أفتحن البيبان والطاقة ..
بنوت الزمن دا و نسوانه جندريات و بنوت عاديات .. وناسات كايسات وناسات كيور .. دايرين شنو ؟ من الرجل ودايرين منو من الرجال .. انتن عارفات شنو عن عالم الكائن المدعو ( ر جـــ ل )؟؟ كنت بتناقش مع صديقات و زميلات ... عن مواصفات الرجل البتبحث عنو المرأة فكلهن أقرن بإنو ( راجل عادى ) لكن ....!!!! و لكن دي .. استمرت ساعة من الشروط و المحاذير و طلع في النهاية راجل عادى .. بس سيوبر .. ونصف الكلام القالنو ما عندو دخل بمشاكل بعد الزواج ونصو .. الباقي .. أكبر من مشاكل بعد الزواج .. و كان ردي ليهن و بكل بساطة .. عندما تجدى 60% من المواصفات عند رجل ما .. كنكشي طوالي .. لأن 30% مخبأة .. لأسباب كثيرة .. و 60 في المية دى عند 10% من الرجال يعنى 30% هو الحد المناسب .. وقلنا 30% مخبأة يعني أكثر من النص .. طبعا والنص الحلو بتكملو المرأة .. طيب المرأة مشكلتها الـ كم% دى .. دي ما المشكلة .. المشكلة انو المرأة دفاعية .. ( السبب نحن .. ok? ) و أول حاجة .. بتقابل بيها الرجل .. الشك حتى يثبت براءته .. أو التجاهل .. حتى يلفت انتباهها .. ثم تكتشف لاحقا انو ( شليل) .. لأنو ( شليل) ربما أو حقيقة أحوص و لابس نظارة ودخلو مش و لابد .. و أخضر..أو أسود عديل ووشو كلو منقّر .. و كان فى الأحراش) تقبل بيهو منو ؟؟ غير واحدة بتشوف الزول من جوة أو فاتحة ذهنها .. عشان شليل ما ممكن يقول كلام حلو بدون مناسبة .. او داخرو لوقتو .. نواصل .. و ... نشوف عينات جاية .. |
يقولون
أن هايبرماركت ضخم أُنشأ بأمريكا تخصصه ....تجارة الرجال أو العرسان زبائنه كلهم نساء ومقسم لعدة طوابق في كل طابق نوعية معينة من الرجال شروط التسوق أن للتسوق اتجاه واحد بمعنى أنه لا يمكن للزبون أن يرجع مرة أخرى للطابق الذي تعداه ويقولون ايضاً أن أحداهن ذهبت لتختار لها عريساً بعد أن سمعت أن هنالك تخفيضات ضخمة دخلت الطابق الأول فوجدت الرجل (المعروض) رجلاً غنياً يمتلك الملايين فرحت به ولكنها قالت في نفسها ... دعنا نرى ماذا بالأعلى فربما كان هناك ما هو أفضل بالطابق الثاني وجدت رجلاً غنياً ووسيماً طمعت في الطابق الثالث فوجدت رجلاً غنياً ، وسيماً ويقدس الحياة الزوجية وفي الرابع كان المعروض رجلاً غنياً ، وسيماً ، يقدس الحياة الزوجية ويساعد في الأعمال المنزلية يمكنك زيادة الطوابق بما تريد من صفات محببة للمرأة وفي كل مرة يتملك الزبونة الطمع وتتطلع الى ما هو أفضل حتى وصلت الى الطابق الأخير فلم تجد رجلاً بل وجدت لافتة كبيرة مكتوب عليها أنه يستحيل إرضاء المرأة .................. سمعت المضمون رواية والصياغة من عندي |
و هذه يا الزوول عن الثقة المتبادلة ..
