شتارآ، حرارآ، ولا محبة وغيرة
وأحلل عقدة من لساني، يفقهو قولي...... سودانيات دي؟؟ قدر ما فيها من جمال، الواحد داير ليها الأجمل وقدر مافيها من برآح، دايرها أوسع وقدر ما فيها من ديمقراطية ونظام وإنتظام، دايرها أكتر من المدينة الموعودة والدنيا الجديدة، من وستمنستر والأزهر والفاتيكان،،، لك في أسئلة بتنطرح وعايزة إيجابة،، من باب المثل،، ما التمثيل... عضو من الأعضاء النشطين، جا جدييييييييييييد، روحو غرقانة حماسة، شبعان أمل، رويان تفاؤل، عشمان حرية، حلمان ديمقراطية.. ختا سؤال ما لقى ليهو إيجابة،، هل كان السؤال معقول ولا بس تهيآت ولساتو العضو ما فهم روح التعامل هنا،، ممكن جدن يكون تجربة ذي حقت سودانيات ما خاضها من قبل،، مؤسسة بدساتيرها ونظمها، ولا يمكن من السمعو وجذبو لي هنا، حقيقة التعامل الهنا وهو الصورة عندو وردية وجاء لقى فيها نقطة هنا وبقعة هناك وشوك وحسكنيت... عشتا في سودانيات والكلام عن روحي؛ أحلى أيامي، حبان يفقدوك إن غبتا، عزيزات شغالت ونش التقول ويرفعو من روحك، المعنوية،،، إدارة تمت دورتها الأولى وأُنخبت الإدارة التانية شيتن سودانا العريض ما قدر يحققو، ممارسة ديمقراطية تتم لفة تولتميآ وستين درجة... ناس كتابا وأدباء وشعراء وجمال مبالغ... بعض الأحيان ودآ القصد من الموضوع،،، بعض الأعضاء ومنهم الجا جدييييد يفقدو بوستاتهم والإدارة تقول أنها بتدرس الموضوع،، آها القصة تطول، تقوم الهواجس تلعب في عب العضو المعني أو غيره،، من الأكيد عملنا هنا طابعو طوعي هنا وناس الإدارة ليهم وكتهم الخاص والعام والأسري ومشغولية الشغل ودنيا وهليلآ وغير كدآ العمل هنا ساير بي روح يحاول كل أعضاء الإدارة أن يلتزمو بيهو، إجتماعات، زنقة ومواضيع بالدور... المخرج حسب رأيي الشخصي وبي تواضع،،، حسن النواااااااااااايا، راحة البآآآآآآآآآآآآآل وطولتو... طولت البآآآآآآآآآآآآآآآآل، مفتاح الفرج.. مناشدة لي الإدارة، حسم المواضيع العالقة حتى ما تتطول المدة وتكثر التفسيرات.. للأعضاء التريس وتسهيل الأمور على الإدارة,,,, دمتم وماها شتارآ ولا حرارآ،، لكنها محبة كتيييييييييييييييييييييرة وغيرة على سودانيات شديييييييييييييدة ملحوظة، الخلاني أشير للحكاية دي،، عدم الرد على أمر البوست المحذوف "أبو روضة" |
سلام يا الحبيب و عساكم طيبين ..
نشكر لك حرصك و غيرتك و اهتمامك ، مجرد وجهة نظر صغيرة في شكل سؤال برضو، و قطع شك ستتقبلها اخويا كعهدنا بك و هي : الا توافقني الرأي بانه كان من الاجدى ان يخاطب الاخ الحبيب ابو روضة الادارة بنفسه و يسأل و يستفسر عن هذا الموضوع الذي يخصه؟؟ لماذا؟ اولا لانه صاحب الموضوع .. ثانيا لانه ليس هناك حجاب بين الادارة و الاعضاء.. ثالثا حتى نرسي و نطبق الاسس و القواعد السليمة في الاتصال الاداري.. و كل ذلك لا ينقص او ينتقص من اهتمامك و حرصك، و حاشا ان نعتبرك وصيا او وكيلا او دخيلا كما تعلم ، و سنتواصل في هذا البوست و نتحاور في كل ما يخص امر منبرنا بمسؤلية و شفافية و وضوح و احترام، اختلافا و اتفاقا ، رأي و رأي آخر، في عالم من التواصل و المحبة.. تخريمة : و برضو يا زول شغلك دا ما بحلك من ابو روضة لانه فاتح ليك بوست مناوشة و باسمك و بدأ في المقدمة ، فاحسن تنكرب و ترجى الراجيك :D:D:D يديك العافية يا دوك، و لقدام .. |
أخي الحبيب فوفو
كعهدي بك دايمن فاهمني صاح،، أنا كنتا إتداخلتا في بوست سابق لي أبو روضة وطلبت منو الإستمرار في العطاء هنا وأنه ما تبقى سحابة عابرة، تخرب المزاج وتدع الوسواس يعبث في قلوبنا،، وعليه أدبيا شعرت بأني أتناول الموضوع بشكل عام،، يعين إلتزام أدبي ويا ود السادة المؤدبين والأساتذة العظيمين.. وأنا موضوع أنه يتصل بالإدارة ولا لآ، دى خاص بيهو وأنا والله ما لي فيهو لا ناقة ولا جمل،، الموضوع شمولي يا عنيا،، وما بشيل أكتر من أنه شتآرة وما حرآرا... ليك إحترام قبل المحبة والمودة سيظل لك في قلبي مكانات كتيرة،، وموضوع الكربة الحبيب إحنا شلنا الكُربة لمن الكربة، منجضها ليهو،، بعدين أنا حزبي الجميل، بشسرف وأمو ما بخوف... لك الحب ولي الأهل خاصة دمت |
اقتباس:
كعهدي بك و كعهدك بي ، اشكرك على الرد، و افيدك علما بانني كنت مشاركا معك في تهدئة النفس الحار بين الاحبة، و البوست انا من حولته للامين العام بحكم تخصصي و هو تحت كريم عنايته و سيعود قريبا بعد انتهاء الفحص و المراجعة .. ابقى طيب .. |
يا سلام عليك يابا البتفقد كل الناس إن شاء الله ما نفقدك لي شينة
لا ما غيرة ولا شتارة محبة ومحبة واسمح لي ألقى أعذار للإدارة أول شي الجداد السجلو منذ 2009 كتار ما شاء الله والادارة ما ح تلحق عليهم كلهم تاني شي الهكرات المزعجة والتصليحات بتخلي ناس الادارة مشغوليين تالت الناس ظروف ومشغوليات:D |
اقتباس:
زفة وسيرة والشتم يدق في دفوفو تب في حق الإدارة، ما قصرتي وكلامك!! ياهو ظاتوووووو القالو قبالك، فوفو (دآ طبعن فيصل سعد) إتي!! إكان في سؤ تفاهم ولا الفهم شايلو هم،، حديثك يما!! نزلو، مسحو ورجعوا نضيف لي رفوفو... مشكورة يا بتي علي قولة "يابا" طمئنتني عندي البنيات البعرفن قصد أبوهن،، وشلتي همو وخوفو... |
| الساعة الآن 04:57 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.