سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   الرُمَان في الغناء السوداني - مهداء لشيوخ البكايين في المنتدي (http://www.sudanyat.org/vb/showthread.php?t=6404)

ناصر يوسف 12-09-2007 07:38 AM

الرُمَان في الغناء السوداني - مهداء لشيوخ البكايين في المنتدي
 
الرمان في الغناء السوداني:

من التراث:

النهود رُمَان والشُلُوخ مَطَارِق جُوز البُرتُكان الكان في قلبي حااااارِق

كتب عبد الرحمن الريح:


الزمان زمانَك .... أهدِي لي مِن فَضلَك ... نَظرَه مِن رُمانَك ... يا الفريد في عصرك


كتب أبو صلاح:

عالي صدرك لي خِصرَك بَرَا ... فِيهُ جُوز رُمان جَلّ البَرَا
السيوف أعطافِك فَتَرَا .... والنِهِيد بَاع فِينَا واشتَرَي



من التراث أيضاً والتي أشتهرت بصوت الفنان الكبير محمد وردي:


الغزال الفوق السَلَم .. المحبة تزيد الألم
كُلُ يوم أصبح لِي في هم .. سيسبَان عُدِك مُنَظم
شمعدان نَفَسِك يا أَم خَتَم ... البُرتُكان نَهَدِك مَدَردَم



إلي قول الشاعِر:

نَهَدِك الما رَضّع جِنَي ووب علي أمك ووبين عَلَي

وكتب أبو صلاح أيضاً:

البِلائِم جَرحَك شُفتُو يا سَقمَان
شال من عصِير الند البِنضح الرُمان



وهنا نشرح هذا الكلام الموغل في جماليات التعبير الشعبي إذ يقصد شاعرنا أبو صلاح بأنّ السقمان (أي المريض) يحلم بجُزءٍ من عرق صدر الفتاة وهي قائمةً لتوها من (حُفرة الدُخان) ويقول في قوله بأنّ هذا العرق سيشفيه من سقمه .. ده كان زماااااااااااااااااااااااااااانك ولا شنو يا كُبارنا ؟؟؟

للفنان صديق أحمد أغنية لم تخرج للعامه تقول:

مالكَن علي ليه يا نِهيدَات الجِدَي
واقفات بِلا قُببَاً فقِيرِهن دِيمًه شالع فوقُو ضَي
وَقَفَت حُدُود معرِفتي فُوق حًلًمَاً صِبَي
بِرجِف يِغازل النسمه كان هبهب هِوَي


ومن التراث أيضاً تغني علي إبراهيم اللحو:



الزي فِرَيع البان في الرقصة تتنّي
وزي سواد الليل في إيدها دي الحِنَه
خطوه بي خطوه بي رُوووقه تِتأني
والنُهُود تِهتَز ... ده المُجننِنا



الشاعر عبد الله محمد خير كتب:

وصدرِك الشَال شئ .. ماهُو قُدُرتُو وضَمَاهو
ونعود للشاعر أبو صلاح:
تِعبَت الأصفاح(من صفحة أي جانب) وطرفِي جافي النوم
من طِيب عبيرُه الــ فَاح
بين عِيوني صفاح
وفي بِسيمُو الدُر
وفي صدرو حُوز تُفاح



وغني صلاح بن البادية أيضاً:


داير أتوب وأرجعلك أنا
أترك الحفلات والغنا
وأجفو غيرك مهما دنا
يا أبنهيداً ما رضَع جَنَا

الفاتح 12-09-2007 09:22 AM

أبو رحيق..
كل التحايا لك
و أنت تشلهت/ توثق ل
صدر المحافل..

ناصر يوسف 12-09-2007 01:07 PM

اقتباس:

المشاركة الأصلية كتبت بواسطة شليل07 (المشاركة 77451)
أبو رحيق..
كل التحايا لك
و أنت تشلهت/ توثق ل
صدر المحافل..

أيا شليلنا الما راح

كيفنك ورمضان كريم

شكراً علي المرور من هِنا وإن كنّا ومااااااا زلنا في إنتظار شيوخ البكاء هنا

زهيجان 13-09-2007 08:03 PM

كيف غصن مرنوع يستقيم

وبرتقال استوي ما انجنا


هووووي اللهم اني صايم

ورمضان كريم

Aboremaz 13-09-2007 09:18 PM

سلام شيخ ناصر
عليك الله ولو انه سؤال يمكن يكون اشتر
ممكن واحد يشرح لينا الارقام في الاغاني ؟
يعني مرات في غنا الحقيبة تسمع سبعين وستين وقالو عندها
معنى واحتمال سبعين معناها الرمان وللا البرتكان ( مش البياكلوه):)
انا عشان ما فاهما بسميها digital songs
يمكن عصمت العالم وللا خالد الحاج عندهم خبرة .
رمضان كريم .
.
.
ابوريماز

معتصم الطاهر 14-09-2007 12:03 AM

عليك الله دا بوست تفتح بيه رمضان

الحمد لله نحن ما مقصودين ..
غايتو عصمت العالم و خالد و الطيب البشير .. بجوك جارين
و اشراق وممكونة وسمرية .. و من جرين جريهن ..
أما نحن.. فناس فواكه ساى
مش بكا و دموع
عصير و نكهة ولون ..بث ..