يقال أن اثنين من العشاق قررا الانتحار بالقفز من هضبة فأغمضا عينيهما .. على أن يقفز الشاب أولا .. و عندما قفز الشاب قالت الفتاة ( الحب أعمى .. ) و في أثناء قفزه التفت الشاب ففلم يجد الفتاة خلفه ففتح مظلة الهبوط وقال ( الحب لا يموت ) .. |
اقتباس:
يا ابوى شليل الرجاهو (لما واطتى تصبح ) عارفه عندو 60% من المواصفات او اكثر و مع انو هو افصح عن مشاعرو و عبر عنها بطريقة امكن هى ذاتها التى جذبتنى لكى التزم بهذه العلاقة و بدينا و مشينا و بعد التعارف عن اسرة و الحكى عن البيت و المزاجيات و هلم جرا (وهنا انا مكنكشة لسه) و كل و نستنا بحس ان انا بتكلم كتير وبحكى عن مشاعرى و ابث اشواقى لانو هو بسافر الخلا كتير وهو و حاتك ساكت يسمع بس بعد داك نتوكل و نمشى بيوتنا و نجى المرة الثانية حتى لو بعد شهر نتونس ونسة عامة و حكى السياسة و الهموم و حكى الشغل حقيقى بسمعنى كويس وبشاركنى حتى الراى لانو اصلا فى تقارب فى (حتات كثيرة) و هنا بتظهر كمان الـ 30% مخبأة .. لأسباب كثيرة ..و تجدنى اعرف من هذه الاسباب و مرات كده بتجنن و اناقشو فى الكلام الحلو الصبانى بيهو اول مرة (ما ظنيتو يتكرر تانى) (عشان شليل ما ممكن يقول كلام حلو بدون مناسبة .. او داخرو لوقتو ..) الكلام الحلو ده لو ما بقى من اول البدايات و يستمر (حتى لو سلمنا انو عايز مناسبة) ح يتجمد و تكون مشكلة وانا محتارة فى الفصاحة و البلاغة البدى بيها ديك مشت وين !!! تعرف القصة اتحولت عندو لمسيج من سطرين بعد شهرين ثلاثة و غالبا ما تكون مطلع اغنية ( يعنى الباقى تمى براك) ياخى انا عايزة اشاركك الاحساس و العاطفة حتى فى الاغانى دى و اعرف مدلولها عندك ... و مرات فى اثناء الحكى يقوم يفتح الموبايل و يقرا ذات الرسالة التى بعثها قبل شهور .... ( قولت لى داخرو بس) غايتو الرجل السودانى بخيل فى مشاعرو ( و لمن الله يفك ساجور لسانو يتمتم بكلمتين و (عايز المرا ) ترشو بمطر الكلام الدقاق المعسول لذيذ و كمان لما ابادر و اقول سيبك منو خليك مبادرة يكون الرد على وشو يفرد سنيناتو ياخى انا شاحداك بسمة و نظرة ...رد بذات الكلام او اجمل قليلا .... يا عمنا القصة تربية صحى... و لكلٍ ادوات تعبيرو دى فى ..واشكاليات التعبير عن العاطفة فينا كسودانيين مبالغة فى التقصير رغم انو نحنا مليانيين محنة و حنان حتى فى سلامنا و كلامنا و و نستنا لكن لما نكون (حبيب و حبييبة ) القصة بتعقد كتييير ... و كل ما اسمع اغنية محمد مرغنى عاطفة و حنان يا ناس .... بموت بحد الدهشة من الكلام الذى انتظم فى الاغنية و بجد انها بتورى اليوم قصة جفافنا العاطفى ده بقى قدر شنو...و غنانا المشبع بالعاطفة ده ما قالوهو رجال شعراء...و الله شى عجيب فى غرامك ..اقابلك كلى حنية و اخاف شوق العمر كلو يفاجئك يوم فى عنيى...بعدين عايزة افهم داخرو كيفين يعنى و لمتين ... و هو عارف انو العمر ده كلو قدر شنو ما يفك لسانو و يعبر .. و عارفة انو للتعبير ادوات كثيرة لكن حق اللسان ده الخالد مع الايام بين الحبيبين لانو بذكر كل الكلام البقولو يوماتى لكن ما بذكر الهدية البجيبها الا احيانا.. انا غايتو ما زالت ابحث عن كوامن العاطفة عنده ... و انتظر ذاك الكلام المعسول لذيذ .... عشان كده احيانا تجدنا نستغرب لرجل يفصح عن مشاعره لحبيبته و يجاهر بها على الملأ .... و بجيك صاده لانو الكلام محرقنى شديييييييييييييد ....... |
اقتباس:
لحدى ما تجى واحد ينزل لينا ( أقيف وسط البلد واهتف .. بريـــــــــــــــــــــــــــــــــــــــــــــــ ـــــــــدك .." |
اقتباس:
يستحيل ارضاء المرأه !!! ياخى بالغت و الله هم الرجال ديل هم الما مفهومين .. و الواحد فيهم ما عارف هو عاوز شنو تعامليهو بى حنيه يطفش تطنيشيهو يجيك راجع تقنعى منو بمشى لى ابوك |
اقتباس:
و صيتى ليك عن تجربة 3 دى ما تكترى منها ادى من العيار التقيل داك بتاع المساخة و كمان اتلادحى على لمن يعرف شى و بجى راجع طائعا مختارا و محتار :D:D:D |
اقتباس:
هووووووي حمد وخوجلي ديل ما تقربوهم ففي حمد فقدت حبلي وفي خوجلي فقدت كثير من الأصدقاء وممكن أرشح ليكم الشللالية والدناقلة بشقيها وكان ماكفاكم ممكن توصلوا الختمية والعزبة والأملاك وطبعا انتو ملاحظين اني سايبكم في وسط البلد ما داير أبعدكم للحاج يوسف والحتت البعيدة :D |
اقتباس:
|
اقتباس:
أنا مستني الخلاصة عشان تجاربي ما فيها حكايات زي دي وأنا شخصي متزوج خواجيتين وعندي منهم أطفال الاتنين وفي الآخر جريت كراعي بي عرجتا ورجعت لي مراحي والحمدلله لي 28 سنة عايش مبسوط ومرتاح البال ولو في مشاكل بتكون مع العيال ما مع أمهم الانا من يوم ما ألله جمعني معاها حسيت انو رضي عني:)ومن خرج عن دارو اتقل مقدارو بلا خواجات بلا غربة مع اعتذاري للذين تزوجوا من خواجيات وهم بالتأكيد فاهمين كلامي وموافقين عليهو بينهم وبين نفسهم;):rolleyes::p |
