خاطرة مسوسة
أقرأ الصحف كل يوم ولا اري غير هواجس الانفصال والاستفتاء المرتقب ، تري من يعر حمار يحي فضل الله اهتمام حين يهذ رأسه كلما سمع تعليق ساسة الغسيل المتسخ وهم يشرون غسيلهم في الصف كل يوم في انتظار زرع المزيد من الرعب في الوسط العام من العامة ، اللزين كلما هبت بواكر كارثة تلقو زيادة في الاسعار تشغلهم عن الحال في الوطن . والضحية هم الكادحون في دروب اليوم القاس ، وحين تخرج جلاليب المؤتمرجية لتلوح في احتفالياتهم وابتسامة ساخرة تطل من بين الانياب اللتي ارتوت من قوت الشعب دماً ولحما ، لا اعرف هل اتخز التحليل اللمنطقي للأحداث الراهنة ام انسي كغيري من الناسين ، عندما سن النضال ضد الجور والظلم الواقع من الانظمة كان الشعب هو السند في انجاح الثورات الظافرة ،/ ولكن الآن إن خرجت جماعة موكب تري الشعب متفرج علي الامر كأنه يري مشهد في تلفاز منقول من بلاد اخري ، ومناضلوا المهجر يفلحون في السباب والشتم . والتربية النضالية تتخز مسار الموت في الازقة والحواري بل حتي في الكليات الجامعية ، والمشتغلين بالسياسة همهم الوصول لكراسى الحكم بأي ثمن حتي وأن لم يحدث التغيير في الاقتصاد ولم يرتفع دخل الفرد للوصول للحد الادني من الحياة الكريمة .. وحمار يحي فضل الله يهذ رأسه كل يوم في استغراب وتعجب مما يحدث وفي فوضي التصريحات يخرج زعيم المسيرية الي الاعلام ليقول نحن والدينكا الموجودون بأبيّ لنا لغتنا الخاصة في حل المسائل الخاصة بالمنطقة وكل ما يتفوه به الشريكان خاص بهم ولا يعني لنا شيء وهي قضيتهم ولا شأن لنا ، والتسليح يصل زروته في اوساط المسيرية وحمار يحي فضل الله يقطع كوبري امدرمان لا يعرف الي اين سيصل الحال بهذه الارض ، وليس ببعيد حادثة قطار (واو) حين تم حرقه وهو مليْ بالنوبيين ورأحة الشواء البشري لا تزال عالقة في انف التاريخ ، ومزبحة شمال كردفان في العام 1976م اللتي ارتكب خطئها الجنوبيين حين اعتدوا علي السكان وقتلو منهم ثلاثة وعشرون رجل وامرأة واحدة فكان الرد قتل مئتان وخمسة وهم كل الموجوديين بالمنطقة اللتي شهدت الكارثة اذا فأن العداْ هو الغالب بين الشمال والجنوب لا يحتاج لغير أن يشعل فتيله احدواخفاْ جثثهم في قلب غابة اللعوت بتلك المنطقة ، وربما ما يحدث من اعتدأ في حق الشماليين المتواجدين بجنوب السودن الآن هو ما لن ينتهي بخير ، وحمار يحي فضل الله يحسب كم نظام مرّ علي القصر في الخرطوم وينظر للأتفاقيات كأنها اسطورات يونانية قديمة فهي عابها دوماً سؤ التقدير والفهم لأثنية السودان حتي خبرأ الاتفاقيات لم يفطنوا لمشكلة الاساس في السودان فالمشكلة كانت دوما بأستمرار * مشكلة هوية * العرق هو السائد في الوسط الساكن في رقعة المليون ميل . ليس الامر مشكلة جنوب وشمال ولكن هي منطقة نزاع وسموية للجنس القبلي ونظرته الحاقرة للغير . ليس في المنطق السودواني مكان لنسيان العرق والقبيلة ./ ويري حمار يحي فضل الله أنه ما من فكرة لتفتيت التمزومعيارية العرقية في السودان وانهم في قبيلة الحمير لم يفرقو بين الحمار المكادي والحبشي والعكد فهم في نهاية الامر حمير ، اما