**اغنياات بالعود**
 

[align=center]مشروع بوست ربنا يقدرنا عليهو..!!

الغناء بالعود له نكهة خااصة و معايشة غير عادية للاغنياات


[/align]

[align=center]نبدا بالشفيع و خوجلى عثمان
و رائعة عوض الكريم القرشى الاقمار..

مع التحاايا...و باب الطلبات مفتوح..:)
[/align]

[align=center]

[rams]http://sudaniyat.net/wadosman/uploading/alagmar.wma[/rams]

[/align]

[align=center][move=up]يوم قالوا لي الاقمار عليمة
انك تراها و تلمس اديمها
يا ريتني ابقى سعيد واشوفها ديمه

يا فني جود و انصفني ديمه
يا لحني اشدو شعرا قويما
تصور الاقمارعرفت غناك
نزلت من السموات تسمو حداك
وازدانت الحفلة والنور تجلى
يا الله زيد في الحب والعفة ديمه

فلتسالوني عن عيد الكواكب
الفيه نور الدنيا صفاه ساكب
فلأغني اصف المواكب
دا الدهب المجمر
بجماله انضر
دا الفل يحكي لونه
ما احلى نونو
فشهدت استعراضا كان عظيما
و سعدت والاقمار لي داني ريما

الحقيقة حبي بعيد و بعيد سماه
و ما ذنبي لو عازل بالجور رماه
ايه التجني و انا راقي فني
و حلو التثني قد غاب عني
و ما تسى لفهمى انا دمعى يهمى
معروف هواى وطاهرات نوايا
و الا لو اصررت تكون اليمة
ساجفو و الاقمار لسواي ظليمة[/move][/align]

ما تعودنا منك إلا الجميل والمميز

لك شكري

للعود نكهة مميزة لدى الفنان محمد الأمين

لكن في الوقت الحالي أتفق مع أيات على محمد وردي بس لو ممكن "تاجوج"؟؟؟


ياريتني أبقى سعيدة وأتمكن من المساهمة معاك هنا.


أرق التحايا

إحترامي

[align=center]آياات...

سلاااام

شكرا ليك و انت اول المسجلين حضورا على دفاتر النغم الجميل..

اخترت لك اغنية حنية بالعود و هى طبعا من كلماات الشاعر اسماعيل حسن و ايلى
ايضا ثنت على اختيارك لوردى فى مداخلتها الاخيرة هنا..

حتى لا تتضارب الاغنيات فى البوست تم تعطيل التشغيل الاوتوماتيكى للاغنية
يمكن الاستماع للاغنية بعد الضغط على زر التشغيل فى المسجل الظاهر للاغنية
و هذا طبعا بعد ايقاف الاغنية التى فى صدر البوست حتى لا يحدث تشويش فى الاستماع
بتشغيل اغنيتين معا...

[rams]http://sudaniyat.net/wadosman/uploading/hinia.wma[/rams]

[move=up]اغنية حنية
الشاعر.. إسماعيل حسن

لو بكاي هماك ولو شقاي اشقاك
ما كنت يوم فارقتنى.. خاصمتنى.. عذبتنى

ياما دربك كنت بفرشو ورد وحنيه واماني
ياما عهدك صنتو وما خنتو وكان ليك حنانى
ياما من ليلى ونهارى ودمعى بنسج لك أغانى
وكل كلمة من غناي فيها من حبك معانى
إن نئيت برجاك
وإن نسيت بطراك
وإن قسيت بهواك

جيت اعاتبك واشتكيلك واشرح الحب من بدايتو
قلب خاضع ما برافع بس عليك تسمع حكايتو
انت حاكمو وانت مالكو وانت فى إيدك وصايتو
انت لو حكمت قلبك ما اظن ترضى بنهايتو
العهود صونوها
أوعولا تخونوها
دا حرام تنسوها

ابتسامتك ربيع دنياي ياما عشتا فيها
فتّحت فى دربى اشواق الليالى البشتهيها
دى السعادة المن زمان بسأل عليها
بكيانى بشبابى بحياتى افتديها
الإله يرعانا
دا الغرام ضمانا
نحن ما أحلانا

تبقى جنبي وننسي كل الدنيا نغرق فى الأمانى
واشتكيلك يا حبيبي منك انت ومن زمانى
فى غيابك ياما ليل الوحده بالآلام رمانى
ابكى روحى و ابكى عينى و ابكى قلبى يا حنانى
يا أمل يا لطفى يا حنية ..وينك من عيونى..؟
لو تعود وتجينى
القى فيك حنينى
وانسى بيك انينى[/move][/align]

[align=center]
elle

لك التحية و التقدير و انت حضورا هنا..

