يوميات زوجين ساخرين من بعض شديد
قال لها مداعبا : نسينى الدنيا .. نسينى العالم ردت له باستغراب : ياراجل امشى جيب لينا اللبن من الدكان قبل ما اخلص .. عبس بوجه .. وغضب منها .. وحتى ترضيه قالت له : حتى القمر حولوا النجوم اتلفوا فيك اتغزلوا اعجب بهذا البيت فى سره ... ولكن حتى يرد سخريتها .. قال لها : انتى خرفتى الظاهر عليك .. فى قمر بيظهر وضح النهار :D :D :D هل هناك من سيواصل ؟؟؟؟ ولكم كل الحب والمودة |
قالت له
لنجعل من هذه السنة الجديدة عام حب وتفاؤل وسعادة بدون نقة قال لها (انتي ناوية تسافري ولا شنو؟ اجابت ممتعضة أسافر؟ ثم تدللت ...انا مسافرة دائما في بحر عينيك قال لها كمان جابت ليها تراكوما . :mad: . يا لطيف منك كدي شوفي لينا نظام العشاء بس ما فول |
ام سهى .. الغالية
ما اجمل مرورك واضافتك المميزة لهذا البوست الساخر .. ------------------------------------------------ سرح فى عينيها برهة من الوقت .. ثم قال لها : عيناك غابة نخيل .... ضكت بشدة حتى دمعت عيناها .. وقالت له : انت كمان ما تبالغ نخيل شنو .. وبطيخ شنو ونواصل |
قال ليها: عليك الله ياعسل اكوى لي هدومى ديل !!!
قالت ليهو: يكوى هنايك. قال ليها: نان يا البومة تانى تتكيفى بشنو !!! |
اقتباس:
|
فى قعدة بعد شراب شاى العصر المعهودة .. قالت ليهو :
العيد الاسبوع الجاى .. جايب لى شنو هدية ؟؟؟ نظر ليها بدهشة وقال : اول مرة اسمع الازواج بيقدموا هدية لبعض .. فى عيد الاضحى ... احمدى الله انى دبرت حق الخروف بمعجزة .. |
بعد شرب الشاى ولع ليهو سجارة بنسون وخلف كراع فوق كراع ، وقال ليها :
شفتي أنا والله خلاص داير أعرس الشهر البهل، أنعدلت فوق البمبر وقالت ليهو : يا ود أعمي شيتن جاك جديد ، ولا ياهو الشغل البنلولي فوقو الليل كلو ، أحمد الله أنا ساتراك ، ماتمشي تجيب ليك فضايح |
اقتباس:
تحياتي ايها المتقد نشاطا ...لازلت اراقب خطواتك (بس ما جاسوس بحثا عن الجمال) دي بالغت فيها والله هريتنا ضحك انا والمعاي وبقت نكتة معتمدة رسمي هههههههههههههههههه |
الاحباء / د.سيد عبدالقادر قنات
هاشم الشيخ تسلموا للمرور واعطاء لمسة جمالية ساخرة على اليوميات .. وقالوا السترة والفضيحة متباريات يا دكتور :D :D |
العزيز جارسيا.. قال لصديقه..والله انا شباب...وبفكر فى عروس.. المراه خلاص .. سلمت الفاضى..كبرت.يا صديقى على سهر الليالى...وعد النجوم..ولا عندها محمد ولا فاطمه..قردي بدون حابس .وطال الزمن.دايرين جيل الجامعات المفرهد.. وكانت ترخى اذنها..وصاحت.. لجارتها بالحيطه... يا نفيسه..ولعى لى حفرة البخور...انا جاهزه...بالدلكه.. وضحك الرجل...ما تجو إلا بالضغط العالى...!! |
اقتباس:
تسلم يا ايها النبيل عصمت العالم على اضافتك الرائعة جدا ... ونواصل |
تعرفى يا غالية الدنيا بقت مسيخة .. واى شئ اتغير وما زى زمان مش كدة ؟؟؟
قالت له وهى مشغولة بتطريز فوطة للتربيزة : صدقت ام كلثوم حين غنت ( قول للزمان ارجع يازمان ) .. |
أستاذ Garcia والأخوة
