إنبراشة الرجل امام الحسن الأنثوي
[align=center]دائما ما يستوقفنا مشهد لإبنراشة أدم امام حواء ... ولكن تختلف ماهية الإنبراشة من رجل لآخر ... هنالك من يترك وقاره خلف ظهره .... وآخر يعمل فيها تقيل ... ويبحلق بعيونوا لكن برضو بكون ظاهر ... وآخرون وأخرون
تعالوا نحلل ليه الإنبراشة في حد ذاتها .... لماذا ينبرش الرجل امام الحسن الانثوي ؟؟؟؟؟ هل هي مسألة نفسية بحته او تكوينية ام ماذا ؟؟؟؟ وهل هنالك مواقف طريفة [/align] |
تحياتي
منو البقدر يقاوم سحر حواء... وبصراحة انا .انا بنبرش ..اما م كل جميلة |
اقتباس:
غايتو ليقيتك يا باسط شجاع جنس شجاعة سلام ياهمس |
همسة يا حبيبة
انا البت لما اشوف لي بت شديدة ببحلق خليك ادم وشعر الغزل ما هو الا نتيجة انبراشة وبحلقة ليك تحياااتى |
همس الشوق...
حتى الاسماء تسبب صاعقة الانبراشه..عندما تتموسق..وتتكون وتنطق فى غنج الدل الدلال...فتاتى قوى جبروت صواعقها بمجرد ان تمس مجرات إبصار النظر.وتركيبة حروف الاسم... اولو .تسمعى...هذه المقاطع .من قبل.. ينهيك..ويلهيك...مغنطيسه.. مجرد..ان تمس... يا النتقولك...منى.. متين.تدرى .و.تحس...!! همس الشوق.. هذه الاسماء.فقط.... وانت لموسيقى اسمك .رنين .وحنين..وتدله...!! شفتى كيف الانبراشه...!! والانبراشه لخيلاء الجمال.وسطوة سحره...هى تاتى غصبا عن كل التماسك...فللجمال جبروت وصولجان ودوله.لا يبستطيع احدا مهما كان او تمثل ان يخرج عن نطاق زلزلتها...وحمم براكينها.ومداها الرهيب.. كلنا موكولون بالجمال...تسقطنا شواظ لهيبه اينما وكيفما برقت واشتعلت واضاءت..فهى نواميس وقواميس..وتذكرة وانعاش وارواح تطوف... والله جميل وهو يحب الجمال.وهو الذى صاغ وابدع وخلق كل مناحى الجمال فى الدنيا..ليس للانثى او الرجل فقط.ولكن فى براح الطبيعه وابداعات الخالق العظيم...ودقة صنعه..وجمال روحه وهو ينفخ فى ملامح من صنعته شيئا من روحه الوثابه الجميله... همس الشوق... ويا لك من همسة.تثير..وتدغدق المشاعر..وتستمطر الهوى وتستعذب حبيبات العذاب... وانت رواح الاغنيه... دى إندراشه ثانية .متانيه...وبها لواعج من شهق انفاس..وانفاس...!! يا صديقنى العزيزه... الانثى تهيم وترتج وتصعق اذا صادفت معاييرا للجمال فى الرجل مظهرا .ومسلكا..تتلخبط..وتنضرب اعماقها..قوة الاصابه من نظرة.او إكتحال.او نغم.. والنجاح الممتاز فى العلم والمعارف وقوة الشخصيه وسطوة المعرفه..والسلوك والادب الجم..والنخوه والشجاعه.والمواقف الانسانيه المستمده من القيم..كلها مظاهر جمال يغرى ويستقطب الانبراشه... وقوة شخصية المراه .وانسها.وحسها.ورقيق مشاعرها ودفء وتوثب روحها وثقافتها.وعلمها..وذوقها.واناقتها..وعطرها..وفوق كل ذلك جمالها الساحر...وفتنتها..حضورها الذهنى والمعنوى.وإكتمالها جمالا .وسحرا.وفتنة.ورؤى.ومشاهد.. وقيمتها كدلاله ومعنى... كل تلك شواهد تسبب الانبراشه... وتتفاوت مواقيت الانبراشه...من نضار الشباب وهذه مرحلة جذب لها مسبباتها واسبابها..ومرحلة وسط العمر..هافويى.تو...وهذه لها شبق توقعها.ورسمها.ثم تاتى مرحلة بداية خرف العمر...ذا ريننق سيسون.فور من.. واجمع كل فقهاء العشق والحب..ان هذه المرحله هى مرحلة..التعلق..والبكا...