من أجل أبنائى
اليك يا فرح تمدد فى خلايا الروح..اليك يا ابنى ...الذى ابكانى وأضحكنى
أبكانى وهو أبن الخامسة عندما رآنى خلسة وانا اجلس وحدى والهم يعتصر قلبى وسالنى بكل طفولة...ماما انتى زعلانة؟؟؟ ولا أدرى لماذا اجبته بكل صدق..أيوة يا حبيبى أنا موجوعة شوية.. واردف متسائلا واجعك وين؟؟ قلت له هنا { ووضعت يدى على موضع القلب} بكل براءة الطفولة طوقنى واصبح ينفخ فى صدرى ويمسح بيده مرات ...خلاص ياماما انا بروح وجعك وعندها نزلت دموعى حتى بللته مسح دموعى بقميصه الذى كان عليه...لن انسى ما حييت منظره وهو يرفع قميصه من جسمه النحيل محاولة مسح دموعى.. واليك انت يا صغيرى ..ويا صديقى ويا رفيقى ..عبـــدو يا حتة منى ..انت شخصيا لا اعرف كيف اوصفك... ولكن يكفى انك قلبى... أكتب اليكم اليوم السبت الثامن عشر من ديسمبر الفين وعشرة وانا سعيدة اولا لانكم نعمة من نعم الله عليا وثانيا لان اليوم توج الله صبرى وكفاحى وتعبى بنجـــــــــــــــــــــــــــــــــــــــــــــــ ــــــــــــــــــــــــــــــــــــــــــــاح اهديه لكم ابنائى واعتذر لكم بشدة عن تقصيرى فيكم ..لقد دفعتم ثمن هذا النجاح صبرا على عصبيتى وتحملا لعدم اهتمامى احيانا واحيانا انشغالى عنكم وعن ظروفكم ..وقبل ان اختم رسالتى لابد ان اقول لكم ..بعد دخولى البيت هذا المساء وفتحت البريد وجدت الرسالة والتى فتحها ويدايا ترتجفان كصبية فى يوم نتيجة امتحان الشهادة ..فضضت الرسالة بعصبية وعندما رايتها حمدت الله وشكرته على كثرة نعمه عليا فيارب لك الحمد كما ينبغى لجلال وجهك وعظيم سلطانك... وعندما هممت بكتابة هذه الرسالة لكم وانا فى بداية سطورها اتصل اخى الذى احبه كما احبكم يا ابنائى اخى وصديقى الجيلى رن جرس الاسكيبى قلت اهلا يا حبيب ولكنى .... يا الله ..يا الله ... لقد سمعت عصافير الجنة تغنى لى اغنية عيد الميلاد بلغة لم افهمها ولكن اعرف شى واحـــــــــــد هو اننى بكيت ...نعم بكيت.... بكيت عندما سمعت صوت اليشا وسميرة وهن يضربن على اوتار قلبى اجمل الالحان لكم ابنائى ولاليشا وسميرة وابوهم الغالى كل المحبة ..لكل اصدقائى واحبابى الذين دعمونى ....بكل شىء ولم يبخلوا على بوقتهم ومالهم وسؤالهم اهدى نجـــــــــــــــــــــــــاحى |
الف مبرووووووووووووووك يا حبيبه
ربنا يوفقك كمان و كمان و يذيدك من نعمو و ربنا يخليهم ليك جميعا ابنائك و اصحابك و اخوانك و احبابك و يخليك لينا شمعه ضوايه :cool::cool::cool: |
ســـــرورة
ســـــــلام ..... ياااااخ اسي الدراما دي لزومها شنو looool كل سنة وانت طيبة وربنا يخليك ليهم اعلم كم عانيتي في سبيل تربيتهم ولكن كل الرهق والتعب لا تساويهو لحظة فخرك بهم هذه..وعشان كدا ربنا قال" المال والبنون زينة الحياة الدنيا ......." الايه الابناء نعمة تسعى بيننا وامام اعيننا الكثيرين محرومين منها نجابة ونجاح وصلاح الابناء لا تعدله الا نعمة الصحة والعافية غايتو الليلة الرحمة والرأفه والحنية كلها طلعت ورأينا سرورة الام الرؤوم عقبال ما تفرحي بيهم كلهم وتعرسي ليهم وتبقى حبوبة مهكعه:mad: يا رب .. .. __ طيب ما انت كويسه بتعملي كدا مالك مركبه لينا وش الكــــكو :D عدوك بالمحاثيث ولا شنو:confused: |
اقتباس:
آميييين ... ويسعدا كمان وكمان بالحبايب والقرايب ... وكل زول أهداها شي ... ولو سلام ... الضنا غالي ووجود الناس في حياة الزول ضرورة ... لو ما سندت بتخليو واقف على الحيل صنديد ... سارة البكاية ... قتي لي نفخو ؟؟؟ :D ياخ بى رهافتو دي يقوم يطيرو ليك ساي الشافع دا :D أثبتي ياخ ... حنمشي منكم وين يعني !!! |
اقتباس:
نبارك ليك كل جميل يا جميلة...ربى يسعدك وعقبال ما اشوف عيالك قولى آميييييييييييين |
خلينى اجيك بكرة :o
|
سروره
اجمع كل تبريكات الدنيا واهديها ليك فرحاً وحباً بنجاحاتك الكثيرة وكبيرة نجاحات نفخر بها لانها منك لنا ولنا إليك الحمد والثناء لله عز وجل نفرح بفرحك ونسعد لسعادتك وربنا يخلي ليك أولادك ويسعدك بنجاحهم في كل مناحي الحياة كل الأمنيات بالتوفيق في قادم الايام عزيز وعصبته البحبوك |
اقتباس:
عقبال عيالك بس حبوبة دى ما عصرت علينا شديييييييييييييد { التعبير لطارق شقيقى} هسى خارب على اخيتك السوق مالك:mad: يكركب سنياناتك ان شاء الله |
اقتباس:
ياخ لما نضرب ليكم ما تطنشونا ثمح:p عشان هو زاتو مش رهيف بقى دلان:D تمشوا وين والله انحنا وين ما تمشى واميش ما تقبل ساكنين لا بندفع ولا بنطلع |
اقتباس:
ما تطبنجيها اصلها مطنبجة:o:o |
مبروك يا ستهم .. ألف مبرك ..
أخيرا .. بعض الفرح لا يضير .. وجميل أن تهب نسائمه من جهتك يا سارة .. ربنا يخليك لي أولادك وتفرحي كمان بي نجاحهم .. سأحول النوم الآن وهذه الخاطرة الحلوة تشغل ذهني وتملأ رئتي هواء نقيا . |
اقتباس:
ربى يسعدك بالحولك يارب وتشوفهم كما تحب لهم دائما يشرفوك فى المحافل لابى يخلى لينا وليك ان شاء الله لك ولعصبتكم الغالية علينا مودة تشبهكم |
اقتباس:
ومن أدهى الغرايب مقتول دمي ضالع والقاتل يقاضي وأنا لى مين أقاضي مادام خصمي قاضي تسلم رئتك يا قلب بتاع انا:cool::cool: حاسة بيك الشكية لى الله يا ود الناس:cool::cool: امشى نوم اسمع الغنوة القبيل وقرض على كدا |
الف مبروك سارة وتستاهلي كل خير وربنا يحفظك واولادك ومايحرمكم من بعض وتفرحي بناجحهم كمان
|
الف مبروك يا سارة يا ست البنات ربنا يحفظك لى وليداتك ويفرش ليك دربك بالرياحين موفقة يا رب
http://www.youtube.com/watch?v=qntQB...eature=related |
| الساعة الآن 02:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.