نظرة ..ابتسامة ..ضحكة ثم ماذا ...
انتهت فترة دوامي العملي الاولى ..يوم مرهق ..زحمة جوغة وجوطة ..سخانة لدرجة غليان المخ
امي تنتظرني ..الغداء .فكرت اشتري اسرع ما يمكن تجهيزه من اقرب بقالة .اوقفت سيارتي . كان هو ربما يراقب حالتي (شلهته ..ولخمة الملم بعض اوراقي ابحث عن الفلوس ..بانزعاج اسرعت صوب البقالة .. ربط هو بين خطوي وخطواته تزاحم معي عند المدخل (طقشته بكتفي )كنت انا في الدرج الاعلى ولضخامة جسده كاد ان يسقطني ......لفحتني ساعتها رائحة جسده ...لحظتها تذكرت ريحة (ديوان جدي والذي خصصه لذوي الحاجات زوار الليل في الريف وتعثر المواصلات والذي كنا عندما نفتحه بصدد النظافة تلفحنا الوان من الطيف عبق مختلف (رائحة الشيب ..وربما الخمر البلدي مختلطة بما تضعه جدتي من بخور (اللبان والجاولي والتيمان ..و,,) نظر اليّّ..همهمت معتذرة (سوري ).اتجهت صوب قسم الخضار وهو في ناحية اخرى . عدت لدفع الحساب .عاد هو .تلامست ايدينا عند الدفع فتناثرت دريهماتي ارضا (دنقرت )لرفعها سبقني هو (تضاربت رؤوسنا ...تساقطت منه بعض حبيبات العرق التي تجمعت اولا على راس انفه المدبب ... تلاقت عيوننا ..همهم هو معتذرا (سوري )شكرته .خرجت مسرعة صوب سيارتي . تحسست خطوه خلفي ...جاء صوته متحشرجا ... لو سمحت يا انسه ممكن ؟ شنو ؟ تلفونك ؟ تلفوني !! حدقت فيه ... نظر الي بانكساره ... ابتسمت انا ...ضحكت ... غنى هو مع عمرو دياب ..... (ضحكت ...يعني قلبها مال مال وخلاص الفرق ما بينا اتشال ...يلا يا قلبي روحلها ...يلا وقولها كل اللبيتقال ) اتخيلو معاي (الفرق ما بينا اتشال )...البساط صار احمدي (ورفعنا الكلفة ) ممكن يحصل شنو ؟ وبعدين فكروا معاي في (كل اللبيتقال ) ممكن يقول شنو ؟ اخد نفس واعمل الغداء لامي واجيكم ... النعمه |
منتظرينك بعد الغذا
ماطولى علينا |
نعنوة، النعمة يا نعمات
فكرة أتداخل، قمت حسبتا، جمعتا، طرحتا بيقولو شنو ويقولو شنو،،، خليك يا شيخة،،، ما هم ما عارفيين؟؟؟ أني أنا (دي بدون أعوذ بالله من قولت أنا) ببقى ليك في الحسبا عمك!!! آها قررتا أتداخل وأدخل توووووووووووش في الموضوع العرق إفرازات من الجسم، تحمل ما تحمل من سوائل وأملاح وما ننسى برضو عطور،،، وهو من أماكن تتمركز فيها الغدد والعطور دي نتاج ممكن تكون بكتيريا،،، المهم برضو ما ننسى المسك،،، من الحوت ومن ارانب الخلا،،، أهي ريحة أو عطر وشايع إستعمالهم وهي مهما نقول ما مشت بعيد من إفرازات وذيها وذي العرق،،، من أنواع العطور المستحدثة في أوربا نهاية القرن الماضي،،، مشابه في ريحتو لي عرق الإنسان وبالأخص الأفريقي الذي يشتهر في العالم الغربي بسوخنته جنسيا (ربما صواب وربما خطاء)... بس من ضمن حساباتي!!!!!!!! أنو ينظر لي بوست هذا بعين غير التي تخص الرضاء، كحال إشراقة،،، وأبقى أنا في وسط معمة،،، بين متحرر ومتحجر وعشانا بكتفي لك الشكر وفي إنتظار القصة لي آخرها وبعدين نشوف؟؟؟;);) |
اقتباس:
اقتباس:
[align=justify]والدليل على ذلك :-[/align] اقتباس:
|
اقتباس:
كت بدور ارد لكن الزومى مزنوقى |
اقتباس:
|
ترددت وتلعثمت في رقم تلفوني ولكنه اسرع بمسك يدي (وغمدة وكمدة) قصاصة من الورق ...
