سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   مظاهرات في نيالا اليوم (http://www.sudanyat.org/vb/showthread.php?t=23174)

اسامة عبدالماجد 24-01-2012 09:57 PM

مظاهرات في نيالا اليوم
 
نيالا تهدر اليوم بمظاهرات عنيفه...وهكذا تصحو المدن السودانيه واحدة تلو الاخري فى وجه هذا الكابوس الذي جسم علي صدر جماهير شعبنا سنينا عددا .

ناصر يوسف 25-01-2012 07:22 AM

اقتباس:

المشاركة الأصلية كتبت بواسطة اسامة عبدالماجد (المشاركة 435289)
نيالا تهدر اليوم بمظاهرات عنيفه...وهكذا تصحو المدن السودانيه واحدة تلو الاخري فى وجه هذا الكابوس الذي جسم علي صدر جماهير شعبنا سنينا عددا .

أسامه يا صاحب ،،، كيفنك والعيال نعلكم طيبين
سمعت الخبر مساء يوم أمس ،،، وأنا بشاهد في مسرحية (نوم يا مرحوم) للزول الفنان أمين صديق
وللمفارقة البديعة ،،، بإنو المسرحية كانت بتقدم سؤال عميق جِدَاً علي لسان شخصية ( رئيس الوزراء) في المسرحية : هي الناس دي ما بتتظاهر ليه ؟؟؟ ما بتمرق مظاهرات ليه ؟؟ خلوهم يطلعوا مظاهرات عشان حسهم الإتلصق في حلقومم ده ينطلق ...
وبالفعل يا صاحب ،،، أصواتنا جفَت خلاص ،،،
سيأتي يوم العدل يا صاحب فالله موجود وعالم بعوالمنا الغرائبية التي نحياها هنا الآن في هذا البلد الشقيق المسمي مجازاً بالوطن السودان

مهند الخطيب 25-01-2012 03:09 PM

الأخبار التي تتواتر علينا من نيالا تقول عجبا ....

سبب المظاهرات :

خلاف الناس بين حميد وحامد ...

والٍ جديد مرفوض ...

ووالٍ جديد تنتفخ أوداجه اذ يعلم أن استقالاته رغم حماقتها ليست حمقاء تماما!!!

رفض قبلي بين كوز وكوز ......

هذه ليست انتفاضة بل زوبعة داخل عمائم القوم وتهدأ ..

محمد مصطفي 26-01-2012 12:16 AM

اقتباس:

اقتباس:
المشاركة الأصلية كتبت بواسطة اسامة عبدالماجد http://sudanyat.org/vb/images/buttons/viewpost.gif
نيالا تهدر اليوم بمظاهرات عنيفه...وهكذا تصحو المدن السودانيه واحدة تلو الاخري فى وجه هذا الكابوس الذي جسم علي صدر جماهير شعبنا سنينا عددا .



والله يا اسامة اعتقد انو المظاهرات البتقوم في اطراف البلد ما بتحقق نتيجة واضحة ومضمونة
غير البتطلع من قلب العواصم دي الممكن تنتشر لاطراف المدن وبالتالي ممكن تحقق حاجة
ما كسير مقاديف لكن ضروري من ضحايا ازقو البلد بي الدم ...
وكل جديد دايرلو كرامة
اما قبل
فالسلام عليكم

اسامة عبدالماجد 26-01-2012 10:45 AM

[justify]الاخوان ناصر يوسف ... مهند ... ود المصطفى
سلام لكم
وشكرا لكم وانتم تتداخلون فى هذا الوجع الشعبي . الذي يتمدد في كل مفاصل البلاد والعباد . اتفق معكم أن البدايه تجمع من اجل مناصرة احمد علي حاج احمد .. لكن هو شعبي المقهور لا احد يستطيع ان يتوقع متي يصب غضبه وكيف والي اى مدي وليس بالضروره ان تصل الأشياء الي مدياتها هنا او هناك لكن من حق الناس ان تعبر لتتجاوز حالة السكون هذى ومن حق جماهير شعبنا ان تتبني طلائعها تصعيد قضاياها المطلبيه اذا كانت هذه الجماهير في الاطراف او في المركز . . كما أن يحق لجماهيرالاطراف ان تثور وتحتج وتطالب وترمي حجرها في برك هذا السكون الوطنى اليس كذلك ياصديقي محمد.[/justify]

اسامة عبدالماجد 26-01-2012 10:49 AM

كانت الهتافات تردد مليون شهيد ولا والي جديد.
سقط ثلاثة شهداء ومن بينهم طالب في مظاهرات نيالا وهذه بداية الغيث ولن يضيع دم الشهداء سدىً..
جيوش المؤتمر الوطني تواصل عمليات القمع في نيالا رفضا للمظاهرات..والمتظاهرون يرفضون الرجوع عن كلمتهم..


http://www.sudanyat.org/upload/uploa...92987636_n.jpg

http://www.sudanyat.org/upload/uploa...36012432_n.jpg

http://www.sudanyat.org/upload/uploa...27744141_n.jpg

جيجي 26-01-2012 11:02 AM

يا اسامة يا اخوي
التجارب اثببت انه اي عمل مايكون منظم ومدروس هو عبارة عن فوضى
وخراب ديار وارواح على الفاضي
شدو الهمة ونظمو عمل على مستوى الدولة يكون عنده بنوده ومواقيته وطرقه الواضحة
ويكون فيه دعوة للسلمية
ولك التحايا

مهند الخطيب 26-01-2012 01:55 PM

أنا ماعارف ياأسامة انت واقف وين يالضبط من موضوع مظاهرات نيالا ده؟!!!!

