البشير : من يريد اقتلاع الانقاذ (يجرب لحسة كوعو )
صحيفة الراى العام : اليوم الاربعاء الموافق 29ديسمبر2010
ود مدنى :امانى اسماعيل اقتباس:
|
اذا دامت لغيرك لما الت اليك سمرمر صباح الخيرات ............ كنتاعاوزاقتبس الجزء الاخيرمن الموضوع دا لكن بس معليش والله مااااابعرف:confused: مودتي لاتحدها حدود ولاتشوبها شوائب:cool: |
بجد يا سمارة انا أمس شاهدته جزء من خطاب البشير في الجزيرة
بجد إستأت من كلام الريس ... معقوله التخبط دا وهل دا خطاب رئاسي ... مسكين كترت عليهو المصائب أصبح يتخبط ... وأكثر ما أغاظني هو الرقيص والعرضه والبلد على شفاه حفرة من الضياع ... |
(من يريد قلع الانقاذ فليجرب لحس كوعه ) كدي في الأول لآمِن نعرف الفرق بين الكُوع والبُوع بعدين يمممممممممممكِن نحاول نقلعهم حِكمتو باااااااااااااالغة :D :D :D كما تعهد بتاهيل مشروع الجزيرة وتسطيح الارض بالليزر .. ليزر إيه الجاي تقول لي عليه ؟؟؟ أحييييييييييييييييييييييا وتاني كمان أحيَا |
خطباء العرب
الشرق الاوسط اللندنية GMT 0:15:00 2009 الأربعاء 4 مارس سمير عطا الله هز المشير عمر البشير عصاه في وجه المحكمة الجنائية الدولية أمس الأول قائلا: «من يطمع في موارد وخيرات السودان عليه أن يجرب لحس كوعه». تخيلت صفا طويلا من الإمبرياليين والاستعماريين في عواصم الغرب، يقفون أمام المرآة محاولين لحس أكواعهم. طبعا خسئوا، لن يستطيع أحد منهم، حتى لو استعان بأمهر مدربي اليوغا، أن يرفع كوعه إلى فمه ثم يحاول أن يقبله، أو حسب تعبير الزعيم السوداني، أن يلحسه. هل تمت ترجمة التعبير إلى اللغات الاستعمارية؟ الأرجح، لكننا لا نعرف ما هو النص الذي اعتمد في ذلك. على أن ما يؤكد حصول فعل الترجمة هو صور اليافطات المرفوعة في الخرطوم باللغة الفرنسية دعما للسيد الرئيس، فقد اختار عمال السودان إعلان دعمهم للرئيس ضد أرنب المحكمة الدولية، باللغة الفرنسية. لعلها المرة الأولى في تاريخ العاصمة المثلثة ترتفع فيها كتابة بالفرنسية، حتى لإعلان صابون. فاللغة الاستعمارية الوحيدة المألوفة على هذا الجزء من النيل هي الإنكليزية، لغة مراسل «التايمس» الناشئ ونستون تشرشل. أما الفرنسية التي حلم نابوليون بنشرها في أفريقيا عن طريق السودان، فما تحدث بها أحد إلا لفترة وجيزة، تسلم خلالها القومندان روندو المطلوب كارلوس. في اليوم الذي دخل الخطاب السياسي مصطلح «لحس الأكواع»، وربما في الساعة الثمينة نفسها، كان نائب يقف في «مجلس الأمة» متوعدا منددا مهددا، ثم حسم الأمر لصالحه بالقول عن خصومه «كلام فاضي». تذكرت زمنا كانت فيه لغة السياسة الكويتية خطاب محمد العدساني وأحمد الخطيب وعبد الرحمن سالم العتيقي وعبد العزيز حسين وعبد الله حسين وأحمد السقاف، تذكرت وتأملت المتكلم، وقلت في نفسي: طبعا «كلام فاضي». أو أسوأ من ذلك. لماذا يمر العرب في قحط التعابير اللائقة، ولهم لغة ثرية بالمرادفات، غنية باللطائف؟ شكا الجنرال ميشال عون الأسبوع الماضي من أن حزبه يتعرض «لأبشع الحملات الإعلامية». وكان زعيم «التيار الوطني الحر» قد نعت خصومه (في ما يليق بإعادة النشر) بالنعوت التالي ذكرها: «سقايات»، وترجمتها سحالي، و«اوية» وترجمتها جبناء الثعالب، و«لقطاء» وقد قالها بالعامية اللبنانية لتعميم الفائدة، «أولاد لقطاء» أيضا بالعامية، للغرض النبيل نفسه، «هبل» ومفردها أهبل، «زعران» أي بلا أخلاق، «أوطى من بطن السقاية» أي دون بطن السحلية، «بسينات» أي قطط، «زبالة» ولا حاجة للشرح. واللائحة أطول من حيز هذه الزاوية. والحمد لله، لا يحمد على مكروه سواه. |
والله يا سمراء يا بتي عمك البشير سواهو مسيخ وأشتر ..!!