هم ساخرين وتعبانين ومرات الطغط ذاتو ما يعمل حاجة ، حضر الأبن من بعثته ، وأعطي والده حبة وقال ليهو يا ابوي دا فتمين يودر ليك الفتر ووجع الكرعين بس تبلعا بعد صلاة العشا الحاج بعد الأوراد بلع الحبة ، وهاك يا............. الصباح قام نشيط وقاليهو يا ولدي دي مية جنيه هدية ليك ومشي صبح علي امو ، قال ليها صباح الخير يا امي : قالت ليهو تصبح نبي يا وليدي |
الحاج جا لولده بعد يومين قائلا :
يا ولدى عندك تانى من الحبوب ديك .. داير اديها لى واحد صاحبى .. الولد قال له : لى صاحبك .. ولا ليك انت يا يابا ؟؟؟ ;) ونواصل |
الوليد غايتو ما داير (يحرج) أبوه، وكايس رضاه قام جاب الحبة الثانية،، والمرّة دي يظهر العيار كان تقيل شوية،، وفي أثناء معركة (الوادي الأغر)، وفي لحظة (تجلي) أخو البنات سأل المدام وقال ليها عايزة شنو أجيبو ليك بمناسبة السنة الجديدة؟؟ فأصابتها الدهشة!! فلم تسمع هذا السؤال منذ (شهر العسل)... وإمعاناً منها في مبادلته نفس الأحاسيس، كان ردها بأنها ستترك له الخيار وحسب (ذوقه)،، فسكت برهة (والعرض) مستمر، وكانت المفاجأة في رده حيث قال لها (إيه رأيك نجيب أمك زيارة؟؟).. فأصابتها (الصدمة) حتى كادت أن (ترفع الراية) في أرض المعركة،، ولكنها قررت الأستمرار حيث أن السلاح الكيمائي المستعمل في أرض المعركة ربما لن يكون الحصول عليه ساهلاً - وخصوصاً إذا بلغ الخبر مسامع الود جورج والبت كونداليزا_...
وسألته بدهشة (إنت بتتكلم جد يا أبو (فغرة) بكسر الفاء وسكون الكاف "وهذا تصغير لكلمة فياغرا".. حسب ما ورد في آخر الشروحات الأدبية.. وكان سؤالها لأنها منذ أن غادرت أرض الوطن منذ عقد من الزمان،، لم ترى أمها.. حيث كان ذلك بالنسبة لها "عشم إبليس في الجنة"... وما زال الكوتش في حالة تجلي فأكد لها ذلك، ولمزيد من التأكيد قال ليها من بكرة الصباح نبدأ في الإجراءات.. فأتت (المدام) بمزيد من الإبداعات،، واستعملت جميع المضادات لتثبت بأنها جديرة بمنازلة (السلاح الكيمائي)... حتى تم تدخل الوسطاء لإيقاف القتال ولو لحين.. وأصبح الصباح الجميل،، والمدام في (نفسيات) عالية جداً،، وقامت بعمل (شاي الصباح، وتجهيز) الساندوتشات للحاج،، (مع إنه أدمن شراب الشاي في الكافتيريات، وحذف من قاموسة كلمة "إفطار".. وبعد تقديم فروض الولاء والطاعة قالت ليهو: (خلاص أنا بعد شوية حأتصل بي أمي عشان ترسل لينا صورة الجواز حقها).. فأصابته الدهشة..!! وقال ليها (جواز شنو يا ولية)؟؟ إنتي ما عارفة ظروفنا يعني اليومين ديل،، عشان تقولي لي أمك جاية؟؟ فانصدمت المسكينة, وقالت ليهو: ده مش كللامك بتاع أمبارح بالليل.. ؟؟ وكان رده بكل برود (أصلها حبوب الضغط.. الجابها لي الولد المرة دي،، حسب ما قريت في الروشتة بعد مرات بتخلي الواحد ما بيكون في كامل وعيه،، ومعلييييييييييييييييييييييييييييش.. |
قارسيا العزيز
كل سنة و إنت بألف خير *** سآتيك بملف سخرية أزواج .. كن معي |
قال لها بحب :" سأدعوك للعشاء احتفاءً بمرور عشرة اعوام على زواجنا ..." قالت له بدهاء :" ياااااااااااااااااااه كم انا صابرة ..." تأنقت وتعطرت وقالت بفرح :" هيا انا جاهزة ..." قال لها بمكر :" غيّرت رأي ح نتعشي فول مع الاولاد ....." قالت بحسرة :" كنت عارفة اني بحلم ..." قال بشماتة :" انشاء خير ... ؟أيتها الايوبية .......!" |
