اتفضلوا فى بيت أسامة
 

[frame="5 10"]
أسامة معاوية الطيب .. وآل سودانيات يدعونكم لتصميم منزله الكائن فى قلوبكم ..
تبدأ الأفراح من هذا البوست حتى صبحية ضبيحة الخروف حين الافتتاح ..
[/frame]

الفكرة الأساسية

أخونا اسامة عاوز يصمم بيتو ..
و عندو فكرة اولية ..
نحن نشوف ( تخطيطو ) للبيت
ونناقشو
ونطوّر الفكرة
و نشوف حنصل لى شنو

بعدين نختار الواجهة
و التصديق
والمواصفات
والمقاول
و يستمر البوست حتى يوم ندخله بسلام آمنين ..

طيب أنا قلت "تخطيطو" ليه

لأنو البيت حتسكن فيهو انت و عندك خطة او فكرة تصميم

وهي كيف تعيش و كيف تدخل انت و تنوم
و كيف علاقتك مع اولادك
و كيف تستقبل الضيوف
يعنى أهلك بيدخلو بيتك لحدى وين ؟
و الضيوف .. منو البدخل لحدى الصالة؟ ومنو الحدو الديوان ومنو الحدو الحوش ؟
و علاقة المطيخ بغرف النوم و علاقتو بالصالة و الديوان/الديوانية/المجلس/المضيفة/الخلوة

علاقة غرفتك مع غرف الاولاد ..
التلفزيون وين ..
لو فى ضيوف قريبين ..اولادك تخزنهم جوة الغرف .. يقعدو يمارسوا لعبهم حتى لو ضيوف .. يعنى الضيف تضايقوا ولا يضايقك ولا عندك حل
داير سفرة منفردة ..
الناس البجوك بأولادهم و الراجل المعاهو زوجتو ..
اهلك ناس البلد .
الضيف العاوز يدخل الحمام ..( امراة أو رجل)

وبعد دا كلو الحوش ..ووظايفو ..


دا كلووووو يا معتصم ؟

اقتباس:
المشاركة الأصلية كتبت بواسطة عكــود http://sudanyat.org/vb/images/buttons/viewpost.gif

اقتباس:

سلام يا باش، ياخي عندك أفكار خلاّقة تعجب والله، واصل ونحن بنتابع ويمكن نفكّر نمد قرعتنا كمان. أسامة وينو؟

و عليك السلام يا عمدة


و شكرا

لكن لو اتطابقت بقدر ألحق بوست ( العدائية)

داك بوست أفضل من اللائحة والدستور

علي اليمين بعد قريت أسئلتك دي قت ياخوانا انا شكلي ما حا اسكن
لكن اذاكر واجيك
والبيت مفتوح للجميع

يا عكود وكيشو
ياخي دحين النشطب البرندة دي بعدين تعالو
البيت بيتكم :D
يا باش مهندس ... دا بيت كبير ... ندخل كلنا فيهو وفي تفاصيلو ... واعتقد انو كتير من الأسئلة الطرحتها دي بتكون اجابتنا عليها واحدة ... بس نختى الاوضتين الخلف خلاف :D

اقتباس:
المشاركة الأصلية كتبت بواسطة كيشو http://sudanyat.org/vb/images/buttons/viewpost.gif

اقتباس:

[justify]بختك يا أسامة[/justify][justify][/justify][justify][/justify][justify] ومن هسه بلقبك بي "عكاشة" سودانيات[/justify]

بختك يا أسامة
اول من دخلو بيتك ناس البركة

اقتباس:
المشاركة الأصلية كتبت بواسطة أسامة معاوية الطيب http://sudanyat.org/vb/images/buttons/viewpost.gif

اقتباس:

علي اليمين بعد قريت أسئلتك دي قت ياخوانا انا شكلي ما حا اسكن لكن اذاكر واجيك والبيت مفتوح للجميع

عارف الاسئلة دى كلها انت حليت 80% منها فى مقترحك و تخطيطك دا ..

ناس البركة براها ؟ ديل ناس البركة و ... اللائحة
يا باش مهندس المخطط النزلتو دا مش فيهو بقدر ما اجابة على اسئلتك عن علاقات أجزاء البيت وساكنيه وضيوفو ؟
ياخي على اليمين انا لمان رسمتو قايل نفسي مهندس مرة واحدة

اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif
http://www.sudanyat.org/upload/uploads/OSAMA.jpg


نشوف الفكرة " الفطرية" لأسامة شنو و نحللها ..

1- عاوز فصل بين الوظائف فى البيت ..
فصل الغرف كلها من موزعواحد ( LOBBY)
2- فصل ديوان الرجال و غرفة الضيف الرجالية ( زول أجواد) و عارف ضيوفو كتار .. ولو كبر الولد يقعد فى الديوان ..
3- عمل صالة للاسرة - هول -( HALL) ..يعنى الضيوف ما يزعجوا ناس البيت .. وممكن بستقبل فيها الاسر و النساء .
4- فكر فى فصل الرجال من النساء بوظائف ( الدرج - المطبخ ) ..