أغنية .. وقصة أغنية ..
طولت ماجانى مسنجر داخلى .. قلت يا ربى الجكس مقاطعنى مالو ..
اليوم رفعت راسى بالصدفة .. لقيت مكتوب: اقتباس:
الله يستر منهم فى بوستى ده وبحيتم الشديد .. خاصة أولاد حلة حلب .. خاصة البوست ده أمدرمانى خااااااالص .. ياريت المدام عندنا فى السويد تحن علينا .. وتفك فينا الأستاذ شوقى بدرى لأنه وجوده هنا مهم شديد أما الجكس الصغار ناس أمال ومنال يطعمونا بشوية فلفل وشمار .. ومنال عارفا كلام الزمان ده بتريدو شديد أما بعد .. بالمناسبة: كل الجاى فى البوست ده http://www.sudaneseonline.com/db/att..._Mangoole1.gif |
الشاعر صالح عبد السيد (أبو صلاح)
بدور القلعة أعتقد المغنى الأصلى عبيد الطيب هنا بصوت الفنان محمد الأمين .. ولا شك هى من الأغنيات التى وجد نفسه فيها [flash1=http://www.rafatmilad.com/Bedor.mp3]WIDTH=400 HEIGHT=50[/flash1] |
القصيدة
[align=center]العيون النوركن بجهرا .... غير جمالكن من السهرا يا بدور القلعة وجوهرا السيوف ألحاظك تشهرا على الفؤاد المن بدري انهرا أخفي ريدك مرة و أجهرا نار غرامك ربك يقهرا ************** عالي صدرك لي خصرك برا فيهو جوز رمان جلّ البرا الخطيبة وردفك منبرا الشعور البسطل عنبرا ************** الصدير أعطافك فترا والنهيد باع فينا وأشترا الوضيب إقدامك سترا لقطيبو قلوبنا البعثرا ************ صيده غيرك ايه الجسرا تستلم أفكارنا وتأسرا حال محاسنك مين الفسرا يا الثريا الفوق أهل الثرى ************** جارحة صالح كل ما يحضرا في مدينة الجوف ساكن الضرا الرشيم والرشمة الخضرا ذي فريع في موية منضرا ************ هل حبيبي نسى ام لي طرا يا أم شلوخا عشرة مسطرا النسايم بالند عطرا دا الدافق لي دموعي ومطرا **************** حفلة يا ابو الحاج إتذكرا ورنة الصفارة إتفكرا وهبه بي مزيكتو إتحكرا كم طرب افكارنا وسكرا ***************** البدور النارت مسفرا قاصدة تشتري قلوبنا تسفرا عبد الرحمن دمت يتظفرا بي نعيم وحظوظ متوفرا[/align] |
كتب : zahi فى منتدى مزيكا سودنية
أغنية العيون النوركن بجهرا من أغاني أبو صلاح التي تدفقت فيها دموعه وسالت كالأمطار وقال إن سبب نزول هذه الدموع هي الشلوخ العشرة المسطرة والنسائم المتعطرة برائحة المحبوبة الجميلة والشلوخ العشرة المسطرة يشرحها مبارك المغربي ويقول إنها المطارق وهى ستة شلوخ على الخدين ثلاث على كل خد مع عارض أفقي ليكون المجموع ثمانية وتحت ذلك العارض عارض آخر ليكون المجموع عشرة والمقطع الذي سكب فيه الدموع هو السادس ويقول فيه ... هل حبيبي نسى أم لي طرا ......يا ام شلوخا عشرة مسطرة النسائم بالند عطرا.........دا الدفق لدموعي ومطرا يقول الأستاذ مبارك المغربي إن هذه الأغنية لا ترتقى إلي مستوى أغنيات أبو صلاح الأخرى بالرغم من انتشارها ولكنني أقول إنها أغنية جميلة وقوية وصادقة وذات ألفاظ ومعاني جميلة أبدع أبو صلاح وصف محبوبته وهى في ساحة الرقص وفى الأغنية صورا بديعية جميلة وللأغنية قصة رواها لي الفنان مبارك حسن بركات حيث قال إن أبو صلاح طلب من إحدى البنات الرقص ولكنها استنكرت ذلك وعابت عليه حول عينيه فانشد أبو صلاح هذه الأغنية على الفور وقال إن سبب حول عينه وسهره هو نور وجمال هذه الملهمة وقال الأستاذ مبارك حسن بركات إن كرومه لحن وغنى هذه الأغنية في نفس الحفلة ورقصت هذه الملهمة على إيقاعها ....