قندول ...
بعد هجمة حصاد
وقف قندول وحيد وسِط حواشة أولاد العمدة ود الزين فطَّتو الحصادة ال حامت فيها يومين ما شفقة منَّها و لا رحمة بس حظو كدة المسكين أريتا لو خمَّتو مع باقي القناديل بدل ما يقيف وحيد يتاوق للقصب كيمان عزاهو إنو حبات العيش لسع مكنكشة فيهو و القصبة واقفة تشابي لهبة نسمة عابرة بالصدفة منتظرة الفرج يأتيها من حيث لا تدري و عروقا جوة الأرض .. شوية شوية تفارق التربة لا موية من أب عشرين و لا زخة مطر .. حتى ولا سحابة عابرة تطمن القصبة و القندول ضِمْرَن الحبات ... و حبة ورا التانية بقن يفارْقن القندول و النمل واقفات جيوشو بالطابور و بي صبرا يبل آبري الفريق كلو بدتْ جحافلو تنقل الحبات حبة ورا التانية ( دخلتْ نملة و أخذتْ حبة و رجعتْ ) ثم زرازير مارة بالصدفة نقرن كم حبة كزوادة لباقي الطريق بقْيَن كم حبة لونا إتْغيَّر و إتمايل القندول .. و ميَّل على الجدول الناشف و ميَّلت القصبة رافعة عروقها من جوة الأرض لأول مرة العروق تشوف جنياتا من نشفان ريقا ما قادرة تقول كيفنكم يا جنيات و أريتها شافتُم لمان كانوا نصاح و الصحة مالياهم و حبة ورا التانية ... بقتْ حبة واحدة يتيمة بالكاد متمسكة ... و لما مر إعصار غتيت يلْوي و دحْرَج القصبة مع القندول كوركت العروق للحباية : أبقي عشرة على الجنيات إندسِّي في بطن الأرض بتجيكي الموية .. و إندستْ الحباية في جوف حفرة فرحانة دون ما تعرف إنو الحفرة حفرة نملة كسلانة جاها رِزِق القام من النوم لقى الرزق كيمان |
بالله يا أبو جهينة العناوين المثيرة البتخللي الزول يخش توش علي الموضوع يفتش في القندول ويكون محضر الأسئلة عن مكانو وسعرو وفجأة تكتشف انو دا اسم زول(قندول عيش) وتقوم نفسك تمرق من القراية وتكره الزول الاسمو قندول وتكره الرغيف ذاتو بلا ذنب جناه..غايتو ألله يسامحك حندكتنا وفكيتنا عكس الهوا أباطنا والنجم:Dgoood
|
الأديب ابو جهينة
طاف بخيالي شخوصٌ من قصصٍ نحياها كل يوم، تشبه قصة القندول. متعك الله بالصحة والعافية كما متعتنا بما كتبت. فائق احترامي |
بسم الله الرحمن الرحيم
الأخ أبو جهينة تحياتى وسلامى شكراً للقراءة العذبة وهذا الخيال الجميل وكما قالت الأخت مى هاشم ـ القارئة العميقة ـ اقتباس:
فكم من (قندول ) يمشى بيننا على قدمين وكم من (حبةٍ ) هوت كأخشاب الرصاص حين (انكسر ) من غبن الأيام (مرق) البيت وسنده أبو جهينة كم أنت رائع يا صديق |
أبو جهينة
تشدنا دوما بكتاباتك ونتابع سردك الشيق فلقد تابعنا حزن القندول وتابعنا تساقط حباته حبة حبة لنتفاجأ بهذه النهاية التي أضحكتني رغم حزني مع القندول تحياتي لك وللمتداخلين |
الأخ العزيز فتحي
تحياتي [align=center]بالله يا أبو جهينة العناوين المثيرة البتخللي الزول يخش توش علي الموضوع يفتش في القندول ويكون محضر الأسئلة عن مكانو وسعرو [/align] تعرف يا فتحي ذكرْتني قصة لذيذة في حلفا الجديدة راجل عجوز كان بيعمل دعاية للفيلم المعروض بالليل و ذلك عن طريق ملصقات في الكارو و يعلن بصوت عالي : الفيلم الهندي الكبير .. رقص و غناء .. الممثل الكبير شامي كابور .. ثم يختتم جملته الإعلانية بجملة تقول : و هناك مفاجآت أخرى أها المفاجآت دي مافي الفيلم .. المفاجآت دي معناها إنو عندو ( قناديل ) و أحاب الكيف بيجوه محل ما بيربط حصان الكارو يعني مفاجآت دي عبارة عن كلمة سر ( شفرة ) للذين يعنيهم الأمر شكرا للمرور |
اقتباس:
يعني أنا لما شميت الريحة اياها الما بتغباني ما كنت غلطان:D:D المهم شوف كلامي خللا الناس لبدت كيف..يعني عاملين ما عارفين معني الكلام شنو..عالم جبنات بشكل مع اني قلت ليهم التائب من الذنب كمن لا ذنب له..أها هسه يجو يقرو الذنب ضنبgoood |
سؤال جنباوي وعند أبو جهينة الخبر اليقين وبعد داك حأخش في موضوع البوست عشان ما يقولوا فتحي خرمج البوست.. ما هي العلاقة بين قندول أبو جهينة وقندول أم هاشم:confused:goood:eek: |
اقتباس:
ما لأبو جهينة ( قندول ) معاهو زرازير .. و ما لأم هاشم ( قنديل ) مليان جاز ولا كيروسينgoood ياخي و الله مداخلاتك و الله ماها خرمجة ... واصل |
شكراً أبو جهينة للمتعة
وبالجنبه كده لي فتحي القندولين ما "سمسمية" |
اقتباس:
دمت و تحياتي للأسرة |
ها ها ها ها يا أبو جهينة;) والله والله البوست دا إتذكرتو اُمبارح براى كنت فى المطبخ، أصلو اليومين دى قلة الفئران وكدا;) يلا يازول نكدت ليك المبطخ تحت وفوق، المهم طلعت فى النهاية ببطاطس مقطع شرائح فى كيس، اها يازول فرحت ليك وصرخت وجدت الكنز وجدت الكنز بالرغم من البطاطس كان شوية، لكن يكفى لسد الرمق، المهم دخلت البطاطس الفرن، وبعد ما إتظبت تمام، كبيت البطاطس فى الصحن وجيت قعدة ليك بمزاج، وقبل ما اكُل شفت ليك البطاطس شووووية ذى التقول كشة فى الفرن، المهم قمت جريت تانى للفرن وانا بفتح فى الفرن، قلت براى إن شاء الله القى لى حبات بطاطس فى الفرن ما اكون شفتهم، و إن شاء الله بالعدم قطعة واحدة ذى قندول ابوجهينة ;).
صدق ما لقيت أى حاجة :( ضحكت براى وقلت الله يجازيك يا ابو جهينة ;) |
النور
سلام ماكن شكرا كثيرا على المرور [align=center]فكم من (قندول ) يمشى بيننا على قدمين وكم من (حبةٍ ) هوت كأخشاب الرصاص حين (انكسر ) من غبن الأيام (مرق) البيت وسنده [/align] |
اقتباس:
|
اقتباس:
مشكور على المرور دمتم |
| الساعة الآن 04:57 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.