وانت اسميتيها الانبراشه.. لا نختلف لكن هنا تثار وتصل حميتها الى اقصى درجااتها..لانها فيها اعادة الاستعاده للماضى كله من خلال ملامح سحر جمال..يثير الكبكبه..والنغوشه...والهلوسه...والبعثره..والنرفظه. .والتهافت...ثم الدموع..ثم البكا... كل تلك مراحل تاتى بعد احسا س الانبراشه.. وما يلى ذلك من حالات التسكع.والاغراق..والسرحان.والحوجه للحب..بكافة وكل اشكاله... العزيزه همس الشوق... يعنى.يا بتى..انتى.همسه متعبه جدا...اثارت فى مكامن الوجدان جراحات نزف كل ذلك الشجن..وفتحتى فى عمق الكبد جراح زمان العشق..وحلاوة الايام... وشوق الممارسه.. يعمى لكل.مجتهد نصيب.. حتى لو دارت الايام...؟؟؟ ليه .,..كده.. الظلم..دا... كل المحبه والاعزاز |
اقتباس:
والله انا غايتو لو شفت بت حلوة سريع بعاين ليها بسرقة كدة وتانى بعاين فى اوجه الرجال اشوف تاثيراتتهم من جراء الجمال حتة كدة برة قبل شهور امام شركة زين ماشى اسدد فاتورة كان فى بت ماشة فى الشارع حلوة لمن غلط كل تفاصيل الجمال فيها من وشها حتى تفاصيل الجسم فى عمك كان وقف عربيتو فى الشارع المعاكس لشركة زين وعايز يقطع الشارع لمن شاف البت قعد يعاين فيها وهو ماشى قاطع الزلط فى تلتوار فاصل بين الخطين عمك من شدة الاندماج ما جاب خبر للتلتدوار عتر فيها ووقع فى الناحية التانية للتلتدوار لو لا لطف الله وفى عربية جاية من الشارع العاكس كان راح فيها المسكين ويكون ومن النظرة ما قتل |
اقتباس:
يعني انت من الفئة التي تترك كل وصايا الأهل خلف ظهرك ...كما تفضل الأخ طارق صديق .. لك التحية والتجلة [/align] |
اقتباس:
بس يعني ما وريتنا آثر الإنبراشة .. وأنت من اي الفئات ...[/align] |
اقتباس:
بتصدقي انا نفس الشي لمن أشوف الجمال إن شاء الله في كديسه بتكبكب ..:D سبحان الله ... له في خلقه شئون يعني إنبراشة الرجل في المراة ليها وقع مختلف [/align] |
اقتباس:
سلام وأشواق وتحايا حتى التدفق [/align] اقتباس:
ربما هنالك من الأصوات ما يدعو للإنبراشة ... وكثيراً من علاقات النت قامت حينما صادفت الأذن صدى صوتاً مميزاً ترك أثراً جميلاً ....... نحن مفتونون بالجمال اينما كان ولكن خص الله جمال الإنسان بكثير من المشاعر التي تغالب الصبر والتصبر .... [/align] اقتباس:
ألا توافقي ان المراة حينما تنبرش في الرجل ... يجذبها شي أقوى من جمال الشكل .. والمظهر ...دائما ما تنجذب المراة الى قوة شخصية الرجل او نجاحه او وقاره ... و ... ولكن دائما ما ينبرش الرجل أولاً للجمال ... ثم الجمال ... ;)[/sizeهمس الشوق... ... وقوة شخصية المراه .وانسها.وحسها.ورقيق مشاعرها ودفء وتوثب روحها وثقافتها.وعلمها..وذوقها.واناقتها..وعطرها..وفوق كل ذلك جمالها الساحر...وفتنتها..حضورها الذهنى والمعنوى.وإكتمالها جمالا .وسحرا.وفتنة.ورؤى.ومشاهد.. وقيمتها كدلاله ومعنى... كل تلك شواهد تسبب الانبراشه... وتتفاوت مواقيت الانبراشه...من نضار الشباب وهذه مرحلة جذب لها مسبباتها واسبابها..ومرحلة وسط العمر..هافويى.تو...وهذه لها شبق توقعها.ورسمها.ثم تاتى مرحلة بداية خرف العمر...ذا ريننق سيسون.فور من.. واجمع كل فقهاء العشق والحب..ان هذه المرحله هى مرحلة..التعلق..والبكا...