امام الجامع ...... يوجد حيرة ...... !!!!!
 

عادةً متعود اصلي الجمعة في جامع الاتراك ... لأنو الخطبة باللغة التركية .. وده مش لاني بفهم لغة تركية ..... بس لانو مليت مسألة التكرار من الائمة ... ودي حقيقة ... عشان كده بصلي مع الاتراك ..... وزي ما خشيت الجامع زي ماطلعت وبكون ضربت عصفورين بي حجر ... اديت الواجب ..... وما فهمت حاجة غير كلمة - جناب الله - ......
امبارح بالصدفة الزمن ضايقني وما كان عندي مفر الا امشي اقرب جامع لمحل الشغل ..... وده بعد اتفقت مع زميلي في الشغل انو يغطي ليا لو اتأخرت ... المهم ............... لقيت الامام عربي ..... وطبعا كالعادة كلام مكرر ومافي اي اضافة جديدة .... وفي نهاية الخطبة بدأ الدعاء ....

اللهم من اراد بالاسلام والمسلمين خيرا .. فاجعل الخير علي يديه .. قلنا امين ..
اللهم من اراد بالاسلام والمسلمين شرا .. فاجعل الدائرة عليه ... قلنا امين ..
اللهم انصر الاسلام والمسلمين .... برضو امّنّا ...
اللهم اهزم اليهود والنصاري .. انصار الشيوعيين الكفرة ... هنا نزلت يديني وما قلت حاجة ... مع الاستغراب !!!!!!!!
اللهم اخزي العلمانيين اعداء الدين ... وبدد شملهم وفرق جمعهم و....و...وووو .... الباقي طبعا ما سمعتو لاني عملت انسحاب تكتيكي ... ورجعت الشغل ....
...................................
ملاحظة اولي ..... شكل العلاقة بين اليهود والنصاري بالشيوعيين ..دي.. ما عرفتها ......

ملاحظة تانية ..... هذا الامام يتقاضي مرتب كل فورتنايت من الدولة العلمانية العايش هو فوقا .... بحكم انو رجل دين .. غض النظر عن الدين هو شنو ..
............... شفتو كيف .............

:D
:D :D :D

شفت المحن دي كيف يا طارق

غريبة يا عابد
ما قال الشيوعين اولاد الحرم؟؟

والله يا عابد غير اضحك
ماعندى شى
انا لله ياخى
ولسع بضحك
:D :D :D :D

سلامات عابد
الدنيا لو ما ربنا خلق اليهود و النصارة لحمايتها
كان المسلمين عدموها طافئ النار

قلت لى نفاخ النار
:D :D :D :D

تراهو زي كلامك ده البخلي إمام جاهل زي ده يخلط بين الشيوعيين والكفار ..ويدعو عليهم ..

عابد .. طالما انت مؤمن بمنهجك لا يضيرك كل من امسك بمايكرفون ..

اقتباس:
المشاركة الأصلية كتبت بواسطة زكي عبد الحي http://sudanyat.org/vb/images/buttons/viewpost.gif
غريبة يا عابد
ما قال الشيوعين اولاد الحرم؟؟



العزيز زكي

اولاد الحرم دي مستحيل يقولا
لكن كان قاصد اولاد الحرام احتمال يكون قالا وراي :D

تسلم

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif
تعرف ياعابد امام جامع علي بن أبي طالب القريب مننا كل جمعة بيدعي بي نفس الدعوات ويختما بي: أللهم يتم أبناء الشيوعيين..أللهم شرد عوائل الشيوعيين..أللهم أقطع دابر الشيوعيين وعوائلهم..
الجمعة الفاتت بعد الصلاة مشيت عليه زي ما الناس بتسلم عليه ووطيت عليهو وقلت ليهو قريب من أضانو : أللهم أعكس دعوات كل من يدعي علي الشيوعيين عليهم وخلصنا من دعوات المنافقين..
الراجل نظر لي بي طرف عينو ودنقر..أنا مستني خطبة الجمعة الجاية أشوفو حيقول شنو..



فتحي كيفك - بالله هو انتو برضو بهناك ممكونين زينا كده

غايتو نحنا اخير منكم عندنا اتراك و البان قاعدين نمشي نتحاشي عندهم جنس الهبدي و الربدي ده . كدي عليك الله الجمعة الجاية ورينا رد الراجل ده شنو . يمكن يعقل شوية .

كثيف السلام لك والاسرة

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif
والله يا عابد غير اضحك
ماعندى شى
انا لله ياخى
ولسع بضحك
:D :D :D :D



صحي والله شي يضحك يا طارق
وفي نفس الوقت حالة الامام تزعل لانو يشيل ويلهط في الدولار من الدولة
العلمانية وبهناك شغال شوت فيهم .

لكن الله في

اقتباس:
المشاركة الأصلية كتبت بواسطة ام التيمان http://sudanyat.org/vb/images/buttons/viewpost.gif
سلامات عابد
الدنيا لو ما ربنا خلق اليهود و النصارة لحمايتها
كان المسلمين عدموها طافئ النار



ام التيمان علك بخير
كان زي الامام كان عدمت التكتح

تسلمي

اقتباس:
المشاركة الأصلية كتبت بواسطة الأغبش http://sudanyat.org/vb/images/buttons/viewpost.gif
تراهو زي كلامك ده البخلي إمام جاهل زي ده يخلط بين الشيوعيين والكفار ..ويدعو عليهم ..

عابد .. طالما انت مؤمن بمنهجك لا يضيرك كل من امسك بمايكرفون ..



الاغبش ان شاءالله عافية

المحيرني اكتر انو الراجل ده ما امين مع نفسو لانو ماممكن ينعم في النظام العلماني ويجي يبغضو في نفس الوقت .. اما انا فمنهجي الانسانية قبل كل شي عشان كده ماني خايف .

تسلم يا رائع

-----------------

الاغبش انت ح تدينا ضهرك ده لمتين .:D:D:D

اقتباس:
المشاركة الأصلية كتبت بواسطة الأغبش http://sudanyat.org/vb/images/buttons/viewpost.gif
تراهو زي كلامك ده البخلي إمام جاهل زي ده يخلط بين الشيوعيين والكفار ..ويدعو عليهم ..

عابد .. طالما انت مؤمن بمنهجك لا يضيرك كل من امسك بمايكرفون ..



تراهو زى كلامك دا البخلى جنوب السودان انفصل