وفى الأغنية وصف رائع لقوام هذه الملهمة حيث يصف صدرها بانه عالي وكبير حتى انه اتعب الأعطاف وبرا الخصر حتى اصبح رقيقا وعلى هذا الصدر جوز رمان جل الذي خلقه وهذه النهود باعت واشترت في الشاعر اى أنها أتعبته وسلبته لبه وفكره أما الشعر فمن طوله فانه يستر الأقدام وطلب منها أن تلقط القلوب التى بعثرها هذا الشعر ويصف الشاعر الجزء الأعلى من قوام الملهمة مع الأرداف كأنها خطيبة في منبر والمنبر هو الأرداف.... أما الرشيم والرشمة كما يشرحهما مبارك المغربي فالرشيم هو فصدتين تحت شلخ صغير على اعلى الخد ( نقرابى ) اما الرشمة فهي سلسلة ذهبية تصل ما بين الزمام والميسرة ويقول الشاعر إن الرشيم لشدة خضرته غير لون السلسلة الذهبية فصارت خضراء اللون مثل فرع الشجرة الأخضر على سطح المرآة... أما ابو الحاج المذكور في الأغنية فهو الحاج محمد احمد سرور ووهبة هو عازف الملوديكا وهى نوع من الأكورديون ابوزراير كما يسميه البعض ووهبة هو والد لاعب المريخ المشهور بشرى وهبة اما عبدالرحمن فهو العريس .... الأغنية من الحان كروم وسجلها للإذاعة مبارك حسن بركات كما أبدع فيها الفنان محمد الامين .اخبرنى الاستاذ مبارك حسن بركات ان ملهمة الاغنية اسمها جواهر وقد قابلها فى الستينات فى تاكسى اجرة وبالصدفة كانت هذه الاغنية تذاع على راديو السيارة بصوته فقالت هذه المراة كل شئ فى الدنيا يفنى عدا الشعر فسألها مبارك انت بدور ام جواهر فقالت انا بدور اما الشاعر مبارك المغربى فقد اشار ان اسم الملهمةهو مدينة ومذكور فى الاغنية (مدينة الجوف) ولكنى ارجح رواية الفنان مبارك حسن بركات. د . /أحـمد القرشـى |
يإسم صدفة البحر فى منتدى عشاق السودان
حكت أو حكى: على بركة الله ابدا اسرد ليكم اول قصة سنبدأ برواية قصة قصيدة بدور القلعة حكى لى عم حنفى (عم تحفة كدة ربنا يديه العافية) ان شاعر الاغنية هو صالح عبد السيد وكان مدعو لحفل بالقلعة (أم درمان) وزميله الشاعر المعروف محمد ود الرضى. وشاعرنا كانت جفون عيونو كبيرة وبتدى العين شكل النوم. فقام صاحبه ود الرضى قال للبنات الفى الحفلة: انو الزول دة نايم والحفلة شغالة (تقريق يعنى) فضحك البنات فيه. فعرف طوالى انو بضحكوا فى عيونو فقام طلع نوتو وكتب فيها مطلع القصيدة: العيون النوركن بجهـرا غير جمالكن مين السهرة يا بدور القلعة وجوهرا وشاعرنا كان متعود يكتب مطلع القصيدة ويمشى يوريها لزوجته اذا وافقت يواصلا .. وفعلا وافقت وتم القصيدة الرائعة وكتب فيها اجمل الاوصاف والابيات.. وبعد داك وداها الإذاعة والتلفزيون .. وكل من سمع الأغنية يكون قد لاحظ مدى دقة الاوصاف والجمال الذى تحتويه كلمات الاغنية المهم فى الأمر أنو الاغنية دى اشتهر