*****عمت بشايرنا .......ألف مبـــروك البنية للطـــيب بشيــــــر*******
عمت بشايرنا و دام الفرح لينا
و ضاءت ليالينا في إتصال تليفوني من الطيب بشير أدانا البشارة و النبأ السار رزق أخونا الطيب بشير و السيدة أسماء بمولودة جميلة قبل قليل إختارا لها إسم مَوحَـــــى ألف مبروك الطيب ألفين مبروك أسماء و آلاف التباريك لأخيها بشير بمقدم من يآنسه ثم يبعثر كتبه و أوراقه بعد سنة ربنا يجعلها قدم خير علي الأسرة و قر أعينكم بها و ألف مبروك بنية سودانيات الجديدة |
اقتباس:
الغيم أرسل سُدُولو جداول الموية كابَّة وعيون العُذري هَابة وكما قال الشاعر عبيد عبدالرحمن تهانينا ، وبلابل الأفراح .. تناجينا |
اخونا الطيب بشير الاخت اسماء......
ابو الطيب .. وااااااااااو ... الف مبروك ونسال الله ان يجعلها من حملة كتابه اختنا أسماء الف الف مبروك وحمدلله علي السلامة (وفي معاودة من مرتي رسلتها للطيب 500دولار ماعارف اداك ليها ولا ) الف الف بل مليون مبروك وربي يصون موحي... لكي كل الحب يا اميرة القرون المقبلة |
العزيز الاستاذ الطيب بشير. الف مبروك قدوم الزهره الفواحه.للمدام ولبشير ولك اجمل التهانى..ونتمنى لها مستقبلا باهرا فى حضن الاسره الرائعه..وهذه تباشير العام الجديد..اتى باريج فواح وشذى معطر اسكر الدنيا والوجود.. تمنيات الاسره لكما بكل جميل.والف مبروك |
الاستاذ الطيب ألف مبروك البنية ، جعلها الله زخرا لوالديها
|
الف الف مبروك الاخ الطيب والاسره جعلها الله قدم سعد عليكم ومتعكم ومتعها بالصحة والعافية ..
خالد الحاج .. نهلة .. طارق ابوعبيدة .. لقاء الطيب بشير .. موحي .. شنو حكاية الجكس النازلة في البلد دي ؟ :confused: :confused: |
|
النسيب الحسيب أبو الطيب
وينك ؟؟ نحن خطبنا الأمورة من أمها حمدا لله على سلامة أم موحى ومبروكه موحى ونسأل الله أن تكون من الصالحات الفالحات الناجحات يارب ونسأل الله أن يحفظها لكم وحارسها الحبيب بشير وأن يرزقكم الله برزقهم وأن يمن عليكم بنعمه .. مباركاتنا وتهانينا وأميناتنا عبدالعزيز ورفاقه |
الطيب الزول البركة
مبروكه البنيه وانشاء الله تربى عزكم التحايا القلبيه للمدام وشكرآ حنينه |
ألف مبروك أبو بشير
ألف مبروك أسماء ألف مبروك بشير حفظكم الله لها و حفظها لكم |
الأخ الطيب
ألف حمدالله علي السلامة للمدام ومليون مبروك البنية حفظها الله وشقيقها ومتعكم بالصحة والعافية وطولة العمر لرعايتهم ليكونوا ذخرا للوطن وسندا لكم في ذلك الزمن أللهم آمين |
اقتباس:
أبو بشير و أم بشير و بشير.. مبرووووووووووووووووكة عليكم ( موحى )...أكيد حلوة زي إسمها... ربنا يخليها ليكم و يخليكم ليها... عن إذنكم أوضب عمنا تنقو ده.... :mad: عمنا تنقو... جدودنا و حبوباتنا زمان قالوا... الولد....بيحِل الدَين...و يسُر العين... البت... وكتين الوسادة تميل...و الدمعة تسيل... حسي ممكونة بتقول ليك... الولد بيحل الدَين...و يسُر العين... البت...بتحل الدَين و تسُر العين و تتلقى كمان وكتين الوسادة تميل و الدمعة تسيل... اها... ما نفسَك في بت؟؟؟؟!!! |