وانت اسميتيها الانبراشه.. لا نختلف لكن هنا تثار وتصل حميتها الى اقصى درجااتها..لانها فيها اعادة الاستعاده للماضى كله من خلال ملامح سحر جمال..يثير الكبكبه..والنغوشه...والهلوسه...والبعثره..والنرفظه. .والتهافت...ثم الدموع..ثم البكا... كل تلك مراحل تاتى بعد احسا س الانبراشه.. وما يلى ذلك من حالات التسكع.والاغراق..والسرحان.والحوجه للحب..بكافة وكل اشكاله... العزيزه همس الشوق... يعنى.يا بتى..انتى.همسه متعبه جدا...اثارت فى مكامن الوجدان جراحات نزف كل ذلك الشجن..وفتحتى فى عمق الكبد جراح زمان العشق..وحلاوة الايام... وشوق الممارسه.. يعمى لكل.مجتهد نصيب.. حتى لو دارت الايام...؟؟؟ ليه .,..كده.. الظلم..دا... كل المحبه والاعزاز[/QUOTE] [QUOTE=عصمت العالم;115539][size=4[align=center]ههههههههههه جميلاً يا أدم حين الإنبراش .... هنا تستنطق الصخر العصي ... وتجود بكل مكنوان الدواخل المتعبة ... هي لحظات من الصدق مع النفس ... يجب ان تعيشها ... حتى ترتاح النفس ويتجدد الهوى المتأجج في دواخل كل منا ... إن لإنبراشتك شي يحرك السواكن لك الاحترام والتجلة [/align]] |
اقتباس:
ذكرتني الاغنية البتقول بعاين فيهو ..وأضحك وأجري واجيهو راجع الحاج لكن ما عملها ظاهرة ... وإنبرش إنبراشة جد جد goood[/align] |
يا بت عمك انت اسمك دا ذاتو بيبرش :D:D
و انا ذي مشبهك و كدا ،، بس ما تقولي لي يخلق من الشبه اربعين .. كوني بخير .. |
اقتباس:
مشبهني على منو ؟؟؟[/align] |
اقتباس:
اهلا يا بت يا همس :D:D مشبهك على واحدة صاحبتي هنا ما نعزها عليك شاركتنا الكتابة و التواصل الحميم في هذا المنبر اسمها حلم الاماسي قريب من اسمك و توقيعها بشبه توقيعك .. التحية لك و لها و كونوا بخير .. |
اقتباس:
بس لو كنت اجتهت شوية بتلقاني غيرته اسمي وفي مشاركاتي القديمة [/align] |
فى وجود عصمت و فيصل أعلاه ..
يكون دخولنا بعد الألفة ونايبو .. أها دا انبرش فى اسمك الاسه ودا منبرش من زمان .. طيب دى الاسماء بتبرش .. أها أكبر برِش هنا .. بيفرشوا بروف معز .. وبفتح بيت البكا ثم يليه .. التالين حسب الرتب عصمت العالم خالد الحاج ( عكود ) كتامي مخير ابو عاقلة فيصل عباس .. فيصل سعد نسايم رشا و هلمجرا .. |
بقول قول اهلى
السمح سمح كان زرعوا فترتية ببقى قمح و السمح فى الضلمة سماحتو بدعة اكان شفت زولة من جنسى و العجب ان كانت لابسة التوب و مجهية و محنكشة و سماحتها بتخلينى اقههههههههههى :pو اطش شبكة ذاتو تخريمة حكاية دوت ذكرتنى زول شاف ليهو واحدة سمحة فى الشارع طاخ طقش العمود |
ههههههه
سبب واااااحد يخلينا ما ننبرش أمام ( الحسن الأنثوي ) مافي .. وليه ما ننبرش .. أصلو الإحساس بالجمال ده مفطور في ( الإنسان الإنسان ) .. !! لذا متى وقفت ( نون النسوة ) ممشوقةً تلقفتها أعين العابرين دون شك منهم من يستر نفسه حياءاً وتفور دواخله .. وآخرون من أمثالي لا يتورعون في الإفصاح عما غشيتهم من سكينة .. !! همس الشوق .. يا أنيقة .. مساء الإنبراشات .. الجميلة ..!! |
[align=right]
