سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   المسخوته (http://www.sudanyat.org/vb/showthread.php?t=63121)

الفاتح 17-08-2022 09:27 AM

المسخوته
 
تشبهي:

* بداية الشهر.. ملئ بالديون الهالكة، والخضروات المجمدة، والفواكه الإستوائية..

*دهشة وداعية، إنكفأن كل ودعاتها دفعة واحده فلم تنبس ببنت شفه.

*القبلي وهو يغمز بنصف عين في سماء ملبدة بوعود رماديه ونجوم شاردة.

*شحوب وجه جدتي وهي تعبث بمحفضتها التي تتدلى من تحت تنورتها حين تكتشف أن تلك العملات معدنية لن تجد لها مكانا في درج بتاع الدكان الملئ برزم ورقيه ، والحصن الحصين ، وتعويذات لجلب الفأل الحسن

*إبتسامة عيال شمس وهم يظفرون ب كرته عظيمة في إحدى ضواحي العاصمة المتخمه بالمال السايب.

*مزيره نديه تتكوم على شارع يحترق سكانه من جحيم الإيجارات.

* أوراق بنكنوت بأرقام متسلسله يسهل تتبعها.

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.

* أحجيه تناقلتها الأجيال فتكور كرشها، وأسقطت مولودها على إسبوعه الرابع .

*طبشورات ملونه ترسم شمسا زي شعر منكش وقارب يتمطى في خد النيل.
*صوت كنداكه نسيت صوتها في المواكب فتحولت إلى هيئة قمريه لتقوقي لحبيبها الذي كان يقوقي بدوره لقونه في حفلة صاخبة الارداف.

*كيسا من الأندومي زي أحرف هيروغلوفية وعلامات تعجب

* جغجيغ حله عزابه ، متعجله، ودسمه

وأشبه ب :
*رسالة وتسب محذوفة للجميع.

عكــود 17-08-2022 10:38 AM

يا سلاااام على طلتك حبيبنا الفاتح سعيد (شليل سابقاً).
نفس نَفَس الكتابة وبصمتك الخاصة.

اقتباس:

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.
ياخي كل النقاط نهايتها جايبا ال يك.

مرحب بيك وأبقى متوهّط في الدار الوهيط ولا تقعد علي كرّاب العنقريب.

تحيات ومحبّة.

الجيلى أحمد 17-08-2022 12:56 PM

اقتباس:

المشاركة الأصلية كتبت بواسطة الفاتح (المشاركة 1195255)
تشبهي:

* بداية الشهر.. ملئ بالديون الهالكة، والخضروات المجمدة، والفواكه الإستوائية..

*دهشة وداعية، إنكفأن كل ودعاتها دفعة واحده فلم تنبس ببنت شفه.

*القبلي وهو يغمز بنصف عين في سماء ملبدة بوعود رماديه ونجوم شاردة.

*شحوب وجه جدتي وهي تعبث بمحفضتها التي تتدلى من تحت تنورتها حين تكتشف أن تلك العملات معدنية لن تجد لها مكانا في درج بتاع الدكان الملئ برزم ورقيه ، والحصن الحصين ، وتعويذات لجلب الفأل الحسن

*إبتسامة عيال شمس وهم يظفرون ب كرته عظيمة في إحدى ضواحي العاصمة المتخمه بالمال السايب.

*مزيره نديه تتكوم على شارع يحترق سكانه من جحيم الإيجارات.

* أوراق بنكنوت بأرقام متسلسله يسهل تتبعها.

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.

* أحجيه تناقلتها الأجيال فتكور كرشها، وأسقطت مولودها على إسبوعه الرابع .

*طبشورات ملونه ترسم شمسا زي شعر منكش وقارب يتمطى في خد النيل.
*صوت كنداكه نسيت صوتها في المواكب فتحولت إلى هيئة قمريه لتقوقي لحبيبها الذي كان يقوقي بدوره لقونه في حفلة صاخبة الارداف.

*كيسا من الأندومي زي أحرف هيروغلوفية وعلامات تعجب

* جغجيغ حله عزابه ، متعجله، ودسمه

وأشبه ب :
*رسالة وتسب محذوفة للجميع.

