فواكـــــــــــه سودانيــــــات .. سلة من السودان
خالد الحاج كان فى الأصل .. فكهاني ..
فأنشأ روضة .. تجمعت فيها الفواكه من كل صنف .. ومن السودان أتيتكم بسلة عرضها السماء و الأرض .. نعم قستها بالنسيم .. عرضا وبالبحر وزنا .. والبهاء لونا . وبالحب حجما .. هاكم أقرأوا فواكهي .. |
[align=center]فاكهة الاستواء .. [/align]
على رملها المبتل فكرا.. قدل العقل .. زيّن ملامحو و حلق .. أشعلت سرجنا الخمجان دفئا وخفق .. "إن النساء الصالحات توشحن الألق و .. إن الحقل حق .. والله حق " يا طينها على " قيفة" ممطورة السنين الجاية.. "قلبك الخازن البكا ..يادوبو انسرق .." فتنادينا حضور سافرا .. سبحان الذى أسرى الكمال على الجمال.. وأتبعه حجيجا يطوف على البنات اليثارب ..و الرفق الآن نَفِّض ما تشعبط فى الفؤاد و ما علق من حسكنيت العادي .. و لالوب و نبق .. ثم ..نكِّـش ما اختزنا من توتر وقلق .. إن الصبايا يتجتذبن الفراشات الى الألق و بينهن نور تشتهيه المصابيح و يبغر منه الشفق .. وتتكور النشوة إذ يستدير صباها إصباحا شحتفة من رحيل الغسق .. يا لهذي العلية تدفقت الي محطات الشبق من تحداك فى مضمار الحوار!! تعداك فى صهيل السبق؟ أو تغلاك منال الرهان .. ميساً يسابق الأمطار غيثاً .. و .. قال "أن الكتوف تلاحقت" وافتكرنا أنّا القدم بالقدم لكنا تباقصنا فى لفة الحديث ومشيت ِ.. مشيتِ حادية الركب تصوغين الكِلم .. حديثن ما فيهو طق .. ثم يتلو الأنس أنساً .. حتى قرقرنا ضحكا بديها .. وحتينا الهموم حتا ثم ..فاجأنا الرحيل بالرحيل ..وانطلق .. .. فليهنأ المطاليق بالحذق أيا من كنت فينا ريقا لمفردات العشم جرتق السيرة .. و قيدومة الكمال اختزناك سنام الوعي الثاقب والفهم لصحارى تضيء لإشراقها الفوانيس البُعاد فكيف و عينيك الثقات استحالت اللقيا سراب و السقيا سقم وما أبقيت إذ أبقيت فى القلب؟ .. "نفر والسفر؟ " وماذا بعد إذ صرنا قنانا شوق لا تشق و زجاجة للعطر الفطير .. أو ضريرة فى طبق يا قشة غرقان .. أنا شرقان .. فرجينا قليلا قبل السفر .. أننا فى الحب عتاقا و خير من عشق .. إلا أننا فى الريدة بين كر وفر و .. قال قولته ثم " مرق" |
[align=center]فاكهة صبية ..[/align]
عندها فقط أدركت أني في روضة الشباب .. نضارة .. و ألوان باهية و زاهية .. وتلمع كده ..كدا .. شايف .. فاكهة المَزاج و المِزاج .. فمزاجها زاهي و مِزاجها من طابور الألوان .. فاكهة جزلة .. و كما فاكهتها .. تكون هي .. وهي .. بنت تتسلبط فيها الألوان الزاهية .. خرجت من حلم يقظة .. ودخلت فى وتر كمان مشدوه على نغم من وادي عبقر تحلم بأن تجمع كل ما حبا به الله الفواكه والأزهار .. وهي تنمو على شجرة بُكرة وفكرة أخذت من قوس قزح فرح ألوانه و شخبطت بها سماء الشباب .. و صاقعاني يا داك السحاب ..بارى البروق .. و كم طشيت .. ليتنى ما زلت أدخن السجاير و أنفضه على الرمل و قدماي فى النهر .. تخيلتها و هي على الشاطيء تدفن قدميها فى الرمل المبتل و هي تطالع المشارق بابتسامة عاقلة .. تتسلطن على اليراع فتصوغ الأخبار بسرد ذكي و مترابط .. وتحكي لك .. فتتنزل فاكهة و معرفة .. فيذهل الحضور .. و ويفرشون سعف البطين .. ويؤخرون الأذين غرف عشم .. ثم تخرج من حدائقها وأنت تجازف الأسئلة !!! هل كنت فى حضرة نحلة ..أم وردة .. أم فراولة .. .. |
