الحزب الشيوعي السوداني : بؤس الايدولوجيا !!
ال استاذنا خالد الحاج و أخرين ممن أرهبهم زعيق الايدلوجيا الخواء !!
(1) في نقد التاريخانية : كان السيد كارل ماركس يتجول يوما في شارع (ريجنت ستريت ) بلندن ذات صباح حينما أبصر في واجهات احد المعارض التجارية نموذجا لمحرك قطار كهربائي فهرش شعر رأسه الكث و قال : ( حلت المشكلة أذن . فبعد هذا الانقلاب في الثورة الصناعية و هي اقتصادية في المقام الاول لابد أن يبع ذلك ثورة سياسية اذن الاخيرة ما هي الا تعبير عن الاولي !) لم يشغل بال الاخرين دون ماركس بالطبع هذا الاختراع الرهيب الذي عده كارل ماركس اساسا للثورة السياسية لكن ما غاب عن كارل ماركس نفسه ان القطار لم يكن اختراعا القصد منه في الاساس نقل البضائع و السلع اي هدفا تجاريا بحتا أذ ان عربات البضائع ظهرت في مرحلة متأخرة جدا من ظهور عربات نقل الركاب و هكذا سقط ماركس في فخ التاريحانية السوداء توصف الماركسية في الغالب بأنها تجسيد مثالي للمذهب التاريخاني في الفكر و يصف كارل بوبر الفيلوسوف الليبرالي الاماني الذي كان قد تحول عن اعتناق الماركسية خلال النصف الاول من القرن العشرين - يصف الماركسية بأنها تجسد التاريخانية في أنقي حالاتها و التاريخانيىة كمذهب يري أن الفكر دوما مرتبط بالسياق التاريخي و أن تطور التاريخ محوم علي الدوام بحملة عمليات معروفة سلفا تسمح بالتالي بالتنبوء بالمستقبل و هكذا فان التاريخاني كما يصفه (كارل بوبر ) هو شخص يقف علي حافة النهر و هو يقول لنفسه في بلاهة ( لقد كنت أعرف دوما أن النهر سوف يمر من هنا !!) لكن كيف سقط الفكر التاريخاني في الفخ ؟ لقد بطلت مثلا كثير من تنبواءات السيد كارل ماركس فيما يتعلق بتطور المجتمع الرأسمالي و بروز افق المجتمع الاشتراكي مما حدا بالمجتمع الرأسمالي الغربي أن يجعل من الفلسفة الماركسية برمتها موضع بحث و تساؤل الي يومنا هذا بينما تحولت في بلدان العالم الثالث الي عقيدة صماء جامدة لا تقبل المساءلة و لا الجدل و لا يمكن تخطي الماركسية الا بالماركسية نفسها و من خلالها لقد أشار ماركس مثلا في كتابه الاسطورة (رأس المال ) الي أن الالات جميعها في طريقها الي التضخم و الي أن يصبح لديها محرك بخاري لكن واقع الصناعة اليوم يثبت عكس ذلك مثلا الة السخان ما تنفك تظهر بحجم أقل و أقل و هذا المثال يوضح لنا أن ماركس قد نظر الي المخترعات من خلال وجهة نظر الانتاج لا الاستهلاك . أن أوضح نتيجة يمكن للمرء أن يلحظها من خلال قراءة رأس المال في هذا السياق ايضا أن الرأسمالية غير قابلة للاصلاح البتة و بالتالي يجب تحطيمها و اقامة المجتمع الاشتراكي علي انقاضها لكن واقع التاريخ ينسف هذه المقولة فهانحن نري دولة مثل بيرطانيا قد أجرت اصلاحات كثيرة علي النظام الاقتصادي بل أن العامل في الغرب الرأسمالي كان يعيش في رغد من العيش لم يعرفه مثيله في دول ما كان يعرف بالمنظومة الاشتراكية بل أنه و خلال حياة السيد كارل ماركس نفسه استطاع بسمارك مثلا موحد الالمانيتين أن يدخل اصلاحات كثيرة في بنية الدولة الراسمالية .....(يتبع) |
يازول شوت كورك كلها وبعدين أرجي راينا..رايك راي زول قرا في الكتب وراينا راي ناس عاشو البتقولو انت وكانو في وسطو قبل وبعد زوال الشيوعية في الدول الاشتراكية السابقة.
