الحب في زمن الـ (كورولا)..
مشهد جانبي المكان.. شارع الغابة الزمان.. ذات امسية ما الشخوص: فتاتان في اوج الغنج.. والكورولا 2009 تسير بسرعة متوسطة.. يقودها شاب في كامل الاناقة والوسامة. واحدي الفتاتين تمد اصبعها اي توقف لنا.. وتوقفت الكورولا علي مقربة منهن جاءته احداهن (تمشي علي استحياء): لوسمحت ممكن توصلنا قدام شوية؟؟؟ جدن.. (اجابها الوسيم) ومن كان له ظهر فارهة ف...ووو وركبن معه.. احداهن بجواره والاخري في المقعد الخلفي وحيدة الا من الغرض.. ودارت الونسة.. ثم..ابدين اعجابا به.. ثم تحول الاعجاب الي تحرش صريح.. و ابدي هو تمنعا.. ثم..سييييييييييت(صوت احتكاك العجلات علي الاسفلت) بفعل الفرامل.. انزلو هنا عليكم الله.. ثم..كفر بالنساء اللواتي..( ). مشهد رئيسي (ذو علاقة بالجانبي): المكان..مؤسسة تعليم عالي الزمان..بعيد ذلك المساء بأسبوعين الشخوص..ذات الوسيم..وزميلة له بالكلية (غاية في الجمال) ومشهود لها بالاخلاق والتهذيب. اعجبت به .. بأخلاقه العالية واسلوبه المدهش في الحديث.. وتعامله الراقي. كانت تكتم حبها له طوال الفترة الماضية وهو ايضا معجب بها بيد ان به بعض الخجل وشيء من الرهبة.. هي استجمعت شجاعتها ومشاعرها الصادقة تجاهه وقررت ان (ترمي القنبلة) بعد ان (فاض بيها).. تحينت الفرصة المناسبة (بالنسبة لها).. ثم..باحت له بمشاعرها نحوه مستصحبة مادعاها لذلك. تغير وجهه فجأة.. الفتاتان..شارع الغابة ال...و..و معليش انتي مابتنفعي معاي.. اجابها.. مالم يقله لها وكان يحسه (البت البتصرح بمشاعرا للولد.. بت شوارع وخفيفة وقليلة حياء وادب ووو..شارع الغابة..ووو) واسرعت هي للخروج من الكلية ومن حياته وربما من الحياة. وكفر هو بالنساء اللواتي يبادرن بالبوح. |
ثم..
هل التصريح بالحب والاعجاب حق حصري للرجل دون المرأة (كفله دستور العلاقات)..العادات والتقاليد والمجتمع.؟؟ هل فعلا المرأة التي تبوح بمشاعرها للرجل يجب ان تصنف بأنها خفيفة وقليلة حياء؟؟؟ مع استصحاب ان السيدة خديجة ام المؤمنين بادرت الرسول (ص) وابدت اعجابها بأمانته واخلاقه واجتهدت في ان يتزوج بها ولم تكن تلك خفة منها. ثم.. لماذا علي المرأة ان تنتظر الرجل ليبوح لها هو ولا يكون لها ذات الحق في البوح؟؟؟ عزيزي الرجل: اذا باحت لك انثي ما بمشاعرها واعجابها بك فماذا سيكون ردك حينها؟؟؟ وماذا ستكون نظرتك لها ؟؟ (مع الوضع في الاعتبار مشاعرك ناحيتها سلبا او ايجابا) عزيزتي حواء: هل تملكين الجرأة للبوح بحبك لرجل احببتيه و(فاض بيك) الهوي مهما كانت درجة انفتاحيتك وثقافتك.. وهل تفكرين في عاقبة ذلك؟؟؟ و.. تاكيت الباب واستنيتكم. |
الرشيد يا اخوى ارسالك على بر
ما تلخبت الكيمان:mad: بجيك عشان الموضوع دا غايظنى من زمان وكنت بتمنى القى لى فرقة وانكشو لكن وقت بديت ارجانى بس بالمناسبة شوق بس مو كتير |
يالرشيد ياخ عليك دينك وايمانك توريني الزول الوسيم الباطل دا محلو وين عشان أمشي أعضيهو في راسو..يادوبي أنا اقتنعت بي كلام البنات البقولو البلد ما فضل فيها رجال..الوسامة تطير وزولك دا وسامتو دي وراها ضنب ما بكون نفد من الجنس التالت وخليهو لايص كدا لغاية ما المرة الجاية يركب ليهو راجل ويوقف عربيتو ويقول ليهو أنزل هنا عشان يشوف الرجالة كيف..لووووووووووول عملت لي أرتيكاريا في الأعصاب القطنيةgooodgooodgoood
|
اقتباس:
والله ياسارة انا الموضوع ده محسكن بي عديل كدة وقبل كدة اتناقشنا فيه مع شباب وشابات زي الورد (يعني زي طلتك كدة);):D;) المهم تجي وتقولي لينا. بالمناسبة: شوقك المو كتير ده برضو بغرقني;) |
اقتباس:
باقي الأسئلة التحت دي ما أظنها شغالة الزمن دا..عادي جدا البت تبادر بتوصيل اعجابا بالولد وبتحصل كتير وبتصل لحد الزواج كمان.. والمرأة انسان مكتمل الأهلية مثلها مثل الرجل ولكنها في بعض الأحيان لا تحتاج لاظهار اعجابها قولا وتستطيع ايصال هذا الاعجاب بما لا يخطر لك علي بال دون أن تفقد وقارها ودون أن تربط هذه المشاعر بالأخلاق ومن يعتقد غير ذلك فهو انسان متخلف ولعلمك المرأة لها حاسة استشعار غير عادية وتستطيع قراءة الرجل وتتنبأ بردود فعله لدرجة تتعدي ال 90% دون أن تخطئ ولكن هذا لا يمنع أن تكون هناك من يطلق عليها صفة مرا قٌاهر التي بامكانها أن تطارد من تهواهو حتي تنتصر وتقع الضحية في الشباك مثل انثي العنكبوت مع ضحاياها...وهناك احصائية تقول ليس كل رجل يستطيع أن ينال كل امرأة يهواها ولكن معظم النساء يستطعن أن ينالوا من نعظم الرجال الذين يهوونهم فاحذر كيد النساء فهن اذا لم يصلن لميتغاهن يصبحن لعنة مدمرة أجارك الله.. |
اقتباس:
شكلو الصنف ده صحي كدة بعمل ليك الارتيكاريا الياها ديك. لاحظ لما دكتور احمد جاب سيرة عصام ردك كان برضو كده: اقتباس:
اما سؤالك: اقتباس:
لكن بيني بينك كده انا مناي اتخيلك زمان.. ياخ بتكون جايط البلد دي جوطة;) كدي هسع انت رايك شنو (بأعتبار ماكان طبعا):D لوبت حليوة كدة قالت ليك والله انا متيمة بيك يافتحي ياوجيه:p:D شنو لو.. دي بكون قالوها ليك زمانloooollooool طيب اتصرفت كييييف:D:D |
اقتباس:
العملية حسابية بحتة أنا زول عمري ستة وستين سنة يعن كلها أربعة سنين وحأكون دخلت في ال expiry date بتاعي وأصلا أنا ما بحب الشحتفة..ولامن واحدة تغش روحا وتنخدع بالمظهر الخارجي وتحاول تخش في قصص بقوم بكل لطافة أرجعا لي عقلها وأوريها الغلط الكان ممكن تقع فيهو..وبعدين أنا زول حياتي كلها كنت بكره الزنا والدليل اني اتزوجت مرتين وأنا طالب ودخلت موسوعة جينس كأول طالب أجنبي يتزوج مرتين ولغاية هسة مافي زول في التشيك عملا وكمان عندي منهم الاتنين عيال..وكنت كل ما اتزوج بكون في غاية الالتزام عشان طوالي بتذكر انو الزاني يزني ولو علي جدار بيته وبعدين عرفت حكاية وبشر الزاني والزانية بالفقر ولو بعد حين وأنا أصلا مفلس كمان أقوم أجيب ليها فقر من عند ألله..:confused::confused: أما حكاية الجماعة التانيين فديل أنا بكرهم كراهية التحريم وجني وجن الزول الخايب وما عندو موانع وبعتبرو أكيد بيغطي علي نقص عندو..وبالمناسبة أحمد ما قال لي عصام دا منوgooodgoood |
اقتباس:
مداخلتك ياعم فتحي في غاية الاهمية والله. اما دي.. اقتباس:
لكن ببقي الاختلاف في مقاييس التخلف في مثل هذه الامور.. ماهي المقاييس..؟؟ هل دينية؟؟ ام مجتمعية..ام ثقافية؟؟ وهل التعليم ليهو دور في ارساء مثل هذه الاسس ؟؟ ام البيئة والتربية هما اللذان يحددان ويرتقيان بالفهم الي مرتبة تقبل فكرة ان تبوح المرأة(قولا او فعلا كيفما اتفق البوح) بمشاعرها وعواطفها تجاه الرجل؟؟ دون ان ينقص من وقارها شيء..بل دون ان تنعت بأنها خفيفة وقليلة استحياء؟؟ ثم.. اقتباس:
مداخلتك والله كاربة تسلم ياوجيه.;) بس جاوب لينا علي السؤال (بتاع بأعتبار ماكان داك).:D:D |
معليش آلاء دايرة النت عشان عندها تجهيز لبرامج بكرة في الاذاعة...باكر بجي أجاوب ليك ولو عندك أسئلة زيادة كبها هنا..
