ضل راجل ولا ....؟؟؟؟؟؟؟؟
لا ادري اصل هذه المقولة ولكن يبدو لي انها مصرية ممكن..:confused: فضل راجل ولا ضل حيطة!!!! ولكن مايحيرني هو لماذا ضل الراجل وليس الراجل نفسو؟؟؟؟!!!! اري فيها انهزام وقبول باي واقع ؟؟؟ لماذا لايكون ضل شجرة ضل ضليل لماذا ضل راجل؟؟؟ ولماذا من اجل هذا الضل ترتضي المرأة احياناً ان تعيش...في اقسى الظروف من معاناة وعذاب..وحرمان من ابسط الحقوق ..ولكن المهم هو ضل الراجل!!! هل الضل هو كفالة الرجل ..وكنفه ؟؟ام الضل هو ريحة الرجل..واهو اسمها الواحدة متزوجة وعايشة في ضل راجل؟؟؟؟ هل تهرب المراة من كنف الاسرة ودعة الاسرة لتستظل بضل الرجل؟؟؟؟ او كما تقول البعض:- جحيم الراجل ولا نعيم الاهل!!!! هل الضل هو خيال المآته...الذي توهم المراة نفسها به بانها هي الحياة الزوجية وسعادتها التي تمنتها طول سنين عذوبيتها!!!! والله لو الضل بي همبريب ويهبهب اهلاً بضل الراجل... لكن لو كان ضلاً سمومو يحرق ويلهب فلا اهلاً به!!! لو دار الزمان باي امراة متزوجة هل ستقبل الضل الذي تعيش فيه ام ستبحث عن ضل الهمبريب...؟؟؟ يجب ان لانرضى باضعف الايمان الضل... ولكن برجل ليهو ضل....فتلك غاية المنال.... |
اقتباس:
ضل راجل و لا ضل حيطة من أكتر الأمثال البتكرس لي ثقافة الإختزال السلبي للمرأة في ظل مجتمع محفوف ببنية وعي تناسلية متطرفة و حادة الحواف و ما بتقيم المرأة خارج دائرة البايولوجي و المرأة المسكينة و المغلوبة علي أمرها عشان تتصالح مع نفسها و مع مجتمع بيتعامل معاها بالمفهوم ده بتلقي نفسها بوعي أو بدون وعي مهمومة في المقام الأول بالشأن التناسلي و كأنو ده دورها الوحيد في الحياة يعني الزواج بشكل الهدف الإستراتيجي الأول في سلم أولوياتا عشان تحصل علي تقييم إيجابي ينأي بيها عن دائرة المصطلح اللزج (البايركس) و يشعرها بي قيمتا الذاتية و الإنسانية ما داير ألوم المرأة هنا و أقول إنها بتساهم بشكل أو بآخر في ترسيخ مفاهيم الإختزال السلبي للإنساني فيها لكن أقدر أقول أنو المرأة مطالبة في ظل تزايد حركة الوعي بالتعامل بإيجابية مع الواقع السلبي المحيط بيها بدلا من الإنهزام و مسايرة الركب. |
مرافي
سلام و تحية ولكن مايحيرني هو لماذا ضل الراجل وليس الراجل نفسو؟؟؟؟ أصلاً المثل لا يستقيم عقلاً لأن ما كل راجل عندو ضل:confused: و لا كل الحيطان توفر الفيء و الضل و ضل الراجل المقصود به في المثل هو القوامة .. من توفير العيش الكريم للمرأة و حمايتها و تربية الأولاد و إلخ ... فكم من رجل تزوج و لكن لا ضلاً رقد بقفاه أو قدامو و لا حتى بقى تعريشة راكوبة أم رقراق... صَيْ ساااكت و صقيعة. و ضل الحيطة لبعض النساء أحسن .. حيث أن ضل الحيطة المقصود منه هو بيت بلا زوج .. فقط جدران توفر الإستظلال بالضل. دمت |
اقتباس:
غايتو الواحد ما عارف يقول شنو:confused::confused: |
اقتباس:
عمو فتحي مالو اسم ابوي احسن اكون فلانه بت فلان معززه مكرمه ولا فلانه زوجة فلان و انا اشرب المر لكيعاني نظرية تانيه سمعتها من حبوبتنا الشفه عتيق (يا بناتي جيبوا ليكن حوار من حمار , الحوار يقعد يونسك و الحمار يبرطع يخليك)مع الاعتذار لكافة الرجال و دي ممكن تكون نوعا ما اخف من ضل راجل, لانها قايمه على مبدأ المنفعه من الزواج و هي الانجاب |
اقتباس:
|
اقتباس:
العفو يا عمو فتحي المقامات محفوظه انا شايفه انو مبدأ ضل راجل دا مبدأ عقيم , شوف الان في نساء تقلدن مناصب و درسن علوم اصبحن ينافسن فيها الرجال, و مرات كتير الواحده بتكون ما متزوجه و احتمال انشغالها بالتحصيل العلمي و الوظيفه يخلوها ما تفكر في ضل الراجل خلي الراجل نفسوا , صاح ممكن يكون على حساب اشياء كتيره لكن عدم وجود رجل (زوج) في حياتها لا يشكل عائق بالمناسبه جدي التاني اسمو الخولي شفت الكلام دا كيف يا عمو فتحي |
اقتباس:
ناس ود عثمان..كدا من الليلة حنعمل سوا حلف تيراب الحلب البجيبو للناس الجرب:Dgoood:D |
اقتباس:
|
[color=#0000FF]