معتصم الطاهر 14-09-2007 12:32 AM

اقتباس:

المشاركة الأصلية كتبت بواسطة Aboremaz (المشاركة 77539)
سلام شيخ ناصر
عليك الله ولو انه سؤال يمكن يكون اشتر
ممكن واحد يشرح لينا الارقام في الاغاني ؟
يعني مرات في غنا الحقيبة تسمع سبعين وستين وقالو عندها
معنى واحتمال سبعين معناها الرمان وللا البرتكان ( مش البياكلوه):)
انا عشان ما فاهما بسميها digital songs
يمكن عصمت العالم وللا خالد الحاج عندهم خبرة .
رمضان كريم .
.
.
ابوريماز

مع انى ما من الجماعة الكبار ديل
لكن أنا سألتهم قبلك
وأجابونى كما يلى :-

اقتباس:

ترتب الحروف العربية الترتيب المعروف بالنسق الأبجدي على الوجه الآتي :

أ ب ج د هـ و ز ح ط ي ك ل م ن
س ع ف ص ق ر ش ت ث خ ذ ض ظ غ

ثم أعاد العرب ترتيب هذه الحروف حين أعجموا بعضها (أي حين استعملوا النقط للتمييز والفرق) ، وجعلوها على الوجه التالي ، وهو الترتيب الهجائي ، أو الألف بائي :

أ
اقتباس:

ب ت ث ج ح خ د ذ ر ز س ش ص
ض ط ظ ع غ ف ق ك ل م ن هـ و ي


وهناك ترتيب صوتي، وضعه الخليل بن أحمد الفراهيدي، حسب مخارج الحروف في جهاز النطق، وهو:
اقتباس:

ع ح هـ خ غ ق ك ج ش ض ص س ز ط ت د ظ ذ ث ر ل ن ف ب م وي ا ء.
اقتباس:

ومعنى الترتيب الأبجدى ..

أبجد بمعنى أخذ
هوّز بمعنى ركب
حطّي بمعنى وقف
كلمن بمعنى أصبح متعلماً
سعفص بمعنى أسرع في التعلم
قرشت بمعنى أخذه بالقلب
ثخذ بمعنى حفظ
ضظغ بمعنى أتمّ

طيب ناس الحقبة والصوفية فى السودان عندهم عدد قصاد كل رقم ..
( أ) تؤؤل الى 1
ب الى 2
و هكذا ..


اقتباس:

أ -1 ب - 2 /ج -3 / د-4 / هـ -5 / و-6 / ز-7 /ح-8/ ط-9 /ي-10 /ك-20 /ل- 30 /م -40 /ن -50/
س-60/ ع-70 /ف -80 /ص-90 /ق-100/ -ر200 /ش -300 / ت -400 / ث-500 /خ-600 /ذ-700 /ض-800 /ظ900 /غ-1000

فلما يقول ستين – يعنى حرفها يبدا بالسين .
ولما يقول ( خمسين ) مرات بقصد ( مى ) .. 40 و 10 و مرات بقصد بت اسمها ببدأ بالنون

ولما يقول 100و اربعين وواحد وسبعة يعني بتغزل فى " رماز"

ناصر يوسف 16-09-2007 09:36 AM

اقتباس:

المشاركة الأصلية كتبت بواسطة زهيجان (المشاركة 77537)
كيف غصن مرنوع يستقيم

وبرتقال استوي ما انجنا


هووووي اللهم اني صايم

ورمضان كريم

زهيجان

إزيك ونعلك عافيه ورمضان كريم عليك وعلينا يا رب

أها وماااااااااااااالك نطيت من كلامك الفوق ده ؟؟ ماااااااا تتمو ؟؟

قلت لي شنو ؟؟ أللهم إني صائم ؟؟

طيب وأنا الفاطر يعني ؟؟؟

وشنو الفرق بين إنك تكتب عن الرُمَان في شهر رمضان أوغير شهر رمضان ؟؟

الفرق شنو ؟؟؟

يعني حرام في رمضان وحلال في غيره من شهور ؟؟

أنا شخصياً عندي كل شهور الله سمحات ومباركات وما أستحي من كتابته في شهر رمضان الكريم هذا يجب علي أن لا أكتبه في بقية شهور الله الأخريات

ولا شنو ؟؟

ناصر يوسف 16-09-2007 10:05 AM

اقتباس:

المشاركة الأصلية كتبت بواسطة Aboremaz (المشاركة 77539)
سلام شيخ ناصر
عليك الله ولو انه سؤال يمكن يكون اشتر
ممكن واحد يشرح لينا الارقام في الاغاني ؟
يعني مرات في غنا الحقيبة تسمع سبعين وستين وقالو عندها
معنى واحتمال سبعين معناها الرمان وللا البرتكان ( مش البياكلوه):)
انا عشان ما فاهما بسميها digital songs
يمكن عصمت العالم وللا خالد الحاج عندهم خبرة .
رمضان كريم .
.
.
ابوريماز

أبو ريماز سلام يا زول ورمضان كريم

أهو شايف كبير كِبار شيوووووووخ شيوخ البكايين جاك بالمفيد واللهم أعلم
:p:p:p

ناصر يوسف 16-09-2007 10:21 AM

اقتباس:

المشاركة الأصلية كتبت بواسطة معتصم الطاهر (المشاركة 77546)
عليك الله دا بوست تفتح بيه رمضان


لا كنت عاوز أفتح بيه القسطنييييييييييييييييينه وما لقيت لي فرقه

وبعدين شهور الله كلللللللهن مي سمحات ؟؟!!



