لسة عيونك ياها عيونك ... فيديو
[media]http://www.indymedia.no/usermedia/video/4/aljlad13.wmv[/media]
[foq]فاجانى النهار وأنا ماشى بيناتا أتساقط باقي حنين لسه عيونك ياها عيونك تكسر باب الدم السرى وتجرى تنعس عشب القلب وتبكى سماهو فراش يا ناعس بين الخلوه وريحة الصندل فلت الطين النيل قصاها ضفيرتو وشراها رماد وفجا حنين يسرى الحلم الموجوع لابطلع وقت القياء ولا بهجرنى جواي ضلوع يا مولود مظلوم في رئتك ميز ريحة المطره او اتخيل بيناتنا رزاز انا حلفت بنات الشجر الماطر ماتنزل صفقه تعرى صفير الريح يلقى غناهو صرصار الليل الماكر همست شجره لتانى شعاع رباني شاقي الحله يدخل صرة شافع ويطلع ايقاع نوبه احنا حفايه في بلدك اتلفتت فوق كتفينا ود العين ندى وطار عصفور نبت فينى الريش صفقت جريت فرحان ما تغطيني إنا عرقان من وهجي الفينى[/foq] فاجأني النهار كلمات.. مجدي النور .. الحان .. شمت محمد نور اللحن لكل رواد سودانيات ولسة عيونكم ياها عيونكم ... |
العزيز / تنقو
هدية بقامة الإبداع السوداني ... لك مليون تحية |
للحفظ
http://www.indymedia.no/usermedia/video/4/aljlad13.wmv يا سلام ي عم تنقو الله يعدلها عليك و يبسطك زي ما بسطتنا الليلة جو الحفلة جميل جدآ لاحظت وجود بعض الوجوه المألوفة الممثل جمال حسن سعيد الممثل نبيل( ما متذكرة باقي إسمه) وبقدر ما أعجبني الغناء و الرقص بإنفعال تلقائي من المشاهدين بقدر ما رثيت لبنات بلدي اللاتي لا يجرؤن علي الرقص إلا و هن جالسات في الكراسي غايتو ربنا يرفع عنكن البلاء شكرآ كتير يا تنقو علي الإمتاع اللا متناهي |
ابو مناهل تسلم يا جميل ..
قلنا نبارك الموقع بي فيديو يطرح وجوه الناس شوية لك التحيه .. تنقو |
تحياتي حنينة ..
اقتباس:
ما بتجيب الا الرجال ... والمذيعات زاتهم الواحدة لمن تجيها الكاميرا تلقيها (كشت ) .. اسة غايتو شوية جابت ليها ثبات وحبة هزة ... يعني ا لعافية درجات نحن اصلنا بنمشي خطوه ونرجع اتنين .. ميزة عقد الجلاد انها مجموعة تعجب العجايز الزينا كدا وبرضو الشباب الجديد... لانو روحهم جميلة ورسالتهم واضحة جدا . لك الود |
الحبيب تنقو ................
التقيك دوما فنا رفيعا يحرك السكون ابداع يا تنقو .................... |
اقتباس:
|
عمو و فرقة عقد الموسيقية كثير مااسمع لها في محاولاتها تاسيس غناء جديد يستبطن تراث الوطن كله . اغاني بالعربي
الغناء عندما يكون له هذا المعني وهذه الخلفية الثقافية تشكر عمو على إنتقائك وإستشهادك لهذه الأغنيه التي تخص الفرقه والخط الجديد لهم أستوقفتني هذه الكلمات الصادقه جدا في تصوير واقع الحال في السودان وترآءت لي صوره في ذهني وأنا أقرأالسودان اللي أشوفهم بالتلفزيون والجرائد اليوميه كلمات معبره جدا والأهم أنها صادقه هذه رسالة فنيه ومتمثله في الغناء الذي ينقل معاناة إنسان أقوى وأفضل من أي محفل سياسي ومع فرقة عقد الموسيقية حياك عمو |
عمك تنقو سلامات عبرك للدفعة مجدي النور وشمت محمد نور شمت وللرائعين أبدا الأصدقاء في عقد الجلاد ـــ رمضان كريم ــــ عليكم كلكم
|
سلامات ياتنقو ياكوم الزوق
جميل ملف الفيديو (زكرني بي حفلات امدرمان الاهليه واللولوه ) :D والاجمل فرح الناس المامصنوع زي فرحنا (نضحك بالكضب ونجامل بالكضب ومليانيين غربه) مره تانيه ليك التحيه والقومه ياتنقو ويلا ابقي شمس مابتغيب ياغالي وكل سنه وانت منقه في عسل حمدي اب جقاداو |
اقتباس:
صديق الحواري والغربة معا وحيد .. في زمن الغربة والارحتال تاخذني منك وتعدو الظلال ... والله يا وحيد كان الاغنية دي حركتك سكونك يكون عندي فيك امل كبير :D وانت عارف عندي في المخلاية حاجة برجعك بيها السودان بدون شنطة . . بس قول لي ما بتقدر وانت تشوف ... لك الحب .. . |
الاخ طارق الحسن محمد .. لك كتير من الود والورد معا ..
