لو مصدق الحدثك .. لو مصدق كلام الناس .. أضربني بمسدسك .. املاني انا رصاص
[media]http://gaza4us.comze.com/rassas.mp3[/media]
قنابل ومسدسات ورصاص القصه شنو ياأخوانا الواحد إلا يخش ليو دورة صاقعه عشان يقدر يحب في البلد دي وللا شنو ؟؟:):) |
صباحك زين
يظهر دا حب مواكب الاحداث وما يدور في هذا العالم من احداث . وينك يا عنتر ايمان |
[align=right]ايمان محمد
يبدو إننا بقينا شعب يعشق الحروب او لايعرف الحياه بدونها ماأن خبأت نيران الحرب بالجنوب حتى إشتعلت دارفور بركاناُ الحب الذي نعرفه رموزه الزهور والمشاعر النبيله الحب الفيهو قنابل ورصاص ومسدسات ده ماعارف الناس ديل جابو من وين مشكلتنا بقت مشكله والله [/align] |
اقتباس:
|
كيشو
تاني عشان تحب إلا تلبس ليك درع واقي من الرصاص looool |
الإبن الحبيب أبو الفاروق
ما تتصور كيف غيرتا عليا بقول ليك لو كان معاي زول حسي في البيت!! كان إتباطنتا ولا إن كان حدايا سيف كان للروؤس قطعتا موسيقى حماسية ولا الخلفية الشرطية والرصاص والطبنجة ذكرتني أيام خوالي ليك شكر وتحية وإعجاب ما تعجب،،، إعجاااااااااااااااااااااب تسلم |
عارف ياعمر
من قبيل بفتش لي قنبلة بتاعت طه سليمان دي ياخوي ثقافة ساحات الفداء وماغرسه اهل الانقاذ من دموية وعنف حتي في الحب وماتاصل لها صحافة الجرائم والحوادث تخريب القيم وتشويه الوجدان يحلنا منهم الحلال |
اقتباس:
الغنيه لاعرفناها حب لاعرفناها حماسه لاعرفناها جهاديه غايتو حاجه بترقص وخلاص كن بخير وكل من تحب |
امال
تحيه طيبه لاأدري هل نحن كشعب نميل للعنف أم لا مانقوله دائماً أننا شعب متسامح لكن واقعنا غير ذلك تماماً حروب ودمار وحريق وخلافات حاده ربنا يصلح الحال |
سلامات يا عمر يا حبوب :
نعمل شنو يا عمر الجمهور عايز كدا :D:D.. كان عندنا عرس كارب في نياجرا هنا قبل سنتين تلاتة، و سامي المغربي في قمة الالق و البهرجة و اورغن صاقعة و ساوند شديد و الجو مغيم، و سايق الفاصل الاول مدوزنه حقيبة مأصلة تمتم و سيرة و عشرة بلدي ، اعماما لينا كبار قالوا ما تكلموا فنانكم دا يسيب الرسميات دي و يفكها و يهبط بالغناء دا و كدا و يخلي الناس تجبجب :D:D مشينا ادينا الفنان الرسالة، و عينك ما تشوف الا النور :D:D:D [align=center][rams]http://sudaniana.com/music/song_listen_5191_1[/rams][/align] |
فيصل سعد
سلام واحترام ذكرتني حفله هنا في بيت المال قبل فتره طويله يازول الفنان دخل ليك بي اغاني إستماع هاااديه كده وواصل على كده واحد سكران إتضايق من الفنان ده ضيق شديد خلاص قام إتوجه عليو ونظام داير يوسوسو في اضانو براااحه كده قام قالليو (شنو ياعمك مادايرين نهز الجعبات دي نحنا) طبعاً أجمل مافي الموضوع إنو كلام الزول جا في المكرفون والناس كلها سمعتو |
سلام يا عمر ، انا ترعرعت في بيت المال جنوب
شارع الكبري و بيتنا مقاصد بيت المال الابتدائية بنين .. نسعد و نتشرف بمعرفتك و زمالتك يا حبوب يا اصلي .. |
الحبيب فيصل سعد
نحنا قريبين منكم جداً بينا يقع شمال الطرمبه الفي شارع الكبري طوالي وتقريباً بعرف كل الناس الفي الحته ديك إبتداءً بالعم طه حنفي وابنائه وحتى منزل آل كرو كرو لو قديم أكيد حتكون بتعرف خيلاني التجاني محمد احمد الامين والمرحوم الفاضل والأمين ومبارك والفاتح ، منزل جدي محمد احمد الامين جوار نادي بيت المال |
نحنا برضو شمال الطرمبة، بس اتغربنا بدري و كدا ..
حوش جدنا الراحل الاستاذ / ابراهيم علي ابراهيم و جيرانا آل مامون الامين و حسن عبد الماجد و جلال الغول و خليل سعد و آل دارصليح و آل كردش و آل ابو شامة.. اكيد اخونا و زميلنا ابو ريم بيجي هنا و بتعرف عليك برضو .. تسلم يا حبوب ، و نخليك مع الرصاص و كدا :D:D |
كل الذكرتهم جيراننا تمام
منزل المرحوم جلال الغول او الـ(غول كلوب) :D:D كما تحلو لنا تسميته هو مكان انسنا وسمرنا ربنا يرد غربتكم إن شاءالله ويعيدكم سالمين غانمين |
| الساعة الآن 09:33 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.