|
اقتباس:
اولا: انت مامحتاج تقول لي انك دوغري وملتزم لأنو دي انا عارفا بالاحساس كده والله العظيم. وكل اناء بمافيه ينضح (بالحاء مابالجيم).;) عشان بعدين ماتجي تعمل لي املاء وأعد وعشرة سيطان..:D اما حكاية الexpiry date القلت عليها دي فأنا بقول ليك الحاجة دي بتحددا قيمة الزول في مجتمعو..نقاءو وصدقو وتواصلو..الانسان هو البحدد فترة صلاحيتو من عدما.. كلما زادت قيمتو وحبو للاخرين وحب الاخرين ليهو كل ماعاش اطول فترة صلاحية ممكنة.. فابشر بطول سلامة يامسعد..(يامسعد دي عشان القافية تظبط):D;) شفت كيف..ولدك خطير في الحاجات دي.:D تخريمة: كان دكتور احمد قال ليك عصام ده وين وريني ماعشان حاجة..بس حب استطلاع سااااي بس:p:D |
اقتباس:
جدا علي الرحب والسعة.. علي الرحب والسعة دي فيها نكتة بس ده مامحلها حأقولا ليك يوما ما(يوما ما دي كيف معاك) .:D الاسئلة بجيك بيها باكر.. عشان انا ذاتي داير اجهز نفسي من هسع للاستماع لبرنامج آلاء بكرة..;):D هو صحي كدة في ياتو اف ام من الاف امات (الاخيرة دي جمع اف ام):D تسلم عم فتحي وسلم لي علي استاذة آلاء وقول ليها اوعك من البرامج المضروبة ذي بتاعة عمرو اديب ومن لف لفه:D:D |
اقتباس:
موضوع دسم والله والكلام فيه كتير وعمنا فتحي ربنا يديه العافية جاب الخلاصة بس بيتخيل لي انو مرات المجتمع والتربية بتفرض علينا حاجات حتي لو حاولنا نتمرد عليها لانها بالية وبتتعارض مع واقع حواء الدخلت الحياة العملية والعلمية وكانت من العلامات فيها لكن بمنتهي البساطة ممكن تصتدم بواقع زي الطالبة الحكيت عنها وموقف زميلها منها |
اقتباس:
ومافي ادسم من جيتك هنا;) مداخلتك اضاءت جزء مهم.. يعني ياسمورية حتي لو البت ممكن تصرح وتبوح بمشاعرا تجاه الولد بس الهاجس البمنعا ابتداءا انو الولد كيف يتقبل الفكرة؟؟ ودي طبعا معادلة صعبة للغاية ودي انت اشرتي ليها بواقع اصطدام البت بردة فعل الولد. ممكن ياسمورية الواحد (ولد اوبت) تكون تربيتو في البيت من ضمنها الصراحة علي مستوي الاحاسيس والمشاعر لكن لما يمرق او تمرق برا في المجتمع اللي بمثل ساحة وميدان لأبداء هذه الصراحة وترجمتا لاقوال او افعال بيصطدم بأنو ماكل الناس ده متربية علي كده.. ومن هنا انا افتكر بجي التهجس والتوجس. الموضوع محتاج اضاءات كتيرة اتفضلتي انتي وعم فتحي باشعال فتيلا لسع منتظرين منك المعاودة وتسلمي علي الاضافة. تخريمة:بزيارتك بيتنا نور ياسمورية;) [flash=http://www.youtube.com/v/kISS3P5ph2A&hl=en_US&fs=1]WIDTH=400 HEIGHT=350[/flash] |
تسلم يا الرشيد البيت منور
بي اهلو وضيوفم الكرام وشكرا علي ابراهيم عوض سيد الغُنا زي ما قلت مرات البيت بيعلم والمجتمع بيفسر غلط وفي الغالب بنكون مجبورين اننا نتماشي مع المجتمع ويتخيل لي من هنا بيجي التعامل مع الموقف زي ما وصف عمو فتحي |
الساعة الآن 08:59 PM. |
Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.