؟؟؟؟؟؟؟؟؟؟؟
[align=center][flash=http://www.youtube.com/v/jedd2FiZTqM&hl=nl_NL&autoplay=1]WIDTH=450 HEIGHT=400[/flash][/align]
|
خالد الحاج سلام
للاسف انا ما ضحكتا :D عموماً الحياة تعقدت ... الابتسامة صارت مكلفة لكن للمقارنة : تخيل نفسك في بص أبورجيلة دااااااااااك ;) في الكبري القديم و ماشي على أمدرمان :D تحياتي |
خلودي
صباحك خير تعرف باكر شركات الأدوية تعلن عن إكتشاف مصل لإنفلونزآ الضحك gooodgooodgooodgoood "سنة يا الطيور" بس أجمل لقطة؛ بتاعت المراة الكبيرة شوية في السن لمن عاينت لصورة الجيكس الفي البلاج:p |
[align=center]أستاذ خالد...يسعد صباحك
سؤالك عن شنو بالضبط....:confused: لكن حأجاوب من منطلق توقّعات... في الفيديو ده غايتوا كُلٌ يغنّي على ليلاه....:) والناس دي بس كانت دايرة ليها سبب...:D والمحيّرني الزول القاعد براه جنب الشبّاك داك!...:D لكن تعرف الفيديو ده ليه أبعاد عديدة ومعاني عميقة حسب ما فهمت والله أعلم.. لاحظ الفعل وردّ الفعل والمعالجات الفكرية لكل شخص...! والضحك عموماً كالترياق يولّد حالة من الارتياح ويخففّ حدّة المزاج.... وينشر الإحساس بالفرح.. يعني له تأثير نفسي..غايتوا الزول ده عمل فيهم خير...:D تأمّل مع هذه الأبيات لأيليا أبو ماضي ممكن تشرح كلامي أكثر..... قال : السماء كئيبة ، وتجهّما قلت : ابتسم يكفي التجهّم في السما قال : الليالي جرّعتني علقما قلت : ابتسم ولئن جرعت العلقما فلعل غيرك إن رآك مرنّما طرح الكآبة جانبا وترنما أتراك تغنم بالتبرّم درهمــــا أم أنت تخسر بالبشاشة مغنمــــــــــا يا صاح لا خطر على شفتيك أن تتلثّما والوجه أن يتحطمــــــــــــــــا فاضحك فإن الشهب تضحك والدجى متلاطم وكذا نحب الأنجمــــــا وليس شرطاً أن يعبّر الضحك عن الفرح فله مناحي أُخر !! أليس يرقص الطير مذبوحاً من الألم..!! وكذا... أبكي وأضحك والحالات واحدة.....أطوي عليها فؤاداً شفّه الألم فإن رأيت دموعي وهي ضاحكة.....فالدمع من زحمة الألآم يبتسم وهي الحياة يا أستاذ خالد..كقاطرة تسير بحلوها ومرّها! جمّل الله أيامك.... [/align] |
[align=justify]سلام يا "خلّود ;)"،
أوّلاً وحاة الله نحن ناس بنحب الشمارات، أبداهم من حاتم مروراً بمخيّر إلى أن تصل القمر الليهو دورين وأختمها بشخصي الضعيف! هسّع عنوان بوستيك ده البيدخّلنا ليهو شنو كان ما "الكريظة" ساكت :rolleyes: زول عامللو ستّين علامة إستفهام، فهمنا شنو عشان ندخل؟ إن شاء الله يستفهم ده والبيهل! من جانب آخر . . يعلم الله ضحكت لامن قرقرت معاهم، ياخي الضحك ده حالة مريحة جدّاً ومُعدية جدّاً. لو ملاحظ في بعضهم كان بيضحك بإخلاص عجيب . . والله أعلم بلّلو هدومهم! خاصة المرة اللابسة بالطو بيج وسِرّنا القاعدة جنب الزول البداها. بعدين في بعضهم كان عامل فيها مضيّقا جدّاً ومركّب وش زول جادّي خالص، ويمكن فاكّيها في روحو كمان، بس فكّو آخرهم في النهاية وبقوا يضحكوا ويلبّعوا في الجنبهم. مثال المره الكبيرة شويّة في السِن المصمصت شلاليفها ساعة شافت الجكس الفكرلو بابكر مخيّر :D، (ود مخيّر ده يحب البلاجات بالحيل:)). أضحك الله صباحك وصباحات المتداخلين/ات. [/align] |
[align=center]أستاذ عكود
تحية طيبة.... طيب كويس لحقة كتبت الجملة دي في مداخلتي من الأول...:D اقتباس:
[/align] |
اقتباس:
سؤالك ده، في الشايفو أنا، ماااا ظنّيتو يخارجك: اقتباس:
الودّانا علي "كلّيكو" شنوووووو؟ :D يسعد صباحك.[/align] |
صباحاتكم خير يا شباب...
