اسرار بابكر مسكونة بالتطريب
[align=center]
هذا بوست تسجيل اعجاب و دعم ومساندة لمسيرة كروانة الطرب السوداني الاصيل اسرار بابكر اذا حدث لا سمح الله إنه في زميل هنا عنده رأي مخالف فارحو ان ينتبه بأنه في هذه الحالة اختلاف الرأي بفسد للود قضية[/align] |
اقتباس:
الله يرضى عليك تاني لم تنزّل ليك موضوع ...تجي بدون (عكاز) :( والسكين الفي ضراعك دي تخليها في الأمانات في الباب هنااااك عن فيصل. ــــــــــــ أما عندما يكون الحديث عن (أسرار) الغنا عند (أسرار) فالحديث عن ذلك ذو شجون ;) صوتها المموسق عندما ينداح في الدنا والفضاءات أخاله يتمشى في مفاصل (الود) كما النسيم ... تتمايل له لوادن النخيل... وتميس بين يديه زهور الربا... ويهيم في هواه فراش الخيال لا يأبه لحياة أو عمر... أيكون للود فساد بعدهذا؟!:D يالها من مبدعة ويالذوقك الجميل مودتي |
اقتباس:
بسم الله الرحمن الرحيم..دا شنو يا مولانا ..داير تنحرف في منتصف العشرة الأواخر ولا شنوlooool كلامك كلو صاح لكن ما وقتو ..كدي خت الرحمن في قلبك وأصبر لي خامسة العيد واحنا ذاتو حنخش نبكي معاك:( |
السلام عليكم
يا عثمان رغيم Osman Righeem وadilassoom و فتحي مسعد حنفي يا سلام علي خلي العيش حرام ...بعد صلاة التراويح اسمعوا وانطربوا وبجيكم تاني ... [flash=http://www.youtube.com/v/j_Gg_D3F4Aw&hl=en&fs=1]WIDTH=400 HEIGHT=350[/flash] |
ويا ليل ابقالي شاهد ..
[flash=http://www.youtube.com/v/0b5cdtWgW60&hl=en&fs=1]WIDTH=400 HEIGHT=350[/flash] |
أبو عفان الحبيب
سلاااااااااااااااااااااااام شوف يعني جمعتنا سودانيات وقبل كدي السودان جمعتنا محبة وخوة وبلد إقامة وأمور إستقامة جمعتنا النيل الأزرق، مشاهدة وطرب ونفحة ولع وبرضو شيييييييييييييييييييييييييييييييييييوية وجع، دحن الحبيب دا كلو ما بيفشع لينا، شوية نختلف أنا المسكين دا لمن أسمعها برتا علي حالها وترجعني لي أيام الدراسة وأقوم أسترجع وأقول،، لو كان بدل صيدلة قريت أنف وأُذن وحنجرة،، كنت قدمتا المساعدة اللآزمة وفكيت ليها شيلت النفس وقطيع الكلام وإن في ناس بتريدو كدا... يديك الف عافية وما بنختلف برضها بتطرب ما بنقولها ليك الحبيب خوفن من الضرب:D:D:D:D:D |
صراحة كده يا عِتمان
ومعجبي/ات أسرار أنا مِتِل بابكر أخوي ده قدُر ما حاولت إتكيّف ليها ما قدرت بشعر بيها متعسِّمة في الغنا أكتر من اللازم يمكن ذوقي حمّاري، يا سلام على سميرة دنيا نفس الشي كان حالي مع نانسي عجاج بس حاليّاً شوية أضاني بقت ترخي معاها. |
> اسرار بابكر مسكونة بالتطريب
اقتباس:
ما عندنا اي مانع ومافي اي أختلاف ونزل لينا معاك أغنيه انا سوداني بتاعه الفنان العطبراوي بصوت أسرار ............ لحدي هنا كويسين .........لكن كمان لازم الشرط الفوق ده يكون فيهو عافيه حسن ولاشنووووووو والله يديك العافيه |
اقتباس:
|
الاخ عثمان...
