شكراً ليك ..ما قصّرت..رديت الجميل بى ضَرَّة
[frame="7 90"]شكراً ليك ..ما قصّرتَ ... رديت الجميل ... بى ضَرَّة
وخليت الوجود في عينى أضيق من خرم إبرة صبرت معاك صبر أيوب ...وعشت الحلوة والمُرّة وليك فرشت حرير إحساسي فوق جمر المعيشة الحَرَّ لُمّن ضاق عليك سودانّا ..قلت الفَرّة فيها الدَرَّة سولبت البيلصف فوقي فيزا ..عشان تسافر بَرَّة شكراً ليك عين الناس ملاني شماتة ..صابت قلبي بى نَظَرة وقبيل ما تنسى إنو زواجنا كان ضد رغبة الأسرة حاربت الوجود بى حالو ..قلت أنا بيك منتصرة فقدت حنان أعز عزاز ..بقيت مقطوعة من شجرة شكراً ليك لكن د انت لا راعيتو لا أديتو مثقال ذرة أول حاجي ..خنت عهود عليها بصمت بالعَشَّرة هنت عليك زي ما هان العيش والمِلِح والعشرة لما الدنيا بسمت ليك والمال في إيديك جَرَى شكراً ليك وينا وعودك الخلابة وكتين حانت السَفَرة كلها بس شهر شهرين ..تبعت لي اجيك عُمرة في بيتنا الملك ننجمّ ..نرتاح من شقا الأُجرّة مليتو سماي سحاب ورعود بروق تشلع بلا مَطَرة شكراً ليك يعوضني الله في دهبي وفي تعبي الصِبح حَسْرة اتمحقت معزتي ليك ..ريدي معاك طفش بَرَّة خلاص اعتقني من سجنك ..خليني اللعيش حُرّة وخلي جراحي للأيام ..يبقى مع الزمن تبرا شكراً ليك [/frame] .... [media]http://www.sudanyat.org/upload/uploads/shkran_leek.mp3[/media] .... |
ياسلاااااااااااااااااااااااااااااااااااااااااااااا اااااااااااااام يا الزوول
|
شكرا يا الزوول |
اقتباس:
صباحك خير يا عِبْس بالله عليك الله شفت الإبداع في الشكوى ده كيف والتصوير البديع كدى تآمل البيت ده سولّبت البيلصف فوقي فيزا ... عشان تسافر بره تعرف سولب دي يا عِبْس بيستعملوها بس مقترنة بسلخ اللحم وكمان أبت تستعمل كلمة دهب بل أشّارت ليهو بالكناية ( البيلصف فوقي) عشان تورينا انها انتزعت ذهبها العزيز على نفسها كأنه قطعة من لحمها مقابل ماذا؟ مقابل فيزا تشتريها له ليتمكن من السفر فعلاً يا سلاااااام ... |
اقتباس:
|
اقتباس:
بكى صاح ياخ والله خائن كان على الافل يعوضها دهبها الغريبة كنت بحضر لي في برنامج اجنبي سالوا الزوج والزوجة عن عمر زواجهم قالوا18 سنة واحدة من الحاضرين قالت باستغراب -معقول زول يعيش مع واحد18 سنة ومايزهج:p حقيقة طبعا الاغنية دي بتصور وضع طبقة معينة من المجتمع وثقافة معينة لمرة ربيت على ان تكون رزينة زيادة عن اللزوم دون دفاعات فكان سبيلها استجداء عواطفه بطريقتها المدعقة في البساطة:mad:... ورجل له تطلعاته التي ربما حجمتها الحوجة يوما او كانت نتاج ثقافات جديدة اضيفت |
اقتباس:
حباب فجر المشارق شفت العكلتة دي كيف؟ :) تغيرو ولا ما تغيرو نحن ناس قديم شكراً على مرورك ... اسمر يا فجر أمووووت وأعرف الخاتيهو في توقيعك :D:confused::D الممنوع من بروكسي الأمارات شنو !!! ... |
اقتباس:
أسمر توقيعو غنية ( الشمّات يعاينولك) شعر صدّيق محمّد طه .. بصوت يعقوب تاج السر .. ولمحبّتي الغريبة والمتأصّلة لهذه الغنية (الشمّات يعاينولك) ..سكنت هذا البوست ..وحاليا بسمع فيها ..وماشغال بي (سقيد)ك دا الشغلة .. جعفر السقيد دا لو غنّا ( الود ) ما ح ينبلع لي ..وسبحان من نوّع المزاجات .. الجدير بالذكر وبما إنّي خربت الكلام فأنا كمان ضد كل اغنياتنا التي عاملة فيها عندها رسايل إجتماعيّة ..منذ ( بت البلد) مرورا ب(حوّاء) و(حسّان الإنسان) .. ولا أستثني ( حبّي أنا ليك كان زادي ) إتسلف ..:) ___ طلعت ما بتعرف تكسر البروكسي يا الزوول ؟؟ أمّال شنو شابكنا أليكسا ..ورانكنغ ..وبتاع .. إنّا لله ياخ ..:) |
اقتباس:
طيبان حبابك باقيلك نحن البروكسي ساعينو عشان نكسربو توقيع فجر المشارق؟ ما تتصلح معانا يا زول ..:mad: وازيدك من الشعر بيت تقني كلما زاد استعمال البروكسي *** كلما زادت نسبة اكتشافوا وحجبو اها ... لقيتني كيف بالله :):D:) .... اقتباس:
تصدق يا طيبان اتفق معاك في معظم الكلام الفوق ده قليل من الغنا بتاع الرسايل الاجتماعية هو الجيد والباقي ركوب للموجة ليس الا أمثلة جيدة للغناء الأجتماعي الجيد حبي أنا ليك كان زادي يمة (ودجبارة) يمة التانية ( عبد الرحيم أرقي) جوابات ست الدار (النصري) لسان الحال (السقيد الماهو عاجبك ) والغنيي الشغالة دي ( السقيد الماهو عاجبك ده ) :p .... مناسبة رفع الأغنية أعلاه هنا عندها قصة عجيبة ما عارف احكيها هنا ولا في الخاص غالباً في الخاص ..لأنو في ناس كتار جزء من القصة متابعين البوست ده :) .... |
اكيد هذه الاغنية ياالزول اصابت كثيرات في مقتل..looool
كثيرة زي القصص دي بس بلسان وكلمات الشايقية عندها طعم تاااني شكراً لهذا الوجع الجميييل |
اقتباس:
يا جيجي حبابك صعب نسقط أفكارنا وتصوراتنا لما يجب أن تكون عليه المرأة في مكان ما وزمن ما ومجتمع ما على مجتمع مختلف له مقاييسه الخاصة وله مفاهيمه المختلفة وما فعلته هذه المرأة كما حكت على لسان الأغنية يعد ثورة بكل المقاييس في ذلك المجتمع اسمعي إن شئت وقبيل ما تنسى إنو زواجنا كان ضد رغبة الأسرة حاربت الوجود بى حالو ..قلت أنا بيك منتصرة فقدت حنان أعز عزاز ..بقيت مقطوعة من شجرة .... اقتباس:
إن شاء الله ما تكوني شايقيي وإلا كلامك الفوق ده يزيد علينا الإشاعات المغرضة برانا ماني ناقصين :(:( .... .... |
بعض المغتربين
ما ان يخت رجله في المطار حتى تلتبسه حالة عجيبة يعتقد ان هذا المطار الفسيح له او الطيارة النزلت لتوها دي جاء سايقا هو يتنكرلواقعه ويدخل في شخصية تانية مع اكتشافه ان الاغتراب ليس به فلوس لهذا الحد لكنه يصر ويفكر في واحدة صبية قال يربيها على يديه صاحبنا دا ناكر جميل كتار للاسف زيو الزول تسلم اخوي |
اقتباس:
حبيبنا الزوول الداتر سلام الاغنية من المستحيل تنزل من التوقيع الفلاشي ولو داير الرابط بتاع الاغنية قول عووك وانا بجيبو ليك تحياتي |
اقتباس:
وشكراً مرورك الجميل مرافينا ذكريني لما أقابلك احكي ليك قصة البوست ده :):) .... |
اقتباس:
حباب عبد المنعم النفس البشرية من الغموض بمكان بحيث يصعب فهمها كثيرا ما ترى أشياء من أناس تفاجأ بها ولكن غالباً هذه الرغبات تكون كامنة في النفس ولكن الظروف لم تساعد على اظهارها وتظهر بصورة طبيعية حالما تزول تلك الموانع ... هذا الكلام عبرت عنه بصورة بليغة الأخت جيجي في مداخلتها اقتباس:
وافر شكري ... |
| الساعة الآن 02:06 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.