بيــــــــــــــــــــــــــــــــــــــــــــــــ ـــــــــــان رقم واحــــــــــــــــد
بعد هجره قسريه قاربت العشرة اعوام ....... اضافت لي اضافات نوعيه من دراسه وخبره في العمل الطوعي و المدفوع الاجر ......... وخدمات كثيره جدا قدمتها لي وطني التاني استراليا الحبيبه ............لي ولاسرتي العزيزه............لم يقدم لي وطني الاول 1% ............... قررت العوده انا و بناتي حبيباتي.......... تاركين البعل كنقاطه لجلب الضحاكات اضحك الله سنه............
قرار العوده للاسباب الاتيه: اولا انا تعبت جدا نفسيا من حياة الغربه وبقيت عرضه للدبريشن ........هنا الاصدقاء الحقيقين فئه نادره لدرجة العدم احيانا........ مرض الاحباب و فقدهم ونحن تفصلنا عنهم بحار و محيطات احساس قاتل جدا.......عندما تبكي و تنتحب وحدك لا شريك لك.......عدا بعض التليفوانات من هنا وهناك. ثانيا وده الاهم:بتي الكبيره كبرت وبقت اّنسه وطبعا السن دي انتوا عارفين صخبها وتمرده وتاثير الاصدقاء والمدرسه والشارع و و و الخ. لذا قررت العود طايعه وبكل ارادتي العقليه والقلبيه اني ارجع لحضن الوطن والاهل والاسدكاء. دعواتكم لي بالتوفيق والسداد امضاء سناء احمد مرسي مصطفي 18/12/12 |
يقول عبدالرحمن الداخل: (إن جسمي كمـــا تراه بأرضٍ وفــؤادي ومـــالـكــيــــه بـــأرض) ما أقسى مفارقة الأهل والأحباب، فالسفر على ما يصنع للانسان من خدماتٍ جليلات، يظل غمه يلف النفس والخاطر. أمنياتي لكِ ولأسرتك بالتوفيق ياسناءوتوصلوا بالسلامة. |
سلامات سناء
بالتوفيق لك والاسرة ، معاناة بضع شهور وبالتاكيد بعدها تستقر الامور ... بلادنا عزيزة ، واهلنا كرام ... .............................. |
مبروووك سناء
وعودا حميدا تصلوا بالسلامه وتنجمى من التعب و تداقاشى فى وطنك وسط زخم الوطن و الاهل عقبال كل المهاجرين المهجرين |
يعني نحن مارقين وإنتو داخلين ؟؟؟
ده شنو ده ياخ ;) ;) |
اقتباس:
بس اسمعي كلامي ما تحرقي كل سفن الإياب :D |
قرار شجاع وحكيم ياسناء
أسال الله لك وللاسرة الكريمة التوفيق والكلأ بعينه التي لاتنام انه وليُّ ذلك والقادر عليه مودتي |
قرار شجاع جداً تستاهلو عليه التحية والأمنيات بإستقرار هاديء وآمن
لطالما تمنيناها عودة بدون موانع وانها لقريبة بإذن واحد أحد ان شاءالله انتم السابقون ونحن اللاحقون ليتنا عدنا أو -على الاقل- عادت الايام اقول قولي هذا واستغفر الله لي............. |
ياسناء ياريت تفكري كويس قبل ما تنخذي قرارك دا..في سنة 1995 أنا اتخذت قرار زي قرارك دا وسقت عقابي ورجعت للسودان وهناك اكتشفت اني ما صاحب القرار براي والعملتو كان جريمة في حق عيالي وبعد شهر واحد قررت البحث عن حل وسط فرسلت العيال وأمهم الي الاسكندرية وقعدت أنا في السودان لمدة تلاتة شهور وفي الآخر غلبتني القعدة بدون نصي التاني ودا الحيحصل معاك انتي بالضبط لا حتقدري تعيشي مع ولادك في السودان ولا حتقدري تقنعيهم بحسك الوطني وأنا لاحظت حتي كلامكم مع بعض كان بالانجليزي ودا معناه عيالك أستراليين وحيعيشو في غربة صعبة في السودان وفي اخلاف كبير بين زيارات السودان في الاجازة وبين البقاء في السودان ودا ما انتقاص للسودان ولكنه الواقع المر فقد أصبح الوطن وطن طارد رغم طيبة أهلو وحتي أخلاق الناس ما بقت ياها الأخلاق الانتي عرفتيها..