اقتباس:
|
اقتباس:
و يقولو لسك النساء غريبات .. يا زوله تانى مساخه بس ظرافه ذاتو مافى .. تعرفى الرجال ديل باقى لى عاوزين ليهم نساء متعددات الالوان يوم تصالحيهو بدون سبب و 10 يوم تطنيشيهو بدون سبب غايتو يا ريت لو معشر الرجال بالمناسبه دى يقولو لينا هم عاوزين شنو يعنى و لى شنو الراجل بيكره البت الى بتحبو |
اقتباس:
الزي ديل ما تغلطي تحكي ليهم حاجة عشان بيودوها التوثيق طوالي وبتدخل الأرشيف لوقت العوزة لكن عشان خاطرك حأديك اختصار لقصتي مع أم أحمد.. زمان في الستينات شفت بت عمتي في زيارة لي شندي ولقيت حاجة كدا زي باربي شعر دهبي وعيون خضر صورة مصغرة من زبيدة ثروت..بيني وبينك دخلت في مزاجي وكان سنها 12 سنة وأنا في امتحان الشهادة يعني لسة قدامي 5 سنين لنهاية الدراسة وقلت أكلم عمتي وأقول ليها تحجزها لي وللأسف عمتي قالت لي ما بتغلا عليك لكن متكلم فيها ود عمتك قبالك واحنا قلنا ليهو علي بركة الله...بيني وبينك جاتني صدمة ومشيت سألتو وقلت ليهو انت يازول بي جدك دايرها فقال لي آى فقلت ليهو مبروكة عليك وزي ما قال زيدان ورجعت حابس أدمعي في الليلة ديك. المهم قلت انسي الموضوع ورجعت للدراسة ودخلت كلية الحقوق جامعة الفرع وبعد اكتوبر جاتني منحة وأنا في سنة تالتة لتشيكوسلوفاكيا فقررت أسيب الجامعه وأسافر يمكن في السفر أنسي وفعلا سافرت وبرضو ما نسيت واتزوجت المرة الأولي والتانية وبرضو ما نسيت... بعد 17 سنة رجعت السودان في اجازة وكان زواج اختي آخر العنقود وهناك شفتها في العرس وراسي ضرب وأنا أياميها كنت رجعت من أوروبا واشتغلت في الامارات..عاينت لقيتها محننة حنة عرس فسألت أخواتي هي لسة ما عرست قالوا لي لأ وأظنها فرتقت الخطوبة فدخلت في حيرة وأنا زول متزوج مرتين ما بقدر علي العزوبية تاني وأنا في الامارات براي فقلت أخللي أمي تشوف لي واحدة مطلقة انشالله حتي لو عندها عيال ما بتفرق فأمي قالت لي ليه مش انت كنت داير زمان بت عمتك :confused:ما هي فرتقت فقلت ليها حرام أنا زول صاحب سوابق وأطفال وحرام أول عدلا يكون زول زيي فقالت لي انت ماليك دعوة انا بطلبها ليك فاشترطت عليها قبل ما تطلبها تسألها براها ولو وافقت تكمل ولو اعتذرت مافي داعي لضربة تاني علي راسي وبالفعل د الحصل..وطبعا في تفاصيل كتيرة بس ما بتتحكي لكن رايك شنو مش فلم هندي:D:D:D |
اقتباس:
|
اقتباس:
انا بس عاوزه اعرف انت كيف اتزوجت ال2 ديلاك و انت ما بتحبهم !!! و كمان عندك اولاد ... كيف يعنى ؟ |
اقتباس:
دا كلام طويل وأنا نازل عندي مواعيد شغل ولما أرجع انشاءالله حأشرح ليك الفرق بين الحب الخادع والحب الحقيقي لانو دا مربط الفرس:) |
كاتب النص الأصلي : بسمله
انا بس عاوزه اعرف انت كيف اتزوجت ال2 ديلاك و انت ما بتحبهم !!! و كمان عندك اولاد ... كيف يعنى ؟ أنا وين قلت ليك اتزوجتهم وما بحبهم ولا دايرين تقولوني كلام ما قلتو...الحب يابسملة يابتي درجات والزواج في بعض الأحيان ممكن يكون بالنسبة لي زول عايش صدمة عاطفية مهرب من الذكريات الأليمة والانسان ممكن يقنع نفسو بانو الحب حاصل وما بيخطر علي بالو انها ألفة وتعود وراحة نفسية مع الشخص التاني لكن الحب الحقيقي ما بموت في القلب وأنا حتي ما بقدر أطلق علي احساسي الأول لي أم أحمد كان حب لكن ممكن يكون حب امتلاك شيئ جميل نتيجة غرور مراهق قايل نفسو أقيف زول في السودان وفجأة اكتشف انو قيافتو وللا شناتو ما ليها دخل في القسمة ونصيب.. لعلمك أنا واحد من المؤمنين بانو الحب ممكن يجي بعد الزواج ويكون أعنف من القبل الزواج لأن حب ما قبل الزواج دائما ما ينطفي بعد أن يتم الزواج ودا شيئ معروف في علم النفس زي الطفل البيبكي عشان تديهو حاجة معينة يلعب بيها وبعد ما تديها ليهو ويلعب بيها شوية..يزهج منها ويرميها والعرس زمان كان معظمو بيتم بدون ما العروس تشوف العريس ولا تتكلم معاه ورغما عن كدا بنلقي في زيجات ينكتب عليها كتب..:)شوفي في النهاية الزول ما بيعيش الا الألله قاسمو ليهو. سعادة أو نكد ابتسامات رومانسية أو صرة وش طول اليوم:mad: |
[align=center]كيف يسعد الرجل المرأة
على الرجل أن يكون : 1 صديق 2 رفيق 3 حبيب 4 أخ 5 أب 6 سيد 7 رئيس 8 كهربائي 9نجار 10 سباك 11ميكانيكي 12 مصمم ديكور 13صاحب أسلوب 14طبيب نفسي 15مبيد حشرات 16طبيب معالج 17 مستمع 18 مرتب 19 نظيف جدا 20 عاطفي 21 رياضي 22 دافئ 23 يقظ ومتنبه 24 أنيق 25 ذكي 26 مرح 27 مبدع 28 حساس 29 قوي 30 يتفهم 31 يتحمل 32 متعقل 33 طموح 34 قادر ومؤهل 35 شجاع 36 مصمم 37 صادق 38 يعتمد عليه 39يمدحها بانتظام 40يحب التسوق 41 محترم 42 غني جدا 43 لا يرفع ضغطها 44 لا ينظر لغيرها من البنات كيف تسعد المرأة الرجل بس تتركه في حاله !!!!!!! [/align] الكلام ده ولله . . منقوووووووووووووووول. :D:D |
صباح الخير ..