والله موضوع جميل ولطيف .. أنا غايتو واحد من الناس البتبين عليهم إنبراشتهم .. وإندهاشتهم .. ولا قاعد أدسها ولا شيتين .. أكان ختمنى (غزال ) .. ذات اليمين أو ذات الشمال .. أنبرش بإستمهال .. وأبحلق زى العيال .. وتنقد الرهيفة إنشاء الله ما تتلتَّق .. غايتو قالوا (الأولى لك .. والثانية عليك ..) .. بالنسبة لى غايتو .. فد نظرتن واحدة ما قاعد أزيدا , بس قاعد تكون طويلة شوية :D:D الجماعة المثقفين أكتر ناس قاعد تعجبنى ليهم .. الواحد تلقاهو ينظر أنا بفتكر .. وأنا بعتقد .. وبرناردشو قال شنو ما عارف .. و (تحدثى .. تحدثى حتى أراك ) .. وطوالى مجكسين من عينة الجمال جمال الروح .. والكلام على الأخلاق وكدة .. لكن وحاة الخوة الواحد فيهم من يشوف ليهو (دامة هارت ) يبوش بنات الأسود والشيريا فى (تريس) .. وينبرش برشة .. بنات أعمها ما سمعن بيها .. المهم فى الموضوع .. ( الحيكومات) .. ما بيرضن .. الأنبراشة عشان كدة الواحد قاعد يأكد على الدوام إنو دى مجرد إنبراشة بريئة وكدة .. والإنبراشة الرئيسية هى من نصيب (الحيكومة) وحدها .. لا شريك لها .. فى ذلك مع تقديم حزمة من التطمينات المصحوبة بحوافز معنوية مشجعة .. :D:D مودتى .. [/align] |
طبعاً الانبراشة أنواع:
النوع الاول وهو النوع الذي تستميح نفسك بالتمعن فيه طوال اليوم لو سمحت لك ظروفك النوع الثاني هو النوع نص كم كدا يعني أبراشة تزوال بزوال المراه أبرشوا جميعا لصاحبة البوست |
اقتباس:
زهرة في كل المواسم وكل يوم بتزيد نضار وغنوة لبنوت بلدنا وفرحة في عيون الصغار ولوحة عن حسنك بتحكي فيها هزة وفيها نقزة وفيها نوبة وفيها طار -- ---------- بريدك كلمة كان رفت يهش ثغر النجوم يسطع ولما ينادي همس الشوق يقيف كل الزمن يسمع عيونك ديل عيون أهلي حُنان زي نغمة في مقطع وطهرك تاج جواهرو العزة وإنتي العزة ليك تركع ويا ريتني لو أقدر أقول فيكي الكلام الما أنكتب وأجْلِـي المقاطع بالدهب وأفرش صباح حسنك وشاح يمسح عذاب عمري المسطر بالللهب[/align] [align=justify]أها يا حلم الأماسي ويا همس الشوق رأئك شنو في الإنبراشة دي ؟;) كلام يخليك إنتي زاتك تنبرشي :D[/align] |
اقتباس:
لكن ما قلته لي ديل منبرشين ولا فريق كوره ..بعدين لو سمحته شيل لي ابو عاقلة بره وخت محله طارق صديق ما شفته كيف إنبرش في البص :D[/align] |
اقتباس:
الجمال ساحر اينما كان ... غايتو انا زاتي بحب اي شي جميل ومنمق ... كان في بنات جنسي طوالي بعلق وأديها ليك كسيرة .... اما كان عند أدم .... يا قلبي المكتول كمد ؟؟;)[/align] |
اقتباس:
تحية إنبراش صباحية تعرف يا طارق هنا عصمت العالم شيخ شيوخ البكايين ... لكن شكله كدا والله أعلم جاهو منافس خطير يشكل خطر على كرسي المشيخة ... [/align] |
اقتباس:
الأخ الوليد اكيد مع شقاوتك دي مر عليك موقف لا تحسد عليه ... فيا ريت نعرفه ...[/align] اقتباس:
لكن لقيتك زكي زكاوية ... لحقته نفسك في الزمن بدل الضائع ...[/align] |
الانبراشة والكبكبة طبيعة فطرية في الرجل حلوة مكن نقوال خفة دم وتذوق لاجمال كدة احسن
التحيه |
اقتباس:
شوفوا الناس البتنبرش عن دراسة .. ومقسمنها لأنواع [/align] |
اقتباس:
إنبراشتك لمن تكون على أنغام ( ابو اللمين ) اكيد بيكون ليها طعم تاني إحترامي وتقديري [/align] |
اقتباس:
كلامك 100%[/align] |
[align=center]بعد الإنبراشات اللذيذه دي