أنا برضو شايف ان دي حتكون نقلة بحجم جريمة في حق عيالك وزوجك العشان يتعلموا راجلك الا يبقي تور ساقية عشان يرسل ليكم البكفيهم في بلد الأسعار فيها بترتفع كل 24 ساعة .. |
اقتباس:
البي الأحمر ديل يساووا عندي 150% ممايعدون ربنا يوفقكم ويسدد خطاكم اقول قولي هذا واستغفر الله لي.......... |
اقتباس:
تعرف يازول الله الكلام داك كلو ما فيهو حاجة تخليني أعيد النظر الا الجملة الأخيرة البتقول فيها: انتوا عارفين صخبها وتمرده وتاثير الاصدقاء والمدرسه والشارع و و و الخ.ودي ذاتا ما خايف منها عشان عارف سناء وعارف تربيتا لي عيالا ومقدرتا علي تجاوز الصعاب.. |
سناء سلامى
احيي قرارك الشجاع والمسببات المنطقيه القرار النابع من قناعه ذاتيه بكون موفق بعون الله .وانشاالله رجعتك تبقى سبب انشراح سماء الخرتوم حبيبتنا . ربنا يوفقكم . والهادي المسكين دا ليهو الله وعيشة السوق.. |
سلام سناء
يعلم الله بلدنا دي ... الكريهة دي.... المكرهانا العيشة ... الطلعت عيننا و شردتني في جهات العالم التلاتة (الرابعة ما وصلتها) .... الله يعلم حبي ليها ما ليهو حدود .... في هبوط الطيارة يوم 13 ديسمبر الفات (قبل إسبوع) جارتي أدتني ولدها أسكته ..... الكلام القلته للشافع ما مصدق إني أقوله عن البلد دي .... بلدنا ما في زيها في الدنيا كلها .... كل يوم أسب ليها و ألعن الحكمونا من 1953 (حكومة السودنة)..... |لأني عاوزها تكون أحسن و أحسن ...ما لأني بأكرهها .... سفرياتي كلها للسودان على سودانير .... داير أصل البلد قبل أصلها ..... قرارك صحيح و تأييدي التام له و لو لقيت طريقة أنا ذاتي بأرجع.... أتمنى نتقابل في البلد ..... |
تحية يا سناء
أولاً أحييك، وأسأل الله أن يجمعكم في مكان واحد مطمئنين متآلفين لا يعكر صفو حياتكم شيء في هذا القرار ستكونين أنت الخاسر الأول وإن خفّفْتِ الخسارة بتغيير الكلمة إلى تضحية، يا أختي الكريمة أنت غير "الضحاكات" تحتاجين لرفيق عمرك قريباً منك، وهو أغلى من كل ضحاكات الدنيا، ستفتقدين أشياء ربما تعتبرينها صغيرة وغير مهمة وأنتم معاً حالياً، ولكنها ستتحول إلى طبول للأرق لن تهدأ، نحن السودانيين نعيش الحب بعمق رغم أننا لا نحرك به ألسنتنا كثيراً، رأيي ألا ترحلي دون رفيق عمرك رغم وجاهة رأيك ووضوح فكرتك، عودوا جميعاً إذا ترجحت عندكم العودة، إن تعبير البيان رقم واحد تعبير جميل وما أنت مُقْدِمة عليه هو انقلاب كبير سيؤيده البعض ويعترض عليه البعض، ولكن الانقلابات في النهاية ينقلب عليها الجميع كما تعلمين ونشهد جميعاً اعذريني فأنا لا أحب انقسام الأسرة، وأحب لك ما أحب لنفسي، عدلوا الفكرة وعودوا جميعاً ولو لفترة مؤقتة، والضحاكات المقسومة ليكم جاياكم جاياكم تحية خالصة وخاصة |
اقتباس:
تعددت الأسباب والرأي واحد... |
| الساعة الآن 03:00 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.