تعطيل العضوية الخاملة .. مقترح ..
ضربنا الهكر من العضوية الخاملة .. لبقاء سودانيات نرجوتعطيلها .. ومن أراد تنشيط عضويته فليتقدم بطلب لتنشيطها ما رأيكم !!! |
اقتباس:
من أجل بقاء سودانيات منبر للعدل والحرية |
نؤيد وبشدة . .
من أجل بقاء سودانيات منبر للعدل والحرية .. |
نؤيد مع اقتراح:
إرسال إيميل للعضو بقرار التعطيل، يمكن يكون ما جايب خبر |
سلام يا سادة يا كرام
وحمداً لله على عودة سودانيات مع احترامي الشديد لهذا المقترح لكنني لا أؤيده لأن حجة أن الهكر ضرب الموقع عبر العضوية الخاملة حجة غير كافية لأن الهكر ضرب سودانيزأونلاين مستخدماً حساب أنشط الأعضاء وأكثرهم مشاركة وحضوراً.. هناك قول سائد هنا بأن (سودانيات بيتنا) ولا أعتقد أن صاحب البيت إذا غاب لأي سبب من الأسباب يطرد من بيته.. ظروف الأعضاء تختلف وأسباب غيابهم ربما تكون مقبولة إن علمنا ظروفهم.. أنا أرى أن مقترح شطب العضوية الخاملة أشبه بقرار حظر التجوّل، وأرى أن إرسال مناشدة للأعضاء لتفعيل عضويتهم أمر مقبول وتصرف أفضل.. |
نؤيد وبشدة . .
من أجل بقاء سودانيات منبر للعدل والحرية .. |
طيب لو الزول ده كان قرفااااااااااااااااااااااااااااان مِن نفسه ...
أها يبقي ذنبه شنو ؟؟؟ ذنبه إنو قرفان من نفسه؟؟ |
تعطيل العضوية الخاملة .. مقترح ..
يا معتصم لية الخامليين ديل بقرو ساكت لسة فى سنة اولة تعليم زينا كدى بنجينا شايلين قدحنا فى الضراء بنلقاهو ام شعيفة ساكت مع النعيمبة و الشية و المرارة . بنشارك الناس فى اكلهم و بنرجع بامتكشونا............... بمكن رسالة تنبيه عشان نقول نحنا صاحيين و متابعييين و دمتم,,,,,,,,
|
لا اؤيد هذا الاقتراح
|
اقتباس:
هي العضوية التي مجموع مشاركاتها ( صفر ) وقد قرأت من قبل للأخ خالد الحاج أن هناك عدد كبير من العضوية صاحبة الرصيد الصفري فهؤلاء منذ تسجيلهم لم يشاركوا فالقصد ليس العضوية صاحبة الإسهامات والتي إنقطعت لسبب أو لآخر . . |
اقتباس:
|
اقتباس:
|
سلامات يا سادة
ويا سيدات يا كرام العضوية الخاملة هي التى مشاركتها صفر .. و تسجلت تلقائيا .. اتوماتيكيا .. أيام التسجيل اتوماتيكي .. يا جماعة زول مشاركاتو صفر خلال عام .. يعنى بقرأ بس .. طيب يقرأ و بس بدون عضوية .. والشر برة وبعيد لو عاوز .. يشارك .. يرسل لخالد و يفعل ليهو العضوية فى ثواني .. قلنا تعطيل وليس شطب .. العضوية دى |
اقتراح
بعد السلام والتحايا السوامق
هناك بعض الاشخاص الذين لم يتوفر لهم البقاء امام الجهاز نصف ساعة فما بالكم بان يكتبوا موضوع او فكرة او رد ثم ان هناك من هم على شاكلتى من ليس لهم القدرة على الاستمرار امام الجهاز لاكثر من ساعة فى اليوم فيصابوا بالارهاق لذلك اجد ان مشاركتى شبه خاملة بناءا على ذلك فانا ضد تعطيل الاعضاء الذين مشاركتهم قليلة او لا توجد مشاركات لهم فى المنبر واقترح ارسال اميل يطلب فيه تحديد موقفهم من منبر سودانيات ودمتم لوطن لا يعرف الابتسام |
اقتباس:
اوافق على طرح كل الحلول الممكنة لعدم المساس بالمنبر مرة اخرى . ورقم قلة حيلتى و علمى فى مجال الكمبيوتر لى سؤال هل تعطيل العضوية الخاملة يضمن لنا بقاء المنبر و عمل الحماية اللازمة له ؟ |
