منو نسخه بس للاسف ماكانت نضيفه زي الاصل . قبل وفاة ايوب فارس كنت اديته اغنيه من اغنيات الوالد بيقول مطلعها يامن بديتي اللوم** انا ليك بتمه خبرك ويوم يطراك ** انهه واذمّه فكري المشتت ** جاري وراك المه ولكن كان القدر اسرع ومات ايوب فارس وماتت معه العديد من الاشياء الجميله وبقيت ذكريات مشتته في مخيلة العديد من الذين اسعدتهم الظروف والتقوا وجلسوا واستمعوا لذلك الجميل الخلوق المبدع الذي كان اكبر دليل على مكانته في قلوب الناس ومحبتهم له تلك الجموع التي خرجت وراء نعشه لتواريه الثرى في مثواه الاخير الا رحم الله ايوب فارس وغفر له بقدر ماامتعتنا واحبنا واحببناه . |
يا سلااااام يا أولاد مسعد حنفي
ربنا يديكم العافية .. يا مجدى ما إنتهينا كده .. بجيك واحدة .. واحدة وما بشبع فتحى إمشى ويجينا بالسلامة كل سنة وإنتو طيبين |
[align=center][align=center]مرفوع بفهم
؟؟؟؟[/align][/align] |
اقتباس:
|
اقتباس:
اقتباس:
اقتباس:
خاصة نبرة فتحى الجديدة ما تطمن أها يا أخونا يمكن الغيبة الطويييييلة دى كنت عند الخالة تام زين منتظرين |
| الساعة الآن 11:18 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.