بدرالدين اسحق اعتذراك مقبول نيابة عن كل المنتديات السودانية يا راجل يا كلس
 

نيابة عن سودانيات وكل المواقع السودانية نقبل اعتذارك اصلوا انت سويت شنو ما تسمع جوطة الناس دي يعني شنو لو اقتبسته او سرقته عديل انت المهمه البتأديها كان انت او اخوانك الكيزان للاعضاء هنا والمنتديات الاخري مهمة ما ساهلة 90% من المثقفاتيه البكتبوا في المنتديات دي بكرهوا الانقاذ المتنفس الوحيد ليهم انت واخوانك باقين ليهم جمل شيل مفروض احترموكم --- معانا خواجه في الشركه بحكي لي في بعض الشركات عندهم يتم عمل غرفة بها مجسم لمدير الشركه الغرفه دي اي موظف زهجان اخش عليها اشلت المجسم ده وتف عليهوا غير الكلام البذيء التاني --- اها إتو المجسم ده بالله الناس ديل ما غلطانيين امسحا لي انا في وشي نفترض انت واخوانك خليتوا الكتابه في المنتديات المساعدنها بي سرقه الناس دي تاني تشاكل كمبيوتراتا عيب والله عليهم.
يا جماعه اختشوا بدرالدين ده سرق شنو مقال مقالين ما احسن اتلهي بي سرقه في النت شغلكم ده تحريض ليهوا لمفارقة النت وإتجه للسرقه العديل بتاعت البترول وغسيل الاموال والتصاديق والاعفاءات الجمركيه مع جماعتوا ليه عايزين تكشكشوا الشيطان الداخل بدرالدين عشان امشي اشوف دروب تانية ما كفاية علينا شلة الحرامية المتفرغين ديلاك بدرالدين واخوانوا قنوعين ناس تاكل عيش تم تجنديم من النظام للتصدي الي مناضلي النت وده شغل رسمي كان بي سرقه او بي ضراع فرقت شنو خلاس السرقه وقفت علي بدرالدين المسكين ده واخوانوا عيب عليكم خلو الناس تسترزق واحنا نفش غضبنا. يازول مبروك عليك قوقل ده لا هو اشتراكي لا حزب ام لا اتحادي اقرف منو بوشك واملأ يديك الاتنين منو واعرف سرقه من قوقل حلال عليك هو ذاتو بتاع الكفار.
طبعا انا كنت موقوف حسب اللائحه لتقويم سلوكي الشين الغريبه انت بعد سرقتك دي مافي زول جاب خبرك شوف الظلم ده كيف انا زعلان منك زي زعل ناصر يوسف عشان بتتجاهلني في مداخلاتي عليك ما بترد علي اها كده قصرت معاك, خلاس يا بدرالدين الموضوع ده اقفلوا وما تقطع رزقك بي يدك وكلنا بنحبك يا مجسمنا الرائع.عارف ليه سميتك الكلس لي برودك وروحك الرياضية وكلوا اكل عيش

البوست مقفول للاطلاع فقط

احلى بوست
ارشحه بوست 2010
والله
وختامه مسك
ههه هههه هههههه

:D:D:D:D:D:D واكااااااااااااااااااااااااااك;)

اقتباس:
المشاركة الأصلية كتبت بواسطة صالح تاجاب http://sudanyat.org/vb/images/buttons/viewpost.gif
:D:D:D:D:D:D واكااااااااااااااااااااااااااك;)


تاجاب يا صديق ازيك طلبتك بالنبي تاني البوست بتاع الاعتذار حق بدرالدين ما ترفعوهوا انت والشباب خلاس قبلنا يعني الزول ده لو مشي من هنا نقبل وين حرام عليكم انتو عايزننا نعمل مشاكل في البيت مع الاولاد والله ما طالبني حليفه المرأة قالت في سودانيات ما بتحب كان كتابة بدرالدين اسحق والاخوان في الله وكل ما القاها فاتحه اللابتوب تلقها في مواضيع الجماعه ديل وانا لو ماشوفتا مواضيعم تنبهني ليها حرام عليكم يا جماعه خلو الاسر تكون مرتاحه ومطمئنه .... اشتر زمان شال مني في الابتسامات الاثنين الببوسوا بعض ... من ليك بوسه الموضوع ده جلي :D:D:D