تحياات و رمضان كريم علينا و عليكم لعلى اقتبست جزء من مداخلة عكود فى مداخلتى اعلاه و اظن التعبير الذى كتبه الاخ عكود عن الطريقة التى تغنى بها الزولة دى كان معبر جدا..جدا و مسائل كثيرة فى الغناء يمكن تجتوزها بالتدريب و التماارين الكثيرة... اذكرى ان اسرار ذهبت للفنان وردى و استشارته فيما تقدمه بعد ان استمع اليها و كان ان وصااها بالسفر الى هولندا الى للتدريب بمعهد خاص بصقل الاصوات و تطويعها.. هذا بالطبع لا يمنع ان نقول ان اسرار فنانة موهوبة و عندها نوع معين و مميز من الصوت يحتااج الى شغل معين لتكون اكثر اجاادة.... طبعا كتبنا راينا رغما عن الشروط التى ذكرتها فى صدر البوست و اختلاف الراى لا يفسد للود قضية...شئت ام ابيت.. تحيااات.. |
اقتباس:
انا من المعجبين بغناء اسرار بابكر خاصة في أغنية ( أمي ) بإلله إستمعوا ليها ولو بعرف انزل الأغنية هنا كان سمعتكم ليها |
اقتباس:
يا حبيب والله اتاريك ممكون و ما صابر |
اخونا فتحي مسعد حنفي
لك التحية و الموده فاتحي لي مالك سلم علي و بعدين شوف صيام عادل الجرحو لكن معزور اصلها اسرار بتلخبت و تطشش لك مودتي |
اقتباس:
يا خ تشكر لمن تشكر تاني بعد التروايح هو في ناس خلوا التراويح عشان برنامج السر قدور |
اقتباس:
ود مخير بركه بركه بركه القريت الصيدله والله كنت حتعوقنا جنس عويقه هي ما ياها النحه و البحه و والنفس و والقطعه و النتله و التله الحيلحقونا امات طه عارف النكته بتاعت الراجل القالوا ليهو عايزين تبرعات عشان ناس الانقاذ جاين زايرن البلد قاليهم انا متكفل بي كل شئ بس بشرط الجماعة ديل يرجعونا لي المكان الانقذونا منو |
اقتباس:
ود اختي والله لكن الحوش عندكم تعرف حكاية الغنا دي لنا عازرك فيها انا لمن اتذكر الوصايا العشره بتاعت جدك الله يرحمه رنة الموبايل تجفلني انت عارف العسيمه دي هي المطلوبه خلها تتعسم هي و تحلج المستمعين و ان شاء الله قريب اضانك تستعدل و كمان سميره دنيا قمة بلا شك |
[QUOTE=Osman Righeem;109324]اخونا فتحي مسعد حنفي
لك التحية و الموده فاتحي لي مالك سلم علي و بعدين شوف صيام عادل الجرحو لكن معزور اصلها اسرار بتلخبت و تطشش لك مودتي[/ ياخوي دا مطلع أغنية:confused: والله تعرف الموضوع وما فيهو اني ما داير ادخل زول ظريف زيك في مداخلة هجوم مقنع:Dوالضحكة دي اعتبرها اعتذار والسلام لاحق.. تعرف الكبر+الصيام=زهايمر.. أنا ذاتو بعد ما مرقت ما رجعت تاني وعشان اليومين ديل العشرة الأواخر. لازم نشوف حق الله عشان بنلعب في الوقت الضايع..أما صاحبك عادل يا اقتنع بي كلامي ولبد يا يكون زعل من كلامي ولو اني ما أظنو ممكن يزعل بس لو تلاحظ احنا كلنا مقلين في الكتابة عشان الحكاية فيها قيام ليل وقراية قرآن عشان أنا مخطط للرجوع الي السودان وبعمل في بروفة عشان أبقي كوز كريستال وعلي شرط كريستال..أقل من كدا ما بينفع...مش برضو الناس مقامات:) |
الحبيب أبو عفان
