مجرد تشابه .. ليس إلا
الحكاوي أدناه من خيال المؤلف
أى تشابه فى الأسماء أو الأحداث هو مجرد صدفة .. |
1 من 7
شيخها اتفقنا أن لها حق اختيار المكان و علي العبد الفقير الفاتورة . فاختارت " ماركيتو" .. مكان أحبه و لا أرتاده, و لكني مستعد للذهاب معها حتى "قندهار" فأنا أحبها و الشيريا و الشرى و التمباك. وأتوقع ترك تلك العادات السيئة المكتسبة للفوز بحورية المنتدى. وهي تحب طقس القهوة و رائحة البخور و الرجل الناضج المدخن "و لكن " - وآه من هذه اللكنة - أحبها و تحب رجلا غيري و تزوج خواجية غيرها الجيلى. بالأمس اشتريت علبة سجاير لأتعلم التدخين .. " تعليم كبار" و لكنى اختنقت من جرّة أول نفس حتى أسعفني الحضور بلبعات على قفاى وزرفت دمعا لم يزرفه خالد الحاج على بنات الديم . و قررت أن أجلس معها و أولع السجارة بدون ان اجبِد ولا نفس . .. هناك بادرتها بمباشرة ستهزم الجيلى + تعرفين مشاعرى نحوك .. " وولعت سجارة .. وتحملت الدخان الذى انسرب فى عيني " و ووضعت السجارة بين اصابعى وانا انفضها كل مرة.. و لعلها لن تلاحظ اني لم " اجبد " ولا نفَس .. و اكملت حديثي ,,, + "وأنا ما عاوز اشكِّر نفسى لكن الايام الجاية ممكن تثبت ليك ..واديك فرصة تعرفيني .." - "ياخ و الله انا برضو بعزك وانت انسان كويس .." + " دا رد دبلوماسي و اوع تقولي لى ألف واحدة بتتمناك ,,, أكون صريح معاك .. أنا بريدك .." - "انت كلمة " بريدك" دى قبل كدا مش دخلتك فى مأزق فى المنبر ؟" + " اوكي ..أنا بحبك ,,و بريدك ،، و بهواك ,,و بعشقك و متيم بيك ,,,وممكن اتكلم عن المستقبل. ولو عاوزا المباشرة .. " ووقفت وسط ماركيتو و كوركت ".. بريــــــــــــــــــدك " حتى اهتزت الفناجين و تورد سمار الحبشية و خجّت حليبها رأيت فى عينيها فرح الغرور الأنثوى و مسحة خجل و طلبت منى الجلوس جلست وبى بطر و نفخة رجولة و شماتة على الجيلى ,, قالت " خد ليك نفس من البنسون دي ,,, وروق شوية " + "بصراحة أنا ما بحب الدخان ... وولعتها عشانك" " - "بس انا ما بحب ريحة الدخان من السجارة بحبو من خشم المدخن" + " طيب ممكن أسالك ..؟ غير دخانو ,, بتحبى شنو فى الجيلى ؟" - " ياخي الجيلى دا لمّا يبخ النفس بطلع زى بخور صندل العروس , بعدين شفتو فى بنطلون الجينز البلو و التي شيرت الأبيض العامل زى البلوزة ,, وجدعة الشنطة فى كتفو و بسمتو العاملة كونتراست مع لونو .. و لو سمعتو وهو بتكلم عن ,, دردمت سفة كبيرة ووضعتها فى فمي مباشرة تحت اللسان مباشرة و ناديت على عاملة المحل و نفحتها الحساب وبقشيش فى يدها و معه قرصة و غمزة و تلك تواصل حديثها عن شيخها.... |
غايتو دروشتك دي ياها الجايبها ليك الهوا .. أي والله .. :rolleyes:
وبعد ده شايل حسي ؟ والله إنت بكاك عينة .. * مفضوح .. * شليق .. * تفلق وتداوي .. * تشيل من البحر وتكب في البحر .. * و ... تحت تحت مرات بتفهم الحاجات مقلوبة .. المهم في الموضوع إنت والجيلي الاتنين .. محبتكم صافية ونقية .. أهلنا بيقولوا عليها "المحبة لوجه الله " .. والمابيعرفكم بيضيعكم .. خاصة إنت يا باش .. المابعرفك ممكن يرميك في حفرة من الظنون .. خليك كده يا باش.. زي ما قال عكود إنت "سمحة وعاجباني":rolleyes: وتاني ما بتتغير .. أهو نقبلك كده ..نسوي شنو .. ؟ ;) عينة حبوب شهم وطيبان و شنو يا باش .. الشكية لله :Dgoood:D |
اها نمرة واحد عرفناها من غير اسم
جيب الستة الباقين:D |
[QUOTE] اقتباس:
ا اقتباس:
ما قلنا مجرد تشابه أسماء بعدين الجيلى ياتو ؟ بطل القصة و لا شيخ سيسيليا |
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif اقتباس:
غايتو جيجى فى القصة الجاية ما انتى ّّّ!!!! |