طبعا انا معاك في حكاية انو مافي قوة حتقدر تغير مزاجنا واصالتنا دي .. لكن مرات الواحد بخاف لمن يمشي السودان ويلقي الجيل الجديد دا بسمع في راغب علامه ونانسي عجرم .. الواحد بصيبو نوع من الاحباط كدا .. وبحس بي نفسو كبير وعجوز لانو بسمع ابو داؤد وبفتش لي نوادر الكاشف ... بس لمن ترجع وتلقي ناس حلوين بتهزهم زي فرقة عقد الجلاد دي بقول الحمد لله لسة فينا الروح وكل الحاصل اندهاش بالجديد ومصيرنا نرجع .. تحياتي |
NoNa
كيفك وتحيات بالجملة تعرفي .. لو حضرتي حفلة لي عقد الجلاد دي وشفتي بساطه اعضاء الفرقة وبساطة الناس الحولهم .. بتاكد ليك تماما انو ما بنقدر نصل للعالمية الا بي الغوص في المحلية وتهذيبها ... ومن اسة معزومة حفلة لي عقد الجلاد .. التذاكر علي والمواصلات عليك ... :) .. . |
اهلا بالعزيز .. Nasir Yousif
ومعك انقل التبريكات بالشهر العظيم وكل التقدير لفرقة عقد الجلاد المتألقة دائما .. لك الود |
اب جقادو ازيك يا خفيف الدم ..
تعرف الحفلات بتاعة الجامعات دي الواحد اتحرم منها من زمن الثانوي لاني درست الجامعة برا السودان عشان كدا بقول لصحباني ومنهم وحيد الفوق دا .. بقول ليهم انا عندي مشكلة في الثقافة السودانية من اكبر تاثيرات الحياة الجامعية انها بتاسس في الزول حاجات ما بكون حاسي بيها وواعي بيها لكن بلاحظها لمن يلاقي زول زينا كدا ( فاطي مرحلة ) اها انا والزي كتار الله يعينا وما نبقي زي ناس الشهادة العربية .. رغم انو حقنا قلعناهو في الثانوي بالزيادة .وكل ما الواحد برجع السودان ما بفوت حاجة .. لك الود |
العزيز عمنا تنقو يا سيد المساء.. لا زالت ليالى المساء عندكم تحمل رياحين الفرح وتعطر اماسى الليل وتمنح امثالنا فى المهجر تلك الظلال الزرق من نفح الوطن.دعاش تلك الامسيه العطره رش قطرات من ندى صباها على شتاء ايامنا القارس فكانت عطاء من دفء الوطن..سنظل نرقب هذ النفحات التى تمنحنا ايها لتسعدنا وتشجينا وتطربنا وتنقلنا الى داخل لحظات الفرح فنعيش واقع البهجه وننتشى. لك الحب والمجد سيد المساء..وانت تدلق عطايا الجمال.. لك الحب ودى |
لسة عيونكم ياها عيونكم ...
17/10/2005 10/6/2006 |
ولسة عيونك ياها عيونك
يا تنقو [web]http://www.ladyjayes.com/knowmuch.html[/web] |
| الساعة الآن 08:29 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.