[align=center]الف مبروووك البيبي تتربي في عزكم يا رب
وتكون من بنات الوطن الصالحات وصديقة واخت لبشير ... ودي http://www.alqanat.com/ecards/images/flowers101.gif[/align] |
الف مبروك يالطيب بشير واسماء وان شاء تربى موحى فى عزكم
|
[all1=#009900]سوما حمدلله على السلامه ومبروكة موحى
الطيب اخوى تتربى فى عزك موحى وفى عز اخوها بشير تحياتى[/all1] |
العزيز الطيب بشير
العزيزة أسماء الف مبروك موحى تترى في عزكم وجعلها الله قرة عين لكم وحفظكم جميعا من كل سوء http://arabscastle.com/cards/images/...-15_212155.jpg |
الاخوان الطيب..اسماء
حمدالله على السلامة والف مبروك..تتربى المهيرة فى عزكم وتسعد با بوتكم مع مودتى |
آلاف التبريكات
وألفين حمد الله على السلامة تربى في عزّكم وحِمى بشيـــر عكــود |
[align=center]http://www.hanaa.net/postcard/images/baby3_s.gif
الاعزاء الطيب بشير/ أسماء الف مبروك موحى غيداء[/align] |
|
حمدآ لله علي سلامة سوما
وألف مبروك .. في إتصال تلفوني بالحبيب الطيب وجدته ملازم للمستشفي وسعيد بصورة كبيرة... يعتذر الطيب عن الرد هنا إلي حين... |
الطيب
مبروووووووووك وحمد لله على سلامة أم البشير وحاجزييييييييين |
الف مبروك اخونا الطيب
جعلها الله من المستورات و بارة بوالديها ... وحمدالله على سلامة الاخت اسماء ومبروك يا البشير الصغير الاخت حافظ عليها شديد أو عى تعضيها وتقول ما شايفها... تتربى في عز والديها .. |
الاعزاء / الطيب , اسماء
الف مبروك قدوم المولودة ... والف حمد الله على السلامة .. وانشاء الله من البارات الصالحات ... وتشكرى يا حنينة على الاخبار الحلوة دى .. |
لكم تحية و شكر
يا دوووب طلعنا من المستشفى الحمد لله سوما و موحى طيبات عيلا مغرود لي في شاي و دش و نـومـة بيت :cool: :cool: بجيكم راجع كلكم |
مبرووووووووووك البنية
وتربى في عزّكم ان شاء الله.. أفرز يا ود بشير بين خروف الضحية وخروف السماية ماتعمل حركات 2X1 .. :D وكل سنة والاسرة بخير.. حميد.. |
اقتباس:
كيف حالك؟ و عامك الجديد لن أقول شكرآ على البوسـت ، لكن نحمدالله على وجودنا معاكم في البورد و الدنيا، و هل دنياواتنا كانت أبدآ أجمل من سـودانيات، و إيه الدنيا غير؟ مَوحَى ...مَوحَى ....مَوحَى إسم مَوحَى ، و هو إسـم مكان من الفعل أوحى، ظل (يتاورني) من زمن بدري ، فالوحي وجبريل و الحاجة المحمدية للتدثر و التزمل كانت في غار حراء و هـو مَوحَى نبينا الكريم عليه الصلاة و التسليم ، هذا الموحى ، و الذي انطلقت منه تلكم الرسالة العظيمة ، ظل بالخاطر رؤى و خيالات و أماني إرتبطت كلها بالمكان مَوحَى نبينا الكريم. و الإستخدام المجازي لا يقل روعـة، إذ يستعير أهل الفـن إسم المكان مَوحَى للدلالة على الموقع الجغرافي الذي يرونه الأفضل لهبوط الإلهام الباعث للإنتاج الفني ، فيقال إن مَوحَى التجاني يوسف بشير هو الطابية المقابلة النيل ، مثلآ ، و مَوحَى بشير عباس هـو كنانة ، مثلآ ، و هكذا .. تلزمني وقفة إنتباه للحنينة، للمتابعة اللصيقة بالهواتف و اللأنس الممتع مع سوما طيلة أيام الترقب و انتظار مَوحَى و أيام ـ القسـى ـ بالمستشفى .. أدام الله عليك نعمة اللـطـف يا بتنا.. |