بني كلب فقد (هوهوا) مؤمنيين علي وحدوية الصفات البولوجية ونسيان تفرقة اللون والنسب ، وحمار يحي يا اعزائي له حق في التبسم بل والتنهيق ضحكاً علي تقليعات باقان اموم وإدهاشية ياسر عرمان واللذي بدء في التلويح بحرب داخلية في الشمال بين الجيش الشعبي ويبين أن المقاتلين الموجودين في الشمال المواليين للحركة الشعبية هم ضعف الموجودين في الجنوب ، تصرفات القيادة السياسية للحركة وتصفيتها لأعمالها بالشمال ونقل العمل لجنوب اللسوان وهذا ما تنبأ به المرحوم حسن سعد قبل المفاصلة الشهيرة وانقسام المؤتمر لوطني وشعبي وكان حسن سعد معلم اللغة العربية من جماعة الترابي المستقلين ولهم رأيهم غصباً عن الترابي وكان يعمل لهم الف حساب فهم قادة كوادر الشعبي في جنوب كردفان .. ، كان احري بالمواطن التفكير في الوطن الكيان وليس القبيلة فهذه الافرازات تتواصل توارثاَ جيلا ً فجيل والوزراْ يسمنون علي حساب العامة الكادحة ، ليس الامر كما يراه حمار الحكيم فهنا الحمير انواع فهذا حمار يضحك من حال البشري السواني وذاك يعمم الاشياء خلف منظور النكتة ، فالنري الامر من زاوية الحمار السوداني ولا نكبر الامر ليصغر في نظر باقان اموم ، وسلفاكير يهدد بالتنحي بع الاستفتاْ وهذه قمة الجبن القيادي ، يري سلفاكير أن يكون المؤسس والقائد المحرر لجمهورية جنوب السودان ونعرف أن الانفصال اذا حدث فستهلك القوات المسلحة ل (الدينكا ) كل الاعراق الاخري والحرب العرقية في الجنوب ستكون ابشع من يوغندا فهنا لا تتساوا كفة التسليح ، ولله در الجنوبيين الضعفاء ، واهذ رأسي لفكرة الانفصال فهي مثل التلويح بالطلاق دون تطليق
اجلس هنا .. تري من سيعبر هذه اللحظة ليخلد في حنيا الانتظار تري من باع قافلة الرقيق وارجع للحن قيثار الانكسار سأضع الاحرف الاولي كل حين وارجع للوقت خطواتا للوراء تري من سيربح وطناُ منقسم ومن سيخسر الف جندياً شهيد من سيمسح ادمع ثاكلات وقفن علي طول الطريق نائحات وطناً جرحاً قلباً نبض ووقتا يحتضر |
alaa, حقيقي موضوعك فيه فكرة بس ماقدرت اصل ليها المهم الله كريم
|
[justify]
الحمار المقصود هو حمار الكاتب الصحفي بالانتباهة يحي فضل الله ولكن هذا لا يدهشني بل يدهشني أن الامر فيه نوع من الخبث في تعليقك اللذي ما خلي من تهكم لكن لا عليك اسامحك لئلا تحدث مشكلة اكون ضحيتها انا ففي آخر مرة رددت فيها علي مثل هذا التهكم نلت انذار دون وجه حق وتبقي لي واحد علي ما اظن لكن عليك حين لا يعجبك الامر التنحي مثل حمار يحى فضل الله هذا إن كان هناك شيء غير مفهوم ولكن درجت العادة في سودانيات أن تطل اسماء لا نعف من اين تأتي وتبخث من شأن الآخرين وانت من تكون لتعلق علي ما كتبت من تكون لتنبأني أن هناك فكرة لما كتبت فهل تراك تظن نفسك ابوالمفاهيم وانا من العاديين كما صنفتهم اختنا واحدة من قبل ... ف [/justify] |
اقتباس:
علاء يا علاء يعني إنتَ ذااااااااتك غلطان .. المهوبك ناحية الصُحُف والراديو والتلفزيون شنو ؟؟؟ خليك زي حالتي كده وريح أعصابك ... وبعدين تعال يا أخوي .. هو حمار يحي ده زااااااااتو لو كان عمل ليهو خروج نهاااائي من هذا البلد الجريح .. عليك أمان الله مُش كان إرتاح فييييييييييي حنانو ظاتو ؟؟؟ وتييييييييييييييييييييب ما كُلَنَا بقينا حمار ود فضل الله العوض ومنو العوض وليهو العوض |
