راكوبة المجادعات.. النمة والدوباي
أفتح باب غناك نفاج..
سر العرضة دلوكة وناس بي غبارا معروكة بطان عنسيد.. يفصد للحم فجاج.. صوقير الصبي القارح.. يخلي السمحة مشبوكة تكنتل "كيفتا" الشبال.. ترحمن لي قلب لجلاج.. |
بيت الكلاوي يا ناصر..
البرمو الربل انقهمو شافو الودعة
والساق المتبّر وصدراً مدافع الكبعة انطوت الهدوم من الكفل منجمعة يالفقتي اللرايل بي رق الضمير والفدعة |
دخلت عرضت عرضة جد ... ومرقت
رجعت أرحب بيك جد وأعرض تاني وأمرق واحتمال أجيك بي عكاكيزي المرة الجاية ... كن دائما مفرهد |
متل رمال القيف من الهبوب خوافة
إن وقفت عديل في الطول تحاكي زرافة طلقت عليْ كرفة طليحة وشافا فوق الساق رسم بي لون حمارو شرافة |
أها ناس المدن بقولوا ...
أفتح باب غناك شباك.. سر الرقصة ايقاعها وناس بي التنية مرتاعة يميل الجيد .. بوزّع فى الجسد و الشوف .. بحليق الصبي الحبّار.. يخلي السمحة ملتاعة تستـّف شوفتا الأنظار .. ترحمن لي قلب حباك .. |
اقتباس:
حباب أسامة حباب الجاني هايش حرفو ستار العروض الـ للمهتك برفو أخو الدعج الوضيبة من الكفل بتغرفو ذو كرماً قديم من هزة سلامو تعرفو جيب عروبك جت وتعال بي جاي.. والله الدارة عجاجا لاوي.. |
اقتباس:
إن وقفت عديل .. النال يحاكي سبيطها طلقت عليْ كرفة خمرتا وكبريتا فوق نحرها ورتنى رقدتها و مبيتا |
أبشر يا سجمان(الله لا سجّمك)..والله ما باقي لي أقول اسمك ده!!
كنت دايرة اجادعك لكن لقيت رميتك بعييييييييييده خلاس.. خوفتني :eek: لكن برضو بحاول.. بره الخط "المره الرهيبة دي ما عندك ليها صورة، والله كسّرتني انا زاتي" |
اقتباس:
أبقى داخل واتقهوج.. أفتح باب غناك مشرع سر الرقصة دلوكة وكت السمحة تتفدع.. وحين مالت تقول تنقص.. ومن فوق السدير قلّع.. ضرب الجلة نظراتا.. تصيبك تاني ما بتنفع.. |
اقتباس:
أبشر بالخير والله بسطتني بسطة جد.. متل فرع الأراك زارعنو في مطمورا وإن هلت عليك فايقة القمر في الصورة طلقت عليْ كرفة "كليت" وبخورا في السدر الطمح ضيعني جوز الكورة |
اقتباس:
سجماااااااااااااااااااان عارف نفسي .. ما تتحسسي قولي عادي.. كونك صبيتي الرمية البعيدة دي .. معناها بتجدعي زيها .. يلا ورينا نمك.. عندي الأصل ينفع..تخريمة: البت الكسرتك دي ذكرتني المربوع دا.. قال: بت ناساً عزاز عيني ما لمحنك بت ناساً عزاز "فرك" القرمصيص جرحنك إنت البرتقان والليمون جناين جنك بهدلتي الرجال حتى البنات عشقنك منتظرنك بي نمة.. |
انا بت العزاز ما بتلقى ليّ مثيل
ممشوقة قوام معدولة من الميل مبرومة حشا ومايقي طبعو كحيل بهدلت الرجال حتى البنات.. بالحيل أها..لقيتني كيف؟ |
سجمان "المسربع"
أهلاً حبابك خي نوًرت الديار إنت و" خيتك" مي جدعك جدع ماهل ماهيل كلاماً ني أجدع قلم شاطر إلا المحل والصي. |
اقتباس:
معدولة فكر .. و بتعرفى الجيهة سمحة ..قيافة و رزينة و جيهة جهجهتى الصبا وزدتى البنات فى تيها |
اقتباس:
و الوش المتمّر و فاطرا يفر زى نجمة اطوت الهموم وكتين تهب زى نسمة يالـ فـُتـِى الارايل وزى الظبا منقسمة |
كل الجمال عندي..أوعـاك ليهو تواسي
لابسة الحشمة من قدميّ لا حد راسي للنضم الفراغ والله ما جلاّسي بَخَدِم عرضي حارّة قلب حساسي *تقول لي سماحة بس!!هييع |
سلام يا سجمان . .