اقتباس:
أهـلآ بيك و شـكرآ ليك سبقتنا لأبوة البنات و قلوب الناس أدركنا بموحى ما سبقتنا به في شـطر المنافسة .. و ما اسطعنا للباقي صبرآ فهنيئآ لك و مرحبآ، على الدوام، بـك .. |
العزيزة أسماء والطيب الحبيب وبشير الجميل
مليون مبروك وتتربى في عزكم وربنا يخليكم لبعض يارب. داير أضرب ليكم لكن مواعيدكم المشقلبة دي حيرتنا ذاتو. عموما اتوقعوا مني تلفون كارب لأنو شنو......... الأمريكية دي دايرين نشوف ليها طريقة تقتنع بغسان ده. ومافي مشكلة نديكم روان لبشير وبندفع الفرق :) :) |
اقتباس:
و الله المباركة ما بناباها لكن الفيك إتعرفـت :( و بعدين ياخي موجب (الحـريم) :mad: معروف سغيروني، يعني قول تلاتة دولار و ربع .. خمسـة دولار و نص، في حالة إنو زوجتك فنجرية خالص، لكن هقلة قدر دي مع الـBills الواررررة اليومين دي كتييييرة علي أنا. :confused: شكرآ لتنصيب موحى أميرة للقرون المقبلة، يعني زي ألانـا؟ فتاة المستقبل.. :D |
اقتباس:
و الله ليك وحشـة صار لدينا ـ سـيدة أسـحارـ يا عصمت :D نحبها.. توقظنا فجرآ .. و لا تنفك تزداد جمالآ يومآ بعد يوم مش ياهـو ذاتو؟ شكرآ لحضورك هنا |
اقتباس:
ألف شكر للمرور و التهنـئة الفرح حالـك |
[movet=left]Congratulations[/movet]
Congratulations |
اقتباس:
هـو جــchـكس ساي بشتنة شديدة و عرسان صـفوف |
اقتباس:
رائع كتير ـ أثر خطاك ـ في البوست تسـلمي |
اقتباس:
أهـلآ بيك و شكرآ ليك بلغتني المعلومة فور عودتي من الجامعة إتصالات حميمة كثيرة تخطاني فيها الفرح ..بعضها في تلفوني الذي لا يعمل في بعض ردهات المسـتشفى و أكثرها لما يرن تلفون الغرفة و أنا حايم. صـف العرسان طويل، لكن قول لي الفنان و طالع زي أبوهو منوووو؟ :D تحياتي لعقدكم الفريد |
الجيلي ابووووي .. كيفك يا بركة؟
حبابك على الدوام يا اخوي شكري الكتير لزيارتك |
:عزيزنا الطيب بشير
الف حمد الله على سلامة البنية وربنا يخليها ليكم يا رب وتملا دنيتكم جمال وبهجة واهو كسبنا مناصرة لقضية المرأة انشاء الله بس خليها تكبر وتجهجه لي ناس عمها العجوز احمد امين واراؤه العجيبة في المرأة :p :D |
الأخ العزيز أبو جهينة
سلامات و آلاف مراحـب لكم الشكر و التقدير .. |
اقتباس:
شكرآ لكلامك الطيب و دعواتك التي شملت أهلي و الوطن ترى هل يكونوا مهاجرين لأجيال، مثل الشـوام ، أم (ينعدل) ببلدنا الحال؟ لا نملك إلا أن ندعوا لهم شكرآ ليك كتير.. |
| الساعة الآن 09:41 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.