يعني انت عارف أنو المظاهرة دي تأييدية للوالي (اللي اتلعب) كاشا ، طيب شنو المفرح في مظاهرات زي دي ؟

يموتوا فيها ناس ويكسّروا فيها كرعين طلبة!!!! شفت أنا طول عمري بسمع زوبعة في فنجان زوبعة في فنجان .... لكن أول مرة اشوفا ....
دي حسابات بيناتم ياهداك الله ....

ماياها المظاهرات الدايرنها ..... ولاالدايرنو لنيالا

الرحمة لمن مات والجبر لمن انكسر ....... دماء لا تستحق أن ترخص......

اسامة عبدالماجد 27-01-2012 05:36 PM

[justify]
اقتباس:

المشاركة الأصلية كتبت بواسطة مهند الخطيب (المشاركة 435391)
الأخبار التي تتواتر علينا من نيالا تقول عجبا ....

سبب المظاهرات :

خلاف الناس بين حميد وحامد ...

والٍ جديد مرفوض ...

ووالٍ جديد تنتفخ أوداجه اذ يعلم أن استقالاته رغم حماقتها ليست حمقاء تماما!!!

رفض قبلي بين كوز وكوز ......

هذه ليست انتفاضة بل زوبعة داخل عمائم القوم وتهدأ ..


الصديق مهند ..
أنا أقف هنا جانب أهلي المقهورين والمسحوقين من قبل هذا النظام الفاشي، أنحاز إليهم بأضعف الإيمان وهو هذه الكتابة التي تحاول أن تحشد من يناصرهم في قضاياهم والجيف الذي لحق بهم ككل مناطق السودان الشاسعة.
ما يجري في نيالا ليس هو كما تصوره أنت صراع بين كوز وكوز-أو هكذا كان في البدء- فما بين الأسود والأبيض عشرات الألوان في هذا القوس قزح.. في المشهد السياسي عدة تطورات فما بين الوالي والوالي هناك ضحايا وجماهير لها مطالبها وحقوقها، وكذلك لنا التزام تجاهها .. هناك سكان معسكر كلمة الذين احتلوا مطار نيالا بما يحتويه من أسلحة ودبابات وجيش وغيره.. وهناك شعارات تتحدث عن وسخ هذا النظام ومناصريه وجماهير تخرج في الأسواق والأحياء منددة بهذا الوضع فمن أين للإنقاذ في ظل هذه الظروف المأساوية كل تلك الجماهير؟ ومن أين لجماهير الطغمة المتسلطة أن تثور ضد نظامها هكذا وتردد ما تردد من شعارات معادية للنظام.
وفي السياق ذاته قامت أجهزة الأمن في مدينة نيالا اليوم بإستدعاء المناضل الأستاذ شمس الدين أحمد صالح عضو قيادة حزب البعث قطر السودان للتحقيق معه في هذه الأحداث.. وغيره عشرات المعتقلين وهنا دعنا نطالب بإطلاق سراح كل المعتقلين من قبل أجهزة الأمن.
لك مودتي[/justify]

ناصر يوسف 29-01-2012 08:07 AM

المسألة يا مهند ما بين كوز وكوز
هي بين كوز وإسلامي
وأظنو في فرق ... ولا خلاص كفرنا حتي بكل من هو إسلامي ؟؟؟
نعم إتحلطت علينا الأمور حتي بقينا نشوف كل زول بيتكلم بإسم الإسلام ،،، مجرد زول منافق ،،
لكن الإسلاميين النضيفين موجودين والله يا مهند ،،، تربية المُصلاية وكتاب الله بالحق
الناس النُضاااااااااااف من جواهم يا الحبيب ،، موجودين والله ،، وكانوا بيتفرجوا في مثل هؤلاء المتأسلمين في الفارغة ديل
غايتو ،،،


الله في يا زول

مهند الخطيب 30-01-2012 10:12 PM

اقتباس:

المشاركة الأصلية كتبت بواسطة ناصر يوسف (المشاركة 435975)
المسألة يا مهند ما بين كوز وكوز
هي بين كوز وإسلامي
وأظنو في فرق ... ولا خلاص كفرنا حتي بكل من هو إسلامي ؟؟؟
نعم إتحلطت علينا الأمور حتي بقينا نشوف كل زول بيتكلم بإسم الإسلام ،،، مجرد زول منافق ،،
لكن الإسلاميين النضيفين موجودين والله يا مهند ،،، تربية المُصلاية وكتاب الله بالحق
الناس النُضاااااااااااف من جواهم يا الحبيب ،، موجودين والله ،، وكانوا بيتفرجوا في مثل هؤلاء المتأسلمين في الفارغة ديل
غايتو ،،،


الله في يا زول

ناصر جنيت وللا شنو؟

الاتنين كيزان الله يهداك !!!

هو لو واحد منهم مسلم تقابة ومصلاية كان ببقى والي انقاذي؟!!!

خلاسية 30-01-2012 10:21 PM

مظاهرات نيالا اظهرت مدى فساد المؤتمر الوطني
بخروج كتائب المؤتمر الوطني لمقمع المواطنين
وهم شبيحة السودان الذين ينتظرون قمع الشعب
لكن هل نسو ان الشعب السوداني لا يخاف
من كتائب ولا شبيحة ولا رصاص
خليكم بخير


الساعة الآن 05:47 AM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.