سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   يا أخي الكُبر دآ حاجة ثقيلة بشكل (http://www.sudanyat.org/vb/showthread.php?t=58743)

بابكر مخير 23-11-2015 09:10 AM

يا أخي الكُبر دآ حاجة ثقيلة بشكل
 
أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

imported_رأفت ميلاد 23-11-2015 11:17 AM

غايتو يا بكور كان أنت أعترفت بالكبر نكون نحن أنبرشنا عديل

أنت مشيت بلد العرب ليه ياخ .. كنت فى لندن زى كورة التنس تنطط وقطعت نفسنا وركبى تشهد

تعرف الكبر مرات الزول بنساهو مرة واحدة .. يجيك حفيدك طاير يعمل ليك خزلان شديد :D:D

عبد المنعم حضيري 23-11-2015 01:31 PM

قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا.

صدق الله العظيم

imported_الزوول 23-11-2015 04:34 PM

عماً لينا
عاش حياته كلها شباب لا يعترف بالكبر
بالرغم من عمرو ... ضاربا ليك بوز وعايش حياتو كأجعص شاب
الاجازة الفاتت دي أحبطني
لقيتو وكأنو كبر فجأة في العمر 20 سنة مرة واحدة
وعلى العليهو ظهرت في وشيهو عدد محترم من (التالولات) مختلفة الحجم
سألتو : الحصل عليك شنو يا شيخنا؟
قال :
ما عندي عوجة ... بس دي عواليق الكبر التافهة دي :D

imported_Hassan Farah 23-11-2015 06:13 PM

عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة
https://www.youtube.com/watch?v=LF4HVd5vcGM

imported_رأفت ميلاد 23-11-2015 09:23 PM

اقتباس:

المشاركة الأصلية كتبت بواسطة Hassan Farah (المشاركة 525027)
عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة

أنتو كان دايرين تجددوا شبابكم نتقابل فى أديس وما تشيلوا هم الجرجير الصناعى بجيبو معاى :D:D:D

imported_Hassan Farah 24-11-2015 01:40 AM

اقتباس:

المشاركة الأصلية كتبت بواسطة رأفت ميلاد (المشاركة 525034)
أنتو كان دايرين تجددوا شبابكم نتقابل فى أديس وما تشيلوا هم الجرجير الصناعى بجيبو معاى :D:D:D

----------------------------------------------------------
شوف دا حاول يجدد شبابه
https://www.youtube.com/watch?v=O13ct-TB_p8

وبعد شهرين ودع

http://www.seekpress.com/article-61592.htm

عبدالحكيم 24-11-2015 06:56 AM

اقتباس:

المشاركة الأصلية كتبت بواسطة بابكر مخير (المشاركة 525008)
أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

ماهو باين ...
اقتباس:

ولد في مثل هذا اليوم
مشاهدة أعياد الميلاد
‏بابكر مخير ‏(69), ‏قيس الصديق شحاته ‏(32)
الظاهر عليك وانت تقلب في الصفحات وحسيت بالـ 69 ديه ..
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته ..

على كل هي مرحلة عمرية يمر عليها كل من يدركها .. ومرحلة الأوجاع ديه بسيطة ..
وانظر الشاب قيس إلى جوارك .. متعه الله بالصحة والقوة ..
هكذا الحياة ..

‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

وفي يومك هذا نزف لك خالص التهاني .. وعقبال الـ 110 شمعه :D

بابكر مخير 24-11-2015 07:10 AM

اقتباس:

المشاركة الأصلية كتبت بواسطة عبدالحكيم (المشاركة 525047)
ماهو باين ...


الظاهر عليك وانت تقلب في الصفحات وحسيت بالـ 69 ديه ..
ولو لم تأتي بهذا البوست لعرفناك وقد طالك الكبر .. وخلينا مستورين لامن صاحب الوداعة يأخذ وداعته ..

على كل هي مرحلة عمرية يمر عليها كل من يدركها .. ومرحلة الأوجاع ديه بسيطة ..
وانظر الشاب قيس إلى جوارك .. متعه الله بالصحة والقوة ..
هكذا الحياة ..