تعرف من الناس البحب أسمعهم القلع عبد الحفيظ، لأنو لما بدا، كان ليهو إستايل تطريب مميز وهو ذبذبة كدا في الصوت وكانت جديدة وفي نفس الوكت تتناسب مع الغنا الشعبي الإشتهر فيهو،،، وما بحب أسمع محمود عبد العزيز لأنو دخل لخبطة في غنا الناس وأظنه لو كان غنا حاجتو براهو، كان برضو بيتختا مع القلع في تصنيفاتي (خلاص أنا، يعني الود يوسف الموصلي) ويكون تجديد في نوع الغنا،،، آها في ناس بتغني وبتفتكر التطريب أنه يبل حلقو يعني يرطبو، ما خطاء مطبعي بسيط ممكن يقلب المعنى،، يقومو يجغمو ليك الحروف، وتسمعهم ذي البغرغر الموية،، متصور معايا الصوت بيكون كيف،،، دي بنيتنا آسرار، وما بدس منك سر;);) شكلها سياحي وإسم أبوها ذي إسمي وممكن يكون عندها في تصنيفاتي مكانة بس تبطل الغرغرة وتبتسم شوية، ما شرطن ضحك وقرقرة لك التحية والمحبة،،،، loooollooool ممكن تفضل ليها لو حبيت;););) |
اقتباس:
اقتباس:
اقتباس:
اقتباس:
طبعاً وثقنا ليكم للزمن ... اها يا أخوانا والله الذكرتوهن كلهن مطربات وغنايات خاصة سميرة دنيا لمن تغني للراحل عثمان حسين لكن والله قصرتوا في حق ( اسرار بابكر ) يا اخوانا استغفروا الله انتو في العشرة الاواخر كدي حكوا اضانكم واسمعوا دي: [flash=http://www.youtube.com/v/nAIMkPRjQO4&hl=en&fs=1]WIDTH=400 HEIGHT=350[/flash] |
أسرار دي أنا مابرضى فيها
ياخي أنا بسمعها وأنا مغمممممضة أعملوا شخيت وأقيفوا بعيد:p |
اقتباس:
يسعلني الله صوتا ما عجبني وتحسي بيها معسمة ومقايطة كمان :p:p |
اقتباس:
مع انو ماقاعدين نختلف احنا لكن يظهر أضاني طلعت أنضف:p أستمتع جدا بغناها وبحسها حاسة الكلام البتغنيهو، نقظة سطر جديد:D حارقني كلام عن سميرة دنيا، سميرة دنيا تنفع في الرادي بس، لانها جامدة جدا ووشها مابديك احساس خالس انها حاسة الكلام البتغنيهو، |
اقتباس:
|
اقتباس:
لو بس تعرفي بريدك كيف؟ ماتتخاففي وتقتبسي لي (بريدك) وترسلي عنوان بيتكم ولا ايميلك،ده ماقصدي:D |
http://sudaniyat.net/up/uploading/asr-omy-shadin.mp3
محاولة مني لانزال اغنية امي يا ريت يا رشا لو تقدري تسمعي الأغنية دي عشان تآمني زاتو:D |
الاحباب.. مهما اختلفنا فى ذوق الاستماع.وفى انفاس الطرب.. ستظل اسرار بابكر فى مقدمة الفنانين الشباب ..بما لها من موهبه وقدرات فنيه. ولعل من تابع ادائها فى اوبريت الشريف زين العابدين الهندى .الذى لحنه محمدبه والكابلى .زيؤكد انها موهبه .وموهبه حقيقيه.ولعل كل الموسيقيين الذىن يرافقونها وعلى راسهم الموسيقار محمديه قد ابدوا الراى العلمى المساند لموهبتها وقدراتها..ولعل ماذكره وردى عنها وعن امكانياتها الصوتيه يكفيها فهى شهادة من موسيقار وفنان مقتدر.. ونحن لا نستطيع بالغوص اكثر من ذلك من خلال .ما نتوقعه فى اطار ..الرغبات الذاتيه.. الشابه فنانه.ودى ما عايزه .اى كلام.. ودمتم.. |
اقتباس:
إن قلنا شمال تقول يمين وعليك وعليا باليمين التقولو كلو ماشي وما تسأل لي متين لأنك عارف دا بكون ليوم الدين |
اقتباس:
يا صاحب الايقونات المترفه بالعطور فايت مروح وين ما لسه الزمن بدري عليك الله بعد كلامك السيمح ده عن اسرار ما تمشي تشمت فيني الناس يقولو كراعه حاره بي بركة العيد والله يديك الفي مرادك ما تكسفني ولا عايز اعرف الحاصل شنو شوف انا فطيت الناس دي كلها وجيتك جاري خليك شويه عشان جنبك |
اقتباس:
اختنا الغاليه يكملك بي فهمك و احساسك العالي ويديك الفي مرادك |
اقتباس:
انك لا تهدي من احببت ولكن الله يهدي ما فات شئ الله يهديك انت متأكده انك ما سمعت اسرار بابكر مخير حتي لا نفسد قضية الود |
]الفنانه اسرار بابكر...