و الله كلامك عن الحب بعد الزواج دا ادهشنى .. تعرف انى مشكله حياتى انى كنت دائما بفتش عن واحد احبو ويحبنى علشان نتزوج .. المهم لحدى ما مالقيت .. كنت بستغرب لامن زول يقول ليك فلان اتزوج فلانه شافا فى حفله و لا صاحبه اختو و لا ما عارف وين كنت بقول فى نفسى كيف الزول ممكن ينزوج زول ما بيعرفو ؟ لامن فارقت خطيبى و كنت ببكى شديد حزنا على نفسى لا عليه .. فامى كانت بتقول لى بكره يجيك واحد احسن منو و و و .. فقلت ليها .. و انا لسه حا احب تانى ؟ قالت لى يا بسمله ابوك و انا ما شفنا بعض الا يوم الدخله و لينا 40 سنه مشاء الله هسه و ما اتشاكلنا و لا مره .. تفتكرى انى ما بحبو او ما بفهمو او حتى ما بحتويهو و بيحتوينى الحب هو الى بيجى بعد الزواج مش قبلو ... فالظاهر انى بديت اقتنع بالفكره |
اقتباس:
لكن ما يسعدنى بكلمة حب مرطبة و حاتك بكجنو كجيييييييييييينه جد .... و تعال يا زهج و روح يا نقة.... لكن يبقى السعال هو مالو بددس مشاعرو قدر ده ..... و لسانو القال الحب داك اتغير ياربى ;);) و الا كان غنا ساى خلانى احلمبو... بس كون معانا فى الوجعة دى بالله:p:p:p:p:p:p يا عمو معتصم انا عايزة الـ 41 دى كلهاو عايزة [align=center]احب اتحب [/align] و البيبان مشرعة و الطاقة مفتوحة و الشبابيك حقتو اعمل ليها شنو تعالو نعلم الرجل السودانى يا اهلنا انو ما يددس و يضارى و يخفت شموع الحب و المشاعر بداخله كيف نتفاكر فيها من الف باء |
اقتباس:
سال من شعرها الذهب |
اقتباس:
بسملة .. من البسملة كدا نقول ليك .. المدخل غلط تحبى الزول عشان تتزوجيه ..دا ما بودي للزواج .. تحبي الزول عشان ذاتو .. وعشان بتحبا .. أها نخلي فلسفة الحب و نخش فى فلسفة الزواج .. تختاري الزول البتتزوجيه .. زول ينفع للعيشة الطويلة شرط الزواج الأول ( زول لو قفلوك معاهو انتي وهو خمسين سنة ما تملو من بعض) لأنو الزواج لايُبنى على الحب لاحظي ( يبُنى) .. الزواج يبنى على التفاهم والاحترام والحب .. الزواج يبنى .. يعني بعد العرس .. والبناء البيدوم شرط أساسو يكون متين .. أها تبقى المسألة فى أساسو دي ..... |
اقتباس:
يا بسملة أمسكي في كلام عمك معتصم دا شديد عشان ياهو دا كلام العقل وخليك من كلام الأحلام الوردية الما بيبني قطية:) |
فتحى سعد صباح الخير---يا خواجه ماتطلع بينا الجو-- قلت عرست خواجيتين وسبتهم --كدى اتبن راسك- شوفو فى محلو - مش قالوا كدى--تعرف انت ذكرتنى واحد اسمه عباس ش- وانا راجع من السودان ركبت معاى شابة فى منتهى الجمال والاناقة - ضربنا الونسة-- رايحة فين -- قالت لاحدي دول شرق اوربا--تدرسى هناك--لا--رايحة لزوجى-- زوجك اسمو منو--زوجى عباس ش---ما معقول- عباس دا من دونا نحنا-- يعنى فوق الستين وكدى وخلاص اصبحنا اجداد - قالت-- ايوه --اصلو اكبر منى ب35 سنة وبنتو من مرتو الخواجية اكبر منى----
|
اقتباس:
بكن يا معتصم كدى مش نحن محتاجين لـ rethinking كى نعيد النظر فى حكاية حبنا و علاقتنا الزوجية لانو ما عادت الحياة سهلة و التعقيدات الكثيرة و التفكير بتاع الرجل البسندنى بتاعت (حبوبتى و امى ) بقت مهزومة اليوم بنفكر فى الرجل الشريك فى كل شى اعباء الحياة والتربية و الواجبات المنزلية الحلو المر يعنى ....واصلا مفروض يشاركنى الحب و المحبة |
اقتباس:
مالك يادفعة المستغرب ليهو شنو ياخوي في كلامي وللا قايلني أنا الداير أعرس:confused:هي فعلا حاجة غريبة انو يلدغ المؤمن من جحر مرتين لكن أسوي شنو ودا فعلا حصل؟ولعلمك أنا حفيدي ابن ابني الكبير من الزوجة الأولي بيدرس في الجامعة في لأمريكا وكدي أهبش راسك انت شوفو لو لسة في محللو. تعرف يا حسن أنا علي الرغم من قعدتي الطويلة في أوروبا لكن لغاية الليلة يطرشني كان سمعت بي واحد عرس مرتين وهو طالب بس دا الحصل رغم غرابتو...غايتو انت قول حاسدنا ساكت علي صعلكتنا يا أبو علي :D:D:D |
