موسوعة الآيباد .. موضوع متجدد
.... من أمثال أهلنا الشايقية: (إتفكو الفقارة من حق الصابون) .... اليومين ديل ما عندي شغلة في الدنيا غير الجلبريك والسيديا وعمك كومكس و (iPhone Dev Team) أقوم من صباحات الرحمن افتش ... خبر الجيلبريك حق الآيباد شنو !! كومكس قال شنو ... صاحبو بول يتوقع شنو، نفسياتو كيف ... إن شاء الله ما تجيهو ملاريا زي التقول مشاكلنا كلها انحلت وبقينا في نفسيات عمك كومكس ما قلتلكم ...(اتفكو الفقارة من حق الصابون) .... لم أكن أعرف عن الآيباد (IPAD) كثيراً ودعنا نقول ..أن ما أعرفه عنه من معلومات يفوق خطئه صحيحه فهو في مخيلتي عبارة عن كمبيوتر مصغر يقوم بكل ما يقوم به الكمبيوتر حتى اشتريت في رحلتي السابقة إلى (ماليزيا) هذا المخلوق العجيب (IPAD 2) ودخلت به لهذا العالم وعندها خرجت من زمرة (الفقارة) ، ودخلت في هموم توفير (حق الصابون) ومطالبه التي لا تنتهي وقد رأيت (بدافع الحقد) أن أشرككم معي في هذه الهموم لتنوير الذين لا يزالون مع زمرة (الفقارة) ولنتعاون مع من هم غير ذلك في توفير الحلول والبرامج والتطبيقات المفيدة في حل مشاكل هذا العالم الآيبادي الآيفوني ونبدأ باسم الله .... |
... هذه نبذة بسيطة عن الآيباد كما عرفه موقع ويكبيديا بتصرف مني ... الآيباد هو جهاز لوحي صُمم ويسوِّق من قبل شركة أبل أول إصدار له في أبريل 2010 يعمل الجهاز بنظام تشغيل آي أو أس (ios) الشبيهٌ بنظام التشغيل المفتوح (ليونكس) تدعم شاشته اللمس المتعدد ويقوم بتشغيل عدة أنواع من الوسائط من ضمنها الصحف، المجلات، الكتب الرقمية، الكتب النصية، الفيديو، الموسيقى والألعاب وجميع برامج آي فون أنواعه : (Ipad) أو (IPAD-1) وهو الجيل الذي صدر في مارس 2010 ويوجد منه نوعان النوع الأول يحتوي على واي فاي فقط والنوع الثاني يحتوي على واي فاي+ 3G (IPAD-2) وهو الجيل الجديد الذي صدر في مارس 2011 يوجد منه أيضاً نوعان ، النوع الأول يحتوي على واي فاي فقط والنوع الثاني يحتوي على واي فاي+3G يأتي كلا الجيلين (IPAD 1) و(IPAD 2) بسعات محددة ب 16 قيقا ، 32 قيقا و 64 قيقابايت ... |
….
... سأذهب مباشرة للآيباد 2 لنتعرف عليه ، حيث أنه الأحدث ويحوي بالضرورة كل مميزات الجيل السابق له أولاً وكأهم ملحوظة : الآيباد ليس هو اللابتوب وليس هو كمبيوتر عادي حيث أنه يخدم خواص معينة بواسطة برامج معينة تشترى من مكان معين وبعبارة أخرى ، لا تبحث عن التطبيقات الشهيرة العادية كالأوفيس وحفظ الصفحات والرسام والتحكم الكامل بكمبيوترك. وسنأتي لهذا الأمر بالتفصيل المعلومات التالية معلومات مبسطة فقط لتعريف الجهاز وليست معلومات تقنية يمكن أن يجدها الحريص منتشرة بكثرة في مواقع كثيرة. الصور من موقع شركة أبل .... صورة الجهاز من زوايا مختلفة ، شكل جميل جداً وخفيف جداً ، حجم الشاشة ممتاز جداً حوالي 10 بوصات (9.7) http://www.apple-wd.com/wp-content/u...2-20100127.jpg تصفح الإنترنت : يتم من خلال المتصفح الخاص بشركة أبل (سفاري) وفي رأيي هو متصفح ضعيف يفتقد لمعظم الميزات الموجودة بالمتصفحات العادية مثل حفظ الصفحات والتحكم في الكود ولا يدعم المواقع المعتمدة على الفلاش بلاير ولا يمكنك من خلاله حفظ المواد كالأغاني والأفلام ..الخ هو فقط للتصفح مع ميزة جميلة جداً هي التكبير من خلال الأصابع إضافة للألوان الرائعة http://www.apple-wd.com/wp-content/u...i-20100127.jpg ....... الايميل منظم جداً حيث يتابع ويستورد كل عنوانينك البريدية مثل الياهو ، الهوتميل ، القوقل ...الخ في مكان واحد . الشاشة المتغيرة حسب الوضع ، الوضع الرأسي يساعدك على التحكم في مشاهدة مجموعة كبيرة من الايميلات في نفس الصفحة أما الوضع الأفقي فيمكنك من التركيز على ايميل واحد فقط http://www.apple-wd.com/wp-content/u...l-20100127.jpg .... |