الشكية لغير الله مزلة انت بتفتش للشطة يعني داير يرفوني من المنتدي ولا شنو والله انا جعلي دبل كبين ما بستحمل الحقارة والنسعلك يا اللخو دحين الشطة لو كبوها في البوست ده انت حتضحك قدر شنو ولا هي مجرد شكلات مراد ايجادها انت عارف في المرة الاخيرة ما عارف واحدة كدة هاجموها واحدين تانيين ولمن حاولت اقرب وجهات النظر شنت علي الحملة ولمن رديت ادوني كرت انزار وانا سميت الفضيحة ديك بفضيحة (( ظلم قيت )) علي وزن ووترقيت ثانياً مفترض ما تنهاني عن الصحف والازاعة لأنو تاني الا اشرب العرق بكسر القاف او البنقو وديل انا ما بعملهم وموضوع الشطة ده ما تحرش بيه
ودي لك ... في كل عاصفة ارى في البرق اوجه احبتي وحين لا يغسل المطر النوافز لا يبين في الزجاج عيون احبتي لذا احب أن اكون هنا سلام |
علاء إزيك ياخ
وأنا آسف لو أقحمت مسألة الــ ( شَطَّة ) دي هنا عبر البوست ده وللشطة مفهوم آخر بعيد كل البعد عن محتوي البوست .. أنا أعتذر للمرة الثانية |
الاستاذ علاء, اسفة جدا لو وصلك تعليقي بصورة التهكم ويشهد الله اني لم اقصد ذلك بل قصدت انك تكلمت عن كذا موضوع من دون فاصلة او شولة مما اخل بتوصيل الفكرة الحقيقية من هذا البوست وهذا مجرد راي سوي كان مقبول او لا. واخيرا لم اكن اعلم ان التعليق في اي بوست يحتاج لاثبات شخصية .
|
s
السلام
وانا اعتزر عن تسرعي في فك طلسم الرد , العتبي لك وانا اعتزر ان اسئت الفهم نور .... اشكر اهتمامك بالرد علي تعليقي علي ردك وشرح ما فات علي فهمي المتشطط |
اقتباس:
حوووووووووووووووووووولاااااااااااااا علاء كيفنك يا زول تعرف وحاة الله أنا البوست ده لآآآآآآآآآآمن نسيت مضمونو ظاتو ياخ الشكية لي الله علي قول بن عمي خالد الحاج ( عليه الرحمه) وصدقني ويمكن بعد فوات زمن طويييييييييييييل إكتشفت بإني دخلت هني بالمداخله الأولي لي غلط أهاااااااااااااااا غلط كيفنننننننن ؟؟؟ أقول ليك ... في الأيام الأخيرة من شهر واحد ونحن في بداية أزمة أخوي خالد الحاج الصحية ... مرابطين في مستشفي الزيتونه ... هناك لاقيت الزولة الثمممممممممحه الإسمها نور دي ... وأعتذرت ليها بإدراجي لكلمة ( الشَطَّه) .. لأنو إتلخبط علي الإختساس وكدي .. أهااااااااااااااااا أنا لما كتبت الكلمة دي كنت قاصد بيها عضوة تانية جديدة برضها لنج في سودانيات وفي نفس الوقت وإسمها قريييييييب من نور ... وهي أخت عزيزة ... لاقيتها قبل نزول البوست بتاعك ده بيوم يومين وكنا مجموعة أصدقاء وفطرنا مع بعض .. وهي زولة بتحب الشطه بصورة غريبه أهااااااااااااااااااااا قلت ليها شنووووووووووو ؟؟ قلت ليها يا بت بطلي أكل الشطَه ده وبطلي كسل وتعالي أكتبي في سودانيات ... قلمك ده أنا محتاج ليهو بهناك تثقيفيني من تجاربك الحياتية .. إنشاء الله تجي وتكتبي لينا عن الشَطَة أهااااااااا ولما جيت هني ... إتلخبط علي الإختساس والله وإتفكرت نور هي فلانه الغابت تب من سودانيات أها فهمت يا جميل ؟؟ يا أخي أعفي لي لو فتلت ليك البوست بتاعك ده ... وأمنياتي لدولة الجنوب بالنماء والإستقرار والأمن لمواطنها |