الغالي معتصم
الغالية منال الغالية بسملة تحايا وود لامتناهي أنا مستمتعة بي سؤالاتكم وحواراتكم خالص ودايما معتصم بيتجلى ويجيب من بيت الكلاوي وهنا هو قال حكمة لاتقدر بثمن وهي انه الزواج لايبنى على الحب دي حقيقة وواقع لكن عموما عشان نكون واقعيين اكتر أنا بقول ليكم اني اقف على بعد حرفين من تصديق مقولة ان الحب كائن اسطوري يلبسه (بضم الياء) من يشاء مايشاء، والجاري وراء العثور على الحب ماواصل نهائي بيفضل يجري والحب جاري منه لانه ببساطة الحب متخيل والحياة واقع وروميو لو كان تزوج جوليت لاختلفوا بداء من لون الوسادات انتهاء بوجود الاله! وقيس لو تزوج ليلى برضو كان العفار قام وتعال ياخلع واكياس سوداء تحوي بقايا آدمية القصص التي توحي لنا بالشغف والجنون والهيمان كلها مرتبطة بشواكيش ولو ما الشاكوش كانت تحولت زي ملايين القصص الحولنا............بس معتصم ..حكاية تعريفك للحب بأنه (زول لو قفلوك معاهو خمسين سنة ماتملي) ده ماتعريف الحب ،ده تعريف التابيدة (المؤبد).......شوف تعريف تاني ياخوي منال تعالي هنا ياختي انت الجكس بتاعك ده زول خلا ساكت وماعندو كمبيوتر عشان يقرا زهجك ده، بسملة عرسي عرسك ساي يابتي وبطلي هيمان اما حكاية عكود والاربعه واربعين بند دي فهذه تهمة لاننكرها وشرف لاندعيه!!!!!!!! ههههههههههههه تحياتي للجميع ومتعكم الله بنعمة الحب!! ودي لكم متصلا |
اقتباس:
لكن حقيقى بنحتاج الى راى المتزوجون طوالى عشان نعرف الحب ده مشى وين ... الى اين اتجه ... مات و بقت تعويدة ولا موالفة و هنا بذكر قول صديقنا ذو الخمسين عاما من هذا السؤال يا بت نحن بقينا ناس ونسة ساى كيف الحب يبدا فى الهبوط ولا المشاعر بتموت او حتى تجف و العشرة بتنسى الزول( الحبكانات دى مصطلح شبابى) و الملل و المشاكل بتجيب الكيس الاسود (تلحقو امات طه فى لحظة) .... لكن بالجد ما وقعت لى يا لنا حتة الحب متخيل و نحن نجرى وراو ... و الله اصلا الجكس ما بكون روميو و جوليت و لا قيس و ليلى الا لما نذكر الغنا بس... كدى تعالى تانى و ادينا الحب ده هو سبب وجعتنا فى ادم ... و نحن بنجرى وراء السراب |
[QUOTE=معتصم الطاهر;95447][size=4][color=#4B0082]
بسملة .. من البسملة كدا نقول ليك .. المدخل غلط تحبى الزول عشان تتزوجيه ..دا ما بودي للزواج .. تحبي الزول عشان ذاتو .. وعشان بتحبا .. سلامات يا هندسه يا معتصم .. كيف يعنى احبو و اوجع قلبى و اساهر و اعد النجوم و فى النهايه ما اتزوجو و امشى اتزوج واحد تانى !!! يعنى مش هو الزول قلبو بيدق بدون مقدمات و بيتمنى انو يرتبط بى شخص معين يكمل معاهو حياتو و لا انا غلطانه ... و لا الزول بس بيحب لاجل الحب و زى ما تجى تجى و لا الحاصل شنو . كلامك عن الزواج دا برجع ليك هسه |
[QUOTE=عكــود;95307][align=center][size=4][font=Simplified Arabic][color=#FF0000]كيف يسعد الرجل المرأة
