قصيده سودانيات : شعر بروف معز عمر بخيت ...
الشاعر البروف معز عمر بخيت كتب قصيده جميله حول موقع سودانيات
صراحه اعجبني النص ..وهو بينكم الان .. التحيه للبروف ولاسره سودانيات ..لكم جميعا عميق المحبه ,, |
سودانيات.. يا وطن الحلم الساكن في النجمات ومساء الورد الأجمل وأحلى على الغالين وعلى الحلوات ونسيم العافية النضّر فينا حنين غنوات.. يا ليل ممهور بعشا البايتات يا ريحة الصندل والإحساس الأخضر يانع والآهات الساكنة صدور النفس القايم لمن غابت لحظة وجات سودانيات.. يا نبض العلم الرفرف في آفاقنا ووزع لينا الضو شربات بين ميعادنا الصاخب همسو بين ريحان نادي ورايات يا أعلى منابر قامت لمّت سقف السما واتمدت فينا طريق وثبات أيامك حلوة وناسك عافية وشوقك موت وحنين ما مات ولمن غبتي القمر اتدسى في راس البيت والبحر اتاوق لينا وفات حزنان الموج والصدف استشهد وحتى حفيف الشجر اتحنط في الغابات وخريف الفرحة الكان مزروع في المطرة دعاش نجوى وآيات اتضارى بعيد في رمل السكة وتاه في الشارع وفي سِكّات يا الليل النايم وصبحك شايل في أكتاف الضحى لحظات «ممكونة» بحبك من سنوات من قبل ولادتك ومن طلاتك في دنيانا ومن طلعات ولمن جيتي رجعتي مليتي حياتنا مسرة وجلسة امتدت لي جلسات مليانة غناوي الإلفة العايشة حنانك ساعة بتقعد بالساعات في عيونا بترسم شوق الدنيا عليه الريد ينساب نغمات سودانيات.. محسوبة حياتنا وكل دروبنا في لمحة بعدك بس خطوات حرف السين والواو والدال وحرف الألف النون الياء والألف التاني، التاء بالذات.. بتغني وتربط في الكلمات وتضوي شموس ونهار محروس بي وهج الطلة وضي شمعات.. سودانيات... ما تبعدي يوم في لحظة تغيبي عن الساحات خلينا نعيش في وجودك دنيا وقصة حب ونعيم وسبات خلينا نعيش في وجودك دنيا وقصة حب ونعيم وسبات.. سودانيات.. |
سلامات محمد على
و بقول لبروف معز ايها الطبيب الانسان نحنا بنريدك |
سبحان الله
|
تسلم يا محمد على ويسلم دكتور معز
على الكلمات الجميلة جد |
اقتباس:
كان جميل لو حدّدت لينا كاتب القصيدة ياتو فيهم..؟؟ الشاعر ولا البروف..؟؟ ـــ بابكر عباس دة أهم زول في سودانيات، والغريبة ما شايف إسمو في القصيدة..!! المهم.. نشكر الشاعر معز عمر. وشكراً ليك يا فطن. |
|
اقتباس:
دا البيرفع الضغط للرويعى هههههه |
شكرا على إحساسك الجميل يا بروف يا أنيق
|
| الساعة الآن 07:28 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.