دا تلفوني وحانتظر رنة بس منك ... دخلت شقتنا ..لم يكن امري طبيعيا ..من بعيد ..امي ازيك ..كيفك ..وهاك يا مطبخ كنت مرتبكة الدواخل مرتعشة الايادي ومضطربة ...مر الغداء بسلام دخلت غرفتي لبعض الراحة ...حاولت اتناسى الرقم ولكن فجاة حسمت الموقف باخراج الورقة ونقلت الرقم في المفكرة الخاصة ثم بقايمة الاسماء في الهاتف برمز ..ثم نمت قليلا وبعدها الى العمل كان المكتب شبه خالى المدير في مهمة خارجية ومعظم الزملاء في اجازاتهم السنوية مما ساعدني على (الفراغ والفوضى )..اتصفح الصحف ..نت ...ومحادثات تلفونية .. المهم اخرجت الرقم وترددت ثم اتصلت ..لم يتم الرد ...طيب الحمدلله .. اتصل هو سريعا ...اجبت بغنج ودلال .. الو ..مرحبا منو ..لو سمحت ؟ انت اتصلتي يا زولة ما جننتينا انا من العصر منتظرك .. عرفتني كيف ؟ الصوت الجميل دا زي ستو معقول انساه وبعدين لازم تعرفي حاجة عني انا هنا ما بعرف بنات سودانيات خالص .. صدقتك (صودقت صدوقت )والحمدلله ما عندنا يازول منافسات والا بنركب التونسية ..اطمنا انت كدي اسمك منو وشغالة وين شايفك قبيل تعبانة ؟ جاوبت برقة شديدة ولطافة ...وسالتو وانت ؟ انا مديييييرشركة خاصة ...ايوه حقتي برااااي طيب ما تشوف لي طريقة معاك انا تعبانة في شغلي دا زي ما شايف؟ ما عندك مشكلة يا ستي كدي اول نتقابل وجيبي معاك السي في وما تشيلي هم (اتذكرت حوده ) اها نتقابل ...اجيك والله تجيني ؟ لا والله اليوم ماممكن خليها مرة تانية لا لا لازم نحدد انا زول منظم طيب بكرة الخميس رايك شنو نطلع على بيتش ...او بيتش ...او اي مكان يعجبك طيب مقدما كويس لكن على العموم برد ليك بكرة لو ما ظهرت حاجة جديدة بالليل بتنومي بدري ...ممكن اديك الو بالليل ؟ لا طبعا انا بنوم مع ست الحبايب وتلفوني بختو على الصامت طيب خلاص الصباح ... والله من دغش الرحمن (رن رن رن امي خافت تكون جاتنا عوجة )طمنتها وكذبت ديل ناس الشغل في اوراق هنا عايزني اشيله ليهم ... امنا على الموقف واكدنا اللقاء..... ليلة الخميس الجميل ......وكان اللقاء ساتيكم بالتفاصيل ....لكم اجمل المنى نعمات |
الاخوة ...
د.مخييييير.. أ.كيشو ..ابو عمر ..والفنان شبارقة (انت الفنان زاتو ) لكم امتناني وانتم تتابعونني وحاختصر ليكم ... والله لوتصدقوا الزول دا (طلع رباطابي ...هلالابي ..عمره بعد الستين ..لكن عوامل الصناعة غيبت الحقايق على .. متزوج وله نصف دسته من العيال ...ام العيال من النوع (هووو هووو.وناغ )كلبه سعرانه وما عايزة ... انتظروني .. لكم شكري ومحبتي دايما نعمات |
اقتباس:
واااااااااااااااااااااااااااي:p:p:p ما عجبني ليك كلوكلو:rolleyes: يا الخفيفة عشان تاني تمشي السوق براك قال اضرب ليهو قال اقتباس:
وانتي يا الشقيانة دا كلو فتيتو يوم الخميس امانة ما خميس كارب و شارب:rolleyes: اعملي حسابك الخوف من الجريوات الغربة ماااااااااااااا صعبة:cool: |
