نحن وحوار دافئ
المكان: السودان الفترة:3/3-1/9 2010 يوم عادي،،افراد المنزل والروتين الصباحى،كل انطلق الى عمله.. المساء: المعتاد،،الغداء والنوم اخيرآ.. هناك زوجا وزوجة،يعيشان في مكان واحد،جسدآ فقط وروح كل منهما في عالم آخر لايوجد اي نوع من انواع الحوار!!وان وجد،،سيكون حول اساسيات الحياة المتعارف عليها،وغالبآ ماينتهي بمشكلة،ومع مرور الوقت نجد ان الثقافة التى بدأت تسود المنزل هي ثقافة الصمت القاتل،، وتمر الأعوام وهما علي نفس الوتيرة،لدرجة انه لا يوجد من يشعر ان هناك مشكلة وتلك مصيبة أكبر!! مصيبة أن الانسان بات آليآ وكأنه مبرمج علي اشياء معينة طوال فترة حياته،،وحتى اكون منصفة فهذه الثقافة هي السائدة في معظم المجتمعات العربية!!! يتساوى في ذلك المتزوجون قديما او حديثا!!او كان زواجا عن حب او كان تقليديآ،ويتساوى فيه ايضا كل طبقات المجتمع،بالاضافة الي شريحة المثقفين!!!! ولست اعنى بالحوار الدفئ حوار "مابعد منتصف الليل" فهو شئ مقدس،بل سمفونية في حد ذاتها،،يمكن ان تحوى امتع المقطوعات،،ورغم ذلك،، انا على يقين بأنها سيئة هي الاخرى!!لأن العازفين دائمآ مايعزفون النوتة من نهايتها.... ما أقصده بالحوار الدافئ مجرد حوار حنين وهادئ الفرض منه الاستمتاع بلحظة صفاء.. السودانيون هم من ارقي الشعوب على مستوى العالم في مجال الكتابة،ونظم الشعر العاطفي بل والقائه علي المنابر العامة ايضآ،،لكن..كم من هؤلاء لديه الجرءة على ان يطبق بلسانه ماخطه قلمه؟؟! وكم منا يستطيع ادارة حوار دافئ وخاص دون أن يشعر بالنقص!!! حوار من شأنه دفعنا للمضي في هذه الحياة لكى نستمتع بحلاوتها،ونتغلب على حزنها ومرارتها. لذلك خلق الله الانسان ثم قال له:انت آدم،وانت حواء.. .....خطر في بالي "عم عبد الرحيم" لاقالتلو،كيف،كيف أصبحت كيف لا لمسة حنان لا رمشة طريف،،من قلبآ وفي زي أيام زمان".......... رائيكم؟؟؟؟ |
التحايا و الأمنيات الطيبات حنين
ما داير أتفلسف و أقول إنو دي ضريبة عصر ما بعد الحداثة و كلام الجماعة الإنتلجنسيا الكبار داك :D:D:D لكن دي مآلات تسارع إيقاع الحياة و انشغال الناس بأنفسهم عن أنفسهم إنحسار مساحة الحوار و التواصل الإنساني في حياتنا علي كل المستويات ... و بالذات علي صعيد الأسرة الواحدة ... بين الزوجين ... بين الآباء و الأبناء الواحد بقة تواصلو مع الوسائط التقنية من تلفزيون و إنترنت أكتر من تواصلو مع محيطو الإنساني لدرجة إنو الواحد لو التلفزيون عندو باظ و لا الطبق بتاع الرسيفر الهوا رماه تمسكو الكاروشة لحدي ما يصلحم بس في النهاية أرجع و أقول يا حنين إنو العيب ما في الزمن و لا في تسارع إيقاعو و لا في تعقد متطلبات الحياة العيب فينا نحن البندي الحياة فرصة إنها تقتل فينا تواصلنا الإنساني. |
ولا ياربي العيب في تربيتنا لفصلت الولد عن البت
وعاملت الولد بجفاء وما علمته الحنية وصورت ليه الرجوله بمنظار الجفاء والصلد والغابية و خلقت منه اسد ولا الربت البت على العيب والخجل وخلت عواطفنا عالقة عند هذه المسميات ولا موروثنا في المجاملات والتجمل امام الاخرين الحقيقى التربية السودانية منعتنا من تزوق مزاقات جميلة وحرمتنا ال من التمتع بها وانا مرة سئلت عن رأي في الرحل السوداني وكان رأي انه الرجل السوداني رجل اختار كل الامتيازات وترك خيار السعادة في الهوامش فقط احمل الحنين لكل رجال بلدي الذين يقسون على انفسهم وهم اربعة انواع -رجل يقسوا ولا يدري انه يقسوا-ودا قمة الجعلنة وقد عفاه الله شر المعاناة =ورجل يقسوا ويدري انه يقسوا ويستمر في القساوة-وتلك هي قمة الشهامة -ورجل يقسواويدري انه يقسوا ويقف حائرا-وتلك هي قمة الطيبة =ورجل يقسوا ويدري انه يقسوا ويحاول تعديل وضعه-وهذا هو قمة الوعى وحقيقة انا بعتبر انه اي رجل لم يستطيع خلق الدف والود داخل جدران بيته هو رجل فاقد للسعادة وان بدأ له ...بل هو لايعيها اصلا ومتعدي على سعادة الاخرين الذين يشاركونه حياته لك المودة حنين |