الحاجت دي كلها مستحيلة 😂

عكــود 17-08-2022 02:11 PM

ده يوم سعيد جداً.
شليل والجيلي :cool:

Hassan Farah 17-08-2022 06:23 PM

روعة الف مرحب بيك يا شليل والجابك يجيب عقابك

الفاتح 18-08-2022 05:57 AM

اقتباس:

المشاركة الأصلية كتبت بواسطة عكــود (المشاركة 1195256)
يا سلاااام على طلتك حبيبنا الفاتح سعيد (شليل سابقاً).
نفس نَفَس الكتابة وبصمتك الخاصة.

ياخي كل النقاط نهايتها جايبا ال يك.

مرحب بيك وأبقى متوهّط في الدار الوهيط ولا تقعد علي كرّاب العنقريب.

تحيات ومحبّة.

جميل تواصلك يا عمدتنا ، وحرصك على ترميم البيت ده ، ربنا يرحم خالد الشيخ ويحفظ سودانيات وأهلها .. أما بعد :
لعلك شديد ولضيض .. أما إذا دار محور ( حديسكم ) عني فإنني مقنًب بي غادي أقضم حصتي من الكبيع الما خمج لأنهض ثانية حاملا آثام هذه الواطه الصاقطه على كتفي .. وأنا أمشي وأنا أمشي .. بصوت مارسيل خليفه

الفاتح 18-08-2022 05:58 AM

اقتباس:

المشاركة الأصلية كتبت بواسطة الجيلى أحمد (المشاركة 1195257)
الحاجت دي كلها مستحيلة 😂

الجغجيغ عيبو لي :D

الفاتح 18-08-2022 05:58 AM

اقتباس:

المشاركة الأصلية كتبت بواسطة Hassan Farah (المشاركة 1195264)
روعة الف مرحب بيك يا شليل والجابك يجيب عقابك

آمين يا رب ، كتر خيرك يا حسن إنت وعمده وبقية الأخوان شايلين المنبر على أكتافكم

أمير الأمين 21-08-2022 06:20 PM

سلام يا الفاتح
كتابة متخمة بالجمال والذكريات
كلما تسرح مع مقطع منها تتناوشك
الاخيرات رغم جخنون البعض منها

كامل الشوق

بابكر مخير 21-08-2022 09:05 PM

قالوا جدن لينا من هناك.. ما من دار صباح. سأل الوليد الشغلهو معاهو جديد في سعاية الألبي، عن إسمهو.. قال ليهو (إساقا) أباي..
أها جدنا كل ما يشوف ينادي الوليد يقول ليهو: يا هارون..
الوليد براحة وبي أدب أهلي الغرابة، هامسا يقول ليهو: إساقا..
أها تانيتن أول ما يدور جدنا ينادي الوليد برضهو ما يقول ليهو. إلا ياهو: هارون..
الولد المرة دي وبي زعلة قال: إساقا يا أباي..
اه الجد قال ليهو: هارون ما أخير ليك من إساقا looool
دحن يابا
شليل ما كانت حلوة وخفيفة ظل ودم..
الفاتح الحبيب
يا أخي حمد لله على السلامة وعقبال ناس كيشو كمان

عكــود 23-08-2022 10:45 AM

اقتباس:

المشاركة الأصلية كتبت بواسطة أمير الأمين (المشاركة 1195288)
سلام يا الفاتح
كتابة متخمة بالجمال والذكريات
كلما تسرح مع مقطع منها تتناوشك
الاخيرات رغم جخنون البعض منها

كامل الشوق

ياخوانا ده أمير اللمين وللا عيوني كعبات!

ده بوست بخيت وسعيد.

أمير الأمين 24-08-2022 07:42 PM

:)
اقتباس:

المشاركة الأصلية كتبت بواسطة عكــود (المشاركة 1195291)
ياخوانا ده أمير اللمين وللا عيوني كعبات!

ده بوست بخيت وسعيد.

سلام يا عمدة
و حالتي انا مشرك ليك بحق ام قيردون بي هناك :D

يا اخي انت البّخت والسعادة ذاتها

أزهري سيف الدين 25-08-2022 12:45 AM

اقتباس:

المشاركة الأصلية كتبت بواسطة الفاتح (المشاركة 1195255)
تشبهي:

*القبلي وهو يغمز بنصف عين في سماء ملبدة بوعود رماديه ونجوم شاردة.

