طــــيبــــــة ~هــــواك مكنـّى
قبلته جاى ، وقبلته جاى !! حاولت اطلع من ايقاع كلماتك ..بس ماقدرته فرضتة روحه على ..احاطتنى الكلمات ، لقيت حتى حواسى بدوزن بيها ...حتى خطواتى على الارض بتقول طيبة ....ياطيبة ..! حاصرتنى ومالقيت بد غير .....اطلعه عشان اشوف اخره معاى !!!!! ياطيبه هواااااااك مالكنى ...حقيقههواك مالكنى اهديها لكم ________________________ _______________ __________ كل ما تباعد بينا عوارض كل ما هواك يا طيبة مكنِّى تلد الغربة .. الكُربة الواحِد بيكى أسمى الشوق .. وأكنـِّى ............ لمـّا أفوتك من دون خاطر أو دون خاطر منى تفوتى بلقى حبايب فى كل حِتـّة وكل بيوت الفُقرا .. بيوتى لا غيرت وراك الجِتـّة .. لا بدلت ملامح صوتى لا غافلنى وهادن فنى .. غام لى المدن .. الما عِرفتنى إبن الشوق الصبرو .. مصوبر للأرياف الكم .. وفّتنى وللأطفال الناشفة ضلوعا .. ونازفة بغنى أطمن روعا .. وأهتـّى دموعا ببسمة بكرة اللاّها تمنى .. ولا مصنوعة ..................... أغنى لشعبى ومين يمنعنى أغنى لقلبى .. إذا لوّعنى مخيـّر دربى الما رجعنى إذا طلعنى نخلة القرب .. أو الغربة الكدروبية تنزل غنوتى بى قمرية أو وقـّعنى فى بطن الجـُّبْ بطلع يوسف بالأغنية أغنى الناس الما بتسمعنى المِنِّى بعيدة .. ومبعدة عنى النادا نشيدا .. وكنت المعنى الإيدى فى إيدا .. وإيدا بتبنى فى دنيا جديدة اليوم .. راح تدنى وأريت غنواتى فى ناس شغالة تكون سُندالة .. وعود طورية ضراع رجالة .. كتاب أطفالا وجملة بالا .. الما مكرية سدّة مالا .. وبقـّة فالا فى ليلة الدخلة على أسمى قضية ............. حبيبة قلبى يا سودانية يا أسمى معانى فى زول بيعانى ياود ضكران .. ويابتْ دغرية وأنا إنْ سامعانى فضـّلت أغانى غُـبش .. فقرية وروح غانيانى حويتك منك يادافعانى براحة إيديا ويا جابدانى ... برفق عليا وما بتحيـّر بين الفوق .. وبين الناس التحتانية إلاّ مغـيـّر .. ولاّ عقُوق .. ولاّ كفيف الإنسانية ومنـِّك وين يا كاشفة عينيا بنور الإلفة .. ضِيا الحنية وحِلم العالم .. ناس تتسالم والبنى آدم صافى النية والأطفال الناشفة ضلوعا يطمِّن روعا وتبدى تغنى غناوى البكرة .. الكم مسموعة حسيس طنبارة .. مع نـُقارة صفِقتاً حارة .. ودارة تغنى فيا حلتنا عليكى تـُرابك .. وإنتى شبابك زينة الجَنـِّى أحلى عروس البلد اللّتنا ولاّ الغُبُش الرّابّة تهنى ولاّ هدير المدن التصحا .. وتمحى ظلام الحاصل .. عنـّى |
(1) [flash=http://www.youtube.com/v/XCjLk0Lviis&rel=1]WIDTH=350 HEIGHT=400[/flash] |
(2) [flash=http://www.youtube.com/v/RrnEnV-7OfM&rel=1]WIDTH=350 HEIGHT=400[/flash] |
أغنى لشعبى ومين يمنعنى أغنى لقلبى .. إذا لوّعنى مخيـّر دربى الما رجعنى إذا طلعنى نخلة القر .. أو الغربة الكدروبية |
يا جماعه مالكم علينا...؟؟
|
فيصل سعد ، صديق المقامات العاليه
دوما ماتشاطرنى لحيظاتى ...فهنيئاً لى وللجميع بك ... طيبة ، من الاغنيات القليلة جدا ، البتخلى دموعى تنزل ....دون ما اهبش سبب محدد !! وحتى مابفتش جواى ، او جواها كتير ..! لانى عارفه فى ميزان حساس بداخلى بقيـّم ، وينسق ، ويوثق لكل حرف داخل ! وطيبة بترددها حواسى ، قبل لسانى او عيونى .1 من الاغانى او الكلمات البهرب منها .....كتير جدا ً وبتحاشاها .. بس اليوم حاصرتنى بدون اسباب !! |
تلد الغربة ..القرب الواحِد
بيكى أسمى الشوق .. وأكنـِّى ............ |
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles...s/viewpost.gif تلد الغربة ..القرب الواحِد بيكى أسمى الشوق .. وأكنـِّى ............ سلام يا حبوب و ايامك طراوة و مريحة طلتك و حميم انت اينما توجد .. يديك العافية .. |
اقتباس:
المشاركة الأصلية كتبت بواسطة wadosman http://sudanyat.org/vb/images/styles...s/viewpost.gif يا جماعه مالكم علينا...؟؟ لمـّا أفوتك من دون خاطر أو دون خاطر منى تفوتى بلقى حبايب فى كل حِتـّة وكل بيوت الزملاء بيوتى |
اقتباس:
عبورك فى اى مكان يرشج القا ونغما دم بخير |
حبيبة قلبى يا سودانية يا أسمى معانى فى زول بيعانى ياود ضكران .. ويابتْ دغرية وأنا إنْ سامعانى فضـّلت أغانى غُـبش .. فقرية وروح غانيانى حويتك منك يادافعانى براحة إيديا ويا جابدانى ... برفق عليا وما بتحيـّر بين الفوق .. وبين الناس التحتانية الله الله ياسلام |
انه نزيف بحق ..!
موج يهدر فى الدواخل ..ويجرف بتياره كل الممكن .....والمستحيل! يا الله الغوث ! صورة أراها امامى ،، تتزائد وتتكاثر كطفيليات ! طوفان المعانى الجامحه وهى تنحت على جدران نفسى ... كم تألمنى تلك الشواهد الناطقة بالحروف !! اقتباس:
|
فيا حلتنا عليكى تـُرابك ..
وإنتى شبابك زينة الجَنـِّى [frame="4 80"]أحلى عروس البلد اللّتنا ؟؟ ولاّ الغُبُش الرّابّة تهنى ؟؟ ولاّ هدير المدن التصحا .. وتمحى ظلام الحاصل .. عنـّى ؟؟[/frame] يا الله ..... اسئلة وخيارات صعبة تحكي عن خوض اللهيب من اجل المبدأ شكرا حميد شكرا مصطفي شكرا سمراء |
اقتباس:
عاودنى فيك كل الشجن ياطيبة وبرضو هوااااااااااااااك مكنى |
اقتباس:
ناس تتسالم و يطمن روعا و برضو هواها مكني |
| الساعة الآن 06:26 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.