وعربون كلام كدا أقول ليك أنا كنت قبل فترة في جمهورية التشيك وقعدت مع مجموعة من الأصدقاء الكانو بيهاجمو الشيوعية زمان ومتمنيين سقوطا..نفس الجماعة ديل لقيتم الليلة بيبكو ويتحسرو علي نعيم الاشتراكية الكانو عايشين فيهو.. كارل ماركس دا بشر ما نبي يعني معرض للخطأ والصواب والمشكلة ما كانت في تطلعاتو لكن كانت في الناس الطبقو نظريتو زي ما المشكلة هسة في الاسلام والمسلمين(الكيزان) البيطبقو الاسلام غلط.. |
اقتباس:
|
اقتباس:
أمال أجرك كيف ياود اسحق:confused: بعدين ياخ انت مش قلت انك مسلم لكن ما كوز أنا ذاتي ياخ مسلم وما كوز..تفتكر كلامي دا قاصد بيهو روحي:confused: غايتو يابدر الدين أنا لو منك البوست دا ببعد منو عشان لغاية هسة الصورة فيهو ما وضحت ولسة أخونا معاوية ما ورانا هو بالضبط شايت وين والخوف مداخلتي تكون خوفتو من الاستمرار علي نفس النهج البدا بيهو:Dgoood |
اقتباس:
لن نقطع عليك سردك و لكن حبيت أنبهك إلى انك محتاج شغل كبير عشان تثبت بؤس و زعيق و خواء هذه الأيدولوجيا و لو فشلت حا نرد ليك التهم دي! و نقول ليك: يا بائس يا زعاق يا خاوي... متابعين |
اقتباس:
يا بابكر .. لو فشــل بكل بساطة توضح ليهو ان : الماركسية ( نعم الايدلوجيــا ) وان الايدلوجيا لا زعيق لها وانها ممتلية لا خواء فيها وبــس .. شكلكم طفشتو الراجل .. ( بتربصكم انت والخواجة ) |
اقتباس:
انت وبابكر واقفين ليهو زى بتاع الحركة وتنظران اليه شررا .. وبتقولو ليهو انت ما عندك رخصــة وما عندك فرامل .. ومع ذلك سوق لحدى المحطة الاخيرة ونحن راجينك .. انا فريت من البوست خليهو سيدو goood |
اقتباس:
عساك بخير يا صاحب وشكرا لحسن ظنك كونك تهديني مطلع أفكارك وأنت تخوض في مسألة شائكة ... إنتظرتك كي تكمل .. لكن يبدو أن الجماعة "نفّروك" ... فكرتك لا تزال مبتورة مما لا يسمح بتداخل شحمان لكن أجدني أتفق معك علي الأقل في الجزء الثاني من قولك أدناه . اقتباس:
يتعاملون مع مقولات وأفكار ماركس كأنها نص لكتاب سماوي لا يأتيه الباطل . وينسون الظرف الزماني والمكاني الذي استندت عليه هذه الأفكار . بل تزمتهم وتمسكهم بالنصوص يناقض حتى بعض مقولات وأفكار ماركس نفسه. أما النظام الرأسمالي وتطوره حسب قولك ففي هذا قولان ، خاصة وأن الرأسمالية تمر في هذه الآونة بمحنة هزت المجتمعات الغربية بشدة وأثرت فيما أسميته "رفاهية المواطن" في الغرب وخلخلت مسلماته بل تهدد قوته وأساسيات حياته من تعليم وصحة وعمل . أقول هذا وأنا أعيش في الغرب وأعلم أحوال مواطنه حق العلم (فرست هاند ) . واصل يا صديقي وألف مرحب بيك . |
اقتباس:
بعدين مش عندكم خيارين، تأخد حقك أو تعفي؟! أنا و الخواجة قلبنا علي الراجل و خائفين عليهو من ناس الجلد و الراس! نحن يا دوب مؤلفة قلوبهم، و مرتد، على التوالي... |
اقتباس:
خوف النظام الراسمالي من ثورة العمال خلاهو يعمل خطوط دفاع مبكرة تحقق رفاهية للعامل و دا أكثر من الحد الادني بتاع الاشتراكية النظام الراسمالي الموجود في الغرب دا ليس بنظام راسمالي بحت و فيهو قدر ممتاز من الاشتراكية.. |
حبابك عشرة فى سودانيات يامعاوية,
وفى انتظارك لتكمل, كلامك دا بى حالتو دى أخرامو كتيرة بالحيل, ومابدعم ليك اهاناتك المجانية للماركسية والشيوعية... أها يازول فى رجاك عشان تكمل وبعد داك الواحد يرد عليك, لنخرج بفائدة من هذا الحوار |
اقتباس:
|
اقتباس:
يا رجل افصــح / دلل / ابــن ... لماذا لا يكون تحقيق رفاهية العامل من اصــل الفكر الراسمالى ... لسبب بسيط ان تعريــف ومفهوم العمل قــد تغيــر ... فالعامل بتعريف اليوم هــو الراسمالى بتعريف ماركس فى زمنــه ... |
اقتباس:
داير أقول انو وجود النظرية الماركسية في الوجود كان له دور إيجابي في تطور الراسمالية في الغرب بالرغم من عدم تطبيقهم لها.. يا أخي انا قبل دقيقة قلت داير أقعد في المساطب! نسيت: انت ما لك و الفكر الراسمالي؟ هو نفسو فكر الاقتصادي الاسلامي؟ |
اقتباس:
تعرف يابابكر لو قريت الماركسية بتمعن وجيت قريت عن الرأسمالية بتلقي انو الرأسمالية المصريين لخصوها في المثل البقول : معاك قرش تسوي قرش معاكش ما تسواش..ودا نظام القوي ياكل الضعيف.يعني مافي نظرية من أساسو لكن في فرفطة مهروسين زوقوها بالنقابات والبرفع راسو كتير بقطعوهو ليهو زي هوفا.. أما الفكر الاقتصادي الاسلامي فهو في نظري أساس الفكر الاقتصادي الماركسي وماركس نفسو استمد الكتير في نظريتو من الاسلام..وجو بعدو العفالقة مشو في نفس الطريق.. المهم بدر الدين دا ما أتي لحوار بل لغرض في نفس يعقوب.. |
| الساعة الآن 12:55 AM. |
Powered by vBulletin® Version 3.8.8 Beta 2
Copyright ©2000 - 2025, vBulletin Solutions, Inc.