تبت يــداك يامــــوت
ابكيك؟ و وين القى الدموع ؟ ياريتا من بعدك تفيد
كل تسجيل دخول للبورد اصبح مأتم وكلما كتب أحدهم شيئاً رأيتك ياخالد كلما كتب ناصر يوسف رأيتك بين كلماته كلما كتب عكود رأيتك بين كلماته كلما كتب بابكر عباس رأيتك بين كلماته كلما كتب عبدالعزيز خطاب أو الجيلي أو سارة أو أو أو .... رأيتك مبتسماً بين سطورهم لازال صوتك يرن في أذني والكحة اللعينة تسبق كلماتك حمدا لله على السلامة ياخال معاك زول الله من الرياض اوووو كيفك ياولدنا ان شاءالله طيب كيف اطيب وتطيب ايامي والمقام وانت مافي؟؟ شقيقك وشبيهك المتصوف المبارك مبارك الحاج قالدته طويلاً في السلام والعزاء وقالدته طويلاً في الوداع كأني أقالدك ياخالد كانت الفاجعة كبيرة ولازالت ياودالحاج وستظل كبيرة الى أن يقضي الله أمراً كان مفعولا رحمك الله وغفر لك واسكنك جناته مع الشهداء والرسل وألبسك ثوب الطهر ونقاك ووسع مدخلك انا لله وانا إليه راجعون إنا لله وإنا إليه راجعون إنا لله وإنا إليه راجعون إنا لله وإنا إليه راجعون قام تاني واحد فينا فات والشوق نزف واضيعة الأمل اللي مابانت ملامحو ولا إتعرف جايينا من الغربة من بلد الشتات شايل معاهـ كوم أُمنيات أدانا كم إحساس جميل و أحلام ترف ومن قبل مايقول هوي سلااام نزلت وداعاً دمعتين ولمحنا في كل الدروب الموت وقف تبت يداك يا موت وقف تبت يداك يالاصلو ماهاديتنا يوم ولا مرة ليلك لينا بالافراح يجود من بعدما شربت خطانا شقى الألم وحلفنا آلاااف القسم ليك مابنعود الليلة بس ... قام تااااني واحد فينا مات والشوق نزف وا ضيعة الأمل اللي مابانت ملامحو ولا إتعرف ودالشيخ / الرياض اقول قولي هذا واستغفر الله لي ولخالد الحاج .............. |
اقتباس:
|
تانى قام زول جميل مات
تسلم اخوى ود الشيخ |
اقتباس:
قام و ما قام فات و ما فات لسه بيراوغنا اليقين اقتباس:
ربنا يرحمو و يجعل جنة الخلد مثواه أحسن الله عزاؤكم زول الله |
زول الله
اعزى نفسى فيك ما دايرة ارجع للوجع ...بس الوجع مزروع وتد والدم بينزف فى كل مرة نسوى شنو ياخلف؟؟ نسوى شنو ياود الشيخ ؟ بس عزانا الوحيد انو الخال " فكرة" ...ماجسد |
اقتباس:
وفينا ما غرسه خالد من جمال هنا يغطي الأرض سماحةً وبينهما تلال من الفجيعة جيجي ... جعلها الله آخر الاحزان و أول خطوة لي قدااااام اقول قولي هذا واستغفر الله لي ولخالد الحاج ................ |
اقتباس:
كانت زيارتنا لكم خير عزاء لنا اخوة كرام صناديد تغطو عين الشمس احسن الله عزائكم عزاءنا جميعاً وعزاء سودانيات في عمودها وعمادها اقول قولي هذا واستغفر الله لي ولك ياخالد الحاج ............. |
| الساعة الآن 03:23 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.