شهريات :- ( شهريار الانشاء)
فى هذه السلسلة من الشهريات سأقوم كل شهر ان شاء الله بالكتابة عن موضوع رئيس و سأتحدث فيه بقدر توثيقى و معرفى وأرجو أن يزيدنى البعض و فنزداد معرفة هذا الشهر سأبدأ بالانشاء والاستفادة من المفردات التى نستخدمها يوميا ولزيادة المعرفة سأقوم ببعض التوضيح والاستخدامات والمعانى وربنا يجيب الفائدة .. |
يقال لأول : أول الكتاب --- الفاتحة أول النهار --- صبح أول الليل --- غسق أول العصير --- سلاف أول الفاكهة – الباكورة أول الأولاد ---- البكر أول الشرب – النهل أول النوم --- النعاس أول السُكر – النشوة أول الشيب – الوخط أول المطر – الوسمي أول الشباب – شرخ و عنفوان أول الشهر – غُرّة أول الجيش – الطليعة – #0 |
اقتباس:
لحظة بس يا معتصم و ازيك دايرة ترجمة ع الشريط يلا واصل |
طيب الأواخر آخر النهار ... شفق و آخر الليل -- غبس و آخر المطر – حميم وآخر السهام ( أهزع) دا طبعا لو ناشت بيهو عيون ..طوالى التوج .. آخر الشهر –غاية و آخر الولاد – الزكمة ( الحتالي) آخر الأمر ( الخاتمة) |
و لنختصر بعض الأمور نأتى بأول الأمر ثم آخره لنعرف أوسطه ( أو مابينهما )
بين الهضبة و الشامخ --- الطود .( يعنى مافى حاجة اسمها طود شامخ ..) بين العابس والكالح --- القاطب ( يقطب جبينه) بين المسهب والثرثار --- المهذار بين الشابة والعجوز --- النصف بين الهطل والوابل --- التهتان ( و نسميه فى العامية الهتّف) بين النعاس و التسبيخ -- ( الكرى) بين الجوع والسعار -- الطوى ( الجوع مرحلة أولى و السعار هو الحد النهائى الذى فيه تنهش كل شيء) بين العطش والأوام – الصدى بين البكاء والعويل – النحيب .. ( البكاء يمكن ان تنزل دموعك فقط – بسملة مثالا – العويل زى حق عصمت بصوت مسموع أما النحيب فهو بصوت منخفض – كتامي كدا زى أخوانا فيصل و الجيلى ) بين الكمد والترح – اللهف .. بين العصا والرمح -- المطرد بين النهم والجشع --- الشّرَه بين الارتياح والمرح – بينهما الفرح بين النشوة والسُكر – الثمالة بين الرش والوابل – الرذاذ بين السحر والصباح – الفجر وبين الشروق و الظهيرة – الضحى وبين الظهيرة و المساء –العصر بين الغوث و الجود هو التهتان و بين الخمش و السلخ .. الخدش .. ( دا شكل الحريم) بين النازلة والطامة – الداهية و بين الهزيل و النحيل – الضامر و بين الاجلح و الأحص هو الاصلع .. دى زى بين عكود و شوقى تلقى خالد .. بين الاسمر و الأدهم هو الاسحم ( سحيم) التبسم و القهقهة هو الافترار ( دى طبعا عجبتنى ) تبتسم ثم تفر عن ثغرها ثم تقهقه .. بينا لاغروراق ( اغرورقت عيناه) و همعت – دمعت أما فى الجسد والانسان .. بين المنخرين هو الوتيرة بين الشاربين هو النثرة بين الخاصرة والبطن هو الطفطفة و بين الكاهل و الظهر هو الكتد و بين الوليد والفطيم هو الرضيع ( الوليد هو عمر يوم حتى اسبوع والرضيع هو من اسبوع حتى عامان و الباقى فطيم ) ثم يتحول ليافع فى ناس بستمروا رضيع أو ترجع ليهم الحالة دى تاني .. و بين اليافع و الفتى هو المراهق و بين السخط والحنق هو الغيظ .. |
اقتباس:
وخط الشيب .. زى حبة شيباتك الفى طرف راسك دى اسمها وخط الشيب .. سبيبتين تلاتة على الجنب .. اها المطيرة الأولى البتجي مع ام بشار ..( ام بشّار دى اول سحابة فى الخريف) .. بسموه الوسمى .. اها اول الشباب اسموه عنفوان الشباب ودا من عمر 20 لحدى عمرك كدا ..وبرضو اسمو شرخ الشباب .. و الشباب لحدى تلاتين .. |
طيب التشبيه من المحسنات البديعية والبيان ، ولكن يجب أن نعرف الفات التى تمتاز بها الأشياء عند التشبيه .. الحنظل صفته المرارة .. الحمى صفتها الملازمة .. الضحى ..للبهجة السهم صفته المروق .. العَقاب .. يمتاز بالمَنْعة .. ةالخنفساء بالنتانة .. و كذا الخنزير والكدروك .. الإبرة بالنفاد .. وليس النفاذ .. الحمل بالوداعة .. و عكسه الذئب .. و المسك بالعبق .. والناب صفته الحدة و السيل بشدة الانحار و سرعة الهدم المفازة بالوحشةالنمر بالغضب و الوثوب الغزال بالسرعة ( وعشان ما تزعل يا عصمت ) بحسن العيون البعير .. بالصبر و الحقد الضغينة النحلة ..بالسعي الجمار بالبلادة و الشهد بالحلاوة .. و من الصفات أيضا .. الحوت بالأكل و السوس بالنخر والضرس بالطحن و الفأر بالقرض و الباز بالبصر و السهى بالبعد و الغيث بالجود و السلحفاة بالبطء و الظل بالملازمة و ربيب النعمة بالترف و الأرنب بالجبن .. و الحرباء بالتلون |
اقتباس:
نتابع ياصديقى ونسجل فى الذاكرة والمدونات, واصل والتحايا عبرك لنوال:D |
اقتباس:
وخطت الذاكرة .. دا علم لشهر يا الجيلى .. 24 حصة ان شاء الله .. غير دروس العصر .. وشكرا على الدفرات .. |
اقتباس:
حصص قيمة والله واللغة العربية بحرها واسع واحنا متابعين الشرح بس الامتحانات متين :D |
اقتباس:
يا جماعة الردود هنا بالله ..مش فى الخاص حتى لو كانت من باب الفكاهة ..فالعلم يدخل فى بابه الفكاهة و يستفيد الناس .. قال أحدهم انه يحب آخر كل شيء .. وخاصة أواخرهن .. فآخر الحلة .. وآخر الحِلّة و آخر الشهر ( مش الغاية .. بل الماهية) الآ آخر السنة الدراسية يحيب منها الاجازة وليس الامتحانات .. وآخر العنكوليبة .. والبعض يحب أولها مثلى أنا .. |
الكنايات :
نرجو الانتباه للكنايات ..لأنك يمكن ان تطلق كناية بقصد المداعبة و تكون أسأت .. الكناية اذا لم يكن الشخص يحملها فعلا ( يعنى خالد .. أبو جعفر) لو قلت ليه أى اسم تانى لولد لم يلده ربما تكون هجوته مثلا أبو زياد هو الحمار أبو حذر هو الحرباء أبو وثاب هو العقاب و أيضا الظبى أبو مالك هو الجوع أبو طامر هو الرغوث أبو شبل هو الأسد أبو عمرة هو الافلاس . ابو حاتم هو الغراب أبو عقبة هو الخنزير ابو عوف هو الجراد ابو عون هو التمر ابو أيوب هو الجمل ابو مدون هو مخير .. |
اقتباس:
تسلمي الامتحانات مستمرة ... وخاصة عندنا مسابقة القصة القصيرة ( يعنى اختبار انشاء) عديل .. |
اقتباس:
يديو العافية ،، و ابو ربى و ابو آلاء و ابو سلمى و ابو زينب و ابو هويدا و ابو اليشا و ابو سارة و ابو سكينة مالك جليتهم و كدا :D:D و هم على التوالي عكود، الخواجة فتحي، رأفت، عصمت، معتصم، الجيلي، الخال، و العبد لله الفقير لله .. و نساعدك نخش ليك كنايات تبدأ ب ود ، و ادينا الشرح : ود الفحل ود القبائل ود البجرد الالفية ود الحلال ود الريس ود الناظر ود الموية ود البحر ود الحلة ود السافل ود الحور ود الليل لقدام .. |
اقتباس:
أمال وين ود اللذينا |
| الساعة الآن 01:03 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.