أسهل وأجمل برنامج لتحويل كل صيغ الصوت إلى mp3
السلام عليكم
كثيراً ما تقابلنا مواد صوتية بصيغ مختلفة عن صيغة الmp3 المشهورة والتي تعمل بها كل الأجهزة الصوتية جمال هذا البرنامج هو في بساطته ما عليك الا سحب الملف المطلوب (أو عدة ملفات) وتركه عند المستطيل ثم تضغط على start سيقوم البرنامج بتحويل كل الصيغ المستعصية (مثل ملفات الريل بلايرram ) وملفات اليوتيوب (flv) وبالطبع الصيغ الأخرى مثل (wma) و(wmv) ...الخ ثم وعندما سينتهي سيفتح لك فولدر الoutput الذي يحتوي على الملف بعد تحويله وبس :):) ... أنظر للصورة .... http://www.sudanyat.org/upload/uploads/reeza.jpg .... |
|
البرنامج شكلو فعلا تمام التمام
بس ياريت يادكترة لو شرحت لينا الحقول الفوق ديل يعنى نتعامل معاهن كيف !؟ *براك جبتها لى رويحتك دى :D |
سلامات الزول
متشكرين بالاعلان سبب في زيارتنا هنا قسم يستحق الطلة كل فترة |
اقتباس:
الحمد لله الجاب اعتراف جاهز loooollooool ... سمورة حبابك تاني عايني البرنامج ده انا مخصوص جبتو لأنو ساهل وما بيدي فرصة لأي استفسارات دحين الحقول الفوق ديل كلهن يهدفن لحاجة واحدة تحسين مستوى وجودة الصوت بس ده تمنو حجم أكبر للملفات وبالتالي صعوبة وبطء في التحميل يعني كلما زدتي الBitrate كلما زادت جودة الصوت وكلما زدتي الRate كلما زادت جودة الصوت واستعمال الاستيريو قطع شك افضل من المونو عموماً الأرقام الديفولت دي مثالية وكمان لو عايزة مزيد من الشرح المبسط أنقري على علامة الاستفهام الفي الركن دي .... |
الزوول السمح الفات (الصغار) والقدرو looool
ياخ شكراً كثيراً .. برنامج خفيف وعملى وحل كل المشاكل .. وكده رحلت الميديا كلها للعربية والصيف دخل .. سلامات ياخ |
اقتباس:
عباس عباس إذا احتدم الوغى *** والفضل فضل والربيع ربيع ... عشان تعرفوا كنتوا جادعيننا ساي :):) ... |
اقتباس:
شكلها الحكاية وسعت أوي يا جدعان صاحبي المقدس شخصياً صباحاتك ورد وشكراً للبرنامج القدر يحل ليك بعض من المشاكل ويسعدك و كما قال محمد مصطفي ( ما أنا) اقتباس:
|
الزوول تحيّاتي..
ياخي الحكاية وقعت لي في جرح لو تعلم.. فعلاً كنت محتاج ليها.. ده الكلام.. مزيداً من الإسعافات السريعة. شكراً ياخي. |
يا سلام عليك يا عوض ..
ياخى ده برنامج بسيط وأكثر من ممتاز .. فى فترة وجيزة قدرت أحوّل كل الرام والفيديوالعندى إلى mp3 format .. http://sudanyat.org/vb/images/icons/icon14.gif لك كل الشكر يا عزيزى |
الزوول سلامات،
أوّل حاجة شكراً على محاولة تثقيفنا. تانياً، ليه ساعة أحاول أنزّلو بيقول لي لازم إشتري WinRar licence؟ و الحكاية دي ما مع البرنامج ده براهو، مع برنامج "تيونز أب يوتيليتيز" الكان نزّلو أمين بشاري برضو. دحين عندك واحد من حلّين: 1- تديني هنا (على المكشوف) رابط برنامج وِن رار، أو 2- تجيني باكر (على المغطّى) تنزّل لي الشي ده. دبّر حالك. |
ا
اقتباس:
.... غايتو التانية دي مفضلة مع كمية المغريات الفيها من شاي وتمر وما إليها :):) ، لكن نخليها احتياطي فكدي نجرب الأولي... وها هو البرنامج على هذا الرابط والفضل فيه للأخ خالد الحاج عليه الرحمة ... http://sudanyat.org/Khalid/WinRARWith-Keygen.zip .... وهذا رابط الموضوع الكامل جديد سودانيات- مكتبة ضخمة لتحميل /برامج/ألعاب/أفلام |
يديك العافية يا زوول يا ظرف لكن السريال نمبر وينوووو
|
اقتباس:
رفيق الدرب صديقي ود البيك أفوو :):) الزيكم يشكروا كيفن ديل بس يأمروا أمر ... تعرق يا ود البيك نكتة الزول البخيل المعاهو اولادو اثنين عندهم زراعة على الشارع شغالين يسقو فيها مواعيد الفطورجات بس ختو الصينيه كدى .. جا واحد شايل كيس في يدو وماشي لما شافم جا قعد معاهم الضيف اكال اكل مبالغ فيهو بس لقمتين والتالته الصحن بقى فاضي ،،، غسل يدينو وشرب ووقف طوالي وبدأ يسأل من منطقه بعيده منهم الزول طبعاً مغيوظ قال ليهو : غايتو لو مشيك زي اكلك الشفناهو ده هسسسسسسسع تصل :):D:) ... أها يا ود البيك لو كانت شرايطك زي صورك قطع شك دي ثروة ضخمة :):D:) ... |
اقتباس:
حمد لله على السلامة يا ياسر وحبابك بعد ما تنزل الفايل المرفق طبعاً هو مضغوط بعد تفكو تلقى فيهو فايلين واحد فيها البرنامج والتاني السيريال نمبر تحياتي .... |
| الساعة الآن 12:49 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.