اقتباس:
|
اقتباس:
رأى سديد يا أبو حازم .. البيت بيعمروا أهلو .. والكتيرة سمحة .. ودعوتهم لتفعيل عضويتهم أراها أفضل من التعطيل .. ويجب أن ننظر لموضوع الهكر بعيون أكثر إنفتاحا .. ولا يجب أن يدفعنا ما حدث لفرض قوانين الطوارئ فى بيت مشهود له بإعلاء قيم الحرية والديمقراطية كأول بورد سودانى مميز بإدارة عضويته لشؤونه عن طريق الإنتخاب الحر المباشر . تحية .. |
اقتباس:
|
اتمنى من الاخ الامين العام لسودانيات ان يفتح بوست للتصويت او اخذ قرار باعتماد هذا الاقتراح لتأمين و حماية المنبر و اعتماد اراء العضوية التي شاركت بالرأي في هذا البوست ، و توجيه الادارة الفنية بالفحص و المراجعة وتنفيذ القرار على وجه السرعة ..
اطيب التحايا .. |
سلامات
قلنا نجرب قبل الرفت |
معتصم الطاهر صباحك فل
تعطيل ولا شطب احيانا مابيكون في مزاج نعمل شنو |
عووووووك :D:D:D
|
اقتباس:
سلام وشوق شنو يابا بقيت شيوعي :D:D قال ليك؛ جماعة من أهلنا دولا، غرقت سفينتهم، ركبو طوف النجاة كم يوم كدا وبعدها شافو ليهم أرض.. واحد قال: والله أنا ما عارف؟؟؟ "قولة من منفستو الحزب" لكن النظام الفي الحتة دي!! أكيد رجعي (هم ظاتهم ما عارفين الأرض دي جزيرة ولا ضهر حوت أبيض) ونحن حنكون في المعارضة...;);) دحن الحبيب، مش؟؟ ناس ما بتشارك ولو بي سطر، أخير ليها تكون فراجة دون الإلتزام بواجبات العضوية، الأساسها المشاركة.. دمت ما تبقى من المعارضيين وخليك معانا رجعي وراجع رأيك.. ليك محبة "رفيق" في دربن طويل وجميل، ياهو أهلنا، عزة السودان |
و لا زلنا نسآل و نتابع هذا الامر ..
|
يا جماعة ..الاعتراض ..الآراء الفوق دى ..
زول مسجل و مشاركاتو صفر يعنى بقرأ بس طيب خليهو يقرأ كزائر .. قولو لينا زول مشاركاتو صفر .. لمدة 6 شهور داير شنو ودايرين بيهو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ |
العزيز معتصم
الأماني الطيبة تعطيل العضوية .. عقوبة .. سودانيات فضاء رحب يقدر الظروف التي تحجب المنتمي علي التواصل والمساهمة بالكتابة .. اعتقد يجب أن لا نحرم أحد من احساسه الجميل بأنه منتمي ومسجل عضو في سودانيات وخاصة هذا السجل لا يؤثر في عمل الموقع ولا يخل بالنظم المتفق عليها. عزيزي معتصم ،، دع هذا الاحساس ينمو حتماً سيتم الاسهام يوماً ويصبحوا عضوية نشطة. تحياتي للاسرة والاصدقاء |
اقتباس:
سلام ياعلي وينكم |
نرجو من الاخ / المشرف الفني مشاورة الجهات المختصة
و التنسيق معها ، و فتح باب التصويت لحسم هذا الموضوع الهام .. |
اقتباس:
يا فيصل المسألة بالنسبة لي ساهلة ومجرد نقرة ماوس وأي شخص مشاركاتو (0) يتم حذفه أو أي شخص لم يشارك لمدة ستة أشهر مثلا أو عام بنقرة يتم حذف اسمه. ما أريده هو قناعة عامة بعدم جدوي وجود من لا يشاركون لأن وجود هذه الأسماء يخل بإحصائيات المنتدي ويعقد مسألة الإشراف نفسها .شخصيا لا يهمني كثرة المنتمين للمنتدي بقدر ما تهمني فعاليتهم وممكن جدا المنتدي يستمر بعدد قليل لكن فاعل ومشارك . يديك العافية |
زي زول يمشي حفله ويقولو ليهو لو مارقصت أو غنيت - قوم أمشي - مع إنو نفسو يرقص بنفس الرتم الجميل لكنو أشتر وماعندو ولا غنيه ما شترا يشارك بيها ..