عباس

انا و بصراحة جدا عاوز ادخل معاك فى تحدى بسؤال

يعنى هل بدر الدين وحده هو الذى يأتى يحمل اجندة حزبو ؟؟؟؟؟؟

الأخ عباس الشريف

سلام

أبدأ ليك من تِحت .... مقفول ؟؟؟ لا أعتقد :D

في الوسط: أنا دخلي هنا شنو ؟؟ ومنو القال ليك أنا قلت بإني زعلان لمجرد سَفَه الأخ بدر الدين لمداخلاتي ؟؟؟ :D :D


فوق خااالص: إنابة عن نفسك تقبل إعتذار الأخ بدر الدين في أمر بيخُصه هوَ وليس لك الحق أن تأتي ولو .... ( مَجااااااااااازاً) متحدثاً في بإسم الجميع من أعضاء سودانيات



هذا مل لَزِم توضيحه بكامل الإحترام


ثُمَّ شئ آخر يا عباس الشريف ...

أنا ضد مداخلة طارق الحسن كلغة تحمل معاني هي في الأصل ضد لغة المداخلة تماماً

بيد أني ضد لغة المداخلة في قولها الظاهر وليس الباطن من قِبَل طارق الحسن

ياعباس الشريف مع كامل احترامى ليك

البوست غير موفق اطلاقاً ....

لاسباب كثيرة ..اهمها
اللياقة واحترام الاخر !!

يا عبس يا حبيبنا خلاص رمينا القلم بتاع إعتذار بدر الدين وفكيت دربو ولكن فقط أطالب بتثبيت البوست :D:D
ياخى عاوز أرد ليك قدوم محبة لكن بحت بحت بحت ما لقيتو :D

اقتباس:
المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif
الاخ عباس لك التحايا الطيبة :

اتمنى ان نختلف بعيدا عن التهاتر و العنف اللفظي .. الاخ بدر الدين عضو و زميل منبر و وجب ان تعطى الزمالة حقها من احترام.. يمكنك ان تنتقد و تشجب و تدحض رأيه باسلوب يبتعد عن التحقير و الاستخفاف و الازدراء و الاستفزاز .. هذا مجرد رأي و لك حق قبوله و رفضه .. كما اتمنى ان يراجع الاخ الامين العام لسودانيات او نائبه هذا البوست ان كان مخالف اللائحة و روح سودانيات و الحس و الذوق السليم .. و كما قال لك الاخ ناصر لا تتحدث بالانابة عن منبر سودانيات دون تفويض لا تملكه يا ابن العم بل تحدث باسمك و اسمك الظافر ينمو !!

و لك وافر الود و التقدير ..



حبيبنا فيصل نستأذن الناس القبلك ارد ليك وارجع ليهم.
البوست مجازي كتابات ساخره للنظام الممثل في بدرالدين والذي يحمل اجندة ومفاهيم المؤتمر الوطني الذي استخف بعقولنا منذ اول يوم في الانقلاب وداوم علي الاستخفاف بنا بانتداب كادر يتعامل معنا بطريقة الترابي في السجن والانقلاب حقوا اشيل من قوقل واقول حقوا ولو فهمك بالانابة عن سودانيات هي تفويض رسمي لشخصي كمتحدث هذا يدخل في مجموعة المنتديات السودانية التي لا تفويض لها لشخصي اما التحقير وما صاحبها من عبارات انني احقر فكر بدرالدين واستهزاء بطريقة تعاملهم معنا التي تتصف بالذكاء المصطنع وانا اقبل اعتزار بدرالدين للاسباب التي صغتها ليس نيابة عن سودانيات او المنتديات الاخري بل نيابة عن الشعب السوداني المغلوب علي امره وبالطريقه التي اعطت الحق لفكر بدرالدين بالتكلم عن الشعب في جميع الامور التي تخصه من انفصال وحوارت للمجموعات المسلحه من اعطاهم الحق للتحدث نيابة عنا .....المعترك فكري وليس شخصي بدرالدين ليس لي معرفه شخصيه معه حتي احقره.
وان رات الاداره حزف البوست ليس لنا مانع طالما هي لها الحق في اتخاذ القرار نيابة عن الاعضاء باللائحه فهذه الادراه في موقع حر ديمقراطي اخذت شرعيتها من الاعضاء الامر متروك للتداول الامين العام وصحبه كما تفضلت انت بوضع المقترح يا ابن العم

يقول الله تعالى في الآية الكريمة 11 من سورة الحجرات: { يَا أَيُّهَا الَّذِينَ آمَنُوا لا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ }
صدق الله العظيم