أما العنوان فلم أجد ما أكتبه ويمكن أن لا يحرق المفاجأة .. أما قصة البوست نفسه ... قبل كم يوم علقت العزيزة آمال .. أنني "قرفان" وأني أتداخل بقرفتي وأسوق البقية معي.. بيني وبينكم تأملت في الكلام ده .. وتوقفت عن المشاركة كم يوم ... أخيرا لجأت لهذا الفيديو .. لا معني مباشر له ... فقط الضحكة أيضا قد تكون معدية تماما كا "قرفة" و "الحزن" و "الاحباط" . مسألة أن يتملكك إحساس بالضحك مسألة بالنسبة لي "عادية تماما" .. الغير عادي أنها تنتابني في أحوال "غير عادية" .. نكون في اجتماع مثلا في الشركة ... يتملكني احساس غير مبرر علي الاطلاق بالضحك .. لا أجد سبيل لمقاومته إلا بالخروج من الاجتماع ... أحيانا في مواقف محزنة "بيت عزاء مثلا" ... وفي حالة الصمت ذاك ... يأتيني الاحساس المهلك بالضحك فلا أجد بدا من الهروب من المكان ... هل أنا "مجنون" ؟ وما هو الجنون ؟ هل هو خرقك لما هو "عادي" ؟ وما هو العادي ؟ مجموعة أسئلة .. لكني أدعو من يملك الصبر علي الفيديو أن ينتبه أن هنالك شخصان جاءا متأخرين بعد ما انتقلت عدوي الضحك للأخرين ... وطبعا تملكهما إحساس أن الجمع يضحك عليهما ... والنتيجة أنهما نزلا بعد محطة واحدة فقط . الضحك كذلك "لغة عالمية" تماما كلغة "الطرشان" ... مسألة الضحك نفسه كتعبير بإخراج حشرجات أشبه ما تكون بالبكاء مسألة غريبة ... وعندما تضيف لها شكل الانسان وهو يضحك فالمنظر لا يتوازي مع "احساس" الضحك نفسه والذي يحمل مضامين "مفرحة" ؟... هو في الغالب منظر "غير جميل" . محبتي |
[align=center]أستاذ عكود....
أها بقت علي أبكي وأضحك والحالات واحدة....:D لكن... ولربّ نازلة يضيق بها الفتى ..... ذرعاً وعند الله منها المخرج ضاقت فلما استحكمت حلقاتها ..... فُرجت وكنت أظنّها لا تفرج وكدي عاين لي كلامي داك يمكن من حالة البحر تعلو فوقه جيف تنتقل إلى.. في قاعه حاجات تانية جميلة :o وأرجع لي مداخلة أستاذ خالد ومداخلتي يمكن تلقى توافق في حتات كده يعني..:) ويا صاحب السيادة...أنا أمري سّلمتو للإرادة...:D [/align] |
اقتباس:
تسلم يالخال ..... بعد صمت رهيب حاول هذا الشخص ان يخرج هؤلاء الركاب من صمتهم فبداء بالضك ... وفىالبداية استغربوهو و لكن فى لحظات تحول البص لمسرح من الضحك.. و اى ممثل تعبر ضحكاته على حالته النفسيه اذا كان ألم او حزن ... |
كل الركاب كانوا مركبين وشوش مكفهرّة
الضحك من هنا يتضح إنه يعدي زي الانفلونزا معادلة : لو أي واحد من الركاب ضحك دفع 10 دولار وكل الناس الشافت الضحك وضحكت تدفع 10 دولار دي ثروة مش كدة ؟؟؟؟؟؟؟؟؟؟ وأنا من الذين ضحكوا يديك العافية خالد حاتم علي براءة |
اضحك الله سنك يا رجل :D
اضحكتني لمن اضحكتني الله بيسالني ضحكت لمن راسي وجعني:D ودموعي سالت لمن الميكب باظlooool جزاك الله خيرا |
اقتباس:
عليك امان الله كلو ضحكة بي 10 دولار !!!! :eek::eek: مع اللزمة الاقتصادية دي ! :( تاني كان شنفنا الضحاكات زاتا ما بنضحك goood |
استاذنا خالـــــــــــــــــــــــــــــــــــــــــد
اضحك الله سنك ...ضحكت لمن غلط ..جزاك الله خيرياباشا دايما الكبير كبير ياكبير |
اضحك ياخ تضحك الدنيا معك
اقرف بتقرف العالم معاك :D اذا كان رب الدار قرفانا فشيمة اهل المنزل شنو:confused: غايتو بقينا نخاف عدييل من مداخلاتك تسود الدنيا في وشنا وكرهتا لاتحلمو بعالم سعيد اما الشكية لي الله فقد صارت حصرية احتكرتها رسمي حتي خفنا ان لا يجد الشاكين اي فرقة:o فكها ياخ خلي الناس تضحك هسي عليك الله البص دا مش هو الحياة زاتا والركاب انحنا تفاؤلو الخير تجدوه هسي صاحبك دا كان بكي كان لقي زول يتنخج معاهو:D رغم انو الخواجات بعملوها تعاطف ساي بالجنبة الغريبة ياعكود خالك صوتو متفائل:cool: وكلو حيوية وشباب غايتو الاصوات خداعة:p:D |
| الساعة الآن 04:59 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.