طيب .. يمكن هو منتظر يمكن هو يبقى ما أشتر ..أو ناس الحفله يبقو شتر .. يا الله أدينا عمر .. دي مجرد (خاطره) .. *** كل ما أقرأ عنوان البوست ده (بتحسس) كـ عضويه خامله ويمكن متقله عليكم .. لكن بعض الناس ظروفهم بتمنعهم المشاركه الدايمه وعندهم أعذار ما مقنعه ـ زيي كده ـ وكل ما يلقو فرصه بـ يشاركوا .. مكتفين بشرف الأنتماء لقبيلة سودانيات .. ممكن زول يجي بي خوفتو من الرفت يرشكم بنوع الردود ديك (شكرا عزيزتي على هذا الموضوع ) أو بمواضيع غثه ومنقوله ويكتب عليها كمان منقووول .. وبكده يكون طلع من وصمة العضويه الخامله وثبت شرعا لديكم .. الكم ولا النوع ..؟ أها منتظرين آخر قولكم.. |
اقتباس:
سلام يا بت العم و لك التحايا الطيبة و ليس هنالك آخر قول مطلق لنا سوى المشاورة و التشاور و هدف البوست الرئيسي هو تأمين المنبر كما ورد في اوله ، و ايضا التحفيز الايجابي كما جاء في الوسط و تدقيق الاحصاءات و دعم التطوير و التحسين .. و نحن قطعا لا نقصد و لا نترصد الغائبين و المنقطعين عن الكتابة و نعلم للكل ظروفه ،، و لكن العضوية الخاملة هي الغائبة تماما عن المشاركة لاكثر من عام و عامين و ثلاثة ، و دي عاوزين نقفلها و لو ظهر هؤلاء الاعضاء فمرحبا بهم و ابواب المنبر مفتوحة للجميع حسب الميثاق .. لك الود و التقدير .. |
اقتباس:
متذكرنك تب،، غيبي وتعالي متين ما سنحت ليك الظروف،، إتي وصلتي الرقم السحري 13 مجموعنصوص، :D ودا معناها انك نشطة،، ما لو كان غير كدآ، كان بيكون في فراغ ذي في الطيارات بيكتبو على الكراسي 12a 12b بعدين طوالي لي 14 a و b يعني الرقم 13 خامل،، لكن بي قدرتك نشطيهو وين ما في حتت تانية خامل....... دمتي يما وكل عام وإتي بالف خير |
سلام للجميع وكل عام والجميع بألف خير
إضافة بسيطة بخصوص العضوية غير النشطة "الخاملة كما يسميها البعض" انا من هؤلاء الفئة "صفر مشاركة" وأعتبر عدم مشاركتي تعود لأسباب عدة ولكن ليس معنى ذلك عدم رغبتي في المشاركة بل أتحين الفرصة المناسبة للمشاركة بما هو مفيد لي وللجميع أو أن يستفزني بوست للرد عليه دون أن أكرر ما يقال. ولا أعتقد أن الجميع ينظر للكم في تقييم العضو وأقترح أن يتم التريث في الأمر إلى حين على العموم أعتقد أنه من حقنا العضوية حتى نتسفيد من التصويت الذي قررت المشاركة فيه لترسيخ المفهوم الديمقراطي لا أكثر. ولكم الشكرgoood |
اقتباس:
ليك التهانيlooool كسرت القيود ودخلتا الحدود واحد رقم البداية والميل يبدآ بي خطوة واصل يابا ملهوزآ؛ يكونو ما قاصدنك ما إتي كنتا ورا الصفر متخفي;) |
الحبيب هاني
ليك التهانيlooool كسرت القيود ودخلتا الحدود واحد رقم البداية والميل يبدآ بي خطوة واصل يابا العزيز بابكر وشكرن لي كل زولة وزول ما عندي الزيادة، عشان أقول:o |
مواصلة لموضوع الأخ / معتصم الطاهر بالغاء العضوية الخاملة ، أرجو أن يسع صدره وصدر القائمين علىالمنتدى بالملاحظات الاتية :