على الرجل أن يكون : 1 صديق 2 رفيق 3 حبيب 4 أخ 5 أب 6 سيد 7 رئيس 8 كهربائي 9نجار 10 سباك 11ميكانيكي 12 مصمم ديكور 13صاحب أسلوب 14طبيب نفسي 15مبيد حشرات 16طبيب معالج 17 مستمع 18 مرتب 19 نظيف جدا 20 عاطفي 21 رياضي 22 دافئ 23 يقظ ومتنبه 24 أنيق 25 ذكي 26 مرح 27 مبدع 28 حساس 29 قوي 30 يتفهم 31 يتحمل 32 متعقل 33 طموح 34 قادر ومؤهل 35 شجاع 36 مصمم 37 صادق 38 يعتمد عليه 39يمدحها بانتظام 40يحب التسوق 41 محترم 42 غني جدا 43 لا يرفع ضغطها 44 لا ينظر لغيرها من البنات كيف تسعد المرأة الرجل انت يا عكود قاصد تقول ان المرأة زي أم 44 ولا دي صدفة ساكت:confused:..ومعليش المداخلة دي بس لتجربة نصيحة الخال في الاقتباس:D:p طيب ياخالد اهو عملت بي نصيحتك وبرضو نفس الحكاية وبعد دا الا أرسل ليك المداخلات في ايميل وتنزلها انت بي طريقتك:) |
[QUOTE=بسمله;95773]
اقتباس:
يعني ..اول حاجة لما قلبك يدق .. تقومي تقولي ليه " بسم الله .. انت يا قلب السجم والرماد الزول دا عارف ليه شنو .. ؟" أها سؤال زى دا بنقّص زيادة الخفقان .. مش خالص ..بس حبة فرملة .. على خفيف ..!! ولو ورطتي .. بقوم السؤال دا ببقى ليك زى طوق نجاة بمرقك طوالي وكت الغرق .." بعدين .. انا ما قلت ليك "ما تتزوجي البتحبيهو ..!!!!" قلت ليك " حبي البتتزوجيهو " .. لكن لو تزوجتي زول باختيارك ..دا معناهو بتحبيهو أكثر .. اقتباس:
المودة .. هي الريدة .. والحنية والاحترام ..و التلاقي ..و الحميمية .. والرحمة هي الفهم .. والتفاهم .. لأنو الناس لما تعيش مع بعض يوميا بيكون بيناتهم غلط وغلاط.. أها الغلط والغلاط ديل .. بجيبن مشاكل .. فى حاجات كثير في الزواج بتمنع تضخيم المشاكل وفى حاجات بتمسح الغلط ..نهائي .. ما بتخلي حتى أثر .. منها الاعتذار .. و المسامحة .. والتفهم .. أها ، دي بتبدأ ليك سطر جديد .. و طبعا فى حاجات بتبدأ ليكم صفحة جديدة ..منها الحضن والمسح على الظهر و القبلة .. والكلمة الطيبة ..والوعد بعدم تكرار الخطأ .. و أهم حاجة .. ما نتغالط .. فى الغلط .. المغالطة معناها مش انت صاح ولا أنا صاح .. المغالطة معناها .. الحاجة دي أنا تاني بعملها .. يلا طُق .. أو أعملي الدايراهو وطقي راسك فى الحيطة .. أما سيد الرحمة والمودة فهو الجنس .. ببدأ ليكم طوالي صفحة جديدة.. سطر جديد .. في ناس ما بعرفو يتكلمو .. أها زي ديل بستعملو لغة الجسد ولغة الجسد بين الأزواج .. لغة مفهومة و مباركة و فيها أجر .. أها الحاجات الزي دي فى الجكس و القعاد فى البنشات والحدائق ..بتكون مافي .. طيب تعرفي كيف الحاجات دي بتكون في ..بعدين ..ولا بتكون مافي وماهي دلالات ذلك و الاشارات !!!!!! دى بقى المداخلة الجاية .. هدية .. اقتباس:
|
الباش معتصم الطاهر
أراك وقد تكاثر عليك (طلاب العلم) :cool::D وأحسب أن رأيك في (الحب البعدي) هو الأصوب! ولكن هناك الكثير من المواقف والتجارب... ما يصعب فيها القطع ...بل يكون القطع فيها أختزالا!... وقبل الخوض في الأجابة أرى أنه من اللازم التطرق الى تعريفين هما : ماهو الحب؟! وماهو الوفاء؟! لقد أعجبني تعريف الدكتورة السودانية (النجيبة) والتي سبق أن نقلتم لقاءات لها عن قناة الجزيرة من قبل حيث تقول فيها: الوفاء:هو حالة من الألتزام الواعي بالعلاقة الزوجية!... والحب:هو حالة من الألتزام اللاواعي بالعلاقة الزوجية!... فالوفاء ياباش طالما كان مندرجا تحت أطار الوعي فانه يناط بالرجل الألتزام به...أذ هو في المقدور والممكن!... وأرى بأن الوفاء هنا يصبح واجبا من الزوج تجاه الزوجة...هذا من قبل أن يكون التزاما دينيا وأخلاقيا يحاسب عليه الرجل أمام ربه ثم ضميره والناس! والوفاء أحسبه أنضج وأدعى لتمتين العلائق داخل البيوت من الحب!...ولكن ان قدّر وانداح الحب فالعلاقة تزداد فضاءاتها رحابة بما يضيفه الحب من ألق الصفاء والأيثار!... فكم من بيوت لم يكن الحب قاسما مشتركا فيها !...