ود الامين فنان متفرد و صاحب امكانيات و مهارات مهولة فى العزف على اله العود
و هو بحق وحقيقة فريد اطرش السودان و ذلك لقدرته الفائقة فى العزف
يحكى عنه انه و كما قال بنفسه انه كان يتمرن على اله العود قرابة الــ17 ساعة
فى اليوم و مافى شك انه من ثابر على اله هذا العود بهذا المستوى كان لابد
ان يصل الى هذه المرحلة المتقدمه و المميزة جدا فى العزف على هذه الاله
و نوعد ان يكون هنلك حضورا كبيرا لاغنيات ود الامين فى هذا البوست...

شكرا ليك و برضو فى انتظار مساهماتك هنا...

تاجوج من كلمات شاعر الشرق كجراى و هذه الاغنية لم تجد حظها من الانتشار
و التوزيع كبقية اغنياات وردى و هى بدون ادنى شك اغنية جميلة و مميزة فى كلماتها
العميقة جدا...

تلبية لطلبك اغنية تااجوج بالعود طبعا و الرجاء الضغط على زر التشغيل
للاستماع...

كل الود...

[rams]http://sudaniyat.net/wadosman/uploading/tagog.wma[/rams]

[move=up]اغنية... تاجوج
الشاعر... محمد عثمان كجراوي

قليبي المنو اصلو شقاي ريدي
يزيد الهم علي يسفح وريدي
يعشق بالألم نبرة قصيدي
دي تاجوج متلقت يا خملة زيدي

تمر المحنة زي ضل السحابة
حروف اسمك نغم يسقي الغلابة
حروف اسمك بشارة خير حبابة
حروف اسمك حليفة وغنا الصبابة

مع الأيام يزيد حسنك نضارة
عشان عينيك تخضر الصحارى
بوصف ليكي ألحان العذارى
نعيش باقي العمر في الريد سكارى

نخوض بحر الهموم نبحر نعدي
نقابل بالثبات موج التحدي
سنين العمر تاخد وما بتدي
ودربك لشاطي النور يودي[/move]


[/align]

[align=center]سلامات حبيبنا و عزيزنا
ود عثمان و كل الاحباب هنا :
و سلامات يا آيات و مالك مجليانا :D:D

شكرا للغناء السمح المنتقى ـ اها يا حبوب نساهم معاكم :

قبل ما نعرف قليبك
يرضى ريدنا ولا يابى
جينا بفرح الطفولة
زي شتل راجي السحابة

و نتمنى ان تنال اعجابكم..


[rams]http://sudaniyat.net/up/uploading/gablimanarif.mp3[/rams]


اليومداك كنت منتظركم بالعشاء انت و آيات و امير و عبد الجليل
و سانين الاعواد ذات الستة اوتار و معانا فرفور و تمتام ، و ما ظهرتوا
و فاتكم غناء لن يتكرر و بنديك نموذج المداخلة القادمة ..

مجدد التحايا و
ابقوا طيبين ..[/align]

[align=center]اخ عادل..

تسلم ياخى و بكم دايما يكتمل مثلث الفرح و الطرب و الغناء الجميل

بجيك صادى باغنية ود الامين و اغنيااات اخرى لهذا الفنان الضخم..

يديك العاافية...[/align]

أغنية رائعة لقت حظها في الإنتشار بداخلي

فيها أسرار نغمية لا تخلو منها ألحان الموسيقار وردي


أشكرك بحروف لا تمل ....ولا تتعب



وقبل ما يزيد الهم علي


أحييك