شـــــــليل ..... يدٌ سلفت ودينٌ مستحق
بسم الله الرحمن الرحيم السادة أعضاء سودانيات .. السلام عليكم ورحمة الله وبركاته واليوم تباشر الأخت سمراء مهامها فى الإشراف على منتدى ( نوافذ ) ومسؤوليتها فى متابعة شؤون العضوية أسمحوا لى أن أقف إجلالاً وتقديراً للأخ شليل وأحيى باسم مجلس الإدارة والمالك والمشرفين وباسمكم جميعاً جهوده التى كتبها مداداً صادقاً وعملاً دؤوباً .. الأخ الفاتح .. ستظل ( نوافذ ) ـ وجدانياً وروحياً ـ ترتبط بعزفك الراقى وأثرك الجميل ونعاهدك أنا على الدرب سائرون نحو جيل يعشق الكلمة ويهوى الإبداع فالتحية لك مقرونة بأجمل الأمنيات وصادق المحبة .. حقيقةً كنت أود أرسال هذه التحايا عبر البريد الخاص , غير أنه وبلفتٍ جميل من الأخ الجيلى إرتأيت أن تكون هنا لتشاركونى جميعاً بضع كلماتٍ أنيقة .. فللرجل فى أعناقنا يدٌ سلفت ودين مستحق .. وتفضلوا بقبول التحية النور يوسف .. |
الاخ النور جميلا ان نكرم من لونوا حياتنا بالالوان قوس قزح وسكب ماد الجهد فازدهت لوحات حياتنا برئشتهم فله الجمال والشكر الحزين لفقد شخص باقامته وكم نتمني ان يلتم الشمل و يجتمع العقد الفريد في رحاب التواصل والمحبة
وله الشكر والاجلال وقنبوا عافيه |
العزيز النور
وكل طاقم الادارة تحياتي لفته بارعه منكم كطاقم ومن الجيلي الوفاء من شيم الكرام و انتم كرام شليل اتمنى لك كل الخير و التوفيق في اي مكان حقيقي كنت وسطنا اخ غالي و صديق عزيز تظل نوافذك دائمه مشرعة في دواخلنا نستظل بها من سخانة البورد ورهق اليوم على يقين بان سودانيات سوف تجمعنا مرة اخرى كما جمعتنا سابقا |
شليلنا لايحتاج الا اى كلمة تقال له ....او عنه ! هو اكبر من اى كلمة ممكن توصفو او تجزيئه حقه ...! بس بختصره فى حروف القداال : شليل ما راح شليل ما فات شليل عند المسوروحرق بقالوا حصاد شليل فوق التقانت قام خضار وبلاد شليل مسدار شليل مشوار شليلنا أرضنا آجنيات شليل قايم نصاصي اليل يتمتم ليلو وردية حرازنا شليل .. شليلنا دليب شليلنا دليل علي البلدات بعد درب التبلدية شليل ما راح شليل ما فات شليلنا ونحنا همباتة ومهاجرية مزارع بات علي عشقين .. تراب بلدو وسماح فوق بت مزارعية. ويكفى انو شليل اخو الاخوات ، وغطاى مقنع الكاشفات ... |
الشكر موصول للأخ شليل على مجهوداتة
وله الود والإحترام |
شليل الزّين عشا البايتات ..
ومتوقّي السّماح عِمّه .. يشيل الفال حنين غنوات ... يبشِّر بيهو في الرّقصن بنات عمّه .. ........... .......... .......... كل ما ننثره ونقول ..لا يجزيه حقه .. حقا تعجز اللغه عن القول .. وإتوقيتك لوح ومحايه .. وإستنيتك ..تبقى معايا .. هنا دارك ونحن ضيوفك ...تعال ... شكرا صديقي النور ..عرفناكم أجلاء .. دمتم ... |
تعجز الحروف و الكلمات ان توفي هذا الرجل حقه، و لكنه حتما مقيم بالدواخل في محبة و مودة راسخة .. و تلك النوافذ غرس وجب رعايته، و سنحمله في حدقات العيون يا ابا سعيد، تختلف الدروب و تتقاطع ايها الصديق، و تبقى المحبة نستظل باوجها ذكرى و نقاء .. شكرا لهذا الوفاء يا اميننا العام، حادي الركب، مستلهم التجديد و التطوير، و قائد البذل و العطاء .. |
يدٌ سلفت بس ؟؟؟؟ وسلّفت كمان .. ما فلسّت .. ولا أفلست ... |
نوافذ يا سلام يا نوافذ ،
