حفرة الدخان .... والكوز بتاع الشرطه الشعبيه
الشرطة الشعبية اللجان الشعبية مسميات اتت بها الانقاذ مع الخلطه الدينيه للبحث عن الهوية اول ما جات الانقاذ كسرت بيها شعار لا شرقية لا غربية سودانية مية المية مستعينه بتجربة القذافي في خلط الدين بالكتاب الاخضر ويقال والعهد علي الراوي اول من وضع لبنات الكتاب الاخضر كاتب سوداني مغمور توجهاته اسلاميه ونتيجة هذه الخلطه كان محافظ مدينة وادمدني محمود صالح في بداية الانقاذ لجان ثورية وغالبية الذين ينتمون للشرطة الشعبية والامن الاقتصادي هم سواقط مجتمع علي مستوي الاشخاص الذين اعرفهم .... المقال غير سياسي نخش في الموضوع.
السودان قبل قوانيين سبتمبر كانت شكل الحياة تختلف فيه حاليا اتعقدت طه ود ستونه يكبرنا عمرا يسمي مربي الاجيال وصاحب بدع غريبه منذ صغره يعرف كيف يتحصل علي المال تستعين به نساء الحي في حفر حفرة الدخان مقابل قرش احيانا كنا نساعده في استخراج التراب من داخل الحفره بي علبه صلصه فارغه بعد انتهاء المهمة الشاقه واستلامه مبلغ الحفر كان يتجود علينا بكمية من البلي او حلوي حسب مزاج طه وهو محبوب من نساء الحي للخدمات التي يقدمها لهن نكون بنلعب في الدافوري فجأة تلقي واحده من نسوان الحي نص الميدان ومسكت الكوره بي يدها توقف الدافوري عشان تسأل من طه ود ستونه واكثر سؤال عنه جارتنا التي لم يرزفها الله بابناء هذه المرأة كانت تحب الدخان لدرجة ايام رمضان تجد نهارا جهارا الدخان طالع من البيت تقول السكه حديد جابوها بي نص بيت المراة من كثرة الدخاخين دائما لون ايديها أحمر لقد اطلقت عليها لقب قرد الطلح لارتباط اسم الطلح بالدخان كما ان لون ايادي القرد احمر غامق .... طه ود ستونه له حس فكاهه غبي عندما يتحدث وهو منهمك في عمله في حفرة الدخان تكون هنالك ونسة مع صاحبة الحفره وبين كل جملتين ست الحفره تضحك مره جارتنا قرد الطلح سالتني؟؟؟ ود الشريف مشيتو حفلة ناس فلانه حضرتو رقيص العروس... جاوبتها اي والله بس الحفله ما حلوة وخاصة رقيص العروس ما بتستاهل مننا المجازفة في الطلوع والقعاد علي الحيطه بتاعت الزباله كان ما الله ستر علينا كان وقعت بينا والعريس خزلنا قون واحد ما قبضو العروس جابت الاقوان كلها. التفتت قرد الطلح لي طه ود ستونه .... صحي يا طه الكلام ده رد طه: ود الشريف ما ناقش حاجة والله العريس ده احسن من سبت دودو ذاتو لو فكو ليهو حمامه في القون امسكا بس العروس ما عندها حاجة امسكوها منها العريس ما فضل ليهو كان اقبض الحمالات....... ضحكت قرد الطلح لما دمعت !!!!!! نسبة لانتقالنا لحي اخر في المدينة لم اتمكن من مقابلة طه ود ستونه سنين وانشغالي خارج المدينة سبب ايضا الي ان فتحها الله علينا بالصالح العام اغتربته وفي احدي الاجازات قابلت طه ود ستونه لابس شرطه اندهشت كنت اعرف طه يعمل محصل مالي باحدي مجالس المدينة ولقد علمت بانه التحق بالشرطه الشعبية حسب افادته سألته عن هذا التحول اجابني بان الله هداه وبقي كوز. قلت ليهو يا طه حظك بس انشاءالله العتله بتاعت القوية قاعده (( اقصد العتله البحفر بيها الدخان عشان الناس ما تمشي بعيد)) عتله وكوز يا طه تحفر وترش مع الشرطه الشعبيه والكشات. تغيرت ملامح وجهه زعل ... ثم قال: يا عباس انت لا علم لا اغتراب ما بصلحك تقصد شنو من الرش والعتله والكوز. يا خوي طه ما تزعل وتفكيرك اكون مريض العتله اقصد حفرك لي حفرة الدخان والكوز تساعد بيهو ست الحفره لما الحطب اعمل لهب. |