بسم الله الرحمن الرحيم
تسجيل حضور وعندي حاجات بس ممنوعة لغير المتزوجين وبعدين تنظيم القاعدة فيهو نسوان وديل مابفرقوا بين الهجوم على الامريكان والا السودان |
العزيز / التربال ... سلامات
ما اجمل اطلالتك الجميلة علينا ... واضافاتك العميقة والمميزة للبوست .. الرجاء الا تنقطع من هنا .. |
الغالى / أبوجهينة ... تحية طيبة
وكل سنة وانت طيب وربنا يحقق الامانى ... وفى انتظار ذلك الملف فى احر من الجمر .. |
الصديقة الغالية وسيدة الخواطر / اشراق ... تحية قلبية من شوقى مروية
يسعدنى مرورك الجميل والانيق دوما .. لك كل المنى وعام سعيد تتحقق فيه كل الامانى .. ---------------------------------------------------------------------------------------- قالت له : لو دخلت الجنة سيكون بسبب صبرى عليك ... ها ها ها ها ... ثم قال لها : والله عجيبة مين يصبر على مين ؟؟؟؟؟ |
الغالى / د. محمد حسن
وما اجمل حروفك وعينك الثاقبة ونقدك اللازع .... وانت سيد العارفين بتلك اليوميات ... وحماك الله شر القاعدة وطيور الظلام ... وانصار الزرقاوى :D ما تخاف سوف نفصل البوست حسب الموضوع .. واخرين سوف تكون القراءة بالحبر السرى :D وفى انتظارك بفارق الصبر ......... |
أتى بلدياتنا ليلاً منزله و هو سكران واقف لمبة ..
ثم قال لزوجته و هو يعاني قليلا من أبو ( الشهيق) : العشا شنو يا ولية ؟ قالت و هي تمد بوزها ياردتين : مافي عشا .. ليه ما إتسممت محل ما شربت السم الهاري دة ؟ قال و هو يضع جبهته على جبهتها : قلتي شنو ؟ السم ال يهري كبدتك يا مرة يا لميضة .. إلعن أبوى أنا ؟ إلعن أبوك و أبو عيلتك .. هنا إنتبهت الزوجة أنه كايس سبب .. فقالت له متأففة : أعمل ليك شنو عشا ؟ قال : أضبحي جدادة و حمريها .. قالت : مافي أي إمكانيات طبخ .. لا زيت و لا بصل و لا بهارات .. فنام مغاضبا .. نص الليل سمع الإثنين صوت الدجاجات في القفص في جلبة و ضوضاء .. فقالت الزوجة : الظاهر في ثعلب عاوز ياكل الجداد .. قوم عليهو .. فقال و هو بين الصاحي و النائم : خليهو ياكلن .. يمكن عندو إمكانيات |
(1) يحكى أن زوجة الساخر الأمريكي الأشهر مارك توين حاولت أن تتدلل على زوجها فقالت : " لنفترض أنني قررت أن أتركك وابحث عن زوج آخر .. فما الشيء الذي ستقوله لي لكي تثنيني عن هذا القرار ؟ " أجاب العبقري بسرعة فلكية : " سأقول لك نصحية صغيرة فقط.. إذا كان لابد من أن تتزوجي برجل آخر , فالتتزوجي رجلاً أحمقاً...فإن عقلاء الرجال يتحولون على أيديكن إلى خراف بلهاء...!" ************************** (2) قالت له بدلال : " حبيبي.. قل لي إلى أي درجة قد بلغ حبك لي الآن ؟؟ " أجاب بكياسة : " حبيبتي...لو وضعوك في كفة وفتيات العالم في كفة، لرجحت – حسب قوانين نيوتن – كفة فتيات العالم ..!! " ******************* (3) يحكى أيضا ً أن هنلك رجلا ً توفيت زوجته مؤخرا ً .. وبعد زمن ليس بالقصير كاد شوقه إليها أن يخنقه فقام بإستحضار روحها .. وفور أن حضرت الروح بادرها بالسؤال : " كيف حالك يا حبيبتي.. ؟ " أجابت الروح : " بخير الحمد لله.. لم أكن في سعادة وراحة وهناء أكثر مما أنا فيه الآن .. ليتك معي هنا " سألها في لهفة : " هل الجنة هي تماما ً بالروعة التي وصوفوها ؟ " أجابت بسرعة : " من قال لك أنني في الجنة ؟؟!!!!!!!!! " ********************** و لي عودة قريبة لو سمح لي الأخ Garcia .. فلدي ّ من الغل ناحية الجنس الآخر (ولن أقول اللطيف) ما يكفي لمئ آلاف الصفحات.... |