الصور: كثيرون يعتبرونها أجمل ما في الايباد فالتحكم بها من خلال الاصابع تكبيراً وتصغيراً اضافة لسطوع ألوانها شيء مبهر جداً http://www.apple-wd.com/wp-content/u...s-20100127.jpg ..... الآيتونز (iTunes) وهو برنامج تشغيل الموسيقى الخاص بشركة أبل ، ويحتوي أيضاً لبعض المميزات الأخرى ، ولكن عيوبه أنه لا يدعم كثير من الصيغ الموسيقية الأخرى كصيغة الملفات الموسيقية كويندوز ميديا اوديو (wma)، و(wmv) وصيغ أخرى عديدة ... http://www.apple-wd.com/wp-content/u...s-20100127.jpg .... الآيبوك (iBooks) : حيث يمكنك شراء، حفظ، وتشغيل الكتب الالكترونية … http://www.apple-wd.com/wp-content/u...s-20100127.jpg … |
الزول إت ماك نصيح ولّ شنو آآآآالخو ؟؟؟
آي باد شنو كمان ؟؟؟ قبل كدا قتا ليهم أجهزتي كلها IOS قالو لي إتا داير تتفلسف علينا وتحدنكنا ساي ... بِل غيتس ما ساعي ليو شيتن يقولو عليهو ... تبع ستيف جوبس الله يسلّمك لكن اهلي ديل ما عندهم معاهو قضية ... اسع تلقى ناس هنا فاغرين خشومن يعاينو سااااااي :D:D |
اقتباس:
|
تشكر يادكترا علي المعلومات القيمة
وماتشتغل بناس الحندكة ;) قال فاتحيين خشومن قال :eek: اتاريك يا اشتوري مندحش لليله وفاتح قدومك :D |
اقتباس:
هي آيابا جنس "فغرة" هي.... قالوا يا ولدي (المابتشوفو في بيت أبوك بخلعك) عليك أمان الله أخوك مخلوع جنس خُلعة شكراً الزوول على المعلومات الثرة وبانتظار المزيد ووكت ما متنا يا أشتر...........النشق المقابر |
اقتباس:
حباب الأشتر ياخي لا بد مما ليس منه بد مصيرنا نعرف الحاجات دي تعرف يا أشتر الدنيا اليومين ديل مشغولة بكاملها في موضوع الحرب بين شركة أبل والهاكر المتخصصين في موضوع الجيلبريك يتصدر الأخبار موضوع التصريحات المتبادلة بينهم ياخي ما دام دخلنا التكنلوجيا فمفروض نعرف الأخبار الرئيسية مما ممكن زول بيلعب كورة مثلاً وما يكون عارف انو كأس العالم مدور دي حاجة الحاجة التانية شخصية ففي الفترة الفاتت دي واثناء بحثي المستمر على الجيلبريك للآيباد 2 حقي انتسبت لمجموعة من المنتديات المتخصصة ونزلت عدد كبير من التطبيقات وباختصار ..لقيت عالم تاني عامر بالأخبار والمعرفة فقلت نكب منها شوية في المنتدى ده :):):) ... |
والله يا الزوول جهاز عجيب خلاس
لكن نحن ان بقيتن اشتريناهو بندورلنا مهندس شان يشرحو لينا اها متل الجهاز ده ... النوكياب ما نزلو منو شئ :D باقي الناس ديل النصيحة كده واضحين وحاجاتن واااااااااضحة اها بشوف الشئ الجبتو لينا ده شايلنو الخواجات ديل غايتو في تكبير الصورة دي مبالغة عدييييييييل كده اها آخر شئ نزلوهو ناس النوكيا شنو :p هذا مع التحية والله اجبر كسرك |
اقتباس:
قالو لينا الشوف بالقلب يا بت أمي ... |
اقتباس:
الخلعة الدخلت فيني كان تأثيرا ضعيف جدا مع زول إقتنى آيفون من قولت تيتو ... طبعا الخواجات جابو الشافع في الأول حتين اخترعو أبوهو :D أقول ليك كيف ... الآيباد هو نتاج آيفون عرّس آيفونة بشهادة جوبس وشُلتو وبقى ليهم الأب الشرعي لاحقاً (قلبوها موش) :D |
اقتباس:
أنا متأكد لو مسكتا السودان من النقل النهري لغاية حلفا القديمة ماب تلقى متل دا !!! والبسوي فيهو دا شنو قايلو ؟؟؟ خلعة لا أكلت لا شربت ... علا ما متأكد من فتحة خشمو looool!!! كنت داير انزل موضوع بالشكل دا من زماااان لكن قتا يا ولد حتزمبر برااااك في السرب دا !!! فخليتو ... |
اقتباس:
لكني اشتريت التعريب من شركة كدا نسيت إسما ... وطوالي قمتا جدعت للنوكيا جهازم التعيس الأكلو بيهو راسنا وكان N60 ولسع معاي بما إني زول ولوف وكدا ;) السستم السمبيان بتاع نوكيا أكل عليه الدهر وشرب المقلب في ظهور الـ ios والـ الأندرويد في مسرح الاسمارت فونس .. (كلامي دا ما عندو علاقة بويكبيديا سمح :D) |
اقتباس:
المهم: واصلو فلفلتكم ونحن متابعين وفاغرين خشومنا.. خفت أتشالق وأقول "ما عارف" وابدي اندهاشتي.. لكن لمّا شفت محمد مصطفي برضو فاغر خشمو.. وهو في العالم الأوّل.. إطمّنت.. و قلت ود مصطفي ده.. طالما راكب معانا سرج واحد.. المهاجر لها شنو..؟ |
| الساعة الآن 11:56 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.