العزيزه... نعمات.. الجميل فى السرد هى حالة اللعثمه..والاخذ والرد فى زوزوة الرغبه ..واغراء الاقتناع... ودى حاله شائعه جدا ..فى الاثر الغاشم الذى تسببه حالة الجمال المفرطه..حين تلتقى وتواجه بعضهم..تبدا الربكه...وحالة الزلزله..وارثجاج الصاعقه التى تذهب بالعقل والفكر والثبات .فتبدا الهترشه.. وننتظر مع الجميع ..بقايا الاحداث.. وسنظل .واجمين..منتظرين...!! |
اقتباس:
:eek::eek: بقى عليك قول الشاعر ماذا تريد بنت ؟؟؟ (ما انا ماعارف) من موعود السبعين باقي ليا شوفي ليك زولن في عمرك ما زولنا دا ومع أنو هلالابي!!! ما ظنيتو حتى في يوم الجرتك وفي رقصة العروس يبقى فيهو حِتا من جكسا والدحيش وعلي قاقارين ويجيب قوووووووووووووووون سؤال؟؟؟ شنو حكاية البنيات البدورو ناس موعوديين السبعين وحكاية نسوان (خالات) ال toy boys |
اقتباس:
انتِ من المنظّرين ... واحسن حاجة انو هلالابي ... |
اقتباس:
تعرف انو الزول دا طلع كضاااااب برضو ...وخفيف ريشه بس اما انا فقد وجدت لنفسي مخرجا عند علماء النفس (ربما اكون اصبت بعقدة اوديب او الكترا ) فقد توفي ابي وانا في مهدي .. فدائما اميل الى مابعد الستين ... وكذلك الغربة والتي جعلتني اتلهف الى رؤية (جلابية سودانية ) معذورة ولا لا في ذمتك .. لك محبتي دوما.. نعمة |
اقتباس:
اقتباس:
اقتباس:
|
آلا ليت الشباب يعد يوما.........
قعتينا فى مقاعدنا |
[align=center]سرد جميل وممتع
يأخذك الى حيث الحدث ولكن جال بخاطري كم سؤال ثم ماذا بعد ؟؟؟؟؟ في إنتظار الحلقة الأخيرة [/align] |
اقتباس:
الزول ده صيدلي وحزب أمه :D:D:D |
اقتباس:
فيصل سعد .. يلا فحط مهند بشير . . يلا فحط تاني نشوفكم تتحاوموا بي جاي . . أنا عمري كم ؟؟؟؟؟؟؟ :D:D:D |
اقتباس:
اولا انا كنت اريد الكثير من رجل الستين هذا بالذات ... وللعلم فقط .... اولا المثل بقول (في الشجر الكبار الصمغ )وبراك قدر الباقي وخاصة لو طلع صمغ عربي ... ويغني المغني وكل يبكي ليلاه وتخريمه يا دكتور امانة عليك لو لقيت واحدة تلتينات كدا ممكن ؟ الجواب بعد تجي عارفاك مشغول لك ودي نعمة الله |
اقتباس:
دا البيني بينو اكبر من كدا ودا حبيبي الوحيد في غربتي وصديقي ..و...والخ وما محتاجين لتلفونات بنتفقابل كلما سمحت ظروفنا لك محبتي نعمات حمود[/B] |
اقتباس:
كدا تطفش الذباين ليه ما كتبت القلوب غرف ومنازل ... وبعدين ود سعد دا (سيد الاحباب )دون منازع ...جوكر يعني ومهند دا حبيبنا انت شنو حكايتك معاي ...ما ممكن الواحد يحب كم زول في زمن واحد بكمية ونوعية مختلفة ؟؟؟ لك عميق التواصل والمحبة نعمات حمود |
اقتباس:
كان بعض من حلم الامسيات وبهجة الصباحات ولكن انتظرني ... لك المودة وهذة الوردة التي تبهج قلبي دايما شكرا محبتي نعمات [/B] |
انتِ من المنظّرين ...