الاخ احمد امين
اقتباس:
حتى كلمة اقتباس:
غايتو عشرتكم صفق شجر .. تنشف..تقع :D :D |
اقتباس:
|
الاخ / احمد امين .. لو كنت عارف البوست دة حا اجيبك كان نزلتوا من زمان .. مرحب بطلتك .
الجميلة والبيت بيتك ومرحب بكل اسهاماتك .... وليك كل الود .. |
اقتباس:
ونواصل ... |
بسم الله الرحمن الرحيم
الولد جا جاري لي امه قال ليها ابوي عرس بت صغيييييرة، ردت امه: ابوك بعرسها ، اصله بحب الضيق .. الله يضيق عليه محل مايمشي! |
ناعم قال؟..................
الأخ Garcia : أشكرك بحرارة على سماحك لي بالتطفل على زاويتك الصغبرة الجميلة هذه... فالموضوع هذه المرة يا صديقي موضوع حساس.. حساس جدا ً .. حساس للغاية...
بالنسبة لي على الأقل ......... الأخت أم سهى : أرجو أن تغفري لي صراحتي (ولا أقول وقاحتي) المبررة عندما أعلق على تلك الأسطورة الإغريقية الخيالية التي تطلقون عليها (الجنس الناعم)... صدقا ً أريد أن أعرف من ذلك الأفاق الذي اخترع هذه الأكذوبة... هذا الرجل يجب أن يصلب بعد أن يضرب بالشباشب , تماما ً كما فعلوا بالأخت (شجرة الدر) قديما ً كما يخبرنا التاريخ.. عزيزتي أنتم بنات حواء منذ ملايين السنين تتفننون في كتشاف الجديد والفعال من طرق كيفية تعذيب بني آدم المساكين والمغلوبين على أمرهم... من هو السبب في حدوث أول جريمة قتل في تاريخ البشرية (راجع قصة قابيل وهابيل) ؟ بسبب إمرأة.. لماذا إكتسح هتلر أوروبا , وأشعل النار في جميع أرجائها ؟ ألم يكن هذا – ولو جزئيا ً- بسبب رغبته في إبهار حبيبته إيفا براون ؟؟... من السبب في ضياع عقول شباب (زي الورد) منذ فجر التاريخ مثل قيس وروميو وكازانوفا المسكين .. حتى عباقرتنا المحليين لم يسلمو من شرهن , فالجميع يعلم أن الأسطورة السودانية إدريس جماع تم إدخاله إلى مستشفى الأمراض العقلية.. ناهيك عن الملايين الذين انتحروا ورموا أنفسهم في أحضان النيل بسبب (جنسكم الناعم) المزعوم ذاك.. بل أنني قرأت منذ فترة تقريرا ً يقول أن السبب الحقيقي وراء إنخاض الكثقافة السكانية للتماسيح في نيلنا العظيم هو أنها قد أصيبت بالتخمة جراء إلتهام كل هؤلاء المعتوهين السابق ذكرهم... فرويد أبو الطب النفسي العظيم نفسه قال ذات مرة : " بعد عشرون عاما ً من الخبرة , وملايين من الكتب والمراجع التي قرأتها , لا زلت عاجزا ً تماما ً عن إجابة ذلك السؤال المحير : حقا ً ما الذي تريده المرأة ؟؟!!" و هومير العطيم قال : " لتعرف السبب الحقيقي وراء أي مأساة.. ابحث عن المرأة ... " ... في حين قال أريسطو لتلاميذه : " إن المرأة هي أبشع وسيلة عذاب خلقها الله للرجل "... أما الساخر العظيم د.