انها تطرز ظلال الليل.بمصابيح البريق .وترش دعاش..الطرب ..ومغنطيس .رعش يخترق سويداء القلوب.ويرشق اسهم صداه فى عمق سحيق..فى حنايا خبايا الشعور...[/size] [flash=http://www.youtube.com/v/ENDdHh4hEGE]WIDTH=400 HEIGHT=350[/flash] |
غايتو جد
لو لا إختلفت الرؤى كان بقينا صينين (نسمع ذي بعض ونشوف ذي بعض) لكن برضو لو كان في الوشيش، بسمة، كان تكون أجمل (ما خلاص وافقنا على الجمال وما بنقول تكون جميلة) ولو خلت غرغرة الحروف، كان تكون أشذا (مش برضو بيقول يشذي وتشذي) لا؟؟؟؟؟؟؟؟؟؟؟ والأدهش جابت ليها سهههههههية كدا،،، سنة يا سارح وردي ما عمل فينا خير:confused: شينة والله كبيييييييييييير ويجامل:(:(:( |
اسرار, تسمعها, غنايه والله مافي شك...
لكن لما تشوفها بتغني, تقوم وتقع معاها لما نفسك ينقطع يعني بتجهد نفسها كتير وتجهدك معاها لكن شوف واسمع سميره دنيا تطربك لحدي ما تخدرك... |
اقتباس:
والله يا د.بابكر مخير بتبالغ عديل كده ... اسع الجاب الشناه لجمال الصوت ولا عدمه شنو؟؟ ولا بس ساكت لله في الله " مكجنها " اسرار دي... اتفقنا معاك في غناء سميرة دنيا ...لكنها والله ما اجمل شكلاً من اسرار .. وبنحترم رأي من قال انها جامدة عند الاداء بلا ابتسامة ... بس يا اخوانا كدي استهدوا بالله... اها اقول ليكم كلام انا شخصياً رأي وردي ما باخذ بيهو ...قولوا لي ليه؟؟ اولا ً وردي بالذات مرات ما حقاني وعنده حب الانا عالي جداً .. عندما سئل وردي عن حنان بلوبلو زمان حبه يخالف الناس الكان بتقول انو " الكشف " رقيصها داك ما حقنا حق جيرانا الاحباش قام وردي قال فيها انها موهبة لكن صوتها ما جميل ؟؟ والصحيح انه حنان بلوبلو مثلاً صوتها " ما وحش مش كده " ان لم نقل انه صوت مطرب ثانياً وردي ده عنده رأي حتي في ابنه الذي اجيز صوته من قبل لجنة النصوص .. يا اخوان اسرار بابكر دي ا نسمعها في الاول بدون راي مسبق .. واكيد حايكون الراي مختلف.... لو سمعتوها من غير ما تعرفوا انها دي اسرار... |
اقتباس:
سلام وعيدك مبارك أهو إلتقينا من قريب، كما كنا إلتقينا في الوسط،، تعرف؟ جزاك الله خير "كلمة سودانية صادقة ومعبرة،، شنوها الشينين ديل (الفي بالي بالك) لمن إتقالت بلسانهم" فكيت الطلاسم وريحتا الكيب بورد من كترت الطقطقة،،، زمن يا حواء الطقطاقة،،، خير قلتا: اقتباس:
وأحييييييييييييييييييا على الغنا والشحتافا:( |
الفنانة أسرار بابكر تسير بخطوات واثقة نحو المستقبل واستطاعت ان تفرض وجودها في الفترة الماضية، عبر أغنياتها التي تختارها بعناية فائقة، أسرار لم تكتف بموهبتها فقط، وهي الآن طالبة بكلية الموسيقى والدراما (جامعة السودان) وتواصل نشاطها في الوسط الفني دون استعجال كان لنا معها هذا الحوار الخفيف.