ود ابو عاقلة ...ويين انت (حاطلق بالمحكمة ).. انا كدابالله ؟؟؟ طيب تستاهل وخليك في صراخك دا لك معزتي نعمات حمود |
نعمات سلامات ياخ
كدي كلنا نسمع الاغنيه دي ونجي نسمع منك باقي السرد نظره ... بسمه ... بين اسرار ومجاهد ونعمات ... وسيد النظره صلاح محمد عيسي طبعا [rams]http://www.sudaneseonline.com/SudaneseMusic/music/asrar/[email protected][/rams] |
اقتباس:
وشكرن على الثقة الختيتيها في عمك ياكي دم الروباطاب فيك طفح وقلع ياكي في الخلقة والخلق ذي مدينة وفي الثقة ووالحرارة ذي مدينة الأولى أمي والتانية بت سرورابي أم جدي بابكر ياكن الثالوث البيحلفو بيهو، وبقول هيا الثلاثي أو هياهن ثلاثي والحبشتي بيسموهو هيلاثولاثي ملحوظة: طبعن بعد كشفتا أوراقك والجذور والأصل رباطابي كل الحبايب والحبان بيخلو بالهم،، ما الخوف من حلاوة الرباطاب الزايدا وفايتا الحد (وكل البفوت حدو بينقلب ضدو) تغلب عليك وتشمل تعم كل الأعمار 40، خمسين 60 وحتى السبعين.... بعدين يكون يعني المقصود أنا ولا شنو بي حكاية صيدلي وحزب أمة؟؟؟؟؟؟؟؟؟؟؟؟؟؟؟؟ يا ليت وياريت وترباس والسر قدور |
اقتباس:
ات جدك دا من السروراب الوااااحده دي ؟ جموعية ام درمان ولا تشابه اسماء |
اقتباس:
هو رباطابي فاتنا الشرف نكون منهم،، لكن النسب أسرع الطرق وأنجعها في توطيد علاقات الأسر ما خلقونا قبائل وشعوب عشان نتعارف وقد تم جدك المقصود هو بابكر بدري وأمو رباطابية وهي مدينة بت صرورابي أو سرورابي لك التحايا ونحن برضو أقارب وقريبين وأولاد بلدن حبيب |
لك التحايا اخي بابكر
ونحن تربطنا بآل بدري صلة الرحم والجيره والارض والذي جعل الله من اجله الناس شعوبا وقبائل ولك ولجميعهم التقدير والسلام عذرا يا نعمات علي الحديث الجانبي اها نرجع لموضوعنا :D |
اقتباس:
يعني الاسع ما فوق الستين لازم يرش ليه حبة طباشير كدا على فوديه(حلوة فوديه دي) احد اصدقائي من المعهد(معهد الموسيقى) حلف واتقطع انه البنات حولو ذي الرز اكثر مما هو كان شاب دا بعد علقت ليه: مالك بقيت مشيب وعجوزومبشتن كدي؟؟؟؟؟!!! يعني الرجال شغالين العسل في الجرراي عديل كدا.. ونحنا يا عيني مكلبشين طوالي بعد الاربعين في العجوز الشمطاء احذروا نساء المبنبوس الخ الخ ترهات الرجال الماعندهم مواضيع.. ولا يفوتني ان احي الكاتبة وطريقتها الجميلة في تصوير المشهد لما اتخيلتو.. واحي العاوجيز الشباب في البوست دا الاتفتحت ليهم كوة امل ودي ياها الكتابة النافعة التي تبعث الامل في القارئ:D:p;);) |
اقتباس:
وسن القطوع كما يقال لها في التعبير العامي و اقتباس:
ناس السبعينات والستينات في أواخرها من الرجال،،، أشبههم بال vampires مصاصي الدماء، فهم يمتصون الدماء الشابة ليعيشو عليها.... ........... ديل قصدك ناس إحنا يا سيدة لك الشكرعلى التنبيه ولك خالص المودة |
يا نعومة
الطبع بيغلب التطبع يعني شوفي بي عفوية أهل السودان وإحتكارية أهلنا الرباطاب!! ذي الإستلمتا البوست بتاعك كدا؟؟؟؟ [align=center]سماح يا ست السماح[/align] |
اقتباس:
كيفك يا راقية عندما قلنا قعدونا فى مقاعدنا لاننا دون الستين ولا نستطيع المنافسة مع هؤلاء الدهاقنة اصحاب الستنيات والسبعنيات والا ليت الشباب يعود مقصود بها شباب الستينيات والتى هى بعيدة وهل يا ترى ؟ سنجد عند بلوغها من تحبنا ونحن فى تلك السن ؟ اذا لم نجدها ونحن فى نهاية الاربعينات فكيف نجدها ونحن نخطو الستينات لك كل الحب والمودة اخت بيان والى صاحبت البوست ارجو ان تعيد النظر فى ارباب الاربعينات هسى ان تأخذ بيدهم الى الستينيات |
اقتباس:
جميل انك مع العليك بتعيش لحظات حب وتغير من المحظوظين بيهو اقتباس:
إتا خليك مع الكادحيين داخل السياج اقتباس:
ويعجبني أكتر أنك مهدد بي اقتباس:
يديك العافية وتمرق من داخل السياج وتعيش ما بعد السبعين وتلقى الحبوك |
اقتباس:
ويسمع منك ربنا على الاقل ان ننجم شوية كدا من الجرى والمناهدا دى وبجيك راجع واله يا اخ بابكر حبيتك فى الله كدا لله ربنا يدوم المعروف |
اقتباس:
انا عارفك .... وكدا:rolleyes: الا الشجر الكبار فيهو الصمغ;):rolleyes::p بس اعملي حسابك ما تلصقي:D:D:D |
(نواصل )...