تحيات من هنا لاعندك صاحب البوست وضيوفه
لحظة كبريائك تنهزم بطيبتى بالفظة حنان التحية للراحل المقيم استاذنا مصطفى ودالسيد احمد فكرة غياب مفردة الحنية واللفظة الجميلة داخل الاسرة بتبقى تراكم بعيد المدى لانو نحنا ثقافتنا فى المسألة ضعيفة مابنفهم احتياج الانثى للحنية بشكل جيد لانو اصلا الراجل عندنا مرات كتير بعرسو ليه اهلو وناس (aboelgdha covering system) كتار وبعد داك الراجل برضى بالوضع دا وخلاص لمن تظهر واحدة فى حياتو على اى صعيد وكميات حنان ممكن تكون مفقودة حسب التسمية السابقة والواحد يعيش مرحلة مراهقة متأخرة دا صعيد. on the other handsناس بتفتكر لابد من ان المراة هى الحنينة لابد حتى لو الواحد اغتال احساسها هى التى ترضخ متناسين عن عمد مسألة الانكسار النفسى البحصل ليها والشرخ الداخلى وبعد دا هى مطالبة بمسالة تربية الاولاد والراجل داير الاولاد يطلعو جيدين؟ فانا بفتكر لازم نوحد الجهود فى مسالة الشراكة الزوجية ونخرج من دائرة التقوقع والانكفاء على الذات لقفل ابواب كثيرة ممكنة تكون خطرة بكل المقائيس على الطرفين ونخلص فى مسالة المودة والرحمة بشكل ومفهوم جديد متجاوزين فيه سلوك العنف اللفظى والفعلى واكساب الحياة معانى مرحة ومفعمة بتفائول ومحبة |
اقتباس:
المشاركة الأصلية كتبت بواسطة خالد الصائغ http://sudanyat.org/vb/images/buttons/viewpost.gif التحايا و الأمنيات الطيبات حنين ما داير أتفلسف و أقول إنو دي ضريبة عصر ما بعد الحداثة و كلام الجماعة الإنتلجنسيا الكبار داك :D:D:D لكن دي مآلات تسارع إيقاع الحياة و انشغال الناس بأنفسهم عن أنفسهم إنحسار مساحة الحوار و التواصل الإنساني في حياتنا علي كل المستويات ... و بالذات علي صعيد الأسرة الواحدة ... بين الزوجين ... بين الآباء و الأبناء الواحد بقة تواصلو مع الوسائط التقنية من تلفزيون و إنترنت أكتر من تواصلو مع محيطو الإنساني لدرجة إنو الواحد لو التلفزيون عندو باظ و لا الطبق بتاع الرسيفر الهوا رماه تمسكو الكاروشة لحدي ما يصلحم بس في النهاية أرجع و أقول يا حنين إنو العيب ما في الزمن و لا في تسارع إيقاعو و لا في تعقد متطلبات الحياة العيب فينا نحن البندي الحياة فرصة إنها تقتل فينا تواصلنا الإنساني. خالد الصائغ،،،سلامات نعم نعيب زماننا والعيب فينا،وما لزماننا عيب سوانا،، اتفق معك تماما ،وانت جبت المفيد،،،بس سؤالى الحل وين ومتين؟؟!!! تحياتي |
نجمد الله
في حوار وفي مشاغلة وفي غزل خمسة وخميسة:D:D:D |
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif وحقيقة انا بعتبر انه اي رجل لم يستطيع خلق الدف والود داخل جدران بيته هو رجل فاقد للسعادة وان بدأ له ...بل هو لايعيها اصلا ومتعدي على سعادة الاخرين الذين يشاركونه حياته الغالية جيجي،،سلامات السعادة في البيت يخلقها اثنان الرجل والمرأة،،وبالرغم من دور المرأة الاكبر الا ان عدم تجاوب الرجل في كثير من الاحيان يخلق تلك الفجوة !!والسعادة الحقة وان وجدت لابد من جهاد للحفاظ عليها... "انتى وانا من حقنا،،نفرح نطير زي الفراش،لمكان بعيد مازاروا زولآ قبلنا" تحياتي |
اقتباس:
المشاركة الأصلية كتبت بواسطة منتصر ابراهيم كبلى http://sudanyat.org/vb/images/buttons/viewpost.gif تحيات من هنا لاعندك صاحب البوست وضيوفه لحظة كبريائك تنهزم بطيبتى بالفظة حنان التحية للراحل المقيم استاذنا مصطفى ودالسيد احمد فكرة غياب مفردة الحنية واللفظة الجميلة داخل الاسرة بتبقى تراكم بعيد المدى لانو نحنا ثقافتنا فى المسألة ضعيفة مابنفهم احتياج الانثى للحنية بشكل جيد لانو اصلا الراجل عندنا مرات كتير بعرسو ليه اهلو وناس (aboelgdha covering system) كتار وبعد داك الراجل برضى بالوضع دا وخلاص لمن تظهر واحدة فى حياتو على اى صعيد وكميات حنان ممكن تكون مفقودة حسب التسمية السابقة والواحد يعيش مرحلة مراهقة متأخرة دا صعيد. on the other handsناس بتفتكر لابد من ان المراة هى الحنينة لابد حتى لو الواحد اغتال احساسها هى التى ترضخ متناسين عن عمد مسألة الانكسار النفسى البحصل ليها والشرخ الداخلى وبعد دا هى مطالبة بمسالة تربية الاولاد والراجل داير الاولاد يطلعو جيدين؟ فانا بفتكر لازم نوحد الجهود فى مسالة الشراكة الزوجية ونخرج من دائرة التقوقع والانكفاء على الذات لقفل ابواب كثيرة ممكنة تكون خطرة بكل المقائيس على الطرفين ونخلص فى مسالة المودة والرحمة بشكل ومفهوم جديد متجاوزين فيه سلوك العنف اللفظى والفعلى واكساب الحياة معانى مرحة ومفعمة بتفائول ومحبة منتصر ابراهيم،،احتراماتي لفهمك الواسع،، الله يفتح عليك:) وزي مابقولوا المرأة بئر عميق!! الرجل بئر اعمق!!! وياريت لو الرجل ساب نفسو لكمية الحنان الجواهو،اتخيل كيف ح يكون الوضع،، فائق تقديري |
اقتباس:
المشاركة الأصلية كتبت بواسطة Dr. Mohammed Hassan http://sudanyat.org/vb/images/buttons/viewpost.gif نجمد الله في حوار وفي مشاغلة وفي غزل خمسة وخميسة:D:D:D عيني باردة يادكتورgooodgooodgoood:):) |
حنين ازيك
اقتباس:
والصيغ التقريرية دى عايزا ليها مراجعة.. اقتباس:
:D:D:D قلتى لى كيف ياحنين, يقين عديل كدا:D:D |
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/buttons/viewpost.gif حنين ازيك يااخى والله الفكرة بتاعتك دى صعبة خلاص , والصيغ التقريرية دى عايزا ليها مراجعة.. :D:D:D قلتى لى كيف ياحنين, يقين عديل كدا:D:D الجيلي أحمد... اهلين ياطير السلام،،،، خلينا نقول الموضوع ماصعب رائيك شنو ممكن نقول عليهوالسهل الممتنع وفي رائي انو بيوجد الكتير من الرجال المتفهمين بس بدون تطبيق علي ارض الواقع وكل الدرسات الاجتماعية بتؤكد الكلام ده،،;) وانا متأكدة ان الاغلبية وانت علي رأسهم عارفين مدى ابعاد الموضوع بس طبيعة الرجل الشرقي والسوداني تحديدا سياستو المتبعةهي التهرب !!!!!اlooool وبالنسبة لليقين يقيني زاد يقينا ولم يزل:D:D:D |
[QUOTE=حنين سلمان السودانيون هم من ارقي الشعوب على مستوى العالم في مجال الكتابة،ونظم الشعر العاطفي بل والقائه علي المنابر العامة ايضآ،،لكن..كم من هؤلاء لديه الجرءة على ان يطبق بلسانه ماخطه قلمه؟؟[/QUOTE]
سلام يا حنين و كل سنة و المعاك بالف خير و حب .... بس معليش الكلام الفوق دا شوية ما قدرت أبلعه .... حكاية انو السودانيون هم ارقي شعوب العالم في مجال الكتابة و نظم الشعر العاطفي ... الكلام دا في اي مصدر ليه؟ و عليك الله لو في بكون شاكر جداً لو مديتيني بيه تسلمي |
اقتباس:
بالله حنين دي بت؟ تسلمي |
اقتباس:
المشاركة الأصلية كتبت بواسطة حافظ حسين http://sudanyat.org/vb/images/buttons/viewpost.gif سلام يا حنين و كل سنة و المعاك بالف خير و حب .... بس معليش الكلام الفوق دا شوية ما قدرت أبلعه .... حكاية انو السودانيون هم ارقي شعوب العالم في مجال الكتابة و نظم الشعر العاطفي ... الكلام دا في اي مصدر ليه؟ و عليك الله لو في بكون شاكر جداً لو مديتيني بيه تسلمي استاذ حافظ سلامات،،، وكل سنة طيب يااستاذي،وانشاء الله امدك بطلبك قريب:) |
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif يا حافظ الزولة دي قالت: من أرقى و ليست أرقى بالله حنين دي بت؟ تسلمي دكتور بابكر كل سنة وانت طيب،،، (علي راسي ) وتسلم خارج النص: والله انا زولة:p:) |
| الساعة الآن 06:28 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.