ولكن أنداحت فيها المودة والتفاهم كنتاج للوفاء بما يجعل سفينة الحياة تواصل الأبحار الى مرساها بسلام!... فزخم الحياة بما يكتنفها من تفاصيل تربية الأبناء وهموم العمل والتفاعل مع أهل الزوج وأهلها كفيل يسد الفراغ الذي كان ينبغي للحب أن يشغله!...ثم أن شحنات العاطفة لها من ملموسات الجسد (كما تفضلتم) ما يؤدي الى تفريغها لأعادة النفس الى التوازن والقرار !...وذاك بالقطع متوفر... وجانبه الآخر هو من واجبات الزوج تجاه الزوجة!... وقد يصبح الوفاء نفسه مرحلة من مراحل الحب وتقبّل الآخر عاطفيا !...ويمكن للرجل أن يصل فيه (بوعيه) الى درجة قصوى من الأشباع والأرضاء الذي لاتحس بعده الزوجة بالحوجة الى سمت حب آخر!... وحياة مثل هذه ...تكون قائمة على وفاء وأحترام وتقدير للآخر أجدها بمرور الأيام والسنين قادرة على أذكاء حب حقيقي وعشق بين الزوجين!!!... ولكن برغم ذلك فان المعرفة القبلية (وليس الحب)! لها دورها الأكيد في تفادي الكثير من مفاجآت ال(الأمر الواقع) خاصة أذا أنتفى التداخل من قبل على أطلاقه... ولا أنسى (قناعات) لزميلة دراسة سابقة والدها عالم علم نفس شهير ...كانت تبني تصوراتها لسمت شخوص الرجال على قرب الشبه الشكلي من أحد الحيوانات :confused:...وصدقوني كانت (غالبا) ماتصدق تخميناتها عند تحليلها لسمت شخصيات الكثير من الرجال!...وتقول بما أن القوام النفسي والسلوكي لأي حيوان ثابت وأصيل ...(أذ أنت ان أحضرت جرو كلب منذ ولادته وعزلته عزلا تاما فأنه سينشأ لا محالة كلبا لا يختلف عن رصفائه في شئ )!...والأنسان(والحديث لزميلتي) فيه مايمت الى الحيوانية الكثير ويظل يحمل في خبايا نفسه سمت شبيهه من الحيوان (فمن يشبه الثعلب في خلقته أو تقاطيع وجهه يكون متصفا بالمكر والقدرة على التحايل...,هكذا) الاّ أذا تسامى بنفسه من خلال جهد ذاتي أو محيط فرض عليه ذلك لتنغرس في نفسه قناعات وسمت جديد!... أعلم بأن وقع هذا الحديث ثقيل بعض الشئ على الكثيرين لكن صدقوني (عن نفسي) أنا شديد القناعة برؤيتها تلك ... وقد عززتها في حياتي الكثير من التجارب والخبرات الحياتية !...ولا أكتمكم بأنني كثرا ما أستعين بذلك خلال تسفاري أذ لا أجد الكفاية من الوقت لسبر الشخوص وتحليل سمت شخوص من أقابل!... بس أنشاالله ياباش ماأكون طلعت برة الشبكة...كتير :D مودتي |
اقتباس:
هنا مافى شبكة محددة .. ولا مساحات معينة ولا حدود للحوار .. الموضوع بالكبر دا .. والدكتورة اسمها ناهد زولة متصالحة مع روحها .. لدرجة معقولة .. http://sudaniyat.net/up/uploading/N2.JPG http://sudaniyat.net/up/uploading/N1.JPG http://sudaniyat.net/up/uploading/N3.JPG |
اقتباس:
الوفاء:هو حالة من الألتزام الواعي بالعلاقة الزوجية!... والحب:هو حالة من الألتزام اللاواعي بالعلاقة الزوجية!... فالوفاء ياباش طالما كان مندرجا تحت أطار الوعي فانه يناط بالرجل الألتزام به...أذ هو في المقدور والممكن!... وأرى بأن الوفاء هنا يصبح واجبا من الزوج تجاه الزوجة...هذا من قبل أن يكون التزاما دينيا وأخلاقيا يحاسب عليه الرجل أمام ربه ثم ضميره والناس! يا عادل ده مربط الفرس فكم من بيوت لم يكن الحب قاسما مشتركا فيها !...ولكن أنداحت فيها المودة والتفاهم كنتاج للوفاء بما يجعل سفينة الحياة تواصل الأبحار الى مرساها بسلام!... بقت خراب وضياع اسر كمان ولا أنسى (قناعات) لزميلة دراسة سابقة والدها عالم علم نفس شهير ...كانت تبني تصوراتها لسمت شخوص الرجال على قرب الشبه الشكلي من أحد الحيوانات ...وصدقوني كانت (غالبا) ماتصدق تخميناتها عند تحليلها لسمت شخصيات الكثير من الرجال!...وتقول بما أن القوام النفسي والسلوكي لأي حيوان ثابت وأصيل ...