*شحوب وجه جدتي وهي تعبث بمحفضتها التي تتدلى من تحت تنورتها حين تكتشف أن تلك العملات معدنية لن تجد لها مكانا في درج بتاع الدكان الملئ برزم ورقيه ، والحصن الحصين ، وتعويذات لجلب الفأل الحسن

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.

* أحجيه تناقلتها الأجيال فتكور كرشها، وأسقطت مولودها على إسبوعه الرابع .

*طبشورات ملونه ترسم شمسا زي شعر منكش وقارب يتمطى في خد النيل.


وأشبه ب :
*رسالة وتسب محذوفة للجميع.

جنس الكتابة الطاعمة دي المخليانا نتاوق بي جاي كل كم يوم

شكراً يا بنج

ناصر يوسف 29-08-2022 02:22 PM

اقتباس:

المشاركة الأصلية كتبت بواسطة الفاتح (المشاركة 1195255)
تشبهي:

* بداية الشهر.. ملئ بالديون الهالكة، والخضروات المجمدة، والفواكه الإستوائية..

*دهشة وداعية، إنكفأن كل ودعاتها دفعة واحده فلم تنبس ببنت شفه.

*القبلي وهو يغمز بنصف عين في سماء ملبدة بوعود رماديه ونجوم شاردة.

*شحوب وجه جدتي وهي تعبث بمحفضتها التي تتدلى من تحت تنورتها حين تكتشف أن تلك العملات معدنية لن تجد لها مكانا في درج بتاع الدكان الملئ برزم ورقيه ، والحصن الحصين ، وتعويذات لجلب الفأل الحسن

*إبتسامة عيال شمس وهم يظفرون ب كرته عظيمة في إحدى ضواحي العاصمة المتخمه بالمال السايب.

*مزيره نديه تتكوم على شارع يحترق سكانه من جحيم الإيجارات.

* أوراق بنكنوت بأرقام متسلسله يسهل تتبعها.

* نرد لا يكف عن الدوران مثل مجذوب تعلق بإله ، وحين يتوقف عن الدوران يجيب يك.

* أحجيه تناقلتها الأجيال فتكور كرشها، وأسقطت مولودها على إسبوعه الرابع .

*طبشورات ملونه ترسم شمسا زي شعر منكش وقارب يتمطى في خد النيل.
*صوت كنداكه نسيت صوتها في المواكب فتحولت إلى هيئة قمريه لتقوقي لحبيبها الذي كان يقوقي بدوره لقونه في حفلة صاخبة الارداف.

*كيسا من الأندومي زي أحرف هيروغلوفية وعلامات تعجب

* جغجيغ حله عزابه ، متعجله، ودسمه

وأشبه ب :
*رسالة وتسب محذوفة للجميع.


صور مشهدية متنافرة و متحاوره و متلااااااااااصقة و مترادفة



يا بنج



مي تيييييييييييي ششششششششششششششش ك ظاتو ياخ



ثم إنو بوست يجيب كراع كي بوردك هني و يجيب معاه أبشلاليف الجيلي و أزهري سيف الدين و أمير الامين و يمرق العمدة عكود من جحره و كبارنا عمنا بابكر مخير و حسن فرح



ياخي ده بوست بيعمل للواحد ( عُشراااااااااااقة ) بــــــــس



أحبكم ياخ و بالله قرض لي علي مفحضة حبوبتنا دي و كتر لينا من هكذا حكي باتع ياخ


الفاتح 26-09-2022 10:48 AM

اقتباس:

المشاركة الأصلية كتبت بواسطة أمير الأمين (المشاركة 1195288)
سلام يا الفاتح
كتابة متخمة بالجمال والذكريات
كلما تسرح مع مقطع منها تتناوشك
الاخيرات رغم جخنون البعض منها

كامل الشوق

مساء الخير يا الأمير : بصوت عبله الشيخ
الشوق من حاصف والله ، إلا رتم اليومي ، والواقع السياسي اللي ألقى بضوءه على حياتنا كتًف حيل الكتابة وخلانا كل فرده من بلد خارج حدود المليون ويل مربع ..
كيفنكم آناس ، لعلكم شداد ولضاض


الساعة الآن 01:39 PM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.