سؤال يطرح نفسه ليه دائما الجمال بيكون قريب ليك او حوليك وإنت بتبحث عنه بعيد ....؟ هل أصبح الجمال بمرور الوقت ... عادي .... وهل البحث عنه بعيدا كسر للروتين ... وسؤال للمتزوجين ... هل بمرور الزمن تصاب المشاعر بالفتور ... والخمول ... ام هو نفسه الروتين الذي يشعرك بالحاجة الى التغيير ...؟ [/align] |
اقتباس:
سؤالك فى السلك - التحية ليك loooollooool.... التغيير عشان الروتين ... طيب ما هم شريكين فى البحصل و اضيف ليك من يملك زمام المبادرة للتغيير |
لاااااااااااازمن وحتمن.. بالذات امام السمحة ام عجن looool
ومن لم يستطع الانبراشة فعليه بقطيعتو في حشاهو .. والقضاء متى ما رجع الى اهله :D:D |
اقتباس:
معليش ياهمس الشوق بصراحة رشا دي قعد (تعجبني) ...تعبيراتا ;):) وقبل ما تسأليني عن (رأيي) في (حتة) الأنبراشة دي عاوز (أضيف) حاجة: في ناس عينن مليانة شدييييييد عشان كدة مرحلة الأنبراشة دي ما قعدين يصلوها (بالساهل) بس بتحصل ليهم حاجة تانية أسمها (الفنقلة) وأحسبها مرحلة ماقبل الأنبراشة :rolleyes: كدي ردي لي في (الحتة دي) وبعدين نواصل :cool: :D مودتي |
اقتباس:
|
اقتباس:
دائما الحاجة البعيدة جميلة عشان كدا يمدحون المرأة رائعة الجمال ، بما تمتاز به من جمال النفس والفهم والعطف أما متوسطة الجمال ، فهي أحوج ما تكون إلى أن تؤكد ، لها جمالها . بس يا همس الشوق انتي من ياتو نوع. |
اقتباس:
طبيعة الرجل غير طبيعة المراة في الحته دي ... يعني الرجل ملول بطبعه ... ولربما هي احد الاسباب تعدد الزوجات ...... فالمراة بطبعها ... ولحكمة يعلمها الله تتمتع بالواقيعية والعشرية ..... ليس كل الرجل ملائكة ولكن النساء صابرات روابح .... لم اسمع عن إمراة طلبت الطلاق لانها سئمت زوجها .. واي علاقة زوجية معرضة للرتابة والركون والبرود ولكن هنا يأتي دور المراة والرجل في الخروج منها ... اذا كان هناك حب وتفاهم وقناعة |
اقتباس:
[align=center]هل كل سمحة جذابة ؟؟؟[/align] |
اقتباس:
صدقني احسن الناس تفضفض وتنبرش من حتة الفنقلة دي لانو فيها كبت والكبت يولد الإنفجار .. يعني النوعية دي وقعتها بتكون منيله ...;)[/align] |
اقتباس:
أنا من النوع التالث goood[/align] [align=center]احكي ليك دي قالو في مغترب نوى العرس .. قال لي أهله شوفوا لي عروس .. اها اهلو رسلوا ليهو إلبومات من الصور .. وصاحبك فرشها في السرير وبدأ يختار ... دي ... لا دي احلى .. لا دي عيونه جميلة ... لا دي بيضة وشعرها سمح ... المهم في النهااااااااية وبعد فحص ومحص إختار واحدة ومشى للعرس ... ويوم العرس قاعد في الكوشة ... والراس زي مروحة التربيزة .. كمية من الجمال حايم في الحفلة ... في النهاية قلبه لقى ليك وحدة سمحة سماحة لمن غلط .. وحاتك نزل من الكوشة ومسكها من جضيماتها وقال ليها .. إنتي ما رسلتي صورتك لييييييييييييه؟ أها دي عدم قناعة ولا لأ ؟[/align] |
اقتباس:
اجابة جادة... ابدن طبعن.. بالعكس في واحدات بتحسي بجاذبية فظيعة فيهن.. ولما تتمعني الملامح وتمسكي كل قطعة على حدا :D تلقي ماف اي سماحة حاصلة.. والعكس صحيح.. في مرات جمال مطفي.. ودا بيكتر في الدلاهات الدمهن بقري :D |
| الساعة الآن 11:48 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.