وبعدين تعال هنا يا علاء
تغيب علي كيييييييفك وتجي علي كيفك الحكاية شنو يا زول أبقي قاعد متوهط معانا هني يا صاحب منتظرن قلمك ده يجينا بالمفيد اليوزن دقنوسنا ده أبقي عافية يا علاء |
اقتباس:
وكت ديل ما بتسويهم جاي داير هنا شنو..أنا غايتو كان ما اتعلمت تسوي ديل أوعك تخش لي في أي بوست:mad::mad: |
اقتباس:
عاوز تخرب ود الناس مُش كِدَه ؟؟ يا حليييييييييلك عم فتحي يا سيدي يعلم الله مشتاق ليك يا كبيرنا |
سلام
عارف يا فتحي كان في واحد هناي قابل واحدة هناية قال ليها تعالي نمشي البتاع نعمل الاسمو شنو
انت داير شنو يا ناصرفتحي كفاية علي سكران بالهم وعلي قول نجلأ عثمان التوم: تاكيت الباب واستنيتك صيفين وشتاء ورشة مطرة ما صوتك كان صاحي وبي خير والوانك واضحة ومختصرة الي أن تصل ل: سكران بالهم ما وعيتك مطعون جرحك متسربل دم ما داويتك وريحتك جواي والفكرة الخاصة المجنونة انت عرف يا خوي في يوم كده من خريف 1998 خشيت في مشكلة قوية كده (ما شاكوش يا شمتان) المهم فكرت امشي اسكر جبت العرق(بكسر القاف) وقلعت ليك ملابسي وقعدت متحكر في وسط الصالون عاينت ليه سمعت ليك صوت المرحوم عبدالرحمن دانقا بغني في رائعة ايهاب : عرفيني هل ظلال العشق يوماً ستموت ؟ هل صلات القلب جهراً ام خفوت ؟ هل مياه الحب تروي ظمائات البيوت ؟ اجمل اللوحات في متحفنا حانت الكلمات مقهي الشعر في مربدنا قيمة الرصاص سعر الحبل في مشنقنا ............... طلعت الشارع جدعت القارورة وجيت نمت في حضن امي .. ومسكتني حمة نمت ليك شهرين زول عرف لي مرض مافي لا حكيم لا فكي دجال .. غلبت ليك المة كلها بمرضي .. يعني انا لو سكرت معناها واحد من ثلاثة : يا انا عوير .. يا عوير .. يا عوير بعدين بحب اقعد مع الناس البكونوا خاشين ليهم في فيل بتلات كروت .. صدقني ديل والله ينسوك لعب البلي ويكرهوك الزعل .. عارف مرة واحد من الفاهمين ديل مشي جاب ليه بنقو وسندوتش طعمية بجبنة ختاهم تحت السرير مرة يجبد نفس من السجارة ومرة ومرة يقرم من الساندوتش بالاه عليك طلع فار من جحرو لقي ليك السندوتش اخد ليه قرمة بمضغ فيها كده صاحبك خت السجارة وشال السندوتش والفار بقي مرة نفس ومرة قرمة الفار اتسطل شديد فخشا في جيب صاحبنا بعد الزول ده كمل سجارتو طلع الشارع لقي ليك بت سمحة شاغلة اسائتو ليك شديد وهو ما شعغال بالشتيمة يشيل ويغلغل ليك في البت لحدت زهجت منه قالت ليه ( والله امشي اكلم ليك اهلي الليلة ) الفار مرق من جيبه قال ليها عليك دينك كلمي كمان كديستكم قولي ليها فار الزول زاتو معاه . شاغلني . ودي لكل جميل والرحمة لروح خالد الحاج في السماوات بعدين يا فتحي ليك مني الف ود وخلي بالك من البت السمحة الشينات لا .. الطويلة وبانة .. القصيرات لا.. والحنينات ومهذبقات تقدر تطوف بيهن شوارعك كلها .. الكعبات لا .. |
| الساعة الآن 10:44 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.