أحمد خالد توفبق قال : " إن الحل والعلاج الوحيد الناجح مع النساء هو ربطهن جميعا على صاري سفينة عملاقة .. ثم تركها لتبحر حتى تصل لمنتصف المحيط الأطلسي .. ثم بقنبلة نايتروجينية و...... ياسلاااااااااااااام ...! ".. هل تريدون المزيد ؟ .. حسنا ً .. أسطورة الأدب الساخر المصري أحمد رجب قال : " هذا الجنس الناعم لا وسيلة للتعامل الديموقراطي معه إلا ّ الجلد بالسياط ..!! " ولدي المزيد والمزيد... إنني أقول الآن بإطلاق صرخات ألم أجيال كثيرة من الرجال نقول لكم : إرحمووووووووووووووووووووووووونا يا ظلمة....!!!! وفي ما يلي المزيد من مساهماتي : (1) كتب الساخر أحمد رجب ذات مرة عن هؤلاء المنافقين الذين يهاجمون أغاني البنت الحلوة نلنسي عجرم وأليا وهيفاء وهبي وروبي المثيرة , بينما هم يبحثون عنهن سرا ً في القنوات الفضائية , وأنهم يدعون في سرهم في ضراعة شديدة : " اللهم عجرم نسائنا " ... يحكي الكاتب العبقري أنه تلقى رسالة بعد نشر هذا المقال بتوقيع زوج جبان مغلوب على أمره يقول فيها : ( " عزيزي الأستاذ أحمد رجب.. هذا الدعاء ناقص .. إذ يجب أن يقال اللهم عجرم نسائنا , واجعل من زوجاتنا ذكرى "!! ) (2) المذيع (في التلفزيون): الباحث الألماني ( كونستا ترفكايه) يرجع سبب الخرس المنزلي للزوج إلى أن الجزء الأيسر من المخ يستنفد كفايته من الحديث بعد ساعات العمل الطوال.. الزوجة : الآن فهمت لماذا أنت أخرس كالأسماك هنا في البيت ؟ الزوج : هذا كلام مغلوط.. بدليل خرس الزوج يوم الإجازة أيضا ً ثم إنطلاق لسلنه مع الأصدقاء خارج المنزل. هل تعرفين ما هو الرقم القياسي في الخرس المنزلي هذا ؟ .. زوج لم يكلم زوجته طوال حياتهما إلا ثلاث مرات , وأنجب منها ثلاثة أولاد !! .. " (3) الزوجة في خبث : في رأيك ماهو تعريف الزوج الأحمق ؟ الزوج بدون تفكير : هو الذي يدفع لزوجته في البداية مبلغا ً فلكيا ً اسمه المهر مقابل قربها منه , ثم يدفع لها مبلغا ً باهظا ً اسمه مؤخر الصداق والنفقة مقابل إبتعادها عنه ..! " (4) يحكى أن امرأة ذات مرة استيقظت من نومها لتجد زوجها ميتا ً بالسكتة ... فنادت الشغالة وقالت لها في حزن شديد : " لقد مات زوجي يا فاطمة.. اسلقي بيضة واحدة للفطور ما في داعي لبيضتين !!!! " (5) رجل لصديقه : لقد جعلتني زوجتي مليونيرا ً الصديق : وماذا كنت قبل ذلك ؟ أجاب في غيظ : مليارديرا ً !! تكفي هذه الجرعة .. هذه المرة.. لي عودة قريبة إن شاء الكريم بمزيد من تلك المآسي... فقط أترككم مع أبيات عبقرية للشاعر المرهف كريم العراقي عن ( كيدهن ) : " أقول الآه لكي أشفي غليلي.. فتجرحني .. وأنا أحسبها دوائي... فممنوح علي ّ أية راحة يا حبيبتي.. ومسموح علي ّ عذاب دائي .. على جمر تسير بي الليالي.. ولا نور أمامي أو ورائي.. أنا الصمت الحريق.. أنا الشحوب.. أنا صبر الرجال على النساء.. أنا لا أستريح على فراش .. ففي جنبي هم كربلاء.. تقولون مالنا نراك مبتسما ً تغني وكم يحتاج مثلك للبكاء... وما تدرون كم بكاي صعب.. وأكبر من دموعي .. كبريائي ..! " تذكير : نداء إنساني لكل مستبدة .... والله حرام البتعملوا فينا ده ! |
"عجبي على حرفين قد سلبا وقاري...