مرافى مسأءتك طيبة ،،، حقيقه موضوع كبير ، ومعانيه اكبر بس حا اختزلو ليك فى كلمات بسيطه ،،،وهو نحن دائما الموروث بحكمنا بى قوانين اشد من القوانين الدينيه ، بمعنى انو الواحده لو اتزوجة الدين بحلل ليها الطلاق فى حالة تعثر الحياة ، لكن المجتمع بنكر عليها الحق ده ، وبنشوف المطلقه بتمر بى عوائق كتيرة بخلقه المجتمع حولها ، مع انو اى بيت او اسرة بكون فيهو مطلقة !! يعنى عادى .. نظرة المجتمع للمرأة للاسف نظرة دونية ضيقه جدا ، بقوم يجرده من ابسط الحقوق ، وبديها للراجل مهما كان (شكلو ) العام ..يعنى المتعلمة وغير المتلعمة ، فى الحد السوا ء امام ظلم المجتمع ، وبتكون ناقصه طالما ما اتزوجة ، ويفترض ان تتزوج باى راجل المهم بس تكون اسمها ...متزوجة !! ودى المشكله .... بعدين ليه ضل راجل ! ليه مايكون امان راجل ...حب راجل ...ليه بس ضل ...والسلام :confused: مجتمعنا بجرد المرأة ...او خلينا نقول ...العلاقه الزوجية عموما من اى فهم عميق ...لى اداء واجب بدون اى فهم ...غير الشكليات والبتكون وراها مآآآآسى ....[/color] |
النسوان ديل خلو بالكم زي الدايرات يقولن ضل حيطة ولا راجل حيطة goood... يعني إن لقنو حيطة يقولن إخير ضلها !!! هي عينن دي متين إتملت !!! بالقليل إعتبرنو ضل راجل ... وبالسترة يمرقنو حيطة ساي ... ومايلة كمان !!! والبتتّكل عليها بتاكل بردلوب !!! وإن بنسمع طربقتن دي كان من زمااااان جابننا بردلوب !!! نقناقات جنس نقّة !!! وفي النهاااااية ... كل واحدة بتختار ضل حيطتا براها ... زي ما هو اختار راكوبتو goood وفي منهن يخلنو حيطة قصيرة بحركاتن ديك ;) (كل يوم تشيل منو طوبة وتجي على راسو طوبة) فـ طوبى لهم الجوز !!!! دا لو ما هدّتو من ساسو وجننتو في راسو !!! وارتاحت من خلقتو دي !!! المرا النجيضة بـتشممو فُلّها عشان تكبّر ضلها ... دا إن لقتو راجل هلهلي طبعن !!!! القضية يا زولة .. قمرية دايرة تبني عشها قشة قشة ما تقعدن تعملنها ليها حيط ومداميك وقعاد ضللة !!! وإن جينا مسكنا ضل الراجل ذاااتو تعملنها لينا دا باهت ... ودا رمادي ... ودا رقراقو كتير ... ودا سجمي ما عندو ضل حتى لو كان انسان شفاف looool .. بعدين احنا البندق البيبان ... وعلى هذا الاساس نقوم نتقدم لفتاة الأحلام الساعة تسعة صباحا او تلاتة العصر لقياس ضلنا المرسوم على رمل المسافة وشاكي من طول الطريق ... عشان ما تجن تشتكن من ضلنا في الليل دا على حساب حسرتكن !!! هي الوجعة إن بقت في الضل امرها هييييين ... الكلام على اللون الأساسى البمنح اللوحة ازدواجية القراية داك عارفاهو ؟؟؟؟ ياخ البفتح الضوءبين خطوط الريشة والخط الاضافي برضو ما عرفتيهو ؟؟؟؟ ياخ الجاي من شبكة الزول العريس قتا ليك :D:D:D. ياخ القناعة بتغنيك عن دا كووووولو ... ياخ لسه في ضهب ما لاقيات طريقة يقيلن في ضل راجل من سموم الدنيا دي !!!! وفي منهن إن لقنو فيييي عضمو دا .. يختارن النار الضلها يحرق ... وكدا يعني looool |
سلام يا مرافى
الموضوع (مثل) نصه بقول المرأة (ضل حيطة ولا ضل راجل) .. بالظبط مثل تفسير (مدام) حنفى .. (ده لقب خواجاتى) مشكلة المثل ده ما فيه راجل على الإطلاق ولا يصل عالم الرجال .. ده مشكلة نسائية 100% وهى (العنوسة) .. والعنوسة هى مشكلة المرأة أمام المرأة .. فلن تجد المرأة عندما يتأخر قطار زواجها تشنيع إلا من أختها المرأة .. فزواجها يكف عنها ألسنة النساء .. فقيل المثل بأن المرأة يجب أن تقبل بالزواج ولا تفكر فى التفاضل فيشمت فيها النساء .. يعنى الموضوع ما فيه أى جندرة .. ونحن الرجال بنقول للراجل الما عرس (عرفا ود الكلب) :) |
أرى ان الموضوع تحول بين الاعضاء من خلال الردود على إلى وجهات نظر مختلفة
موضوع اكثر من رائع وفيه من الصراحة والجرأة المثل خاطى مية بالميةوهذا مثل شعبي تداولته جداتنا لتظل المرأة محافظة على زوجها ولو كانت معذبة ومظلومة ومهانة ولا يجدون لها حلا إلا تصبيرها عندما يتخلى "بعض" الرجال عن مسؤلياتهم تلقى بالمسؤلية على المرأة وإذا لم يكن هناك ظلاً للرجل ؟ أعتقد أن ظل الحيطة أفضل بكثيرماحيطة بس لو ناطحة سحاب وتحياتي |
اقتباس:
|
لا ضل ولا حيطة00
هي قناعة00 والقناعة كنز وبعدين المرأة بطبعها نكارة للجميل في لحظة غضب ممكن تنسى كل حاجة وتقلب الراجل حيطة مايلة00 دا لو ما كسرتها00 |
| الساعة الآن 10:12 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.