الرُمَان في الغناء السوداني - مهداء لشيوخ البكايين في المنتدي
الرمان في الغناء السوداني:
من التراث: النهود رُمَان والشُلُوخ مَطَارِق جُوز البُرتُكان الكان في قلبي حااااارِق كتب عبد الرحمن الريح: الزمان زمانَك .... أهدِي لي مِن فَضلَك ... نَظرَه مِن رُمانَك ... يا الفريد في عصرك كتب أبو صلاح: عالي صدرك لي خِصرَك بَرَا ... فِيهُ جُوز رُمان جَلّ البَرَا السيوف أعطافِك فَتَرَا .... والنِهِيد بَاع فِينَا واشتَرَي من التراث أيضاً والتي أشتهرت بصوت الفنان الكبير محمد وردي: الغزال الفوق السَلَم .. المحبة تزيد الألم كُلُ يوم أصبح لِي في هم .. سيسبَان عُدِك مُنَظم شمعدان نَفَسِك يا أَم خَتَم ... البُرتُكان نَهَدِك مَدَردَم إلي قول الشاعِر: نَهَدِك الما رَضّع جِنَي ووب علي أمك ووبين عَلَي وكتب أبو صلاح أيضاً: البِلائِم جَرحَك شُفتُو يا سَقمَان شال من عصِير الند البِنضح الرُمان وهنا نشرح هذا الكلام الموغل في جماليات التعبير الشعبي إذ يقصد شاعرنا أبو صلاح بأنّ السقمان (أي المريض) يحلم بجُزءٍ من عرق صدر الفتاة وهي قائمةً لتوها من (حُفرة الدُخان) ويقول في قوله بأنّ هذا العرق سيشفيه من سقمه .. ده كان زماااااااااااااااااااااااااااانك ولا شنو يا كُبارنا ؟؟؟ للفنان صديق أحمد أغنية لم تخرج للعامه تقول: مالكَن علي ليه يا نِهيدَات الجِدَي واقفات بِلا قُببَاً فقِيرِهن دِيمًه شالع فوقُو ضَي وَقَفَت حُدُود معرِفتي فُوق حًلًمَاً صِبَي بِرجِف يِغازل النسمه كان هبهب هِوَي ومن التراث أيضاً تغني علي إبراهيم اللحو: الزي فِرَيع البان في الرقصة تتنّي وزي سواد الليل في إيدها دي الحِنَه خطوه بي خطوه بي رُوووقه تِتأني والنُهُود تِهتَز ... ده المُجننِنا الشاعر عبد الله محمد خير كتب: وصدرِك الشَال شئ .. ماهُو قُدُرتُو وضَمَاهو ونعود للشاعر أبو صلاح: تِعبَت الأصفاح(من صفحة أي جانب) وطرفِي جافي النوم من طِيب عبيرُه الــ فَاح بين عِيوني صفاح وفي بِسيمُو الدُر وفي صدرو حُوز تُفاح وغني صلاح بن البادية أيضاً: داير أتوب وأرجعلك أنا أترك الحفلات والغنا وأجفو غيرك مهما دنا يا أبنهيداً ما رضَع جَنَا |
أبو رحيق..
كل التحايا لك و أنت تشلهت/ توثق ل صدر المحافل.. |
اقتباس:
كيفنك ورمضان كريم شكراً علي المرور من هِنا وإن كنّا ومااااااا زلنا في إنتظار شيوخ البكاء هنا |
كيف غصن مرنوع يستقيم
وبرتقال استوي ما انجنا هووووي اللهم اني صايم ورمضان كريم |
سلام شيخ ناصر
عليك الله ولو انه سؤال يمكن يكون اشتر ممكن واحد يشرح لينا الارقام في الاغاني ؟ يعني مرات في غنا الحقيبة تسمع سبعين وستين وقالو عندها معنى واحتمال سبعين معناها الرمان وللا البرتكان ( مش البياكلوه):) انا عشان ما فاهما بسميها digital songs يمكن عصمت العالم وللا خالد الحاج عندهم خبرة . رمضان كريم . . . ابوريماز |
عليك الله دا بوست تفتح بيه رمضان
الحمد لله نحن ما مقصودين .. غايتو عصمت العالم و خالد و الطيب البشير .. بجوك جارين و اشراق وممكونة وسمرية .. و من جرين جريهن .. أما نحن.. فناس فواكه ساى مش بكا و دموع عصير و نكهة ولون ..بث .. |
اقتباس:
لكن أنا سألتهم قبلك وأجابونى كما يلى :- اقتباس:
أ اقتباس:
وهناك ترتيب صوتي، وضعه الخليل بن أحمد الفراهيدي، حسب مخارج الحروف في جهاز النطق، وهو: اقتباس:
اقتباس:
( أ) تؤؤل الى 1 ب الى 2 و هكذا .. اقتباس:
ولما يقول ( خمسين ) مرات بقصد ( مى ) .. 40 و 10 و مرات بقصد بت اسمها ببدأ بالنون ولما يقول 100و اربعين وواحد وسبعة يعني بتغزل فى " رماز" |
اقتباس:
إزيك ونعلك عافيه ورمضان كريم عليك وعلينا يا رب أها وماااااااااااااالك نطيت من كلامك الفوق ده ؟؟ ماااااااا تتمو ؟؟ قلت لي شنو ؟؟ أللهم إني صائم ؟؟ طيب وأنا الفاطر يعني ؟؟؟ وشنو الفرق بين إنك تكتب عن الرُمَان في شهر رمضان أوغير شهر رمضان ؟؟ الفرق شنو ؟؟؟ يعني حرام في رمضان وحلال في غيره من شهور ؟؟ أنا شخصياً عندي كل شهور الله سمحات ومباركات وما أستحي من كتابته في شهر رمضان الكريم هذا يجب علي أن لا أكتبه في بقية شهور الله الأخريات ولا شنو ؟؟ |
اقتباس:
أهو شايف كبير كِبار شيوووووووخ شيوخ البكايين جاك بالمفيد واللهم أعلم :p:p:p |
اقتباس:
|
ناصر سلام
تحياتى ورمضان كريم طبعآ أنا ماصايم بظبزا ساكت عندى سؤال : الرمانة قدر شنو ؟؟ والبت النهيداتا قدر الرمانة عمرا كم ؟؟ :eek: مش عيب عليهم ... ناس الحقيبة ديل !! :mad: |
اقتباس:
والله بالغوا لكن ناس الحقيبه في حق البِنيَه وكدي لكن تعرف الإجابة علي سعالاتك الفوق ديل عِلا يجيهن كييييييييييييير (المتخثثييييييييييييييييين) في الأمر ده مِتل الباش وود الحاج وراجل سيسيليا وجقجق وتاني منو تاني منو أيووووووووووه ود عمي بشير والعكودابي ومن سار بدربهم :p:p:p |
اقتباس:
للتوضيح ولو انه الواحد كان مفروض يبقى زي اينشتاين عشان يقدر يقول ليهو كلمتين غزل. وريماز بنتي الكبيرة يا معتصم وفعلا تستاهل كل الحروف والارقام. دمتم. . . ابوريماز |
اقتباس:
كان رجال اسألوا أسئلتكم دى .. |
أبو ريماز
تسلم ريماز وخياتها نحن ما قلنا ياهو العِرِيييييييييف الحرييييييييييييييييييف سيد الفواكه جميعها |
الساعة الآن 06:02 AM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.