بها العملاق: الموسيقار ود الامين لكن فى الاصل غناها الثنائى: مرغنى المأمون واحمد حسين جمعة والطريف انو عازف الكمان (الزمن داك) اسمه وهبا قد وجد نفسه منظوم فى القصيدة: وهبا بمزيقتـو اتحكـرا كم طرب افكارنا وسكرا وطبعا شاعرنا ما نسى نفسو وفى أحد الابيات قال: جارح صالح كل مـا يحضـرا وفى مدينة الجوف ساكنة الضرا مدينة الجوف: القلب (للبلدة فى المفاهيم الذى دى ههههههههى ) وال اللقاء فى قصة أخرى .. القصص كتااااااااااااا ر |
كتب على محمد على بشير بسودانيز أونلاين دوت كوم
قال راوى الحكايه انو زمان الشعراء كانوا بيمشوا مع الفنانين للحفلات وبيختوا ليهم عنقريب بى وراء الفنان المهم مشى ابو صلاح مع كرومه على ما اعتقد فى ذلك اليوم الى حفل بحى القلعه بامدرمان والذى كانت تمثل فيهو الفتاه بدور ملكة جماله الغير متوجه وطلبت بدور ان ترى الشاعر المشهور ابو صلاح عن قرب وطبعا معروف انو الشاعر كان مصاب بالعشى الليلى .. ولما اصبحت قريبه من الشاعر فوجئت بمنظر عينيه ولم تتمالك نفسها وقالت فى صوت مسموع وبخيبة امل - هو ياهو دا وقالتها بشئ من خيبة الامل وبعدها كتب ابو صلاح تلك القصيده |
البوست تحفة و المادة دسمة ( امسك قوى فى غنا الحقيبة)
البداية خطيرة ادييييييييييييل كدا العيون كمان ( السبب الاذانى ) و محمد الامين حلقت فى عالم تانى :D:D اقتباس:
تعرف يا رافت بحتل هنا و نش ما يمرقنى و كدا و ذاد وجدى loooollooool بس ما تشعتف رويحتى ... و تسيبنى فى هجرانى. الاغنية دى عجبت حبوبتى ( الروضة بت مالك) و اصرت اسمو بنت ولدها ( بدور و تناديها بدور القلعة) |
اقتباس:
ههههههههههههه مقدمة من ابو كديس...ما هو باين..;) فعلا اغنية تستحق بوست و من لا يعرف بدور القلعة و من لا يعرف القلعة فى ام درمان التى اشتهرت بسماحة ناسها...و ما بنمشى لناس ما بيجونا فى القلعة رجعوا يعذبونا...شفت كيف...!!!! انت عارف لمن يقول ليك ام درمان اصل الغنا و الكلااام السمح دا كلااام ابدا ما فيهو اختلااف..و شوف كم فنان و كم شاعر وكم اغنية جميلة خرجت من ام درمان و كمان شوف كم زول سمح كان فى ام درمان...!!!;) فبل فترة ليست بالقصيرة التقيت مصادفة بشابة جميلة جدا جمعتى معها الظروف صدفة و عرفت من خلال الونسة و النقاش انها من ام درمان و بالتحديد من القلعة فجاءت سيرة اغنية بدور القلعة فعرفت منها ان بدور موضوع القصيده هى حبوبتها لامها وذكرت حكاية طويله عن هذه الاغنية الامر الجديد بالنسبة لى انها ذكرت ان بدور هذه كان لها ستة اخوات وكلهم جاء ذكرهم فى هذه الاغنية لكن ابو صلااح خوفا من المشاكل اخفى ذلك و اى زول نبيه اذا فلفل القصيدة ممكن يعرفهم منو..؟؟؟ طبعا ذكرت لى جميع الاساامى و انا ما حاقول التزاما بحقوق النشر...هههههههههههههه الونسة طبعا جرت عن القلعة و حكايات اخرى طويلة عن شعراء اخرين و فناين اخرين و منو فيهم الكان مكسر هنااك و عند ناس منو و قصة طويلة يمكن كلها ما بتتقال هنا.. المهم دا جزء من حكاية الاغنية..