ده حديثاً سمح بالحيل، والناس الجوك سمحين بالحيل (أسامة، مي، معتصم، شليل)، عاد ده شعراً (الشين تُقرأ بالفتحة أو بالكسرة) مااا عندي ليهو رقبة. دحين بتّكي علي عكّازي ده وإتفرّج . . وأدّيها هزّة . . هزّة. واصلوا لا تقيفوا شي . . ونحن فوقكم مبشّرين. |
اقتباس:
الجيد الهناك سرحت معاهو النظرة والحشا والخديد ناراً تجيك مندرعه لحظاً من تقع عينك تجيك منصرعه لاتقدر تصل لا تلقى درب الرجعه |
الريد والشكر راجيك من أجدادك
والرجاء والعشم تب ما بفوتي جوارك كان درت السمح راميهو لي عند جارك وان درت الدواس خبرن يجيك في نهارك |
اقتباس:
طارق ..لقيتك ما هيّن.. هاك.. نِحْنَ الشّكْرة هيلنا .. وبرضو ما بِنْدورا أفضالنا معروفات ما بنكشف المستوره بنرافي الضّعيف ونجبّر المكسوره والدّايرنا صِحْ بلقانا ساعة الشّوره |
طارق كانديك كتب :-
اقتباس:
درب الرجعة خلو وورينا شورتك كيف بين ضامر الحشا والصدرو طامح قيف ولع قلبى صده بقى زى سموم الصيف نرجى يحن علينا... جودا بلا تكليف |
اقتباس:
درب الرجعة يا ابوالسارة تب عارفنو وضهبان الطريق ما بوجهو التابعنو يا السجمان اخوي نحن الكلام سامعنو بس قلنا النقيف لما الجماعة يصِنّو |
درب الرجعة هيّن..خابرِنّو..ما شارِعنا
وضهبان الطريق يبرانا هو التّابعنا وخلونا النّنادي العُمده أكان سامِعنا الفرُرجه ما بندورا أمرق تعال جادِعنا |
اقتباس:
سوق الناقة هين وانا تارى ما ناسياهو ناس شية ومريسة وناس راس نيفة ما تلقاهو يا احمد زين بلاقيك وانا حقى ما عافياهوgooodgooodgooodgoood |
اقتباس:
والنم والغنا دايرلو زول ممهول داخرنك يمين للحارة وسديد القول يا عمدتنا ياخ عذرك معاك يا زول |
[QUOTE=سارة;167175]كان عارف الدرب وصفلنا بنبراهو
سوق النافة هين وانا تارى ما ناسياهو ناس شية ومريسة وناس راس نيفة ما تلقاهو يا احمد زين بلاقيك وانا حقى ما عافياهوgooodgooodgooodgoood [/QUOTE اكلو الشيّه والنيفة لاااااااااامن فِترو:mad::mad: وانبطحو..شربو غباشه.. قالوا وسِكرو:D عافيالم .. بس في السّمك ما يجرو وان ما عفيتي يمين راحو و وِدرو *ارحميهم يا ساره:D |
[QUOTE=مي هاشم;167179]
اقتباس:
|
والله ما شاء الله عليكم
متاابعين معااكم.. غايتو مى و ساره...ما هينين وسط الجماعه ديل |
[QUOTE=مي هاشم;167179]
اقتباس:
وشوف كيف المطر نازل علينا نزول ود عثمان هناك الحقنا بي missed call وشوف الجو ده كيف بالله ما جو فول؟ |
[QUOTE=أحمد محمد زين حسين;167190]
اقتباس:
باللااااااااااااي...داير تقنعنا بالفول بعد ما ضربتو الشية;) |
اقتباس:
يا سيد الرجال العمده ما بعفيهو والنم والغنا هولو معطون فيهو يجيكَ يمين من قلبو لا عند فيهو لا دايرلو مهله ولا بيفكر فيهو |
[QUOTE=مي هاشم;167194]
اقتباس:
قولي غلبتك في المجادعة ووقف غزال الشيخ في العتبة :D:D:D |
هوي
آآ ناس ساهرتو بي شهّيتو عيني الغمدة كان اتّ ود الزين كان سارة كان العمدة والله أبت تتم..كدي خلوني انوم هسي والصباح رباح |
اقتباس:
اجيكم بالنهار ماخدالي حبة سندة ولا السمسمية الكمدة ديك بالرمدة حاشية:- السمسمية عبارة عن نبات اخضر يسأل عنه فتحي مسعد - ابواماني - سارة ومن( لفّ لفّهم):D:D:D gooodgooodgoood |
[QUOTE=أحمد محمد زين حسين;167197]
اقتباس:
دقيقة:rolleyes:هسي بتجي.. انت قاصد مجادعة الليل دي:mad: تغلب منو؟؟ اتْ كُت حلمان أظنك:D تغلبني انا..ده المرق من جِنّك؟؟؟ حاشا عليّ راااااكزة..مالي بشرد منك؟؟ الغزال والشيخ في العتبة .. فوت راجنك هوي ..والله بعد ده النوم..ما تغيظني تاني..:) |
اقتباس:
لا بنعرف سجار لا ضقنا طعم السفّه بينين في البلد حاشانا ما بنتخفّا بنقود الزمام ما بنمشي تبع الزفّه أها..تحَسبو لِعِب؟؟هيييع وتصبح على خير |
[align=center]سلامات يا شباب:
اقول يا الجيلي* ابو العباس اشوف العافية ليك لباس حبيبي انت ما بتنقاس الوحيد في قلوبنا ماخد الكاس حبيبي .. * الجيلي احمد "ابو اليشا"[/align] [align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align] |
اقتباس:
لي داوود مزامير ما اظن نغيمو يفوقن يالفقتي الدرر بالنور مبورا سوقن شرفتي أم شِعَبْ حروفي فيك ما بحوقن |
اقتباس:
لي محل السنون من ضيقة تبقى المرقة يالفي بني شنقول مشهور دوام بالبرقة بي جيتك يمين الفرحة عملت شرقة أبقى داخل علي البنابر ديك.. |
اقتباس:
ختيت البياض لسؤالي عملو طراشى قالولي لبن الطير بنجيبو من أعشاشا أسهل من النهلت رحيقو فراشة |
| الساعة الآن 10:44 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.