معني اخر للرباطاب
معني اخر للرباطاب
اذا تاملنا في كلمة الرباطاب فنجد انها تحمل في طياتاها معان كثيرة غير المعني الواضح لاسم القبيلة فاجتهاد مني قسمت الكلمة الي قسمين القسم الاو ل الربا وهو مايعني في اللغة المكان العالي والمرتفع وعادة مايذكر الربا في وصف العظماء للدلالة علي الرفعة والعزة ففي القراءن الكريم وردت في قولة تعالى (وآويناهما إلى ربوة ذات قرار ومعين): اما في الادب نجد ان أبو القاسم الزجاجي وهو احد الشعراء العرب المشهورين في حقبة من الزمان قال رعين الرّبا والبقل حتى كأنما كساهّن سلطان ثياب المراجل : الرّبا جمع ربوة: وهو ما ارتفع من الأرض يقال: ربوة، وربوة، ورباوة. فقد نجدها في كثير من المواضع وهذا اخر يقول بالله يا ريح الصبا مري على تلك الربا واخر سَلاَمٌ يَفُوحُ بكُلِّ الْفُيُوحِ يُرَوّحُ رُوحَ الرّبا والتِّلالِ اما الجزء الاخر من الكلمة فنجدة بمعني الطيب والتطيب وما اكثر الطيب في الادب لعربي هي الطيب والأطايب من طيب نشرها يطيب فيا طوبى لمن طاب واهتدى وايضا أنت الطيب لداء قد بليت به فداوه باقتراب غير مقصوم فهذا يعني ان الاسم الذي اطلق علي قبيلتنا هو اسم نابع من سمو وطيب اهلنا الربا طاب برغم مايشاع عنهم بلزاعة الالسن. توقيع خارج النص لا تغضبنّ على قوم تحبهّم فليس منك عليهم ينفع الغضب ولا تخاصمهم يوما وان ظلموا أن القضاة إذا ما خوصموا غلبوا يا جائرين علينا في حكومتهم والجور أقبح ما يؤتى ويرتكب مع فايق تقديري |
اهلا ياكادر مكرب-- اتاريك ولدا لينا-- شفت عمك خطير كيف-- طوالى قابلك بام نص وام راس -- اها انا من القليعة التى فى الترعة انت من وين--- مقرات-- ابوهشيم -- الكودق- الشريك-- العوجة-- ام مردى-- الغريب عتمور حدد---
|
انا طبعا من الجزيرة الحالمة ارتل يعني طلعنا اهل
|
اقتباس:
إن شاء الله لا عكرن، لا كدر وطيب بيك المقام في سودانيات.. أهو ود الخال كبيرنا هنا رحب بيك ولسة، ياما تلاقي عمك شوقي وولدنا الرابطابي وبنياتنا الرباطبيات؟؟ شي أيقونة وشي بت إخيتا الأديبة الليمونة.. مرحب حباب |
اقتباس:
بس اكان جيت للحق ناس سودانيات ديل كلهم اهل---- |
الاخ كادر مويه ....ود اهلي ميه الميه دون شك دا اذا ماطلعت ود اختي والله ود عمي ...
انت من وين في الجزيرة ارتل من رأس الجزيرة او الضيقة واللا الحداديد او حلة ناس البشرى دي ماعارفة اسمها شنو او العواري او ست البلد (العجومة )او الحضورة او الضياباب او ود عمسيب او العالماب او ود السعيد او الجزيرة او كليدة او المهوة .. قصرت معاك حدد لي بالله .... اهلا بيك وبي حسان وشكرا على الكلام الجميل للرباطاب ... نعمات حمود الرباطابية الشريك والجزيرة ارتل .... لكم محبتي |
اها يا نعمات كدى Virtually تذوقى طعم التميرات ديل- بدون تعصب--الما عندو تمرة حقو راح فخور بك لانك مرتبطة بجزورك----
http://www.sudaneseonline.com/upload...6EW4jDAD4Q.jpg |
اوع تفهمنى غلط
غايتو حسب فهمنا البسيط
ربا مايربوا من اموال يعنى (ربا) والطاب دى لعبة مع الاعتزار للاغنية |
[align=justify]سلام يا كادر موية . .
أهلنا الرباطاب من ألطف وأذكى من قابلتهم، من كترة إعجابي بيهم، دائماً ما يخيّل لي إنو كلمة رباطاب عندها علاقة بالرُطَب، يعني ممكن تكون رطب آب (على وزن سفن أب) بس الكلمة إتحورّت للكلمة الحالية رباطاب. اقتباس:
سلام يا نعمات وبابكر.[/align] |
طبعا ياشباب انا من العجومة محطة السبيل (سبيل ودالربيع)مقابل لفندق العركابية
|
طبعا ياشباب انا من العجومة محطة السبيل (سبيل ودالربيع)مقابل لفندق العركابية
|
ياخليل فرح ناس البشري حلتم اسمها المحس
|
يا شباب ناس ارتل كلهم اهلنا والضياباب على الخصوص- انتى يا نعمات دحين المهوة مش فى الجزيرة كشوى-- مشروع عمنا احمد المهدى وابنه مجذوب رحمة الله عليهما-------
|
الاخ كادر موية مرحب بيك تاني ...
خلاص عرفت بيتكم يخيل لي شرق ليه بيت سيد الناس رحمة الله عليهو (ادم )خليها حافه كدي وغرب بيت حبوبتنا السيدة بت ود حمزة رحمة الله عليها وبعدها في نفس اللاين منزل الحاج محمد ابوالقاسم الشهير بود عجمي والذي كنت احبة جدا ومن الخلف منزل اخية احمد وعثمان صاح ؟؟ سبيل الربيع دا جد متذكراه كويس امام ديوان كبير من غير حوش صالات والى جوارها دكان وفيه مكنة خياطة ويخيل لي عمك ابراهيم دا كان الترزي الشهير الوحيد وكان ايام المناسبات بنور الرتاين ومن بعيد النور بكون ظاهر ... المهم لكن بقيت كادر موية وين بالله ؟؟؟ يا حسان المهوة دي فيها المركب من زمن ناس باب الله وصعيل واحمد الركز ... كشوي دي براها بعد راس الجزيرة وتعدي كم جزيرة وفيها ناس مشروع مجذوب رحمه الله ومازال اولاده ...وممكن نسال ود مخير لانها بلد ناس بابكر بدري وشوقي بدري ..ومحمد الخير بدوي .. لكم محبتي وما تشوفوا لي حكاية التميرات دي ... يا حسان انت عندك علاقة بالفكي انور الفكي لانك بتشبهو شديد ؟؟؟ لكم محبتي |
[QUOTE=المك;133963]غايتو حسب فهمنا البسيط
ربا مايربوا من اموال يعنى (ربا) والطاب دى لعبة المك سلامات ... حسب فهمي برضو البسيط ..ربا ما يربو اي يزيد (حسب الموصوف )مال او غيروا طاب من الطيب اي صفة حسن المعشر والرباطاب وليس تعنصر وكدا لكن ناس صادقين في معشرهم ولاينافقون في العلاقات ... لذلك وصفهم البعض بالمساخة ..وغيره ..ودا كلام صحيح فهم لا يتملقون ابدا ...ابيض واسود فقط لا منطقة وسطى ..اعملوا حسابكم ... عفوا يا ادارة ....مجرد فرحة بكادر موية ...وحسان وسمية ادم ...وين البت دي ؟؟؟ لكم محبتي |
| الساعة الآن 01:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.