و الاغنية طبعا لحنها كرومة و غناها و بعده غناها بركات و التسجيل القديم الموجود بالاذاعة بصوت بركات بالرق طبعا... ود الامين طبعا اضاف للاغنية الكثير مع المحافظة على اللحن الاساسى للاغنية فقط يوخذ عليه انه لم يغنى القصيدة كاملة بل ادى جزء منها فقط..و هذا بالطبع لا يمنع انها خرجت بصورة جميلة و بها شحنة خيالية من التطريب و الموسيقى الما خمج.. و الله يخلى ناس على شمو فلولاهم ما خرجت هذه الاعمال الجميلة من فناين من امثال محمد الامين و وردى..فهم كانوا قد اشترطو على اى فنان من الفناين الكبار ان يغنى واحدة من اغنيات الحقيبة فكان ان اختار محمد الامين هذه الاغنية و اختار وردى اغنية محيك البدرى و اختار الفنان عثمان حسين زيدنى فى هجرانى... يلا يا زول و ما قلت لينا انت مكتول وين....؟؟؟ ايام كنت فى ام درمان...;) ما تقول لى مدرسة التقدم....:eek::rolleyes: سلاااااااااااااااام[/align] |
العزيز رأفت ميلاد يديك الصحة والعافية والله الليلة كالعادة اتقلبت الهوبة عديل في البوست دا وفي كل بوستاتك رأفت سمعت مناسبة القصيدة أو الأغنية الأتغنى بيها أكتر من فنان وهي لسيد عبد العزيز البيقول فيها (أفكر فيه وأتأمل أره اتجلى واتجمل) يقال إنو كان على علاقة بقبطية مسيحية من حي المسالمة أمدرمان والبت اتزوجت ومشى الكنيسة حضر مراسيم زواجها وكانت القصيدة أو الأغنية (افكر فيه وأتامل) ياريت تفيدني أصلو الأغنية دي كاسرة فيني ضلع عدييييل كدة.
تحياتي/ عثمان الطيب |
اقتباس:
ده زوقك السمح .. ومحمد الأمين زولك .. وود حلتنا برضو "قرية ود النعيم" وود حلتنا يطلع ود حلكتم برضو .. على وزن صاحب صاحبك اقتباس:
اقتباس:
خليكى قريبة .. بس ما بوعدك أفضل جوة الحقيبة .. القصص كتااااار زى ما قالت صدفة البحر .. |
اقتباس:
اقتباس:
اقتباس:
اقتباس:
اقتباس:
وعليك دوام السلام .. وما تفوت |
اقتباس:
رأفت الهجان أقصد ..........ميلاد :Dمن المسالمة |
الاخ رأفت
سلامات كتر لينا من الحقيبة دي وقصصا لكن يا اخوي برضو وقفت شوية في حكاية يوديها للجماعة يشوفوها دي .لا أدري هل الغرض من المراجعه كما إستنتجت منال لتقييم نواحي فنية وجمالية أم المسألة نواحي رقابية يستلزمها الوضع الامني الداخلي ؟أنا أرجح التانية لأنو الاستاذ شوقي بدري قال نسوان أم درمان ديل ما بيفرطوا ..وماسكات مفاصل اللعبة تمام والله أعلم تحياتي |
اقتباس:
رافت ازيك ايه الروقان دا :cool: غايتو جنس رفع معنويات بس حرام ماتظلم ناس منال ديل:o ياخي انا بتي قدر منال قاعدين هنا وبنسمع في الاوصاف العجيبة دي غايتو الاغنية دي تعبير صارخ لتغير مقاييس الجميل وموازيينو يعني الزولة دي كان جات في زمنا دا بدوها كرت احمر:p صدير واعطاف:eek: وبتاع غايتو كما اداء محمد الامين كان راحت في حق الله:p |
اقتباس:
غايتو قصتك دى بستفيد بيها فى حتة تانية .. بنجمع فيها المعلومات .. وحقك محفوظ ليك كامل .. المكان ما سر .. فى موقع مزيكا سودانية .. برجع وأنكت ليك فيها .. وما تشيل هم مادام ولدك .. ود عثمان .. معانا هنا .. بجيب ليك قرارا .. وهو زاتو طالع ليك بكااااي looool طبعآ الأغنية غناها سرور .. وأشتهر بيها خلف الله حمد .. وبنرجع ليها بالمهلة إتصبر شوية مع سرور .. والغنا سمح فى خشم سيدو . [rams]http://www.sudanradio.info/arabic/modules/debaser/upload/haqeeba/afkrfeehRe1.mp3[/rams] |
اقتباس:
أيوة من المسالمة وجار ناس "لهاليبو" زااااتا .. علك ما بت حلتنا ؟؟ غايتو كان دفعة منال أسألى حبوبتك من لهاليبو وكان دفعة أمال .. الأبت السغرة .. أسألى خالاتك .. كان تلقى بيتنا وين .. مرحب بيكى كتير |
اقتباس:
سلام يا فيصل على أنت الناقش صاح .. نسوان أمدرمان ما متسلطات .. لكن قادرات وعارفات مفاصل اللعبة تمام زى ما قاليك شوقى ود الموردة .. المساحة واااسعة بس فى حتة كدة كان عديتا .. الله قال بى قولك .. برة السماحة والغناء .. أمدرمان أخرجت نساء صالدات فى كل المجالات .. التعليم والتمريض والدايات وحتى السياسة .. حتى الخارج أمدرمان من الخرطوم وبحرى والأقاليم .. بداياتم فى أمدرمان .. حيث كلية المعلمات والدايات والتمريض .. والأحفاد .. يا زول ما نسرح برة .. خلينا فى الغنا |
متابع يا دفعة ...ومشتاقين..
أي مساعدات تطلب شوت طوالي أخوك جاهز كلمات وتسجيل ... |
اقتباس:
:mad:goood |
اقتباس:
بس لهاليبو دي ما عرفتها ؟؟ [/align] |
اقتباس:
مالك مابية السغرة .. والله صغاار .. هسة كان كبرناكم البسغرنا نحن شنو gooodgoood صدير وأعطاف شنو الخلعك ؟؟ ما سمعتى أبو صلاح بيوصفا: ديـسا للقـدم وصّـل الخــبـر ... والصـدير بـرز قلّـع انتـبر والـنهيد رُخـس لسّـع ماجـبر ... قلـبي هـجّ طار عنه ماصبر الشـعـر نـزل للـدرع سـتـر ... زاحـم القـدم فيـها كم عتّر والصـدر قلـع والـردف نـتـر ... والضمير تِعب حالتو في خطر أنا غايتو ناس العدسات الملونة والضعفة المكنكشة دى ما واقعة لى .. غايتو ما بنختاكم وراجعين ننكش فوق نواحيكم .. من سنجة للرصيرص .. خليكى قريبة إمكن تفيدينا |
اقتباس:
يا زول والله انا أمدرمانية ومتعنصره كمان ... ولو جينا لنسوان أمدرمان والله أجدع ناس .. كان داير السماحة ... اها كان داير الجيهة ... اهل كان داير الرقي .......... وكان داير التعليم ............ كلو عندنا |
اقتباس:
عينى فيك ومستنيك تنفض غبار البلد وتفضى لينا .. يا زول صاحب بيت وشيال أسية .. ومامستنى الإذن .. شووت وعطر .. عارفك بكاااى ودمعتك ما بتدسها .. أرمى دلوك لى جوة ألف حمدلله بالسلامة |
شنو القلبتا لينا ونسة يا حبة ههههههههههه هههههههههههههه
قلنا قصة اغنية ود عثمان مجتهد بهناك راجيك تدور |
اقتباس:
اقتباس:
اقتباس:
|
اقتباس:
والله يا رافت اخوى بوستيك دا مشوار واحد بشارع العدنى تمر بالراهبات و تجى راجع بشارع الكنيسة...غايتو بوديهو ليك التوج..;) بجى راجع لهمس الشوق دى برضو اصلها طلعت من المسالمة برضو يا ربى يكون جهة ناس ميسره و لا ابو مرين..كدا لمن نجى راجعين.. منال.. كيفكم يا ناس الديم..؟؟!! انتو يا كافى البلا..!! الديم دا مافى واحده عملوا فيها اغنية...;) بعدين رافت دا نكب ليهو شنو عشان يدور..؟؟ دا داير اوكتين عالى و ما عندنا..;) |