الحمد لله نحن ما مقصودين ..


:p:p:p يعلم الله غشوك يا باش يا جميل .. منو ده القال ليك كده ده بالله ؟؟

غايتو عصمت العالم و خالد و الطيب البشير .. بجوك جارين
و اشراق وممكونة وسمرية .. و من جرين جريهن ..
أما نحن.. فناس فواكه ساى
مش بكا و دموع
عصير و نكهة ولون ..بث ..

تسلم يا باش رمضان كريم وأبقي طمنَا عليك

رأفت ميلاد 16-09-2007 11:56 AM

ناصر سلام

تحياتى ورمضان كريم

طبعآ أنا ماصايم بظبزا ساكت

عندى سؤال : الرمانة قدر شنو ؟؟

والبت النهيداتا قدر الرمانة عمرا كم ؟؟ :eek:


مش عيب عليهم ... ناس الحقيبة ديل !! :mad:

ناصر يوسف 17-09-2007 10:30 AM

اقتباس:

المشاركة الأصلية كتبت بواسطة رأفت ميلاد (المشاركة 77634)
ناصر سلام

تحياتى ورمضان كريم

طبعآ أنا ماصايم بظبزا ساكت

عندى سؤال : الرمانة قدر شنو ؟؟

والبت النهيداتا قدر الرمانة عمرا كم ؟؟ :eek:


مش عيب عليهم ... ناس الحقيبة ديل !! :mad:

هههههههههههههههههههههههههههههه

والله بالغوا لكن ناس الحقيبه في حق البِنيَه وكدي

لكن تعرف الإجابة علي سعالاتك الفوق ديل عِلا يجيهن كييييييييييييير (المتخثثييييييييييييييييين) في الأمر ده مِتل الباش وود الحاج وراجل سيسيليا وجقجق وتاني منو تاني منو أيووووووووووه ود عمي بشير والعكودابي ومن سار بدربهم
:p:p:p

Aboremaz 17-09-2007 09:32 PM

اقتباس:

المشاركة الأصلية كتبت بواسطة معتصم الطاهر (المشاركة 77550)
مع انى ما من الجماعة الكبار ديل
لكن أنا سألتهم قبلك
وأجابونى كما يلى :-


ثم أعاد العرب ترتيب هذه الحروف حين أعجموا بعضها (أي حين استعملوا النقط للتمييز والفرق) ، وجعلوها على الوجه التالي ، وهو الترتيب الهجائي ، أو الألف بائي :

أ


وهناك ترتيب صوتي، وضعه الخليل بن أحمد الفراهيدي، حسب مخارج الحروف في جهاز النطق، وهو:


طيب ناس الحقبة والصوفية فى السودان عندهم عدد قصاد كل رقم ..
( أ) تؤؤل الى 1
ب الى 2
و هكذا ..



فلما يقول ستين – يعنى حرفها يبدا بالسين .
ولما يقول ( خمسين ) مرات بقصد ( مى ) .. 40 و 10 و مرات بقصد بت اسمها ببدأ بالنون

ولما يقول 100و اربعين وواحد وسبعة يعني بتغزل فى " رماز"

شكرا اخونا معتصم
للتوضيح
ولو انه الواحد كان
مفروض يبقى زي
اينشتاين عشان
يقدر يقول ليهو كلمتين غزل.
وريماز بنتي الكبيرة يا معتصم
وفعلا تستاهل كل الحروف
والارقام.
دمتم.
.
.
ابوريماز

معتصم الطاهر 18-09-2007 08:48 AM

اقتباس:

المشاركة الأصلية كتبت بواسطة Nasir Yousif (المشاركة 77654)
هههههههههههههههههههههههههههههه

والله بالغوا لكن ناس الحقيبه في حق البِنيَه وكدي

لكن تعرف الإجابة علي سعالاتك الفوق ديل عِلا يجيهن كييييييييييييير (المتخثثييييييييييييييييين) في الأمر ده مِتل الباش وود الحاج وراجل سيسيليا وجقجق وتاني منو تاني منو أيووووووووووه ود عمي بشير والعكودابي ومن سار بدربهم
:p:p:p

بعد رمضان ..
كان رجال اسألوا أسئلتكم دى ..

ناصر يوسف 18-09-2007 08:56 AM

أبو ريماز

تسلم ريماز وخياتها

نحن ما قلنا ياهو العِرِيييييييييف الحرييييييييييييييييييف سيد الفواكه جميعها


الساعة الآن 06:02 AM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.