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif صحيفة الراى العام : اليوم الاربعاء الموافق 29ديسمبر2010 ود مدنى :امانى اسماعيل عندما كنت بالكويت يا سمراء .. كانت الجالية السودانية بالكويت تحتل المركز الأول لثلاثة مواسم مختلفة محتفظة بكأس الجالية المثالية .. مثلنا فطاحل من الطيور المهاجرة والعقول المتميزة .. وكان لنا شرف الإنتساب لتلك الباقة من أسد شماريخ يشار إليهم ببنان الفخر والتجلة .. كان السوداني يتساوى تلقائيا مع المواطن الكويتي في الحقوق والواجبات بل كدنا نكتسب الحريات الأربع المتاحة في مجال المواطنة وكان الكويتي يحترم السوداني لدرجة أشعلت الغيرة العمياء في عيون معظم الزملاء والأشقاء العرب .. وعندما إغتصب المرحوم صدام حسين حرمات الكويت .. كان الكويتيون يفضلون اللجوء للسودان فضلا عن كل الدول العربية المجاورة بما فيها السعودية بل كانوا يتحاشون اللجوء في ذاك الظرف للسعودية خوفا من تلاسن السعوديون عليهم وتعييرهم يوما!!.. كان حجم المعونات والإستثمارات الكويتية بالسودان..بل المنح والهبات للسودان يقارب المائة مليون دولار سنويا على كل الأصعدة .. حكومات ، مؤسسات، منظمات وحتى أفراد .. حدثني سعادة الشيخ عبد الله السالم الصباح شخصيا بنية الحكومة في جعل منفاها الإجباري .. بالسودان وعلى وجه التحديد مدينة الثغر بورتسودان .. إلا أن عمك البشير سامحه الله .. كان يدين بالفضل والولاء لصدام حسين لوقوفه بجانبه عندما إجتاح المتمردين منطقتي الكرمك وقيسان وأستولوا عليها فجاء الطيران العراقي وإسترجع هذه المواقع من المتمردين ودحرهم .. (توجد هياكل 2 أو 3 طائرات حربية عراقية ..حتى اليوم) وصدم الشعب الكويتي وحكومته بوقوفه السافر مع الظالم الغاصب المعتدي وتصبب عرق الحياء والخجل من جبيننا ونحن نشاهد مسيرات الخرطوم تهدر مجلجلة بالباطل وهي تردد .. بالنابالم يا .. صدام .. !!! تلت ذلك كل السقطات المريعة للبشير ونظامه المتهالك .. فصرنا مضغة على كل لسان وكنا في بدايات ثورة ما يسمى بالإنقاذ .. أعداء سافرين لكل الدول الحدودية المجاورة .. وحتى مصر الشقيقة .. تحضرني نكتة لاذعة بحق الرئيس حسني مبارك إذ قال وهو يشاهد التلفيزيون السوداني .. ومنظر البشير وهو ملوحا بالعصاء يرقص .. قال حسني ..محيرني أوي أخويا عمر ده .. ده أنا لو الدولار زاد واحد إرش صاغ مصري .. ما بنامش لحدي الصبح .. وحضرتو الدولار عنده وصل 2800 جنيه سوداني .. وحضرتو بيرقص أهو ..!!! ختاما لكم باقة من مقولات البشير (رئيس الجمهورية) التي تشرف:- (1) أوكامبو .. والمحكمة الدولية .. تحت جزمتي دي .. مشيرا لأسفل حذائه! (2) قالوا لينا تسلموهم لينا نحاكمهم نحن، أها أنا بقول ليكم (علي الطلاق) ما بسلم زول والرهيفة تنقد .. وصارت أرملة الشهيد هي ميزان الحكم لدينا!!!! (3) أنا والله كديســـــــــــــــة .. ما بسلمها ...! تاني يوم من تصريح (الرئيس)! كدايس البلد مرقن في مسيرات هادره تؤيد الإنقاذ وتهتف بحياة البشير..!! (4) الكديسة ياجماعة .. بنضبحها ونعمل من جلدها مركوب نلبسه ..!!!! (5) أكان دايرين الوحدة ..