اقتباس:
كدى فى الاول عثمان داك ابوك صحى ... معرفة و كدا اختا الديم يا زول ... اسماعين حسن و د حد الزين بكاؤه كلو فى الديم ( امسكى عليك عيونك ديل ) جارتى و الله لو شفتا هسه دى تكتب شعر غزل معسووول لذيذ و العيون الا كان تتكهرب بس و طبعا عندنا وصف فى الجمال غناهو عثمان اليمنى فى ديامية قال ليها الليلة لى زيارة كسلا راحن التكاسى ابرعت و الضرايح زاتا رزن و كان داير يقوم سيدى الحسن تبت لله مدد يا المرغنية اسال منها عكود و خالد الحاج الاغنية دى مودتى ديل نموذجن بس عشان ما نخرمج البوست واصل اللفيت خليهو ... كب بكائك يا زووووووووول |
اقتباس:
نعمل شنو يا منال .. دى برضو أغنية وقصتا .. وحالتو ما جونا ناس القص الصاح .. جاييك .. وأغنيتنا التانية .. برة أمدرمان فى بحر مدنى .. برضو حلتى .. وبتبقى برضو حلتك .. المكان جنينة كعكاتى .. والحسناء المرة دى حنتوب الجميلة .. أبفى حاضرانا .. |
اقتباس:
انا غايتو خايف على البوست دا من الخرمجة خصوصا شلة الشرقية لسه ما ظهرت ولا اقول ليك اديهو مويه...عشان يكفى وكدا...;) اها النجى لمنال دى: عثمان ياتو القاصداهو دا....؟؟؟؟؟ بعدين انتى ما جايبة خبر ساكت اسماعيل حسن زاااتو كتب لبدور رأافت..مش هو قال: يا بدورى فى الظلام والظلام يحجبلى دربك نارى بعدك والحنان والجنه قربك يا حبيبي والزهور الحلوة تتفتح فى قلبك انت عارف انا يا روحى بحبك خوفى منك خوفى تنسانى وتنساها الليالى يا حبيبي... غايتو الديم البنعرفو غير السجانة الكان ساكن فيها ود حد الزين...;) معليش غايتو نحن ناس اقااليم و ضهارى و كدا...[/align] |
اقتباس:
والله هديت حيلنا بالمشوار ده يا ود عثمان .. ود عمى نعيم سعد بيتم فى الزقاق المقابل الكنيسة .. من جوة مقابل مدرسة الأقباط وبى غادى يطلعك على الرهبات .. يوم فى حراية جاى من المحطة الوسطى جمب الكنيسة لاقاهو عكسو واحد شايل راديو أيام الترانزستر .. وبغنى الكابلى "أراك عصى الدمع" قلب باراه لحدى سوق الصياغ .. هسة همسة الشوق دى كان بقت فى درب ناس أبو مرين .. وفاتت دكان ميسرة ووصلت لى دكان برعى .. ما بتبقى الشوق كله ما بس همسه |
اقتباس:
:D:D:D:D دى انا ما شفتها...ههههههههه انا من زمن صابون صافى الحير اوصافى و دايما على بالى...و بت السودان و بسكويت كوكو و حلاوة جكسا و برضو ابو مفتااح...:p ياخى كان ما متنا برضو شقينا الترب...;) و نواصل مع قصة بدور القلعة... عليك الله يا رافت بعد قصة الاغنية دى خرم لينا لقصص اغنيات ود القرشى...:rolleyes:[/align] |
اقتباس:
:D:D:D:D:D:D هسى بعد شوية تجينا منال تقول هاله بتاعت ابو قطاطى خالتها مش ابو قطاطى قال: صعيب وصفك لأنك هاله كلك ضي... بعدين اغنية لى فى المسالمة غزال اظنو كتبها عبد الرحمن الريح و جماعة عبد الرحمن الريح البيكتب فيهم معروفين...غايتو وقعتى فى الشرك مش عبد الرحمن الريح كتب: الدنيا منى و احلام لابراهيم عوض اها منى و احلاام ديل جماعة عبد الرحمن الريح...و بقى بعد كدا غزال المسالمة دى واحدة فى الاتنين ديل...قلتى شنو..؟؟؟ [/align] |