‏اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ ) ‏ الروم ‏:‏ 54

وفي يومك هذا نزف لك خالص التهاني .. وعقبال الـ 110 شمعه :D

يابا إتا الذوق
وشكرا على مباركة الذكرى والتذكير ...
بس حكاية "الروم" وماااااا بنعترض على قدرته تبارك وتعالى..
لكنها محبطة شوية، موضع الضعف البعد القوة..
:).

بابكر مخير 24-11-2015 07:18 AM

اقتباس:

المشاركة الأصلية كتبت بواسطة رأفت ميلاد (المشاركة 525015)
غايتو يا بكور كان أنت أعترفت بالكبر نكون نحن أنبرشنا عديل

أنت مشيت بلد العرب ليه ياخ .. كنت فى لندن زى كورة التنس تنطط وقطعت نفسنا وركبى تشهد

تعرف الكبر مرات الزول بنساهو مرة واحدة .. يجيك حفيدك طاير يعمل ليك خزلان شديد :D:D

يا روفي
ما المصيبة حتى لو مشيت الصين والأيام ماشة
بيجيك بيجيك...
حبيب الما بتعز عليك، حمدي بيرم..
قال ليا:
بالله الأحفاد يهبلوا بالزول...
تقعد عشان تضحكهم تتهابل..
بس بيني وبين قولة:
ما أحلى من الضنا، إلا ولادت الضنا..
أمشي قول ليا للآ هي ما كدآ وبيقول كدآ وكدآ..
خرف
لفا الفكر وبيهو إنحرف...
هو الواحد لو مشى آديس
طراوة ساااااااااااااكت وخضرة وزيد على كدآ
حفيدات سآبينا والصحابة...
فرجة فيهم بتفرج
دون حاجة لإرتكاب حماقات...
تمنها الحياة التعبنا لملمناها :cool:

بابكر مخير 24-11-2015 07:21 AM

اقتباس:

المشاركة الأصلية كتبت بواسطة عبد المنعم حضيري (المشاركة 525017)
قَالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْبًا وَلَمْ أَكُنْ بِدُعَائِكَ رَبِّ شَقِيًّا.

صدق الله العظيم

يا نعمي
والله شيب الراس
بالصبغة بينقدر عليهو
المشكلة في العضام البقت برآآآآآآآآآآآها تطقطق ذي حب الفشار
لا وفي حاجات تانية
ما مكانهو ذكرها :cool::cool::cool:

بابكر مخير 24-11-2015 07:22 AM

اقتباس:

المشاركة الأصلية كتبت بواسطة الزوول (المشاركة 525021)
عماً لينا
عاش حياته كلها شباب لا يعترف بالكبر
بالرغم من عمرو ... ضاربا ليك بوز وعايش حياتو كأجعص شاب
الاجازة الفاتت دي أحبطني
لقيتو وكأنو كبر فجأة في العمر 20 سنة مرة واحدة
وعلى العليهو ظهرت في وشيهو عدد محترم من (التالولات) مختلفة الحجم
سألتو : الحصل عليك شنو يا شيخنا؟
قال :
ما عندي عوجة ... بس دي عواليق الكبر التافهة دي :D

شوق ومحبة
ويييييييييييييييينك يابا

بابكر مخير 24-11-2015 07:31 AM

اقتباس:

المشاركة الأصلية كتبت بواسطة Hassan Farah (المشاركة 525027)
عجزت يا ود عمتى وبدأت تصدح بالشكوى....اخوك برضو.....تعال نجدد شبابنا....انزلاك البلد....ونسة مع الحنان وفنجان جبنة فى ضل تمرة دواء كل علة

ود خالي بلالي
أمانة في ظمتك
بقآ في روح للونسة، الواحد مكشر دون سبب
وبطنه طااااااااااااااااااااااامآ
لا وكمان تقول تشيل فنجان الشاهي ولا قهوة
إلا تلبس مريلة، يندفق فيك...
والتمرة دي بي سنون منهو ولا ضروس شنهو
ما هو الخشم بقآ ما فيهو إلا لسان وتلقاهو طوالي شارد من الخشم بعد السنون البيحبسنهو شردن..
غايتهو إلا نقول
الله غالب :cool::cool::cool:

imported_Hassan Farah 24-11-2015 09:21 AM

اقتباس:

المشاركة الأصلية كتبت بواسطة بابكر مخير (المشاركة 525053)
ود خالي بلالي
أمانة في ظمتك
بقآ في روح للونسة، الواحد مكشر دون سبب
وبطنه طااااااااااااااااااااااامآ
لا وكمان تقول تشيل فنجان الشاهي ولا قهوة
إلا تلبس مريلة، يندفق فيك...
والتمرة دي بي سنون منهو ولا ضروس شنهو
ما هو الخشم بقآ ما فيهو إلا لسان وتلقاهو طوالي شارد من الخشم بعد السنون البيحبسنهو شردن..
غايتهو إلا نقول
الله غالب :cool::cool::cool:

----------------------------------------------------------
ههههههههه والله ضحكتنى ربنا يجعل نهارك باسما....ياخى انت بس تعال بنعزليك المعصود الما محتاج لسنون ....يمصوا مص مع فنجان الجبنة اسأل العمدة عكود

عبدالحكيم 25-11-2015 11:41 AM

ياخي بعد الشر عليك والكبر ..

قالو متألم شوية ياخي بُعد الشر عليك
النضارة الفي شبابك والطفولة الفي عينيك
والقلوب الحايمة حولك يا حلو بتتمنى ليك
بكرة تشفى وبكرة نفرح يا رفيق العمر بيك
ياخي بُعد الشر عليك
انت يا نبع المشاعر ما بصيبك الا خير
نحنا مشتاقين وحاتك ونحنا مشتاقين كتير
والله ما صابرين دقيقة حتى من مرضك نغير
ياخي بُعد الشر عليك
انت ما شبه الدموع انت ما شبه العذاب
انت ما كلك عواطف وانت ماكلك شباب
العمر عندك اسير والعمر غيرك سراب
ياخي بُعد الشر عليك

https://www.youtube.com/watch?v=2iucCGb80cQ

imported_نبراس السيد الدمرداش 26-11-2015 01:09 AM

وانتو كبرتو زدتو حلاه

imported_علاءالدين عبدالله الاحمر 26-11-2015 06:19 AM

اقتباس:

المشاركة الأصلية كتبت بواسطة بابكر مخير (المشاركة 525008)
أخي الحبيب الدبلوماسي جداً، إبراهيم عبد المنعم
هو يشكي وأنا أشكي من؛
الوجع والآلام والفتر
الأمنيزيا
الزهج...
بعفوية شديدة قال ليا:
يا أخي دآ كان مستخبي لينا وين؟؟
وهو يقصد الكُبر....
مدخل لموضوع!!
معايش من العديدين ومستغرب من التانيين
والتالتيين أخير ليهم يفتحوا عيونهم..
ما الفنانة قالت:
الما ضاقهو
وأنا أقول:
أكييييييييييييد بيضوقهو...
:cool::cool::cool:

والله ياعم بابكر دي واحدة من حوادث ارتكاب الحياة .. هسي انا الداب ماش علي نص قرن ده بدينا بوجع الركب .. فجيلكم ربما صادف حظوظ افضل .. اما جيلنا ده فجيلكم حيجي ماشي يلقاه مكسر في العناقريب

بابكر مخير 26-11-2015 06:39 AM

نبو الغالية وعلويي الجميل
شكرا على المرور البفرح
ما هي الغريبة
الكرعين ما يشيلنك والعيون ما يشوفنك
بس القلب
يمرض وما يشيخ
محبتي ليكم ياها ظاتها القبل سنين
حكيمو العزيز
هو لو كان مرض كان إتعالج
لكنه شيتن أكبرgoood

