مالو زي التقول فيهو عرق؟!
 

محاضر بالجامعة خطب بت عمي و مشينا الخطوبة و بعد طلعنا من بيت عمي
أمي سألتني: مالو التقول العريس دا فوقو عرق؟
قلت ليها أبدا ما فيهو عرق غريب خالص، الراجل أصيل من قبيلة الزغاوة
نحن إحتمال يكون فينا عرق عرب
هسع انتي يمة لونك الأسود دا جاي من وين؟ أوعة تقولي لي حبوبتك العباسية إتمسحت بالسكن... و الله يمة لو الدكتور دا عب، انتي ذاتك خادم عديل
قالت لي: هوي يا ولد نحن وديناك الجامعة عشان تجي تتفلسف علينا (الغريبة تتفلسف دي نطقتها دون العادة بشكل صحيح)؟
قلت ليها: أيوه، المدرسة بتعلمك منطق الاشياء، و أنا لازم أعرف الخلى لونك الأسود دا لون أسياد وسواد التانين لون عبيد شنو؟

أولاد خالتي طوال و سود و نحيفين و شعرهم أجعد، لكن بقدرة قادر نحن في السودان مصنفين تصنيف جيد حسب بعض قبائل الشمال..
المهم خالتي التانية كل مرة تجي داخلة بيت ناس خالتي الأولى و تقول لعمر ولدهم:
عليك الله يا عمر تعفي لي
عمر: عافي ليك يا خالة، في شنو؟
- الليلة في شارع الجمهورية لفتّا لي دينكاوي قايلاهو انت..

صورتك الرمزية دي
زي التقول فيك عرق يمني:D

الأخ بابكر
يسعد صباحك
برجع للبوست برواقة

روضة بكور
لتعليم الاصول:p

اعتاد " سعيد " أن يبدأ يومه بعد أذان الفجر ... لم يكن يصلي ولكن " الطابونة " تبدأ يومها مع الأذان ... يقاطع نسمات الفجر برائحة الخمر المتفلتة ... يرسم ابتسامة لا تحمل أي معنى على وجهه وهو يرفع رجليه عن الأرض ويضربهما بها في إيقاع النوبة الذي يسري في دمه... يداه يسيران أمامه معا ويرجعان معا ... وكأنه يفعل شيئا آخر غير المشي ... يعض لسانه دائما حينما تمر أغنية ما برأسه ... ويدندن بها في لحن من خمر ... عيناه مغمضتان على بقية حمرتهما يكاد لا يرى ولكنه خبير بالطريق التي تعرف خطواته جيدا ... يلفّ على رأسه عمامة بالية ... كان طويلا ونحيلا يحكي عن قوة عظيمة مندثرة ... كان جده مملوكا للعمدة ولم ينعتق هو من لسان حال القرية ... يدلف للطابونة في أيامه المكرورة وكأنه يسمّع نشيدا أجاد حفظه بعد الفجر بقليل والديكة تنثر عليه صياحها النعس ... يظل بها حتى العصر ... ويخرج عند تكبيرة الإحرام التي تغيبه عن عيون المصلين ... منقطع عن الناس ... الناس هم المقطوعون عنه ... يسمونه " سعيد العبد " ... ويردد تحت أنفه المهمل وهو يبتسم "كلنا عبيد الله " لكنه كان عبدالله والعمدة .
...........
............
شجرة الذاكرة