كنت ومنذ زمن المدرسة احب يوم الخميس والذي تعقبة العطلة ..الان هنا نصف دوام وتلية الجمعة والسبت اجازة (مبروك ياناس السودان الحكاية دي )..ثم لقاء الاحبة وربما للبعض مأرب اخرى المهم رجعت البيت بدري ..كنت كلي نشاط وحيوية ..طبخت وغسلت واكلت ونمت وبعدها ذهبت الى الكوفير رتبت حالي ..اجتهدت بكل ما اوتيت من عوامل الانوثة والاغراء ..اخرجت كل مملابس وترددت في الاختيار الاحمر لا الاسود لا ...وكذلك الحال الاحذية والعطور .. جاء الموعد ...التقيته ... كان يرتدي بدلة رمادية اللون ..في الستين من عمره له شارب وذقن مبعثرة كمخلفات سيجارة (هماد ) اسنانة مصبوغة باللون الاصفر (بفعل الصعوط والسجاير )العيون محمرة يبدو عليه الارهاق والتعب ركبت ...لم نتحدث كثيرا ..وصلنا الى بتش ..اخترت ان نجلس جوار الماء جلسنا جنبا واتجهنا ننظر الى الامواج الهادرة ..في شرود تام كنت انا افكر ما الذي دفعني الى ذلك (امصابة فعلا بتلك العقدة )ام هو حال شوقي لاهلي ...ام حالة من الفراغ العاطفي اعيشها بهمجية ...1ربما استدركت بعدا بيني وبينه ..كنت افكر بسرعة فايقة .. كان هو يفكر فرحا ربما بهذا الصيد الثمين وربما فراغ اخر وبحث عن شي مفقود .. مللنا المكان سريعا .. حنحن وتململ وقال في صوت متحشرج .. نغير المكان دا ؟ جداااا تحركنا ..المفاجاة ان اختار مكان يميل الى الظلام امامنا الخليج تتلاطم امواجه في ثورة عارمة وخلفنا سور ورمال تكسوها الاملاح ... جلسنا ارضا وامتد الصمت ..سرحنا كل في احلامه .. تحسست شيئا خشنا يلامس يدي ..انتفضت فزعة .. مالك ؟ نظرت فوجدت انه يضع يده على يدي ... سرت في جسدي رعشة من الخوف وقشعريرة ..وتابطت شرا رن تلفونه ..انتفض بعيدا عني ... ايوه الو .. لالا شويه وبجيكم .. تعبوا .. طيب الحمدلله .. مع جماعة كدي استمتعوا لمن اصل .. رجع الي .. الشغل دا ما بنتهي ابدا حتى بالليل وتقول رادار بمجرد ما الواحد يكون مبسوط مع الحلوين يزعجوه ... اها يا زوله نخش في الموضوع .. انت عندك علاقات هنا ؟ علاقات ؟ انت فاهمانيوفاهمة البلد دي لا والله انا مسكينة وغلبانة في البلد دي ..البيت الشغل ظاهر!!!! المهم اكون معاك واضح .. انا مرتاح فلوس مافي مشكلة شركة واتنين وتلتة ..عرست وطلقت زمان ..بيوت في السودان وعملت ... واسي بيتي هنا براي ... رايك شنو نمشي ونشيل عصايرنا وعشانا دا ؟؟؟؟قلتي شنو بدل الرطوبة والحر دا |
لم أجاوب ولم استغرب ولكن سألته ماذا تريد مني ؟أنت رجل في غرة السبعين من عمره ؟أجاب في غضب أنا يا آنسة لم أكمل الخمسين ولكن الشقاوة والتعب وللعلم لا ضغط ولا سكر والحمد لله الصحة بمبه وأنت فارق شنو معاك حقك محفوظ...