(حاء) حريق.. و (باء) بت في ناري... آآآآآآآآآه.... مالذي جري لي.. نحول .. حيرة.. قلق.. سهر.. عذاب.. جنون هز ّ أفكاري .." من قصيدة قديمة أخرى ل كريم العراقي الرجاء مراجعة المساهمة السابقة لمزيد من التفاصيل |
اقتباس:
|
اقتباس:
لكن دى بديعة والله يا احمد ... تسلم لكل تلك المساهمات يا رائع .... واصل فى المزيد .. |
جارسيا..
الحكاية شنو؟؟؟ دي حملة مضادة و لا شنو؟؟؟ :p يا أحمد أمين... تعال لينا هنا... http://sudaniyat.net/vb/showthread.php?t=822 عشان تتوضب تمااااااااااااااااااااااام... :p |
اقتباس:
انا متفرج من الشباك فقط ;) |
قارسيا و العقد الفريد
عثل ؤبث you made my day |
الغالية / بيان .. تحية عطرة
مرورك على هذا البوست هو العسل نفسة :D وكدى طلعى لينا حبة من بنات افكارك واضيفي لنا فى هذه اليوميات .. |
العزيز قارسيا
رغم انه الطباعة مشكلة لي لاني اعاين للكي بورد ثم المونتر . مع ضبحة العملية حاجة مؤلمة,, وافضل القراءة فقط الا انني تذكرت قصة "سقالة" زوج حبيبتو عندها فلجة اها طاير بالفلجة السماء.. قصائد و وغزل بس بعد العرس قاليها قومي سوي الشاي عاملة شرمتك دي.. ؤيث بعد اسبوع حاجزة الصفحة الاولى |
كدي عليك الله يا قارسيا النسالك احمد امين ده الزعلو منو جاي هايج فينا كدة وداخل شمال طوالي؟ :D :mad:
احمد ياخوي كدي شيل نفسك لمن اجيك بي مهلة :) باقي نحن معشر النساء احن واطيب ناس في الدنيا دي بنحن وبنحب وبنتعامل زين مع الناس البقدرونا وبفهمونا وبعرفو قيمتنا وبيني وبينك اي واحد يطلع من الحدود دي بتصيبه لعنتنا والدنيا ما بتشيلو الداير المحنة بلقاها والداير الكجنة بنزيدو كمان كوزين :D :D ايه رايك؟ كدي جاياك بي رواااااقة كدي :) شايفاك لا خليت ليك علماء فلسفة لا تاريخ -ما جبتهم معاك في مداخلتك - وده كلو ما بفككم مننا اخير ليكم تحترمونا والا........(ما لايحمد عقباه ..ابسطها وابداها ليك من فعلتنا لي ابونا ادم لي.......الجاي اكتر :D :D :D |
سلامات العزيزة ... بيان
اقتباس:
تقومى بعافية وليك على الصفحة الاولى ولمدة سنة كاملة .. اقتباس:
يعنى قبل الزواج كلام معسل ولذيذ وبعد الزواج دراب ساااااكت :cool: |
| الساعة الآن 12:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.