الي صديقي كرمبع يجدكم بخير
سلامات
ولهفات من يدخل المكان مطمئن وانا هنا ابحث عن كرمبعات قدام اسفيريون وحقيقون استشفهم بكرى حسن ياسر كبوش وامنياتى يا ودسميره ان تكون قد عبقت المكان ابحث فى هذا البيت الوهيط عن عشق الكرمبعات السودانيون ال............ اليكم كرمباعتى السلام نص ماتقيف معاي أديني أيدك أو أقيف أحرس قفاي أنا ماتعبت من الاسي أبقالي ...ياكرمبع ضراي ما الدنيا كانت بيني بينك أحتمال نتلاقا في الشارع سوا أو في الحلم طوااالي بلقاك في حداي أديني خاطرك ياحبيب أطفيلي نار الفرقه أنشلني من هذا الحريق هوي ياكرمبع يارفيق الوحشه والاسي والهظار تخميست الشاي في النهار ترمس بليله وكبكبي مرسومه في حلقي الدموع اديني أيدك ياأخوي في الحاره جد ياأبوي فيك الجلد يازول متل..حله..وفريق لمه..ونس غنيان...فلس حقه وحجاب أفتحلي ..باب الدنيا بعدك ياحبيب ذي اليباب ياكرمبع الزول العديل سندي ..وضهر شنطه..وعزاب كراسه وأستيكه وحبر ضحكاتو في السماء تسمعا هلة فجر وانا..ياصديق عارفك فقر راسك..كبير مليان سفر مليان أسي 0 ياسيد الطيبين صبر ياكرمبع المسكون قطار شارات وداع ضمه..وحنين مين علمك هذا السفر سخرية..الالم الحكر ولا الوطن المابي يديك الامان كرمبع |
((مين علمك هذا السفر
سخرية..الالم الحكر ولا الوطن المابي يديك الامان)) المحترم هشام تاج السر الاماني لك بالاستقرار والسعادة كل عام وانت بخير شكرا على النص الجميل. دمت بخير |
ياكرمبع
الزول العديل معقولة معانا هنا |
هشام كرمبع !!
تحيات نواضر وفرحة بالتواجد والتواصل عبر كوة اخرى اليوم وبالصدفه قابلت ود سميرة الكعب هو لايشبه احساسه ... مسخته الحياة لا ادرى |
اقتباس:
الف مرحب بيك معانا |
هوي ياكرمبع
يارفيق الوحشه والاسي والهظار تخميست الشاي في النهار يالله يالله يالله هشاااام ياصاحب سيب البخل تعال واحشنى نضمك |
اقتباس:
شكرا على حاج شكرا لترحيب المالوف راحه؟...........شكرا جميلا |
اقتباس:
كبوش جابنى ريحتك والله حنك وبشاشة روحك يااخوى شوقا لى ونسه عامره معاك.......تفاهات المطارات ابت بس جايك فسراع فسراع اوقد كانونك وصب الجبنه .اختى الجبنه البارده ثير القلب وتعلو |
اقتباس:
ياسمراء والله انبساط ليك .........كل سنه وانت بخير فرحت من لق احباب قدام . سمراء ودسميره ده كل السكك ابت تودى ليهو .......اكيد بلقاكم بلقاكم كلكم خليك بخير ومنتظر تحفك يازوله ياعديله |
اقتباس:
جيجى شكرا للترحيب والايادى الممدوده دفء شكرا جميلا |
اقتباس:
[youtube]http://www.youtube.com/watch?v=6JPZpvYyufg[/youtube] كرمبعنا الولوف ما اجمل سودانيات بوجودك |
اشتهيناك ياهذا
|
ديشااااااااااك
كرمبع ياخ ازيك وحمد لله على السلامه ((ياأخوي في الحاره جد ياأبوي فيك الجلد يازول متل..حله..وفريق)) الاشواق من هنا لى عندك |
بكور
يازول ياكرمبع فتشت وراك من باب لى باب لو تقدر تعرف نفاج للقلب ادينا صبر سفة تمباك ضحكات للغيم يازول سلامات |
| الساعة الآن 12:58 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.