سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   الديسمبريون،،،،،، (http://www.sudanyat.org/vb/showthread.php?t=62827)

علي الشيخ الحنين 22-10-2021 12:29 PM

الديسمبريون،،،،،،
 
*بي📝 الحنين،،، ،،*
*د. علي الشيخ ،،،،،،*

*الديسمبريون ،،،،،،،*
هم من أتوا بمن يتربع على عرش قيادة دولة السودان،،،
و بعضهم أتوا بغفله من الزمن،،، عفش زايد،،،، بصحبة راكب،،،، عفش ما كان في ليهو داعي،،، لأنه مامهم،،، أتوا،،،، و الان يتمتعون و يكاجرون و يحاربون و يقفون حجرة عثرة على عودة هوية السودانيين وهيبة دولة السودان،،،،
الديسمبريون،،،، يختلفون،،،، في حبهم للوطن،،، يختلفون في كيفيه ارسال رسالتهم للعالم،،، للمعاكسين داخل الوطن ،،،، والابلغ رسالتهم وصلت للجيران،،، و جيران الجيران،،،، *و وصلت حتى للحيران،، و للراح ليهو الدرب ،،،*
الديسمبريون ،،،،، علاقتهم بزوجية الشهور،،،، استثنائيه ،،، علاقة ممتده،،، فهم تيار من *الابريليون،،،* استمدوا منهم روح العناق لتراب الوطن و تعلموا منهم كيفية الحراك،،،، و من *الاكتوبريون،،،* قدموا شهدائهم،،،
ماتم اليوم،،،، نضيف عليه مفردة أخرى و هي *تنظيم،،،،* لتلتحق باخواتها ،،،،،
حريه،،، سلام،،، و عداله
لتضيف إليهم عمقا،،، وبعدا،،، و قوة ،،،،
*تنظيم،،، حرية،،، سلام،،، و عداله ،،،*
تنظيم المواكب ازهل العالم،،،، حير الخونه،،،، لم تجري له بروفه،،،، و لم تنصب له الخيام،،،، تنظيم عفوي،،،، زي اللاعب المحترف،،،، بدخل المبارة و بغير النتيجه،،،، وده الحصل،،،
الديسمبريون ،،،،،
تجمعهم مطالب،،،، واضحه ،،،، زي الموز في شارع القصر،،،، ادي لانزلاق العفش الزايد،،، مطالب الديسمبريون للجميع ،،، حتى ينعم الشعب السوداني بي *مدنياااااااااااااو ،،،،، خيار الشعب،،،*
الديسمبريون ،،،،، شامخون ،،، كنخل بلادي في شمالها،،،، و كشجرة الحراز مع المطر،،، في صراعهم مع الظلم و الديكتاتوريات،،، و يمثلون شجرة الهاشاب في غرب بلادي و ننادي بأن نغير اسم إنتاجها باسم *الصمغ السوداني،،،،،*
الديسمبريون ،،،،، مثل نهر بلادي،،، نهر النيل،،،، محل ماتقبل تلقى طوف و هدير و مد جاي،،،،، مندفع،،،، مقتنع،،، مؤمن بفكرته،،، أتوا مثل السيل،،، و للتاريخ سيل لا قلع،،،، لا دمر،،،، سيل للبناء،،، للتعمير ،،، سيل للتغير،،،،
الديسمبريون ،،،،، من العجيب،،،، لا بعرفوا بعض،،، لاقروا مع بعض،،، لا ساكنين جنب بعض،،،، *اللماهم* شيء واحد،،،، الوطن ،،،، و لماهم تراب البلد،،،
اتلموا لا واحد سأل التاني انت من وين ولا اهلك من وين و لا جنسك شنو 🤔 🤔 🤔 ،،،
الديسمبريون ،،،، متفقين،،،، على،،،، *حريه سلام و عداله*
*مدنياااااااااااااو،،، خيار* *الشعب،،،*

*عرفتوا الفرق،،،، مابين ،،،،،الديسمبريون ،،،،و السمبريون،،،،،*

الليله الكشتينه اتشكت شكه صاح،،،، و البايظ اترمي في الواطه،،،

*د. علي الشيخ*
*الحنين*
*امدرمان*
*٢١ اكتوبر ٢٠٢١*


الساعة الآن 06:19 AM.

Powered by vBulletin® Version 3.8.8 Beta 2
Copyright ©2000 - 2022, vBulletin Solutions, Inc.