سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   يلا يا كيـــزان جحوركـــم .. أحمد الفرجوني (http://www.sudanyat.org/vb/showthread.php?t=32083)

Hassan Farah 15-12-2016 01:46 AM

يلا يا كيـــزان جحوركـــم .. أحمد الفرجوني
 
يلا يا كيـــزان جحوركـــم .. أحمد الفرجوني

Hassan Farah 15-12-2016 03:04 AM

يلا يا كيزان جحوركم
نحنا بالجد و الصراحة
كلو كلو ما بندوركم
يعلم الله من حضوركم
جا الفساد داخل معاكم
يشبه الدجال ظهوركم
جيتو بالكضب المدبج
بالحقايب فوق ضهوركم
يلا يا كيزان .. جحوركم
جيتو بي فقه التمكن
و التحلل ومن قصوركم
ظنكم بتغشو الله ...
تخسأوا و يخسأ غروركم
يلا يا كيزان ... جحوركم
جرتو قايلين الليالي
ما بتدوّر يوم تجوركم
من مقاصد الدين مرقتو
و عشتو بالتلفيق و زوركم
يلا يا كيزان ... جحوركم
في الأذى اتعديتو طوركم
و نتن الجو من بخوركم
الفساد بالغتو فيهو
و بيهو متزايد حبوركم
يلا يا كيزان ... جحوركم
الكروش زي الحوامل
داخله في تاسع شهوركم
غايتو رب الناس يساعد
خلو داية الحي تزوركم
يلا يا كيزان .. جحوركم
من صريح مال اليتامى
بالنهب عليتو دوركم
و بالزكاة و حق المساكين
مترفات بالزيف قصوركم
يلا يا كيزان .. جحوركم
يا الأذيتو الدين أذية
و يا النسيتو ضلام قبوركم
خادعتكم و انخدعتو
و عشعش البوم في وكوركم
يلا يا كيزان .. جحوركم
يا النهبتو خزائن الله
و سقتو للنسوان مهوركم
سوقو نسواكم تلاتات
و اربعات تفضح اموركم
يلا يا كيزان .. جحوركم
غايتو بديكم نصيحة
خافو من عاقبة فجوركم
اركبو الطايرات و سافرو
قبل ما الدايرات تزوركم
يلا يا كيزان .. جحوركم
في انتظاركم غايتو حاجتين
قلبوهن شوفو شوركم
المحاكم و القضايا و لا غربه
بلا نهاية فيها عزرائيل يزوركم
يلا يا كيزان .. جحوركم
و المصيبة الكبرى قدام
بالذنوب الفي نحوركم
كم ظلمتو و كم كتلتو
و في الصراط كيفن عبوركم
غورو يا كيزان .. جحوركم


Hassan Farah 19-12-2016 02:09 PM

القصيدة الثانية للفرجوني في زمن العصيان المدني


الساعة الآن 09:51 AM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.