يا ود الشريف يا لذيذ
حفرت لى حفرة فى الزقاق و برضو بنستعملو كممر فى خلف البيت و انا اهتمامى بالدخان ضعيف خالص ما زى قرد الطلح راجلى كل يوم امش و اجى بيها و لا يوم ما شاف ليهو نار مولعة و لا دخان فيها الحكاية دى حرقتو شديد قام ..قال لى و الله الحفرة دى اكان دايرة ترمينى فيها |
عباس
أزيك وانت لسه متذكر حفرة الدخان باللاي هنا طبعا حفر ماف نواااااااااهي والنســوان عندهم بستله :D:D بدخنن بيها والما عندها بلكونه الله معاها http://www.asir1.com/mlfat/hadi/hadi58.jpg رايك شـــنو في الحفرة دي |
اقتباس:
قلتي لي اهتماماتك وهواياتك ضعيفه بالدخان اكيد عندك اهتمامات اخري :D:D |
عباس ياخ شكرا للبسمة والله رغم الحال الحاصلة:)
|
اقتباس:
المشاركة الأصلية كتبت بواسطة Amin Bushari http://sudanyat.org/vb/images/buttons/viewpost.gif عباس أزيك وانت لسه متذكر حفرة الدخان باللاي هنا طبعا حفر ماف نواااااااااهي والنســوان عندهم بستله :D:D بدخنن بيها والما عندها بلكونه الله معاها http://www.asir1.com/mlfat/hadi/hadi58.jpg رايك شـــنو في الحفرة دي يا ود بشارى يا حولا دى حفرة دخان و لا بئر تحياتى |
اقتباس:
امهم أزيك دي حفــرة أصلية كــــhttp://sudanyat.org/vb/images/icons/icon14.gifhttp://sudanyat.org/vb/images/icons/icon14.gif ـــــدا ما قلت ليك اتلخبطت علينا الاختساسات هنا عندنا بســـتله الواحدة تتدخن وتسلفها لجارتها :D واحد سال ليهو مســـطول: ما أجمل (صور) سور القــرآن الكريم؟ قال ليهم: ودي دايره ليها سؤال طبعاً النســـاء والدخان :D:D |
بوست مكانه المنتدى الاجتمااعى..:rolleyes:
سمعت النكته بتاعت الحرامى اللقى المره قاعده فى حفره الدخان..؟؟؟:( |
اقتباس:
لو عايز نصيحتي البلد دي ابعد من حاجة اسمها صندوق فيها (( صندوق الخته بتاع النسوان للقروش - صندوق الدخان .. احفظ مالك)) تعيش سعيد ومتهني تباري لي صندوق الدخان ده والله تتملي شفع تاني لو عزمت ليك زول غداء لو ما ربط يدو بي حريره ما اقدر افرزا من زحمة الايادي |
اقتباس:
شكرن ليك .... قلنا نطلع اليومين دي من السياسة بالتدريج زهجنا المنبر اصبح جمعيه تاسيسية. |
اقتباس:
المشاركة الأصلية كتبت بواسطة عباس الشريف http://sudanyat.org/vb/images/buttons/viewpost.gif جيجي يا زوق والله انتي وام التيمان ليكم مكانة خاصة جوه صندوق حناني . شكرن ليك .... قلنا نطلع اليومين دي من السياسة بالتدريج زهجنا المنبر اصبح جمعيه تاسيسية. يا ود الشريف عاوزة اكون جوه صندوق القروش |
اقتباس:
اقتباس:
اقتباس:
هههههههههههههه |
ود الشريف سلامات يا حبوب
انت عارف العلاقه بين حفرة الدخان والشرطه الشعبيه واضحه ;) والعلاقه بين حفرة الدخان والكيزان واضحه جدا جدا ;) يا ود الشريف ما تفلق ياخ والله بعد دا بنحتو قرض looool تحياتي |
اقتباس:
بتحرش في سمراء شوف عيني سمراء هرشت من بوست خطاب حق ما بتشوفوني تاني لو ما رجعتوا لي البوست بتاعي وكمان ناصر تماها ليها ببوست تهنئة يعني عشان عباس مسكين سجم خشمي كان اخليهو براه........... بلسان ام التيمان بلسان عباس: يا الحبيب كل مره فاكي لينا طرف نكته وزايغ لو خايف من شهر او انذار رسلها لي في الخاص انا بحول النكته لي عم فتحي برشها ليك هنا. |
اقتباس:
|
الساعة الآن 04:53 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.