أدين شخصياً بالكثير لنوافذ التى حتلتُ ولازلت أحتل فيها بالساعات الطويلة مستمتعا بالقراية المخمخيّة بى مزاج تريان و عيون مشدوهة و نهمة ، غايتو إن بقيت ركَّب نظارات ، ترا من عمايل شليل دى ، و الذى لملم لنا الدرر الثمينة و حتحتها و لمعها و أذابها فى كأس واحدة و وفر علينا تعب المساسكة و التفتيش من جاى لا جاك و وثق للكثير الكثير من الجمال المسكوب فى هذا السفر الجميل سودانيات ، شليل ، ياخى شليل دا يشكروهو كيفن هسع ، هو ذاتو ما خلالنا حاجة نضيفها ولا جنبتن نرقد عليها من شدة ماهو زولن سمح و ديسنت و خدوم و ناكر للذات و معطاء ، شليل دا ياخى يمثل وغصبن عنو وعن تواضعو أحد الأعمدة و الركايز الأساسية لكل ماهو سمح و جذاب و لطيف فى البكان دا ، و نحن إذ نفتقده فى نوافذ إنما نطمع فى المزيد منه فى نفاجه الجديد ونفاجاته القادمة بإذن الله و القلب داعيلو و لأمثاله من الشباب الذى يوضع على الجرح فيبرأ ، فيا جراح البلد المنسية ، أبرى ياخى و شيلى من شليلك وضمدى ، قسمت بى الله بتشفى . ونوافذ المفتوحة على الرويحة التعيبانة تراها متاكية ومزلاجها أهو فى اليد السمراء الطيبانة وعوجة تب مافى ، فالأرض تحبل بالحلال و تنجب بالحلال وينبت الجمال ويبتق محل ما ندفق من روحنا السمحة فى السهلة ، و الواطة واطاتنا ، و الصلاة صلاتنا ، نقع و نقوم على منجلَّا تنا ، شليل يا بنج : حب شوالات و براك عارف - إنتو أدوات التنسيق طفشت شقيش يوماتى شغالة بس يعنى لازم تحرجنا مع شليل |
نوافذ يا سلام يا نوافذ ،
أدين شخصياً بالكثير لنوافذ التى حتلتُ ولازلت أحتل فيها بالساعات الطويلة مستمتعا بالقراية المخمخيّة بى مزاج تريان و عيون مشدوهة و نهمة ، غايتو إن بقيت ركَّب نظارات ، ترا من عمايل شليل دى ، و الذى لملم لنا الدرر الثمينة و حتحتها و لمعها و أذابها فى كأس واحدة و وفر علينا تعب المساسكة و التفتيش من جاى لا جاك و وثق للكثير الكثير من الجمال المسكوب فى هذا السفر الجميل سودانيات ، شليل ، ياخى شليل دا يشكروهو كيفن هسع ، هو ذاتو ما خلالنا حاجة نضيفها ولا جنبتن نرقد عليها من شدة ماهو زولن سمح و ديسنت و خدوم و ناكر للذات و معطاء ، شليل دا ياخى يمثل وغصبن عنو وعن تواضعو أحد الأعمدة و الركايز الأساسية لكل ماهو سمح و جذاب و لطيف فى البكان دا ، و نحن إذ نفتقده فى نوافذ إنما نطمع فى المزيد منه فى نفاجه الجديد ونفاجاته القادمة بإذن الله و القلب داعيلو و لأمثاله من الشباب الذى يوضع على الجرح فيبرأ ، فيا جراح البلد المنسية ، أبرى ياخى و شيلى من شليلك وضمدى ، قسمت بى الله بتشفى . ونوافذ المفتوحة على الرويحة التعيبانة تراها متاكية ومزلاجها أهو فى اليد السمراء الطيبانة وعوجة تب مافى ، فالأرض تحبل بالحلال و تنجب بالحلال وينبت الجمال ويبتق محل ما ندفق من روحنا السمحة فى السهلة ، و الواطة واطاتنا ، و الصلاة صلاتنا ، نقع و نقوم على منجلَّا تنا ، شليل يا بنج : حب شوالات و براك عارف - إنتو أدوات التنسيق طفشت شقيش يوماتى شغالة بس يعنى لازم تحرجنا مع شليل _____________________________________________ كدا كيف ياوليد.. عجبنى كلامك بالحيل, فى زولآ مابتقال فيهو الكلام.. |
اقتباس:
[align=right] يابا إنت هسع فرقك من شليل ذاتو شنو ؟ ما ياكا نفس الظبطى إريتك تبقى طيب و ما عدمناك بالله بس جيت أرد عليك أكان فرجت ولقيتلك أدوات التنسيق هبطرش ، تلحقنا و تفزعنا يا المبروك . شوقك حقك براك . [/align] |
حباب الارباب الوليد الزول دا بتدورو تجيبو أجلو ولاشنو,:D مشتاقين بالحيل يالوليد, ومتابع أخبارك وصورك المحزم فيها:D فى كتاب الوش يااخى شوفتك بالدنيا |
ندين له بالكثير .. دون شك .. !!
له احترامي ولكم .. !! |
[align=center]......[/align]
اقتباس:
[align=right]تسلم يا أبو اليشا ويسلمو ليك حبَّانك ، البنج دا قول ليهو أكان ما رسلت لى باسويردينى براك لحوشك السمح داك مانى مارق من هنى ، المعنى نحنا كمان عمَّشنا و الكُبُر بدورلو بصارة ، بندور وصًّاف للدرب و مقواد ،فى شان المرقة و الدخلة . :D:D [/align] [align=center]......[/align] |
اقتباس:
شليل.. شكرا جزيلا ياسيدي. |
| الساعة الآن 04:13 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.