(أذ أنت ان أحضرت جرو كلب منذ ولادته وعزلته عزلا تاما فأنه سينشأ لا محالة كلبا لا يختلف عن رصفائه في شئ )!...والأنسان(والحديث لزميلتي) فيه مايمت الى الحيوانية الكثير ويظل يحمل في خبايا نفسه سمت شبيهه من الحيوان (فمن يشبه الثعلب في خلقته أو تقاطيع وجهه يكون متصفا بالمكر والقدرة على التحايل...,هكذا) الاّ أذا تسامى بنفسه من خلال جهد ذاتي أو محيط فرض عليه ذلك لتنغرس في نفسه قناعات وسمت جديد!... طبعا زميلتك دى بالغت فى التشبيه ولكن صحى فيهو نوع من الحقيقة لما تفكر قيها براك أعلم بأن وقع هذا الحديث ثقيل بعض الشئ على الكثيرين لكن صدقوني (عن نفسي) أنا شديد القناعة برؤيتها تلك ... وقد عززتها في حياتي الكثير من التجارب والخبرات الحياتية ! ياسلام عليك ياعادل واريت كل الشباب يكونو متلك و كدى ادينا من تجاربك و خبراتك فى الحياة دى بالحلة ام قيزان عشان تنور عقلنا ودربنا الماشينو ... سلامات كل المتداخلين والله لى ساعة و فى النهاية غلبنى الميلتى من ان اقتبس الاثنين مع بعض قلة مهارات :p:p امكن قناعة كل زوول سودانى انو المودة و الحب و التفاهم بين المحبين بتكون بسيطة و ساهلةو ممكن تتطور من اول نظرة و البسمة (سبانى و رمانى ) لكن محتارة فى البحصل بعد داك يمين يقول ليك كلام ما تتعرفى عليهو لما يتغير شكلو هو بشاكل و يغالط لو دايرين نجملها قليلا يا باش و دا ما معناهو انو ما يكون فى شكل ولا غلاط ايمكن تكون هى فى حد ذاتها ملح الحياة و الحكمة فى كيف نتخلص من اثارها سريعا و نبدأ صفحة جديدة و المعضلة فى منو ببدأ يرفع اصبعو عشان يقلب الصفحة خليهو من ان تكون جديدة بالشكل الذى ابدعت فى وصفه يا ابونا معلم والله لكل الاجيال ولعل بنوتك يستفيدن :D:D خليك معانا طوالى فى الدرب ده |
مشكورة يامنال يابت أخوي
بردت علي شوية بي كلامك ال(سمح) دة ;) أنا يامنال من أمبارح أشيل وأخت وأكتب قلتا (ننال) رضى الباشمهندس ...يجي يسويلي (شغل السوق دة) :mad: مع أني صاحب أخوه الأصغر:D لكن كيتا للباش سأستجيب لرجائك وأعود :cool: تحياتي للباش ولك |
اقتباس:
و هذه تدخل فى امور دينية ونفسية معقدة .. فهل يا ترى من يشبه الكلب .. يمتاز بالوفاء و كثرة النباح وحاسة الشم القوية و التمسح بسيده ؟ أنا أعرف نساء شكلهن لا يدل على داخلهن .. فما رأيك فى امرأة مقبولة شكلا أو جميلة - مثلا - لا تعرف تعيش إلا فى وسط وسخ .. هل هذه يجب أن تشبه الكدروك ..؟ |
عزيزى عادل و عمو معتصم
بالله كونو معنا فى االوجعة دى :p:p:p خلونا نستفيد وبعدين ياعادل الهترشة سمحة و بندورها وعمك مشربرك كتييييير و كمان عملو ليهو موقع تانى :D:D:D |
التحيه لكل المشاركين هنا
منال صباح الخير :D و عادل لا فض فوهك و الله . اعجبنى جدا الفرق بين الوفاء و الحب ياخى تسلم الديكتوره دى .. . هندسه يا خى شكرا جزيلا و الله بس انا عندى سؤال كدا محيرنى شويه .. و هارد لى فشفاشى " طبعا دا لاثبات انى ما حنكوشه " لى الرجل لامن يصدم عاطفيا .. بتشوكش يعنى .. لى طوالى بيفكر فى الزواج ؟ طوالى حتى ما بيدى نفسو مهله استراحه مع الذات ؟ |
اقتباس:
عادل دا شغل سوق .. انت فتحت باب الوفاء ودا بدخلنا فى موضوع كبييير ( 10 كيلو ) .. أها خلينا فى البيبان والطاقة .. وبجيك راجع مادام الوق دا توقيعك .. |
اقتباس:
ولا ..انا بس الوحيد البقول الحاصل .. طيب السؤال الانتن .. سألتن عنو .. و دايرات ليهو اجابة الرد فى كلمة واحدة ونجي راجعين .. نفسرها و نعمل تفاصيل .. السكينة .. الراجل عاوز ( سكن ) .. |
| الساعة الآن 10:00 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.