ألا يغضبك أن تكون في مقامي ابنتك أو أختك أو زوجك ؟؟؟؟ أجاب دى زمن الحريات إذا هم عايزين كدا يلاا لبريحهم وما من حد وصي على حد وبعدين يا أستاذه مخك مشى لوين سألته أنت أي مفهوم الحرية تتعامل به في حياتك ؟؟ خليك من كلام الكتب دا ويا بت الناس تفرق شنو قعدتنا دي من في الشقة بدل الحر والرطوبة دورتها في راسي واقتنعت ا لشقة أفضل ..ربما لفضوليتي ... ذهبنا ...دخلت برجلي الشمال كسرا للقاعدة وربما لسبب آخر ... كانت فارهة ...وكبيرة ومرتبة ...صور متعددة ... ديل منن ؟أولاد أخواتي .. ودي منو ؟؟دي أختي ... حكينا وتسامرنا طويلا ...ماسي وبطولات من نسج خياله شعرت بدوران وحالة من الغثيان وأردت الذهاب إلى الحمام ولكن لم استطع ... هب هو وساعدني وعرجنا إلى الغرفة وتمددت هناك ورحت في سابع نومه صحوت في فزع وهلع أين أنا ؟؟تحسست جسدي (سلم تسلم )بحثت عن شنطايتي لم أجدها خرجت للصالة وجدتها .. وجدت عمو في حالة زفير وشخير يتمدد على كنبة ويضع رجليه على طاولة صغيرة وفي يده رموت كنترول التلفزيون وعلى الشاشة روتانا زمان ويس إسماعيل ...وسيل من اللعاب (الريالة )مختلطة ببعض ذرات الصعوط أو التبغ ... أخذت حقيبتي وتوجهت إلى الباب ولكن كان التلفون رن تررن رن ....أثار فضولي حنحن وهمهم وحنحن ورد متكاسلا ايوه طيييب اصبري براحة ... مسافة السكة .. نهض منزعجا ولم يوليني اهتماما صحيتي يلا حاوصلك وأجي ويكون بينا الو ... اتفقنا على عجلة ونزلت أنا باي يلا بينا الو ... لم ادخل داري وبسرعة أخذت عربيتي وسرت خلفه ..سار إلى إمارة اخري وأنا خلفه لم ينتبه أبدا يا لهول المفاجاة ... كوم من العيال وامرأة في مقتبل العمر جميلة تنتظر في غلق كانت تجلس وفوقها احدهم ويتابط يداها اثنين وثلاثة إلى جوارها يتمددون (ككلبة تحتضن أولادها ) استنهضتهم في غضب اوشخطت ونطرت في عمو ما عندك مسئولية أبدا أنا ديل أولادي براي نقول ليك ساعة تصبحها وأنا تعبانه من الصباح ... حصل خير يلا اركبوا تحركوا وتحركت ثانية ...نفس الشقة قربت منهم ودققت نفس الصور أنهم أبنائه... المفاجاة الزوجة ... زميلتي ابتسام والتي عرف كل قصي وداني ما بها من مشاكل اسرية وقصة زواجها وعطالة زوجها وحفاظها على اسرتها وصبرها وكفاحها ... هذا الرجل لا مال ولا عمل ولا شركة ولايحزنون ....عجبي للإنسان ... كان لاعبا لبعض الأيام أو الشهور في فريق الهلال العظيم ومنه وعليه عاش باقي حياته ...وعندما اغترب التقى ابتسام وكان ابوها رجلا يعشق الهلال فكان أن عمل كل شي دون تاني ونظر ... وعملت ابتسام من اجل أولادها كل ما أوتيت من طاقة وجهد ... حزنت لنفسي الأمارة بالسوء والفضولية والفوضجية ,,,وربما لفراغ ما .... وحزنت لزميلتي الجميلة والحظ العاثر ... حزنت اكتر للإنسان وضياع المواهب للخداع والغش وإشباع الرغبات بطرق ملتوية ...ولتعويض النقص اعتمادا على الكذب ... بت حزينة ... مسحت تلفونه فور وصولي وقررت قطع العلاقة إذا عاود الاتصال... قررت التفكير فيما يناسبني .... ووداعا يا أبا سبعين....وأهلا بابي خمسينات ودونها ...فربما أجد ضالتي .. مازال البحث مستمراااااا... (هكذا روت لي إحداهن عندما قابلتها ...)........ شكرا أيها الأعزاء صبرا ومتابعة وانتظار ... وعتباااااي لكل من مسه شي من حتى أو لامست القصة واقعه .... ويا ناس السبعين والستين نحتاجكم أكثر من... ولكم احترامي نعمات حمود |
| الساعة الآن 02:32 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.