نحن معاكم .. وكان دايرين الإنفصال نحن معاكم!! عملت شنو يعني؟ (6) الزارعنا غير الله يجي يقلعنا .. !!! (7) الداير يقلع الإنقاذ يجرب لحسة كوعه ..!!! (*) ومنذ أن أطلت علينا حكومة الإنقاذ بوجهها القميئ .. ونحن بنجرب لحسة كوعنا دون جدوى .. سمراء .. الأحباء قولوا آميييييين .. الدعوة في السر ..! |
سمراء
سلامات نميري 1985 البشير 2010 ما اشبه الليلة بالبارحة قال ليزر قال بكرة احلى |
ابو مريومة او كما قال باسط المكي يوماً وتوثيق يحكي انبطاح وتملق لشعب الجنوب http://www.youtube.com/watch?v=4_XI2I_oqBI وضاق الزلة من شعب الجنوب وجماهير ابيي قبل يوميين اختارت الخلا من الرفيق الفسل وبكره كل ارجاء السودان ونهاية كل جبار وديكتاتور مذبلة التاريخ وصفعة كتلك التي تلقتها صورة الراحل صدام حسين والفرق بين هذا ذاك لن يكون هناك تدخل خارجي لاسقاط النظام السافل بل على خطى اسقاط عبود ونميري ومارس ماسك كتف ابريل مع التحيييييييييييية |
اقتباس:
ياخي انت.. قلت لي أوللللللللا بالتبادي..:D |
سمراء سلامات..
البخلي فخامة الرئيس يعمل كدة ياهو المواطن المسكين ده.. يتشرَد ويجوع ويموت ويعيش عيشة ضنكا.. ويسب للحيكومة وماعارف ليك شنو.. مما يقولو ليهو الرئيس جاي الليلة يقوم يمرق لاستقبالو.. نحن عندنا عقدة متأصلة تجاه المسؤولين والرؤسا.. بنشوفهم التقول ملايكة ملايكة وبعدين المواطن السوداني بالتجارب اثبت انو مجرد زول عاطفي حماسي مندفع بغير تردد.. والكيزان ديل بلعبو بامتياز علي حبل الحماس الاعمي ده.. سواء كان حماس ديني ولا عاطفي.. ودونك استقبال مواطن دارفور للبشير..؟؟؟ ياخي مؤلم الموضوع ده .. مثلا: عمر البشير يجي يقول (والله ووالله والله العظيم نحن لغير ربنا الخالقنا ده مابنركع..والزارعنا غير الله اليجي اليقلعنا) طوالي المواطن المسكين ده تشيلو الهاشمية وهاك يا الله اكبر.. بينسي ليك جوعو وفقرو وغبينتو القبيل ديك.. وويبدا الاستلاب العاطفي الديني.. نكتة: قالو ليك البت سمحة وجات ماشة بجمب مجموعة من الرجال.. فجأة كدة توبها العايزة تصلحو وقع الجزء الفوق منه.. الرجال شافو ليك الثروات الطبيعية طوالي اي واحد فيهم رفع ليك يدو فوق الللللللله اكبر.. شفتي كيف.. الله اكبر دي بقت لزمة مستبطنة في العقل الباطن .. فرغوها من معناها المراد. |
| الساعة الآن 07:48 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.