أغاني وأغاني 2012
|
الزول كل سنة وانت طيب
يبدو ان له نكهة خاصة هذا العام ولو ظروفكم سمحت مع رمضان دا شوفو لينا رفع الملفات دي عشان ماقادرين نرفع ولوما سمحت العيد قريب:) |
اقتباس:
سلامات يا جيجي وكل سنة وانتي طيبي فعلاً شكل البرنامج المرة دي مختلف لأنو بيضم مجموعة كبيرة جداً من الوجوه والأصوات المختلفة كما أنو مصحوب بمسحة حزن واضحة ستجعل الناس متعاطفة معاهو ومستعدين للتجاوب الايجابي ... حسب افادة المشرف الفني :D:D قال موضوع رفع الملفات ده في اليومين ديل بإذن الله مالك إن شاء الله خير؟؟ يكونش عندك خم رماد زي قريبتك المشاتري ديك المسوي عرسا قبل يومين من رمضان :D ... |
الزول يا جميل
كل سنة وانت طيب حبيبنا وتصوموا وتفطروا على خير معاك حضور ان شاء الله والسنة دي شايفك قلبت من سودانيز لي سودانيات ;) |
سلام يا العوض،
كدي أدّنا أمارة؛ المشاركين منو؟ وزمن البرنامج الساعة كم؟ السنة دي ما شايف في حجّة ربطت متل السنة الفاتت عن توقيت البرنامج! |
اقتباس:
سلامات شاعرنا الجميل وكل سنة وانت طيب اقتباس:
نان آب أقلب كيفن؟؟ سودانيز بقت مولعي نار تجيب لك اي موضوع غير الثورة والمظاهرات يصنفوك متخازل طوالي ده كان ما شذو وعمّدوك كوز عديل كدي (بعيد الشر) gap ... |
رمضان كريم الزول وكل المشاركين
الحلقة الأولى اليوم من برنامج اغانى واغانى سوف تكون لمسة وفاء للانسان والفنان الراحل نادر خضر (الرحمة والمغفرة). http://im25.gulfup.com/2012-07-20/1342783100181.jpg |
شاهدت الحلقة الأولى ولم استمتع بها البتة...
نعم نادر حضر الانسان.. ولمسة الوفاء جميلة.. لكن تقليب المواجع حار.. والدموع المنهمرة من الجلوس بالاستديو جعلت اول مساء في رمضان غماً... |
اقتباس:
سلامات يا أباذر الجماعة شكلهم السنة دي مشغولين (بما هو أكبر) وخلو جماعة ناس أغاني وأغاني (يصيعوا) زي ما دايرين الشي قالوا المواقع الاباحية زاتا فتحوها تقول لي أغاني وأغاني؟؟ ... رجعوه لنفس المواعيد الزمان المواعيد المشاترة مع تراويح الأمارات 8:30 تقريبا ... |
اقتباس:
سلامات يا بدر صحيح الحلقة الأولى عن نادر خضر (رحمه الله) وشكلو كدي الحلقة التانية برضو |
اقتباس:
سلامات يا أشرف اتفق معك ولا اتفق من ناحية الاتفاق معاك فالموضوع -في رأيي- يحوي بعض المبالغة وربما التصنع زي الكلمو الشباب ديل قالو ليهم الليلي عندنا بكي ف شنو ...اي واحد عندو دموع بالله ما يقصر معانا .. من ناحية عدم الاتفاق وهل يملكون غير هذا ؟؟ في الحلقة الأولى من البرنامج فلا بد من استرجاع ذكرى عضو مؤثر ومؤسس للبرنامج ولا بد من الحزن عليه خاصة وأن الجميع مجمع على علو خلقه وانسانيته ... |
اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif سلام يا العوض، كدي أدّنا أمارة؛ المشاركين منو؟ وزمن البرنامج الساعة كم؟ السنة دي ما شايف في حجّة ربطت متل السنة الفاتت عن توقيت البرنامج! الشيوخ مأمورين بغض النظر عنه :D.... معظم شواذ الافاق من متابعي البرنامج رمضان كريم يا عمدة ولكل الاحباب تصومو وتفطرو على خير ان شاء الله اك متابعين معاك يا الزووول كونو بخير |
هذه الحلقة مزيج من فرح الشجن ان صح التعبير
اختلطت فيها مشاعر الحزن بلمسة وفاء لنادر الفنان والانسان.. مشاعر حزنهم كانت فى دموعهم كما كانت دموعهم وفاء لصديق لهم لحظات كهذه لا تصنع دموع من عدم...!! |
الحلقة الأولى كاملة
بعد رفعتها اكتشفت ان الصوت منخفض مشّوها :):) .... .... .... .... |
اقتباس:
غير الصوت، عليك بإدراج تاريخ الحلقة في إسم الفايل المُحمل باليو تيوب هامش: الزوول، رمضان كريم |
الساعة الآن 03:51 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.