سودانيات .. تواصل ومحبة - الف لا باس ناصر يوسف(يا ناصر ما بصح ليك تعمل كدا)

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

الف لا باس ناصر يوسف(يا ناصر ما بصح ليك تعمل كدا)

يبدو انو الحبيب ناصر ما اتحمل البعد عن سودانيات
فتم اسعافه للمستشفى الدولي ببحري يرافقه مبر
وهو الان طريح الفراش في انتظار نتيجة التحاليل

الف لا بأس عليك ابو رحيق
شرك مقسم ربنا يشفيك

اقتباس:

خالد الحاج
Member

تاريخ التسجيل: Nov 2008
الدولة: Netherlands
المشاركات: 7,278

--------------------------------------------------------------------------------

كان القاسم المشترك في حديث كل قادم من الخرطوم ...كنت في البداية يغيظني اختياره لحجم الحروف الضخم في الكتابة... ثم انتبهت لجملة يعشق أن يختم بها مداخلاته (أخوك الما ود أمك وأبوك) ....
كل الناس أخوانه...

"ما لاقاكُن فى ونساتكُن؟

بين الشادِى وبين كاساتكُن

فى صلواتكن .. عِنْ دعواتكن

أو .. دقساتكُن عِز خلواتكُن

.. زول .. زول الله

إن مِحِن .. آ .. بِسأل

الهبّاد لى غُلبْ أخواتو

الفرّاح عوّان الحلّىِ

الفدّاع لى الليل ظُلماتو

آ نجمات .. شقيش قولن لى

ما لاقاك طالِع .. متدلّى ؟

المطيوب من طيبة أُمّاتو

كالفجّاج .. الندّ نباتو

موج البحر اللّحَمَر هوجتو

وعِرق العِرِق .. اللاّوى ثباتو

جانا الشَدر الأخَدَر منو

ونار الشدر الأخَدَر جاتو "

يلاقيك بالأحضان ويودعك بالأحضان...
يجمع الناس حوله بالمحبة ولها... أزعم أن كلمة "لا" لا توافقه ....
قلت له وأنا أسلم عليه مودعا واحساس عجيب يجاهدني وأغالبه بأن أعضه متذكرا عادة السودانيين العجيبة والسادية وهم يقرصون الأطفال بحجة "فوران الدم" ... قلت له : خليك كده طوالي...بتدي الزول إحساس أنه الدنيا لا تزال جميلة وندية....

اظن يا ناصر ما بيحق ليك تفوتنا بعد الكلام دا

ربا يشفيهو ويرجعه سالما الينا

بالله عليكم
ما بنستحمل
بالله عليكم
رفقا بحالنا
بالله عليكم
نحن في أشد حوجة لحضوركم الدائم
بالله عليكم
خافو على أرواحنا

من أول وإتو عارفين قلوبنا رهيفة
قلوبنا حقيقة وصادقة..
لمن تحب، بتعشق بي تطرف
لمن تريد بتجمع الكل في الداخل والطرف

لسنا في قدرة حتى ومن باب الهظار، تحمل آي هزة
خليك تكون زلزال
ناهيك تكون بركان

لن يهدئي هلعي إلا رد من أبو رحيق
ولن يسكن جزعي إلا رد قاطع من الحبيب، الأخ، الإبن والصديق

الكتابة بالبونط الكبير دآ، لأنه حصري ناصر يوسف والرد حتى لو باللون الأبيض وبنطيهو 1 !!
بكفيني :cool::cool:

شفاك الله يا ابو رحيق .. !!

أجر وعافية يا جميل .. !!

تحياتي

الف سلامة للاخ ناصر
شنو ياناس المنتدي سحروهو ولا شنو
ربنا يشفي الجميع

كفارة و أجر و عافية ليك يا ناصر ، لا بأس عليك إن شاء الله

ألف لا بأس عليك يا ناصر..
أجر و عافية ان شاء الله ..
نتمني نقرا ليك حرف في البوست دا ..

______

شكرا نبراس

[justify]لابأس عليك يا ناصر يا راجل يا أمير
اللهم اشفه شفاء لا يغادر سقماً[/justify]

الف سلامة للاخ
ناصر
وعاجل الشفاء يارب
نبراس شكرا

ربا يشفيهو ويرجعه سالما الينا....salamtu Nasir!!

سلامات ألف ألف سلامة عليك يا ناصر. أجر وعافية إن شاء الله.

الف سلامة يا ناصر يا غالي...

‏
يا ملاك يحيا بيننا.

شكرا نبراس.

ناصر !!
والله ماقادرين ....كفانا يانصور
عليك الله امرق ياخ :o:o

__________________

لحد الان مرضانا هم

خالد الحاج
بابكر عباس
مبر
احمد زين
ناصر يوسف

والبقية وجع قلب وحريق دم من مرض الناس ديل

الفوق ديل التهابات بس الحمدلله ...بسيطة
ونتمنى من المولى عزوجل ان يلطف بحبيبنا وخالنا وابونا خالد الحاج يارب

وياناصر عليك الله قوم ....

سلامتك يا ناصر وألف سلامة ..

عارفك وعارف جريك وناسى نفسك ..

ربنا يديك العافية وترجع لينا غصبن عنك .. على كيفنا نقول النقولو وأنت تقبل بيه .. ;)

ربنا يطمن عليك البنيات وأمهم

هيااا عشا البايتات وجمل الشيل

وقعته

الله يكون في عونك ويرفعك

دعواتنا ليك بعاجل الشفى

ربي يطمنا عليك يا ناصر