اقتباس:
ولما العيون تتمنى خير النيل يعم كل البطاح ما بنلقى في جوف الزمن الا الغنى الصافي المباح شوفو الكنار ما لاقي عيش لكنو غرد وانتشى لمن لمح خيط الندى في صفحة الازهار مشى ليه ما نكون زي الطيور الفيها حب الغير نشا وليه ما نكون زي النسيم نهدي الزمان الوشوشة لما الحروف تصبح رياح وتوزع الشوق في الضفاف ولما العيون تمطر سماح في عزة الارض الجفاف حتى الزمن يزهر وفا وتلبس غنيواتنا الزفاف مليون عشم في الانتظار يتقلى في حر القلب ومليون قمر حافّي الطريق يهدينا لو الشوق ضِهب كل العيون تهتف تقول لازم نفي ولازم نحب ما الطيبة يا الناس الحنان راجانا في آخر الدرب لما الحروف تصبح عيون وناسة في جلسة هنا ولما العيون تصبح حروف افراحا فينا ومننا يادوب بنعرف كيف نكون ونعرف كمان معنى الغنى[/align] الشاعر خالد شقورى |
اقتباس:
[align=center]http://sudaniyat.net/up/uploading/dc-1.jpg[/align] |
[يامعتصم انت باين عليك كنت مسقرط كتابة روائع. والسودان سقاك بالكوز..
واصل يالحبيب يمكن الواحد يلقي ليهو برتقالة أو تفاحة هربانة منك يفك بيها الريق.. |
اقتباس:
|
اقتباس:
الله لنا يا فتحي والله لى .. بى طلتك الحلوة .. ربنا يرحم عمنا مسعد .. لكان أبدع .. أو جنّ .. لدى من الفواكه سلة غذاء العاشقين .. أكفيكم أنس وجن و شياطين .. جئت مشحون و مستَّف .. |
الباش ياعزيز شهقت ملؤ الصدر نسيما صبا مترع بروائح الفواكه وعبير الورود... وأمام ناظريّ ضجت السموات بشقشقة العصافير... وقفت مليّا عند مولج حديقة الأستواء فسبّحت الأله... وانزويت دونها الى باحة أخرى فاعتراني ألق الفواكه الصبية... فقلت ياألطاف الله... وبح مني الصوت وأنا أنادي بين سوامق الأشجار... وانهد دوني الحيل وأنا أسعى لاجتياز عنفوان النهر... واختلطت دون بصري المشاهد تكتنفها بهارج الأنوار مشبعة بزخم الألوان... فما كان مني الاّ أن تلمست يراعي ووريقة فكتبت: أني أغرق ...أني أغرق...أني أغرق وانتبهت... فاذا بي أتنفس تحت الماء! وأرى ذات الفواكه تتمايس الغصون منها وتصطخب الألوان... واذا بالأسماك تغني ياجمال دنيانا: [align=center][flash=http://www.youtube.com/v/DwIKxUAmy7s&hl=en&fs=1" type]WIDTH=400 HEIGHT=350[/flash][/align] |
اقتباس:
هكذا كانت فواكه سودانيات ... أولاد جدعان ونساء ساميات .. هم رياض سامقة يسقيها نيل لا كلّت روافدو و لا فتر من سقياهم وسقياهن منال ما قصرّت .. ورّتنا درب بيتكم .. |
الله لي الله لي الله لي الليله ووووووووووووووووب أها الله يحلك ويحل بن عمي ود الحاج من هذا الجِن الما بينداوا وحلللللللوه الإندراوه :p:p;)
|
اقتباس:
قايلها هاملة الخال دا .. أنا ما بلحق درجتو .. بعد دموعو تقيف شوية ويقدر يشوف .. |
اقتباس:
ما أظنها يا باش تقيف الدموع... والقال ليك أنا دايرها تقيف منو ؟ أبكي بكاك الجميل وأديني منديل :( |
يا ريس دي على وزن "البنا مصر كان في الأصل حلواني"
زخم من الروعة والألق واللغة العصية سهل ممتنع وغزل على عينك يا تاجر توهج الخواطر وتداعيات اللقاء أريت لو كنا معاكم |
[align=justify]غايتو بطريقتكم دي يوم حتكتلو ليكم زول ما حدث عند نهاية العام المضي وبداية العام ده شئ يفوق حد الخيال وقييييقي كانت تُخمة محبة ومودة وحُب وحياة إنسانية رفيعةٌ في مقامها