اقتباس:
ود عثمان :mad: الحبايب من جم :rolleyes: الجميلات ناس أمدرمان و...الديم (كيتا في ود عثمان دة):mad: ناس الشرقية (مستانسين) على قول أهلنا الهنا و(مستمخين) على قول أهلنا الهناك ... أنا غايتو من يوم رأفت نزل البوست ال(قشطة) دة ;) كل يوم أدخل بي بابو حتى أمشي على باقي العيوش الباقية ... صحيح نحنا ماناس حقيبة وكدة (تحتمل كل المعاني) :p لكن الأضان نححححمد الله عندنا ...والعين بنديها حقها استصحابا للمرادات التي نتلمسها في (عواهن) كلام رأفت والأغاني (الماتعة) التي تترى من هنا وهناك... أهة بالله يارأفت الكلام الفوق دة كلام زول بتاع خرمجة ؟:mad: مش زول ناقصو شهادة وطن بس عشان يسكن امدرمان معا ناس همس الشوق ديل :D ونجي للأحباب في الشرقية أصلو أستاذنا النايب هاشم قال (اني نذرت صوما):cool::D لكن الجميع يعلم بفوته في (علوم) البكالوجيا و(معارفها) وهو رجل (زول) حقيبة و(فونوغراف) كمان :) نجي لي أبو ريم دة بقى شغلتو زي عدادين الكهربا زمان...يجي ياخد الكيلوواطات من العداد نهاية كل شهر و...يتفكفك لكني أراهن على (علو كعبه) في استطعام جماليات الحقيبة وسياقاتها شفت كيف... طارق صديق كانديك دة طبعا (تب) مافيهو كلام ...لأنه ينسب الى مدني هوى وحراكا وصلة (وناس مدني ياهم ناسك يارأفت):) طارق الحسن أهااااا غايتو ياود عثمان لو في خرمجة (أحتمال) تكون من طارق الحسن دة الزول دة بيلبت كتيييير والناس البيلبتو ديل ماااابتقدر تعرف ليهم حال :( قال (خرماجين) قال :mad: :D |
اقتباس:
أول حاجة ناديت الحجة .. وقريتا كويييس "أب كلاما طاعم رأفت " .. أصلو يوم واحد كتب لى "يا مر اللسان" .. ومسكتنى بيها .. وتقول ناس الشرقية .. ياخ أجدع ناس .. مرحب بيهم .. وود عثمان بلز دايركم بى جاى .. بس الخرماجين الفى بالى ما من الشرقية .. لكن من شرق النيل .. وبينى وبينك كايسنو بالفتاشة .. كان جا هنا بطلع الما بطلع .. تحياتى لأولاد الشرقية الجميلين .. وبلغ كانديك يكون قريب .. لأن الوصلة الجايا ماشين "كعكاتى" اقتباس:
أما ناس الخرمجة الجد جد .. :mad: ناس طارق الحسن .. كان جو بى جاى آر بى جى ما يحله منى .. |
اقتباس:
ياخ ود عثمان ده طلع من زمن أبو كديس gooodgoood قبال مانسرح تانى نشربكا بأغنية تانية .. قبال نمشى مدنى ونرجع للأحباب ناس كانديك الأغنية: قائد الأسطول الشاعر: سيد عبد العزيز الأغنية تغنى بها السودان كله وأكثر من أبدع فيها بادى محمد الطيب .. وإشتهر بها مبارك حسن بركات .. وعلى ما أظن هى من أداء عبيد الطيب .. عمومآ الخطأ مرجوع ومعانا ود عثمان .. سمعتها بصوت البلبلة الحسناء هادية طلسم فى تسجيل خاص [flash1=http://www.rafatmilad.com/alstool.mp3]WIDTH=400 HEIGHT=50[/flash1] ونعود لى ..قصصها .. ما قصتها |
ألخص القصة الأولى .. لأن فى ما يبدو كاتبها أو كاتبتها .. "كان ماخد راحته شديد" وخاصة المنتدى خاص .. فسأكتفى بالخلاصة بدون أسماء ..