بابكر مخير 26-11-2015 06:45 AM

كدي سؤال،
ما الكُبر هو الدورة التانية للطفولة
الشافع تلقاهو عايز يعرف كل حاجة بس دي الغريزة عشان يتحضر للمستقبل
آها ناس إحنا عايزين نعرف كل حاجة عشان نجترآ الماضي.. ونتذكر الحدث مرينا بيهو متين.
قبل السؤال نقول حكاية "يني" السكر ورجع، آها كلب مرآ تحته وشال نصيب من الإسترجاع بتاع "يني"..
إنتبه "يني" للكلب المغطئ ب(الطراش)..
وقال، السمك في الجندول والشية في حديقة المورد ووورك الجدادة في المقرن،،
لكن الكلب دآ أكلته ويييييييين...
هو إتوا أنا كنت عايز أقول شنهو؟؟؟؟؟:eek:

بابكر مخير 26-11-2015 06:48 AM

إتذكرتا
كنت عايز أسأل؟؟؟
عيد الشكر أو بالإنجليزي سانكس قفن (thanksgiving day)
يجوز للمسلمين الإحتفال يبهو.....
لو ، لآ... لييييييييييييه
ولو آيا ..... برضه ليييييييييييييييييه

بابكر مخير 26-11-2015 06:56 AM

إتو
أبو أماني
وييييييييييييييييييييييييييييييييييييييييييييين؟؟؟
والله لسة فيني بركة..
الذكرى؛ بركة
والبركة ليها أجر...
أبو أماني،،
"زينبنا" ما اتوحدت مع زوجها...
إن رديت علي الدفعة
يا أهليييييييييين
وإن لأ..
تشااااااااااااااااااااااو :cool::cool::cool::cool:

بابكر مخير 26-11-2015 07:00 AM

بمناسبة السؤال عن دفعتي الزين "أبو أماني"...
الباقيين من الدفعة المندسين بي ظاتهم أو أعمارهم
اليبلوا رأسهم...
ملحوظة وهااااااااااااااااااااااامة كمان؛
المعني هنا الجنسين..
قال ليك الأعور؟
طبزهو في عينه، قال أصله خربانا..
وينك يما :eek:
أقول الإسم ولا الإسم سالم :cool:

imported_قرقاش 26-11-2015 08:40 AM

اقتباس:

المشاركة الأصلية كتبت بواسطة بابكر مخير (المشاركة 525131)
كدي سؤال،
ما الكُبر هو الدورة التانية للطفولة
الشافع تلقاهو عايز يعرف كل حاجة بس دي الغريزة عشان يتحضر للمستقبل
آها ناس إحنا عايزين نعرف كل حاجة عشان نجترآ الماضي.. ونتذكر الحدث مرينا بيهو متين.
قبل السؤال نقول حكاية "يني" السكر ورجع، آها كلب مرآ تحته وشال نصيب من الإسترجاع بتاع "يني"..
إنتبه "يني" للكلب المغطئ ب(الطراش)..
وقال، السمك في الجندول والشية في حديقة المورد ووورك الجدادة في المقرن،،
لكن الكلب دآ أكلته ويييييييين...
هو إتوا أنا كنت عايز أقول شنهو؟؟؟؟؟:eek:

أولا هههههههههههههههههههه..
ثم

بابكر الحبيب ..سلام وتحيه
الكلمه بالكلمه
هسه في زمتك ...( بسم الله ماشاء الله ) ده نشاط جلاكيم ..
شباب وعينى بارده عليك

بابكر مخير 26-11-2015 09:11 AM

اقتباس:

المشاركة الأصلية كتبت بواسطة قرقاش (المشاركة 525140)
أولا هههههههههههههههههههه..
ثم

بابكر الحبيب ..سلام وتحيه
الكلمه بالكلمه
هسه في زمتك ...( بسم الله ماشاء الله ) ده نشاط جلاكيم ..
شباب وعينى بارده عليك

يابا الحبيب
نشاط في أمكنة
خمول في أخرى
إنعدام في غالبيتها...
تسأل "كوكي" أباذر عكود
بيشرح ليك بتفاصيل تفاصيل
كل كلمة ومعناها
مغزاها
وخلينا على كدآ
بعدين تهجمني (حرية الكلمة)
وبرضه يا سعادتهو "نوونو"
النور يوسف مشتاقيين:cool:

بابكر مخير 07-12-2015 07:25 AM

وقدر ما فيه الكُبر من مآسي
برضه فيهو الجميل، لمن تجيك "غفوة" صحيان..
ما هو الصحيان نادر الحدوث ويشبه الغفوة عن الشباب...
غفوة تتذكر فيها أشياء جميلة..
تتذكر أنه العالم عباس كان من الناشطين في سودانيات، يكتب بقلم حروفه لولوي وكلماته عقد جواهر..
ولا أقول تنط ليك صورة هاشم طه وشيتهو العجيب من أدب قول وأدب خلق
حليلها الأيام الخوالي
علي عبد الرحيم عمدة لندن
وأولاد البرير الفي لندن والفي أمريكا المهندس "بندر"
أيام من لبنان الحبيب تشاركنا حسناء ومن اليمن السعيد كمان حسناء.....
لمن جانا "عابر سبيل" وفات خلانا.....
....
يقال عن "الفاليم" أنه بيمسح الحدث الحديث ويخليك مع الذكريات....
وياهو العمر لمن يمشي ياها دي البتبقى...
.......................................
كسرة::::
الحكمة أنه:
كله على كله مع الزمن بيشيخ
إلا القلب مع الكُبر بكبر...
بيزيد في تحنانه يوسع
ولي البحبه أسمى مكانة بيرفع....
.....
شوفهو إتو كيفنكم
عند شيخن كِبر :cool::cool:

imported_رأفت ميلاد 07-12-2015 10:49 AM

ما تطعما ساكت الصغرة سمحة والكبر شييييين

[youtube]YJDIZ6JH0w0[/youtube]

معتصم الطاهر 07-12-2015 04:32 PM

هنا دار العجزة و لا مركز الشباب؟

بابكر مخير 08-12-2015 06:20 AM

اقتباس:

المشاركة الأصلية كتبت بواسطة معتصم الطاهر (المشاركة 525586)
هنا دار العجزة و لا مركز الشباب؟

بين الشباب والعجزة
المقياس هو الروح...
روح شابة ممكن تسكن جسم شيخن مجلكن
وحالة مشيخ تلقاها مالكة شابن يترتر......
تعرف الحبيب
لي كل سؤال، جواب ولي كل حدث، حديث
ولي كل كبوة، عذر (ما هو البتعوفه المعصية بدعي أنها التوبة "متصرف فيها")
ويا هو دآ (الكُبر) ظااااااااااااااااااااااااااااااتهو:(

بابكر مخير 08-12-2015 06:34 AM

اقتباس:

المشاركة الأصلية كتبت بواسطة رأفت ميلاد (المشاركة 525566)
ما تطعما ساكت الصغرة سمحة والكبر شييييين

[youtube]YJDIZ6JH0w0[/youtube]

قالوا:
الشجر الكبار
بالله عليك حسي لمن تكون ماشي في الشارع
ما الجكس مجناتنك..
هوي أم الوليدات ما تقرآ دآ
بعدين تغير نظرتها فيني :rolleyes:

بابكر مخير 20-12-2015 06:15 AM

2 مرفق
ذي ما قلت في فجة صحيان مع الكُبر
تكون عفوية وبعض مرات صدفة واليوم في ملفي لقيت أصدقائي من بين النقاوة
وينهم الناس ديل
ليهم محبة زايدة

http://www.sudanyat.net/attachment.p...1&d=1450588452

بابكر مخير 20-12-2015 06:22 AM

سلسلة لبعض الحالات الميؤسة في الكُبر......
ونبدآ!!!!

لسانك يتبرآ منك،،،،
دي لمن ترمي الكلام جزاف
قلمك يجرح وإتا ما واعي
في حال تكتب دون مراعاة أو تسب وتشتم على غير حق...

مثال لذلك..
خليها مستورة:(

بابكر مخير 20-12-2015 06:33 AM

كثرة الأنتقاد....
بالله الواحد لا يعجبة العجب ولا الصيام في رجب...
هو التقول الصيام في الشهر الكريم مكمله....

بابكر مخير 21-12-2015 06:32 AM

الكذب
بالله عليك ترمي الكضبة ولا تتلفت...
ما هو الذاكرة بتكون إتمحت، يقوم زول يتكلم عن موضوع. تنط ليهو في زمورة حلقة وتقول:
والله (لاحظ بي حليفتها) زمان كان وكان....
وهو زمان تكون الداير عنه الموضوع لساتهو ما نزل في السوق...
لا والموضوع كمان فيهو إدعآ..
ما بتكون فاكر الناس الفي عمرك،، جاورو العزيز وخلف الأشهاد وما في شهود...