أحححححححححححححححح وتاني أح وتااالت كمان بقول ليكم أح من جُوووووووووووووووووه تسلموا كلكم وليكم حُب لا يمكنني أن أصفه [/align] |
اقتباس:
ما كان حلواني يعني :D ولا فارش جنب الكنيسة الحبشية:p معتصم سلام غايتو الله يستر عليكم من مشية السودان انت وخالد:D زهللتو عديل والدخلت فيكم ما مرقت دايرين حكي عن النيل الابيض وزيدني من الرشيد علي عمر حبيب عمري وشقيق صباي ماصورتو عليك الله يامعتصم كلمني بعدك مرتين في التلفون وماشبعتا من حكاويهو وضحكو ونفسو الصافية وروحو النبيلة منتظرين الحكي يا معتصم |
باش الهاش الباش
صاحب أحلى بسمة تأسر فواكهه كل المواسم.. كان لقاك أمنية ، وإذ به حقيقة تلامس الخيال .. وقبل أن نعي مقدار الدهشة حل زمن الإرتحال.. عزاي فى تشابهه إحساسنا ومقدرتك علي وصف حسي أكثر منى لتمكنك من الكلم والإلمام بنواصيه.. وسأترك كل وصف حملته الفكرة لكي يجد الإفصاح عنه فى سلت فواكهك الشهية .. ولا تنسي أن تسترسل لي فى وصف الإنسان الفنان الجميل الأنيق (المسحور)والشاي المدلوج فى حرارة مشاعرنا) معتصم الطاهر ورائعته قوت قلبه وجميلتيه الفاتنات.. فأنت أبرع وأصدق مني فى هذا المضمار.. محبتى فى سلة فواكهك ..عبق ومودتى خالصة والأمنيات ود خطاب ورفاقه |
عشان كدي ما شفتني... وهو أنحنا تشوف لينا شنو؟
جيت مبرمج ذي برامجكم يا هندسة وتلفونك يقول: لا يمكن الوصول إليك (ذكرني حصان عنتر:)) عندنا ليك انتاج مَحَلِّي يا بتاع الانتاج المُحَلّى نقيف وين في الصف؟ |
اقتباس:
خابرك خابزك وعارف مويتك .. دموعك انت يا يابا تبِل حوض المونة .. أنا عارفها ما بتقيف يا خال عشان كدا قلنا تقيف شوية عشان تشوف بين الدموع كأننا من وراء صفحة زجاج مبلول .. و لسه يا خال ما وصلتك .. |
اقتباس:
كان دوبت اعصاب الناي في كاس وسقيتك .* *لعثمان بشرى |
لا وصف ولا كلام يكفى ويعطى جمال هذا البوست..
اجمل فاكهة فى الوجود.. تسلم يا اخونا:p |
اقتباس:
كوستى .. مدينة غبشاء تمتد إليها يد وزير الشئون الهندسية ( بفهم) هذه الأيام ..وهذه حقيقة .. فقد قام بإعادة شفلتة شارع الدويم و من البلدية حتى النصر .. و أبناؤها فى المراكز المسئولة صاروا يهتمون بها منهم الرشيد و كمال قنيف .. وآخرون فى دواوين الحكومة .. مثل ميرغنى بيطرى كورة كوستى ما زالت تحاول منافسة ربك .. ورواكيب السمك .. صارت بلا طعم .. عندما فقدت الشلل .. إلا من موظفين فى الاسبوع الاول من الشهر .. الموظفين .. والموظفات .. ينظرون اليك بانتظار .. ولا أحد يراجعهم .. كانت نصف المدينة فى السوق و النصف الآخر فى المكاتب لا أعرف اين ذهبن نصف هؤلاء و جل أولئك .. بنات كوستى ما تبقى منهن .. افتقدن النكهة و القدلة فى بلدهن .. بنات المدارس .. كأولاد المدارس .. غبش و مهمومون .. يسيرون ولا يتحادثون .. يخاطبون هواتفهم المحمولة .. أعجبتنى فاطمة السمحة ( بت راوة) .. هي فاطمة بروحها و ضحكتها .. الرشيد لى عودة معك ومعه 0.. |
اقتباس:
سعدت بلقاك .. وجدتك كما تخيلت و أكثر ..( دى راجع ليها ) .. أفتح لى شبابيك اذنك .. و لى سلة كبيرة .. بحجم الريدة و النقاء .. حملت فيها محبتكم .. راجع ليك .. |
بالرغم من حميمية هذه السلة الفاكهة من الجمال .. وربما معرفة الناس ببعضهم البعض إلا أنني ورغم جهلي بهم وذاك من دواعي حزني إلا أنني أبدى اعجابي الشديد بكم أجمعين .. !!