* رمضان شهر مختلف كل عام وانتم بخير ونحن في خواتيم هذا الشهر الكريم، ورمضان بالنسبة لي كان شهر الخير والبركة والروحانيات ونصل فيه إلى درجة عالية من السمو، وشكل اليوم في رمضان يختلف تماماً عن الأيام في الشهور الأخرى. * عمل وعبادة وظهور في الشاشة وبالنسبة لي رمضان هو شهر العمل والعبادة والظهور على الشاشة وطبعاً لابد ان اتوقف عند محطة أغاني وأغاني، فهي تعني لي الكثير واحيي هنا الأستاذ الكبير الصحفي السر قدور وهو مدرسة فنية تعلمنا فيها الكثير، وبالنسبة لي برنامج أغاني وأغاني ليس مجرد حلقة تلفزيونية بل هو مدرسة متكاملة وظللت اشترك فيه منذ ثلاث سنوات. * جمهور راقٍ بالجنينة لأول مرة اسافر لمحلية الجنينة وكانت في بداية شهر رمضان ولفت انتباهي في إفتتاح مهرجان ليالي شباب الجنينة الجمهور المنظم الراقي الذواق وانا اعتز بانني غنيت في رمضان لهذا العام أمام جمهور الجنينة. * عصيدة وحلو مر صادف ان وجدت في نهائيات رمضان بالقاهرة ولكن بكل صراحة رمضان في السودان لا يقارن فهو مميز جداً وله مذاق خاص وأفضل في رمضان الوجبات الساخنة، عصيدة بالتقلية والعصائر الطازجة والحلو مر، في رمضان الوجبات البلدية مهمة ومفيدة. * سهر رمضانية سجلت في رمضان سهرة بها أغنية من كلمات ذو النون بشرى وألحان يوسف السماني وهي عمرها طويل لكنها لم تخرج للمشاهد اسمها (لو بتعرف)، شاركت فيها مع عدد من الفنانين منهم حمد الريح، زيدان إبراهيم وسيف الجامعة. * راحت عليك (راحت عليك) أغنية حبيبة للنفس، وقد ذهبت للشاعر إسماعيل الأعيسر وطلبت منه نصين فاعطاني (راحت عليك وست البنات) فأعجبت بهما، فطلب مني تسمية الشريط بأغنية (ست البنات) وقال ضاحكاً (عشان تكون أسرار ست البنات) فقلت له هذه الناحية فيها غرور لذلك سوف اسمي الشريط (راحت عليك) وذلك لأن الجملة متداولة وبسيطة وشعبية وقد كان ووجدت انتشاراً كبيرا. * رحيل هناك البوم قادم بعنوان (رحيل) وهي أغنية من كلمات سعد الدين إبراهيم وألحان جوار وعمل من كلمات مدني النخلي والحان د.صلاح محمد الحسن واتمنى ان يكون إضافة لا خصم على تجربتي الفنية. منقولة من المشاهير |
اسرار بابكر..
تلك الانثى الممعنة في التطريب حد الدهشة,,, المعطونة بموية النيل وضي القمرة,,, لها تحية اعجاب وتقدير ولك ود وورد ...... |
ياعثمان ياخوي بوستك دا مالو ناشف كدي
مش الاول تجيب لينا نمازج من غناء اسرار وتورينا العجبك فيهو شنو علي كل حال اعتبرني من المعجبين بي اسرار مقدما بس ماتنسي تنزل ليها نمازج صوت وصورة |
| الساعة الآن 12:43 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.