بابكر مخير 21-12-2015 06:37 AM

الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

عبدالحكيم 21-12-2015 08:30 AM

اقتباس:

المشاركة الأصلية كتبت بواسطة بابكر مخير (المشاركة 526219)
الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

ياخي ده انت حلجت عديل كده وفي كل الاتجاهات ..:D

ماتخليها مستورة ...:mad:

imported_رأفت ميلاد 21-12-2015 10:15 AM

اقتباس:

المشاركة الأصلية كتبت بواسطة بابكر مخير (المشاركة 526219)
الحمام
دآ!!!!
خليهو ساكت...
ما ياااااااااااا حليل بيت الآدب والمستراح والسروال وآم فكو..
و وووووب من التوليت والبنطلون ...
شيتن مرة
ما ترفع الغطاء ومرة تنشينك يجلي
مرة ما تلحق تفك السستة ومرة تخلص وما تقفلها....
آآآآآآآآآآآآآآآآخ من الكُبر

:D:D:D:D

لامن تتحل تتشهد إنا لله :D:D
يا حليل حجر قطع الجمار كان بستر الزول برضو :p

imported_Hassan Farah 21-12-2015 10:31 AM

اقتباس:

المشاركة الأصلية كتبت بواسطة بابكر مخير (المشاركة 525608)
قالوا:
الشجر الكبار
بالله عليك حسي لمن تكون ماشي في الشارع
ما الجكس مجناتنك..
هوي أم الوليدات ما تقرآ دآ
بعدين تغير نظرتها فيني :rolleyes:

----------------------------------------------------------
ههههههههههها ما قلتوا مصريون...... بتخافوا....
ود عمتى مدينة....طوييل وما بيلحق الكعكول....دا شنو

بابكر مخير 23-12-2015 05:46 AM

اقتباس:

المشاركة الأصلية كتبت بواسطة Hassan Farah (المشاركة 526238)
----------------------------------------------------------
ههههههههههها ما قلتوا مصريون...... بتخافوا....
ود عمتى مدينة....طوييل وما بيلحق الكعكول....دا شنو

الحبيب ود خالي بلالي
أسأل ود عمك شوقي....
نقول الكُبر الله يلعنه..
جآي يابا تسألني، هو حسي الواحد لو سألهو من إسمه وإتذكره...
ي(فرح) :cool::cool::cool:

بابكر مخير 23-12-2015 05:50 AM

المّْشي

قالوا:
الفقري يعترن ليهو ..... :eek:
حسي وهن ملصقات علي الورك... :mad::mad::mad:
البعتر للزول شنهو؟؟؟
ما اليهو إلا الما بتسمى دآ!!
الكُبر

بابكر مخير 23-12-2015 06:05 AM

النوم
أمسك عندك!!
المساء قبل ما يجي وكت النوم وإتا قاعد وسط الناس،
رأسك ذي البندال الرأسي،،
مرة يصنقع ومرة الدقن يلامس الصدر..
لا وبي شخيرهو..
آها وكت النوم تشيل هم الصحيان والقومة من السرير..
أبقآ راجل جد ومن التسطيح بس أقعد....
آآآآآآآآآآآخ، يا الله، آححححححييييييييييييآ..
جرسة جد...
بالله التقول، شنهو دآك يوم شنهو دآك :eek::eek:
لا والمدهش..
الشخير..
دآ في أوقات مستمرة في اليوم..
لو يكمموك برضه تشخر:(:(
ما هو الصوت مرات كتيرة يطلع...
بس المصدر ما من القصبة الهوائية...
قالوا دآ بيقولوا ليهو:
إرتخاء العضلات والتصرف اللا إرادي...
البخليك تغيير كمين مرة في اليوم..
هو شنهو البتغيرهو؟؟
خليها مستورة وما ينشرهو في الويكا"لكس":eek::eek:


الساعة الآن 06:50 AM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.