تحياتي وتقديري |
اقتباس:
الفواكه عالمية .. لكنها في بلادى أصيلة اقتباس:
وطبعا أنا صف مكون من 99 موقع .. شفت كيف انا ما زول اناني |
فواكه بلدية ..
تبدو الصلابة على ملامحه .. وحال أن يبتسم ترى إنسان "كاتلاهو الحنية ." يبتسم كأوسع ما تكزون الابتسامة .. فتضج الفواكه بأوانها و تنشر نكهتها .. يبتسم فتنهض الرياض فاكهة وأبّا .. موز ..منقة .. شمام بلدي و عنكوليب .. يبتسم لك من هنا .. نعم هنا .. " ألمس خمج القلب .. حيث الفؤاد تماما .. تجد منبع ابتسامته وهي تمسك شادوفها تسقى الفواكه ما ينضر ألوانها .." يحمل حقيبته .. ويتضارى بيها .. و لكنها تبرز شخصية عميقة و بارزة .. فتقول لك حقيبته ما أنا إلا سلة فواكه عقله .. أعجبنى فيه حبه لرؤسائه و قناعته بهم .. واحترامهم .. من هنا يبدأ النجاح .. أن تحب عملك وتجد لك قدوة .. يتحدث عن زملائه بالخير .. كأنهم يسبقونه بمائة عام من العزوة .. وهو الرجل فى زمن الكورة .. لكن إن تأملت جيدا ..تجد أنه يعرف تقييم الناس جيدا .. ولا يعرف قيمة الناي إلا القيّم .. فهو عزال .. ونقّاي .. حتى فى عماريه .. الذى يرفع به الكلفة مع من يأملن أن يكون سبارسا أو فاكهة أخرى .. و جاييك .. |
[align=center]http://sudaniyat.net/up/uploading/Mutasim.jpg[/align] [align=center]العندو كُمثرى يعاشيبا[/align]
|
اقتباس:
زهرة .. و شتلة .. ووردة .. ليتها فاكهة .. فأنا ضعيف أمام الزهور .. الزهور توشى و تحكي و تحندك .. وأجمل ما فيها حديثها .. |
عكود
يوميا نبدأ ..بـ( ليت عكود كان معنا) ونختم يومنا بـ ( دى فاتت عكود) .. و نتذكرك بينهما .. ياريتك كنت معاى ياريتك .. كنت قطفتك فواكه الكون و سقيتك .. |
يا معتصم ما عارف أنا كنت بغران وللاّ حاسد!
لكن بعد وصفك وخالد الرشّيتوهو هنا ده . . فإن الأمر يستحق الحسد العدييييل. حاسدكم وحاسدهم . . فقد خبرت صحبتكم وما زلت أتمطّقها . . وخبرت صحبتهم واتكرّفتها من خلال أحرفكم البـ توشِل محبّة. بس دحين يا خوي، الليمون ده عيبو لي! صاح هو ما من الفواكه، لكن أريجو يملأ منك حاستي الشم والذوق، خاصة لو كان ليمون ذوق، نوارّو، صفقو، قشرو، طعمو، إستدارتو ونعومة ملمسو يمرقن السريحة من الإيد، ويجمنّـّـــــك. ودي حاسّة تالتة ممكن تستمتع برضو. عندك مثلاً هنا:[align=center]http://sudaniyat.net/up/uploading/Lemon.jpg[/align] |
الليمون ياتو يا عكـــود
الكبار و لا الصغار عارف كلل ما له نكهة و لون وطعم .. هو فاكهة عندى .. لا يهمنى تفسير العلماء ولا تصنيف الباعة الليمون فاكهة حندكة .. منذ بنات الوسطى .. تعاين بس .. اقتباس:
|
أعذب الفواكه تستجير بالواحة ..
