مرحبا بالباشمهندسة وفاء الطيب من تلفزيون دبي بيننا (عيدية)
الاخوة /ت ابناء هذا البراح سودانيات حقيقة لم اجد ما اعايدكم به في جو هذا الفرح الشفيف الذي يجتاح الجميع بمناسبة العيد وعودة الكثيرين منا الينا الا هذه الاقحوانة الندية المهندسة وفاء الطيب . مهندسة الفيديو بتلفزيون السودان سابقا وحاليا بتلفزيون دبي فاهلا وسهلا بها وبنا ضيوفا عليها في المنبر . فشكرا لها وشكرا للخال خالد الحاج والادارة تخريمة:- لا اريد ان اطيل حتي ادع مساحة للاخرين للترحيب بها |
[glow1=#FF3366]1000 مرحب وحباب الباشمهندسه[/glow1]
|
اقتباس:
وفاء دي إسمها أحلام أختي..و الله الخالق الناطق :D ، كانت شديدة التهذيب لا يجرؤ سـفيه على تعليق خارج في حضرتها، أذكر ثوبها الأبيض ذا المقنع السابل .. و أدبها الذي لا يدانيه جفاء .. أخـت حقيقية لكل الزملاء.. و الله يا هاشم الليلة جبت خبر. مرحبتين وفاء..و ذكرتينا الزمن السمح صديق فقوش عوض جولط أميرة كروري حياة عيسى المرحوم النذير إبراهيم ثريا حسين بدرية الفئوية إنتصار مصطفى المرحوم أسامة الجوخ عبدالعظيم قمش سوار الذهب صالح حامد صالح شكرالله خلف الله منزول محمد علي ود فداسي الجزلي الصغير جمال مصطفى و لا أظن عقد السمحين ينتهي و بالمناسبة معانا هنا المخرجين إسماعيل محمد الحسـن و مريم محمد الطيب و ننتظر طلتك بفارغ الصـبر.. |
مرحب بالأخت المهندسة وفاء
إضافة أكيدة لسودانيات ألف مرحب |
ود النيل ..
شكرا كثيرا اما انت يا عمي الطيب يا بشير عشان تأمن بس قبل ككده لفحتك بي صباح النعمة وعمر الخضر والليلة تملص جيبك كلوا بعد اللستة الكتبتها لي دي. |
هاشم الشيخ كل سنه وإنت طيب وشكرا جزيلا بإتحفانا بالزوله الرقيقه وفاء الطيب
وفاء يا هندسه عيد سعيد وكل سنه وإنتي والعيال طيبين وعبرك التهنئة لكل زملاء المهنة بالأمارات وعذرا إن فقدت رقم جوالك أو أي رقم لأعزيك في فقيدنا الجلل المخرج الجميل النبيل محمد وهدان عليه الرحمة ........... حبابك آلاف بين أحبابك |
1000 مرحب بك وفاء بيننا فى سودانيات .. وشكرا العزيز هاشم لهذه الاضافة القيمة للمنتدى ..
|
هاشم ود الشيخ ،، مشكور على التقديمة الجميلة للباشمهندسة وانا عاااااااااااااااااارفك ما بتجيب إلا الرائعين وفاء ،، مرحبتين حبابك وجيتنينا من عزيز والبيجي من العزيز عزيز أبقى عطري للمكان وأملينا من فرحك كمان مرفق : محبتي وتقديري بـــــــادي |
مرحب بالاخت وفاء في دارها وبين اهلها
|
مرحبا
زادوا واحد .. الرائعين .. |
الخال خالد ..
والله انا اللي بهني الباشمهندسة علي ترحيبك .. تسلم يا يا دراج المحن (بس ما بفهم اب عاج ) شكرا خالي علي كل التعب اللي تعبتناك ليهو. العزيز اخونا ناصر يوسف... وانت بالف خير وكل من حولك يرفل في الجمال والهناء والصحة .. شكرا كتير يا زول يا رائع . |
الماركيز غارسيا ..
كل سنةوانت طيب يا طيب القلب . شكرا جزيلا |
جيييييييييييييييييييييييييييييييييييناكم يا حبايبنا.....
والله يا جماعه من امبارح اقول اجي عليكم الا غلبني الكلام..... غلبني تب..... اقول شنو انا بعد كل الدرر الاتناثرت من تلك الكوكبه من الرائعين.... شيالين التقيله وضي القبيله..... والله اخجلتم تواضعنا... فأنا والله ما قدر الكلام الكبير ده... ولكن قناعتي أن الكلام الرائع لا يصدر إلا من الرائعين....... و تاااااااااااااااااااني غلبني الكلام... كيف اشكركم احبائي و كل الكلمات اجدها عاجزه عن التعبير... كل البقدر اقوله.... لكم حبي و احتراماتي..... |
العزيز هاشم.... اشكرك بحراره لدعوتك لي ولمنحي شرف الانتماء لهذا الدار العامر.... يا ايها الاصيل....
عرفتك عبر الاثير و لكن اشعر كأننا نشأنا في حي واحد بل في بيت واحد.... و كفى..... |
العزيز خالد..... فلا اقول شكرا.. يكفي انك تحتوينا... و يكفيني فخرا قبولكم انضمامي لكم لاكون لكم الاخت والام....
و لكم حبي و احتراماتي... |
| الساعة الآن 09:48 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.