ياباش ياهاش سلامات
واضح جدا تشابه اسماء ليس إلا وغادر شيخ سيسليا تصحبه السلامة وكنت عايزة اسرق الشنطة بس لحظات الوداع حنني قلتا النخيلها بكون صاري فيها مؤونة الشهر القضاهم دي |
اقتباس:
اقتباس:
أروى الحلوة السجاير .. كيف ؟ |
ثلاثة شاكوشين كان التنافس عليها يشتد كل يوم .. حتى أن بعض الأعضاء تفرغ لملاحقة هذه العلاقة ، قصارت دردشة الاسكايبى .. فأطلقوا عليها ألقابا جمّة .. ناس الكورة أسموها ( 3-1-1) و شراميات المنبر أطلقن جملة ( أتقطع أنا ) .. أما ناس الليل فسموها ( النقيب ) اشارة للنجوم الثلاثة ..اقصد للثلاثة شيوخ .. متابعى الطرب سموها " ست الحيشان التلاتة .." شيوخ المنبر الثلاثة في قمة تنافسهم عليها و كل منهم يرمي بأسلحته .. و يدردق تبش الحنان و عجور المحنة و خيار الحنية . فكأن أمامها سَلَطة مشاعر خضراء . شيخ البكايين .. استطاع أن يجمع و يحلل زمن دخولها للمنبر فصار يوقّت على ذلك فكان أول من يرد على مداخلاتها فيدلق مفرداته السندسية و يفرد رقة مشاعره النرجسية بل تابع كل كلمة تتميز بها وقابلها بمترادفات يرد بها عليها ،، فارشاً نجيل الريدة و من رمال حروفها ينسج لها سواحل مبلولة و رياض و أقاحي. شيخ الوتر .. رغم أن شيخ البكايين كان يسبقه بالمداخلات لكنه كان يقرأ الموضوع جيدا .. فينزل لها فيديو أو أغنية وترية تناسبه حتى تكونت للمنبر مكتبة توازى مكتبة الإذاعة .. فصار مغتربى الشتات يتابعون كتاباتها . فجمعوا ذخيرة أغاني سودانية و أغاني فيروز التي تحبها.. بل و ذهب البعض ليشكرها على هذه الأغاني و كأنها هي التي تنزل تلك الأغاني و ليس هو .. و كان هذا الأمر يسره لأنه يوصل رسالة ريدة لها. شيخ الظلام ..الخرافي .. بدأت مداخلاته لها بلغة الغائب فكان يرد عليها بمقولات مثل " ذكرت الأخت الطيبة أفادنا بها الله " و " أوردت - حفظ الله أمثالها - قولا ينتفع به " .. ثم لما بدأت ترد له بقليل مما ينفحها به .. بدأ يباشرها بلغة المخاطَب .. حتى أنه كتب لها " انك كبلقيس في عرش سليمان" ثم .." إنك حميراء هذا المنبر " في ذاك اليوم المشهور في عدد المتواجدون الآن .. من شمات و شمارات .. اشتغلت الهواتف بين الخليج والسودان و أوربا .. و حتى شمال أمريكا .. فتكسبت شركات الاتصالات .. جتى أم ال CIA أحسست بخطر الاتصالات فتابعوا التصلات التى قادتهم لهذا الموقع .. ذات صباح بدأت يومها بموضوعين .. أولهما ("رحبوا معي بـ" أبو شامة " زوجي") .. حين انصرف الناس عن الموضوع اضطر الأمين العام العام للتداخل باسمه و منصبه و حرّش مشرف المنبر و تداخل أسضا اثنين من الشمات. أما البوست الثاني فقد كان بعنوان "تعدد الزوجة " تداخل شيخ البكايين كالعادة و لكن ردّه لها كان اقتباس:
و أحضر كثير من الروابط الالكترونية . و سجل خروج قبل أن ترد عليه . شيخ الوتر رمى وجه البوست برمية لعثمان اليمنى .. أذكر أنها كانت مقدمة لأغنية ( ما شفتوها يا خِلاني) شيخ الظلام الخرافي أتي بالدليل القاطع من القرآن والسنة و أقوال و أسانيد لابن القيّم تثبت اقتباس: أنها خرجت عن المِلّة و يجب استتابتها ثم قدم شكوى ضدها لإيقافها نهائيا. |
اقتباس:
:D :D |
اقتباس:
:D:D |
والله انا ما فاهم حاجة لكن البوست ده بودى التووووووووووج
|
فى فكهانية هنا خلى بالك
:D |
اقتباس:
اقتباس:
ميسون جينا و ما شفنا بسمتك دحين شن القرقراب فىحضرة الشيوخ |
اقتباس:
اقتباس:
أسع يا زكي الما مفهوم شنو ؟ قلنا تشابه أسماء .. جابو لينا تلفونات و زعل سحبنا الاسماء جبت لينا التوج .. دا حالتو المقدمات ليس الا .. |
| الساعة الآن 02:08 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.