كانت الحياة تنهكه بسعيد العبد ... ليت الموت يريحه ... ليته يمنحه القدرة على نومة طويلة تباعد بينه وجراح الحياة ... وشظف تطلعه للزواج حين كان يبكي للعمدة رجولته المهدرة تحت شخير الغفوات المتقطعة ... كان يرجوه وهو يحشد نبضات كل عضلة ما بين صدره ورجليه أن يزوجه "خديجة بت العجب" ... مملوكة هي الأخرى للسان حال المجتمع تخدم في بيت زوجة العمدة الثالثة ...
- بس داير أجيب لي ولد يمرق أسمي ...
أي اسم هذا الذي كان يود مروقه ؟ سادر في كل هذا الدخول لقوقعته ويريد أن يحمل طفل جديد وزر تواريخ تسكعه في اللاشيء ؟ يالغرابة الأبوة المجنونة ... يالفطرة الكون المفجعة
- انت اسمك مارقو لي شنو ؟ الله لا مرقو ... العرس يودر مروّتك دي يا عبد ... غور كدي من قدامي ... تحرق أذنيه القهقهات خلفه
يبعده الموت عن مجرد التفكير في طفل يحمل اسمه ... اسمه الذي ما كان يقوى هو على حمله ... يغمض عينيه الحمراوتين على مشاهد من دم وهو يملأ القراب لأعراس الجميع ... يمزق شفاهه الغليظة بأسنانه ... ويملأ جوفه بالحسرة والعرق البكر
يتمدد الآن ولسان جراحه ينشد شعرا من دم ... وموت
لم يتكوم في منتصف السرير مثلما كانت عادته ... ربما لأن الغطاء الآن كاملا ... لأول مرة يشمل غطاء واحد رأسه ورجليه ... كان دائما برده وحره أكبر من أثمال غطائه ... نعم كان سعيد طويلا جدا ... طوله مترين ... ولكن هل كان لابد له أن يموت حتى يطال الغطاء رجليه اليابستين ؟
من أغمض عينيه ؟ هي هذه اللحظة بالذات التي تمناها ... أن يتمدد على طول متريه في سرير العمدة ... احضرو سريرا من منزل العمدة لأن بقية أسرّة القرية أقصر من طوله الذي لم يجلب له غير القصر بين الناس ... يشمله الغطاء وينام لا يوقظه واجب ينتظره أو ذباب يتسلق أعمدة رجليه المنهكتين في لزوجة لديحة؟ ... تجتمع القرية كلها حول رقدته ولا يجرؤ أحد أن يملأ غرف أذنيه بسعيد العبد؟ ... هي هذه اللحظة بالذات التي لم يرسم ملامحها في صفحة عقله المطوية ولكنها جاءته هكذا بقدر أرضي وسماوي ... ولكن هناك من أغمض عينيه ... هناك من حرمه منها
.........
........
شجرة الذاكرة

نحن مشوهين بدرجة ما
ما لايسمح لنا بالحديث كثيرا مع أنفسنا ... لأننا نغني بلسان ... ونصلي بآخر ...
هل فينا - كل اعضاء المنتدى والزوار حتى - من لم يفكر بأمر كهذا بانفصام ؟ وازدواجية ؟
مشوهين نحن ياخي

يا سلام يا بابكر ياخ
أي ياخ حافظ لينا شوية علي كرامة وجه مبر الشايف فوقك شيء نحن ما شايفنو :D
بهظر ياخ

تعرف يا بابكر أنا وسط اخواني وأصدقائي مسميني الحلبي نظراً لتفتيح بشرتي شيئا ما ، لكن تعال شوف هنا اصحابي الفلبينيين مسميني نيغر وباقي الجنسيات العربية بنادوا لي بي يا أسود

أها أسي دي يقولها عليها شنو؟!

بعدين ياخ أنا لي فترة محيرني سؤال ما هي الاسباب التي جعلت تفضيل اللون الأبيض علي اللون الأسود؟!


-------
شكرا يا اسامة علي النص المجنون دا

شوفوا تاني ما في زول يتكلم فوقي
العرب الاصليين قالوا: أنا بشبهم
أنا من زمان كايس قربك* يا بدور

*بهظر زي بتاعة وجدي

من غير عنصرية كدا:
مداخلتك إنصرافية

أسامة معاوية
كيفك يا جميل؟
يا أخي مداخلاتك الخطيرات ديل: بخلني أتنازل ليك عن حقوق ملكية البوست دا
المايكرفون معاك

تعرف يا فتحي أول مداخلة لي بابكر بتعتبر أقوى مسمار لتثبيت ملكية بابكر للبوست دا

ياخ المداخلة دي بالظبط هيت زا نيل أون زا هيد

غايتو بابكر اتقطع فوقها
يعني من الاخر كدة المداخلة دي محتوية علي الموضوع كلو ... وما غير ذلك بكون كواسة في التفاصيل