تحكى القصة بأن الشاعر سيد عبد العزيز وقع فى غرام بنت ما من عائلة مرموقة ومعروف بناتها بالجمال والقوام الفارع .. نسميهم نحن فى أمدرمان بالكنية التاريخية "بنات البحر" ;) .. تقدم لخطبتها وقوبل طلبه بالرفض .. لأن الفنان أو الشاعر فى ذلك الزمان كان يُعتبر "صعلوكآ" .. صار شاعرنا الولهان يترصد محبوبته عن بعد يشبع ناظره منها .. كانت طالبة فى كلية المعلمات بأمدرمان .. عند خروج الطالبات من المدرسة كانت محبوبته تخرج فى مجموعة من الحسناوات وتسير فى مقدمتهم .. فشبههم بالأسطول .. هى قائدته وتتبعها البوارج فى ثقة المنتصر .. يا قائد الإسطول .. تخضع لك الفرسان .. يا ذو الفخار والطول.. أرحم بني الإنسان .. القصص الأخرى مغايرة تمامآ .. يُقال إنها أغنية وطنية بها تورية تندد بالإستعار .. مثل عازة فى هواك وغيرها من ذلك العهد الذى كان تحت وطأة الإستعمار .. ويقُقال إنه سُجن بسببها .. والقصة الثالثة يربطها بالثانية السجن فقط ولا علاقة لها بالوطنية .. يقال الشاعر سيد عبد العزيز تسبب فى حادث مات فيه إنسان .. وتم سجنه .. كتب هذه القصيدة مسترحمآ السيد عبد الرحمن المهدى .. وهو من قصده بقائد الأسطول .. ويقال كتبها فى حفلة وهو يرى مجموعة من الحسناوات يرقصن خلف بعضهن تتقدمهن غراء فرعاء مصقول عوارضها ... ويقال ... ويقال .. فى إنتظار المزيد |
[align=justify]سلام يا رأفت
بوستك ده ح يكون فيه الكثيرمن المتعة والذكريات والحنين زماااان وأنا صغيروني (12 سنة من العمر) كنت راكب في بص من أمدرمان للخرطوم وكان معنا رجل كبير في السن يحكي عن بعض قصص أغنياتنا الخالدة (وكان يحكي ويترنم أيضا ً بمقاطع الأغنية).... وكان كل من في البص متابع بإستمتاع وإهتمام بالغ حتى أنا (رغم جهلي ساعتها ببعض التلميحات التي كان يوردها أثناء الشرح ;)) وأذكر تماما ً أنه حكى قصة أغنية (حاول يخفي نفسو وهل يخفى القمر في سماهو .. ) واصل ونحن متابعين ... [/align] |
اقتباس:
أنا عندما كنت صبى يافع .. عشت وسط التلميحات دى .. خاصة فى المناسبات عندما تأتى إمرأة جميلة .. وييدأ الكبار بالذكريات وأسماء الشعراء .. كنت أسأل كثيرآ ولا ينوبنى سوى الذجر .. ومنع الجلوس فى مجالس الكبار .. حاول تتذكر لينا |
اقتباس:
تحياتي/ عثمان الطيب |
اقتباس:
رافت قائد الاسطول غير الاكستنشن لحاجة بنعرفا ياخى الظاهر دى نقطة طلب يا رافت نهدى لعثمان ( من جانين اسيا ) و تعرف شفت بنت اسيا (زوجة احمد قاسم المشهور من ناس بحرى) انا شهقت و دعكت عيونى مرتين و الله جمال و قوام و هندام و جنس كلام اها قالو الشاعر شاف اسيا زمن شوف جمال المراة نظرة:D;) كل الود يا عثمان |
| الساعة الآن 11:23 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.