وسط رمال منعشة صباحا.. هادئة نهارا .. ونّاسة ..دافئة ليلا .. تنبت أعذب الفواكه .. وتسقى العطاشى .. متفردة فى فكرها .. و قرارها .. فاكهة لونها الذكاء .. تنشر الأسئلة و تغرى بالاجابة .. بسيطة من غير سطحية و عميقة من غير كثير تعقيد .. تجلس أمامها حاسر الماضي .. حافى البدايات .. عاريا الا من حسن نية .. فتخرج .. متوجا .. كاسيا على جواد الفرج .. فاكهة .. معلقة على غصن طِيبة.. |
عودة لآمنة عمر ..
إذ قالت أنني ناديتها آمنة .. حال أن رأيتها ذكرتنى بقصيدة أزهرى نخلة وأبنوس .. فى هذا المقطع .. [align=right][frame="7 80"]ومشيتك .. متقرب لعيونك زلفى تتذكر وين لاقيتك صدفه؟؟ !أتذكر كنَا عناصر شتىَ .. إكتملت بيناتنا العرفه والصيف اللاذع شتا صفق النيم إتساقط حتَ طرفه .. لمحتك ..شلت النفس الأبى يتختَ يضحك صحوك ..نور كل مناحى الحِته وما إتسائلت عن إسمك حتى إتلمينا عليك .. وبغته دسيناك من خفر الليل .. فسحناك المليون ميل صرينا تراب أقدامك فى منديل وشهلناك هُتاف ..ومديح ..وصهيل وقدمناك قربان للنيل وكان من عندك بدت الصحوه جيتك منك ..شادّى خيال الشوق الصهوه بدينا نفلى الروح ..من نزق الشهوه وإترجّلت بفعل النخوه ..جلسنا نخمس فنجان قهوه إتشاركنا الزاد والمقعد فتحنا ملف الزمن الأبعد ..قام الفرح الطوّل مقعد لا قيناك دلوكه ودبكه ..إتسالمنا سلام المقعد واتقاسمنا سلام غبار السكه[/frame][/align] |
الأخ معتصم الطاهر ... دي فواكة مسرفة في النكهة ... ونسبة السكر فيها عااااااالية جداً ... فهنيئاً لنا .... هذه الفواكة ... مكتملة النضج ... ناعمة الفكر ... رائعة الحضور .. طاعمة الحروف والكلمات ... ــ لك مني ألف تحية ,, |
اسمع..
يا عمك.. ما تجدعنا بوصفة يااااخ.. ان شاء الله حنبك :D:D |
اقتباس:
حضورك هنا كدعاش من روضة متعددة الفواكه .. و حروفك تاج مزين بورود الفواكه .. ألوانا و متعة .. شكرا .. |
اقتباس:
الناس الفارشين بيت بكا ديل ..نعلاتم ما أدتنى فرقة .. أدخل تقول لي حنبك .. دا أنا محنبك .. بعدين بيني و بينك .. الجمع بين الاختين فى حديقة واحدة !!! |
الفواكه التى لم نتحدث عنها
- فواكه عنيدة الندى .. - فواكه فائقة العذوبة - فواكه فى جمال يوسف .. وسيد الفواكه وفواكه أخرى .. |
[align=center]فواكه ذهبية[/align]
أجمل ما أحب فى الفواكه .. أربعة أولها ..أن ينشغل البرتقال بغيرك فيتيح لك الفرصة لكي تتأمل نعمة الخالق ..( أعاين فيهو و أتأمل) .. ورابعها .. أن تكون للفاكهة أكثر من لون و طعم و نكهة .. [align=center]أبداكى من وين وفينى منك لسة حاجات من مخاوف و من شجن أبداك من وين وظنى إنك فكرة إعلان الحيـاة وانتهاء العوارض والمحن نفسى ألقاك وأكون كلى من بعضك أو بعضى من كلك بدن داير ألقاك وأوحد دايرة الدم المقسمة بينى بينك والشجن [/align] نعم لقد ابتلاتى الله بحب الفواكه الصغيرة .. مثل العنب والكرز و الفراولة ولكنى و الحمد لله أستطعم الباباى والمانجو .. وأطيبها ما توسط الحجمين .. وخير ما يطيب لى من الفواكة ( البرتكان) .. الذى يجمع كل ما فى الفواكه من حلو الصفات .. وأجملها صفاء اللون و بريقه كالذهب .. وقيل خير البرتقال ( البرتكان) .. وخير ( البرتكان) .. ما حلى طعمه وصفا لونه و نعُم ملمسه .. فحندكك رحيقه .. فتتمطّق .. وتبكي بس .. |
مشاركة رائعة ولافتة ومميزة
كل التقدير |
| الساعة الآن 03:24 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.