أولا ليس من الحكمة في أن نمنع من لم يشارك حالياً بالغاء عضويته بل يجب أن ندرس لماذا لم يشارك وأكيد أنه حين فكر في الإنضمام للمنتدى كانت لديه أسبابه وإعجابه بموضوع تم تداوله والاراء الجيدة التي أعجب بها، وكان من المفترض أن يقول صاحب هذا البوست سبل تحفيز العضوية النائمة وتفعيل مشاركاتها وليس أن يحضر سكين الجزار لأستاصالهم. أنا أعتقد انه من أهم الأشياء التي يجب أن يقوم عليها مفهوم المنتدى هو نشر روح الأخوة بين أعضائه واعتقد أن ذلك متضمن بدستور المنتدى وأن أهدافة تدعو إلى ذلك كما أنه من الناحية القانونية ليس من شروط العضوية أن تشارك خلال فترة أو خلافه. انا متاكد من ديمقراطية خالد في مثل هذه القضايا واعتقد أن مشكلة العضوية الخاملة محتاجة إلى وعاء أكبر من الذي طرحه معتصم وذلك عملا بمبداً المعلمين في المدرسين فليس كل من لم يستطيع الكتابة يتم طرده بل يتم التركيز عليه وإعطاءه الاهتمام الأكبر حتى يبلغ مبلغه في ما هو مكتوب له من العلم. ومن خلال تجربتي الشخصية التي دفعتني للتسجيل في هذا المنتدى هو جراءته في تناول قضايا السودانيين وبعد فترة قلت المواضيع التي أحبها فقلت زياراتي وبعض المشاركات التي أردت أن أشارك بها وجدت غيرى تناولها ولذلك ظللت متابعا وزائراً ، وما أعادني إلى باب المنتدى إلى لممارسة حقي في الديمقراطية وبصراحة كنت جاي أصوت ليك يا معتصم لأسباب أحتفظ بها ولكن لما وجدت بوستيك الغير موفق تراجعت. لك الود وللجميع |
السلام و التحايا :
اها بقيتوا على شنو ؟ و شن الراي يا ريس ؟ و طالما نتحدث عن التأمين ، ماذا عن الارشفة ؟؟ |
اقتباس:
يا إخواني غبت شهرين لأن المنتدى معصلج معاي وما زول إشتغل بينا وسأل علينا حتى الخال أضان من طين المسامح كريم هذا المنتدى ما مكن نستغنى عنه ولو عطلتونا بنجيكم بأسماء أخرى نمشي الوطن الحكومة وووووب ، نرجع هنا الغربة وووبين ..نجي الموقع الإستئصال .....آها نعمل شنو تأمين الموقع دا ما شغلنا ..... الإدارة بتعمل شنو مع تحياتي وحبي |
اعتقد ان الأمر يحتاج الي مزيد من المعلومات من الإدارة بالجابة علي الأسئلة التالية :
1/ هل عدد العضاء يؤثر علي أداء الموقع في السرعة أو الطاقة الإستيعابية المخصصة له ؟ 2/ هل يشكل وجود هذه العضوية خطر فني الآن أو مستقبلاً ؟؟ 3/ هل يشكل عائقا إداريا بأي صورة من الصور ؟؟ إن كانت الإجابة نعم فأنا أؤيد بشدة (وشبط كمان) المقترح اعلاه ... ومن أراد تفعيل عضويته عليه التجديد لها ...(ياخي علب الصلصة عندها مدة صلاحية) .. وإن كانت لا فينبغي ان لا نشغل انفسنا كثيرا بهذا الأمر .. تحياتي .. |
سلام يا اغبش ..
اقتباس:
اقتباس:
نعم .. فبعض العضوية الخاملة هكر نايم ..خلايا نايمة .. والبعض يضربه الهكر .. ويدخل باسمه .. اقتباس:
لا .. |
| الساعة الآن 03:21 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.